Datasets:

NorHsangPha

/

shan-news-ssppssa_org

like 0

2024-09-05T07:40:05

https://ssppssa.org/2024/09/sspp-ssa-%e1%81%b8%e1%80%90%e1%80%ba%e1%80%b8%e1%82%81%e1%80%b5%e1%80%90%e1%80%ba%e1%80%b8-%e1%80%95%e1%81%a2%e1%80%84%e1%80%ba%e1%81%b5%e1%82%85%e1%80%9d%e1%80%ba%e1%82%88%e1%82%81%e1%80%95%e1%80%ba/

SSPP/SSA ၸတ်းႁဵတ်း ပၢင်ၵႅဝ်ႈႁပ်ႉႁူမ်ၸူမ်းတွၼ်ႈ တပ်ႉသိုၵ်း (သႅင်ၵႅဝ်ႉ) ၶဝ်ႈမႃးႁၢပ်ႇထၢမ်းၼႃႈၵၢၼ် ၶိုၼ်း ၼႂ်းပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး

ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆး ၊ တပ်ႉသိုၵ်းၸိုင်ႈတႆး SSPP/SSA ၸတ်းႁဵတ်းပၢင်ၵႅဝ်ႈ ႁပ်ႉႁူမ်ၸူမ်းတွၼ်ႈ တပ်ႉသိုၵ်းၵူၼ်းမိူင်း (သႅင်ၵႅဝ်ႉ) ၶဝ်ႈမႃးႁၢပ်ႇထၢမ်းၼႃႈ ၵၢၼ်ၶိုၼ်း ၼႂ်းပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈ တႆး သေ မီးၽူႈၶိုၼ်ႈပၼ်ႁႅင်း ၸမ်ႁဵင် ၼႆယူႇယဝ်ႉ။ မိူဝ်ႈၼႆႉ လိူၼ်သႅပ်ႇထိမ်ႇပိူဝ်ႊ 5 ဝၼ်း ၶၢဝ်းယၢမ်း ၵၢင်ၼႂ် 8 မူင်းၼၼ်ႉ ငဝ်ႈငုၼ်း SSPP/SSA လႆႈၸတ်းႁဵတ်း ပၢင် ၵႅဝ်ႈ ႁပ်ႉႁူမ် ၸူမ်းတွၼ်ႈ တပ်ႉသိုၵ်းၵူၼ်းမိူင်း(သႅင်ၵႅဝ်ႉ) တပ်ႉၸုမ်းမၢႆ(3) ဢၼ်ၶဝ်ႈမႃး ႁၢပ်ႇထၢမ်းၼႃႈ ၵၢၼ် ၶိုၼ်း ၼႂ်းပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး ၼၼ်ႉသေ တၢင်တူဝ်ႁူဝ်ပဝ်ႈလူင် ၸွမ်သိုၵ်းလူင် ပၢင် ၾႃႉ လႄႈ ၽူႈယႂ်ႇၵူၼ်းလူင်ၵေႃႇမတီႇငဝ်ႈငုၼ်း ၊ ပေႃႈမႄႈၵူၼ်းမိူင်း ၊ ၸုမ်းလုၵ်ႈႁဵၼ်း ၼေႃႇတႅၼ်းၶိူဝ်း ၊ ၸုမ်း ၾၢႆႇပၢႆးယူႇလီ ၊ ၸုမ်းၼၢင်းယိင်း ငဝ်ႈငုၼ်း ၊ တပ်ႉၼၢင်း ႁၢၼ် ၊ ၵူႈတပ်ႉၵူႈႁွင်ႈၵၢၼ် ႁူမ်ႈသဵင်ႈ ၽူႈၶိုၼ်ႈ ႁွတ်ႈ ပၼ်ႁႅင်း မီး (987) ၵေႃႉ ယူႇယဝ်ႉ။ တီႈၼႂ်းပၢင်ၵႅဝ်ႈၼၼ်ႉ မီးၸွမ်သိုၵ်းလူင် သိူဝ်ထႅၼ်ႈ ၽူႈ ၼမ်းၼႃႈထီႉ(1) ပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်း ၸိုင်ႈတႆး မွၵ်ႇလၢတ်ႈၶေႃႈၵႂၢမ်း ပိုတ်ႇပၢင်ၵႅဝ်ႈ လႄႈ သပ်းလႅင်းၼႄ လွင်ႈၵၢၼ်ၽွမ်ႉႁူမ်ႈ ၵၢၼ်တေႃႇသူႈ ၽူႈၶဵၼ် ၸဵမ်ၸိူဝ်းၼႆႉ ယူႇယဝ်ႉ။ ၸွမ်သိုၵ်းလူင် လွႆမၢဝ်း ႁူဝ်ပဝ်ႈလူင် တပ်ႉသိုၵ်းၵူၼ်းမိူင်း (သႅင်ၵႅဝ်ႉ) မွၵ်ႇလၢတ်ႈၶေႃႈၵႂၢမ်း သပ်းလႅင်း ၼႄ ၼႂ်းၶၢဝ်းယၢမ်းပူၼ်ႉမႃး လွင်ႈတၢင်း ဢၼ်ယၢမ်ႈလႆႈ ယူႇႁူမ်ႈၸွမ်းၵၼ်မႃးပဵၼ်မူႇၼိုင်ႈၸုမ်းလဵဝ် သေ ဢိင် ၼိူဝ်ငဝ်းလၢႆး ၵူႈၾၢႆႇၾၢႆႇ မိပ်ႇငႅၼ်းဢီးသူင်ႇ လႄႈ ၶိုၼ်းလႆႈ ၽၢတ်ႇၵၼ် သၢမ်ပွၵ်ႈ သၢမ်ၵမ်း ယဝ်ႉ ထိုင်မႃးၶၢဝ်းယၢမ်းၼႆႉ လႆႈၶိုၼ်းမႃးၶဝ်ႈႁူမ်ႈ ႁဵတ်းပဵၼ်မူႇလဵဝ်ၸုမ်းလဵဝ် ၸဵမ်ၸိူဝ်းၼႆႉ ငိၼ်းၸူမ်း ၶွပ်ႈၸႂ် ထိုင်ပႃး တီႈဢၼ်ပႃႇတီႇမႂ်ႇသုင်ၸိုင်ႈတႆး ၊ တပ်ႉသိုၵ်းၸိုင်ႈတႆး တင်း ပေႃႈမႄႈၵူၼ်းမိူင်း ၸိူဝ်းဝႆႉ ၼမ်ႉၼၵ်း ပႂ်ႉႁပ်ႉႁူမ် ၸူမ်းတွၼ်ႈ လွင်ႈလႆႈမႃးႁူမ်ႈၵၼ် ပဵၼ်မူႇလဵဝ် ၸုမ်းလဵဝ် ၼၼ်ႉယူႇယဝ်ႉ။ ဝၢႆးသေၼၼ်ႉ ယူႇတီႈပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်း ၸိုင်ႈတႆး လႆႈတွၼ်ႈသူးၼမ်ႉၸႂ် ပၼ်တီႈ တပ်ႉသိုၵ်း ၵူၼ်းမိူင်း (သႅင်ၵႅဝ်ႉ) ဢၼ်မႃးၶဝ်ႈႁူမ်ႈ ႁၢပ်ႇထၢမ်းၼႃႈၵၢၼ်ၶိုၼ်း ၼႂ်း SSPP/SSA ၼၼ်ႉ တႃႇသၢင်ႉငိုၼ်း (500) သႅၼ်ၸမ်ၸမ် ယူႇယဝ်ႉ။ တပ်ႉသိုၵ်းၵူၼ်းမိူင်း (သႅင်ၵႅဝ်ႉ) တပ်ႉၸုမ်း(3) ၊ တပ်ႉသိုၵ်းၵူၼ်းမိူင်း (ၵႃႇလိ) တပ်ၸုမ်း(7) တင်းတပ်ႉသိုၵ်း SSPP/SSA ယၢမ်းလဵဝ်ၼႆႉ ယၢမ်ႈပဵၼ်မႃး တပ်ႉသိုၵ်းၸိုင်ႈတႆး SSA မူႇၼိုင်ႈၸုမ်းလဵဝ်ၵၼ်မႃး သေ ငဝ်ႈငုၼ်း ပၵ်းသဝ်း မီးတီႈ ဝၢၼ်ႈသႅင်ၵႅဝ်ႉ ဢိူင်ႇသႅင်ၵႅဝ်ႉ ၼၼ်ႉယူႇယဝ်ႉ။

['ၶၢဝ်ႇၵူႈလွင်ႈလွင်ႈ', 'ၶၢဝ်ႇတူင်ႉၼိုင်ၸုမ်းဢွၼ်ႁူဝ်ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး', 'ေၶႃႈပိုၼ်ၽၢဝ်ႇ', 'ၶၢဝ်ႇ']

2024-09-05T07:36:18

https://ssppssa.org/2024/09/%e1%81%b5%e1%80%b0%e1%81%bc%e1%80%ba%e1%80%b8%e1%80%99%e1%80%ad%e1%80%b0%e1%80%84%e1%80%ba%e1%80%b8-%e1%81%bc%e1%82%82%e1%80%ba%e1%80%b8%e1%80%9d%e1%80%b5%e1%80%84%e1%80%ba%e1%80%b8%e1%81%bc%e1%80%99/

ၵူၼ်းမိူင်း ၼႂ်းဝဵင်းၼမ်ႉလၼ်ႈ ထူပ်းၽေးၼမ်ႉလူၵ်ႈ ၊ မီးလွင်ႈလူႉသုမ်းၸွမ်း တင်းၼမ်

ယွၼ်ႉၾူၼ်တူၵ်းႁႃႇယႂ်ႇ ဢမ်ႇထၢတ်ႇသေ ႁဵတ်းႁႂ်ႈ ၼမ်ႉႁူၺ်ႈ ၼမ်ႉလွႆ ၼွင်းၶဝ်ႈ ၼႂ်းပွၵ်ႉ ၼႂ်းဝဵင်း ၊ ထူမ်ႈ ၺႃး ႁိူၼ်းၵူၼ်းမိူင်း ၼႂ်းၸေႈဝဵင်းၼမ်ႉလၼ်ႈ ၵိင်ႇၽႄၸေႈဝဵင်းသီႇပေႃႉ မီးလွင်ႈလူႉသုမ်းၸွမ်း တင်းၼမ် ယူႇယဝ်ႉ။မိူဝ်ႈလိူၼ် ဢေႃးၵၢတ်ႉသ် 31 ဝၼ်း တေႃႇပေႃးထိုင် လိူၼ်သႅပ်ႇထိမ်ႊပိူဝ်ႇ 1 ဝၼ်း ၶၢဝ်းယၢမ်းၵၢင်ၼႂ်ၸဝ်ႉ ၼၼ်ႉ ယွၼ်ႉၾူၼ်တူၵ်းႁႃႇယႂ်ႇ ဢမ်ႇထၢတ်ႇ လႄႈ ၼမ်ႉၸွမ်း ႁူၺ်ႈ ၸွမ်းလွႆ လႆၼွင်းၶဝ်ႈၼႂ်းပွၵ်ႉၵွင်း လၢင်း ဝဵင်းၼမ်ႉလၼ်ႈသေ ၼွင်းထူမ်ႈႁိူၼ်း ပေႃႈမႄႈၵူၼ်းမိူင်း လၢႆလၢႆလင် ႁဵတ်းႁႂ်ႈ လင်ႁိူၼ်း ၊ ၶူဝ်းႁိူၼ်းၽိူၼ် ဝၢၼ်ႇ ဢၼ်ၵိုၵ်းမီးၸွမ်းႁိူၼ်း လႆႈလူႉသုမ်းၸွမ်း တင်းၼမ် ၼႆယူႇယဝ်ႉ။ ၵဵဝ်ႇလူၺ်ႈလွင်ႈၼႆႉသေ ၵူၼ်းမိူင်းပိုၼ်ႉတီႈ ဝဵင်းၼမ်ႉလၼ်ႈ ၵေႃႉၼိုင်ႈလၢတ်ႈၼႄဝႃႈ- “ၾူၼ်တူၵ်းမိူဝ်ႈ ဝၼ်းထီႉ 31 ၼၼ်ႉ တၢင်းၶိုၼ်း တေႃႇမိူင်းၸမ်လႅင်းၵေႃႈဢမ်ႇထၢတ်ႇၶႃႈ။ ၼမ်ႉၼႆႉ ပဵၼ်ၼမ်ႉႁူၺ်ႈ ၼမ်ႉ ႁွင်ႈ လၢႆမႃး ၵူႈႁူး ၵူႈတၢင်းယဝ်ႉၶႃႈ။ ႁဵတ်းၼၼ်သေ လႆၵပ်ႉၵိဝ်ႇ ၵပ်ႉတၢင်းၶဝ်ႈၼႂ်းပွၵ်ႉ ၼၼ်ႉၶႃႈၼႃႇ။ ၵမ်ႈ ၽွင်ႈတေႉ ဢၼ်မီးဝႆႉတီႈႁိူၼ်းၼႂ်းပွၵ်ႉၼၼ်ႉၵေႃႈ တၼ်းတေႃႉၶူဝ်း တေႃႉလဵင်း ၶၢႆႉဢွၵ်ႇ ယူႇၶႃႈ။ ပၢင်တိုၵ်း ၵေႃႈသမ်ႉၸမ်ႁိမ်း ၼႆႉမႃးလႄႈ ၵမ်ႈၽွင်ႈၵေႃႈ တိုၵ်ႉငိူင်ႉပၢႆႈၽေးဝႆႉသေ သမ်ႉဢမ်ႇၸၢင်ႈမႃးၶႃႈ ၼႃႇၼေႃႈ ။ၸိူဝ်းၼၼ်ႉတေႉ လိူဝ်သေ ႁိူၼ်းၶဝ်လူႉၵွႆယဝ်ႉ ၶူဝ်းႁိူၼ်း ၶူဝ်းယေးၵေႃႈ သုမ်းမူတ်း ၶႃႈဢေႃႈ” ဝႃႈၼႆ။

['ၶၢဝ်ႇၵူႈလွင်ႈလွင်ႈ', 'ၶၢဝ်ႇ']

2024-08-31T18:32:40

https://ssppssa.org/2024/08/%e1%80%99%e1%80%ad%e1%80%b0%e1%80%84%e1%80%ba%e1%80%b8%e1%81%b6%e1%82%84%e1%82%87-%e1%80%95%e1%81%bc%e1%80%ba%e1%81%be%e1%81%a2%e1%80%84%e1%80%ba%e1%82%89-%e1%82%81%e1%82%82%e1%80%ba%e1%82%88%e1%80%90/

မိူင်းၶႄႇ ပၼ်ၾၢင်ႉ ႁႂ်ႈတပ်ႉသိုၵ်း TNLA ၵိုတ်းပၢင်တိုၵ်း ၼႂ်းမိူင်းတႆးပွတ်းႁွင်ႇၵမ်းလဵဝ်

မိူင်းၶႄႇယိုၼ်လိၵ်ႈ တိုၵ်းသူၼ်း ပၼ်ၾၢင်ႉထိုင်တီႈ တပ်ႉသိုၵ်းတဢၢင်း TNLA ဝႃႈ – ႁႂ်ႈၵိုတ်းပင်တိုၵ်း ၼႂ်း မိူင်းတႆး ပွတ်းႁွင်ႇၵမ်းလဵဝ် ၊ ပေႃးဢမ်ႇၵိုတ်း တေဢဝ်လိူင်ႈတၢင်း ၽိတ်းၵႂႃႇၵမ်းလဵဝ် ၼႆယူႇယဝ်ႉ။ ၵေႃႇမတီႇ ၾၢႆႇႁူမ်ႇလူမ်ႈ ဝဵင်းသူၺ်ႇလီ သူင်ႇလိၵ်ႈထိုင် TNLA ဝႃႈ – လၢႆးဢၼ်တေၸၢင်ႈတုမ်ႉတိူဝ်ႉ ပဵၼ် ၽေး ႁၢႆႉၸႃႉတေႃႇ ၵူၼ်းၶိူဝ်းၶႄႇ ဢၼ်ယူႇၸွမ်း လႅၼ်လိၼ် ၵူႈတီႈတီႈၼၼ်ႉ ႁႂ်ႈၵိုတ်းယိုတ်းၵူႈလွင်ႈလွင်ႈ ေသ ႁႂ်ႈၶဝ်ႈ ႁူမ်ႈမိုဝ်း ႁဵတ်းသၢင်ႈၸွမ်း မိူင်းၶႄႇၵႂႃႇ ဝႃႈၼႆ။ ၼႂ်းၽိုၼ်လိၵ်ႈ ၾၢႆႇၽႃႇသႃႇၶႄႇၼၼ်ႉ တႅမ်ႈဝႆႉဝႃႈ ယၢမ်းလဵဝ် တပ်ႉသိုၵ်းၶႄႇ ဢၼ်တိုၵ်ႉၽိုၵ်းလိုမ်ႉ ၵၢၼ် သိုၵ်း ၶၢဝ်းတၢင်း(3) ဝၼ်း ၸွမ်းလႅၼ်လိၼ်ၼၼ်ႉၵေႃႈ ၸမ်ယဝ်ႉတူဝ်ႈ ယဝ်ႉလႄႈ မုင်ႈမွင်းပႃးဝႃႈ တပ်ႉသိုၵ်း တဢၢင်း TNLA ၵေႃႈ တေၵိုတ်းပၢင်တိုၵ်းၵမ်းလဵဝ်ယူႇ ဝႃႈၼႆ။ တွၼ်ႈတႃႇ ႁႂ်ႈ လႅၼ်လိၼ်တိတ်းၸပ်း မိူင်းမၢၼ်ႈ – ၶႄႇ တေမီးလွင်ႈၼိမ်သဝ်း ၵတ်းယဵၼ် ၊ တႃႇၵူၼ်း ၸၢဝ်း ၶိူဝ်းမိူင်းၶႄႇ ဢၼ်ယူႇသဝ်းၸွမ်းလႅၼ်လိၼ် လႄႈ ၽူႈႁၢပ်ႇ ၵၢၼ်ၶႄႇ ဢိၵ်ႇပႃး ၽႅၼ်ၵၢၼ်ပၢႆးမၢၵ်ႈမီး ၶႄႇ ဢၼ်မီးဝႆႉၼႂ်းမိူင်းႁူမ်ႈတုမ် တေမီးလွင်ႈႁူမ်ႈလူမ်ႈၼၼ်ႉ ႁႂ်ႈႁူမ်ႈႁွမ်းၸွမ်း မိူင်းၶႄႇသေ ႁဵတ်းသၢင်ႈ ၵႂႃႇ တႅမ်ႈပႃးဝႆႉၸိူင်ႉၼၼ် ယူႇယဝ်ႉ။ ၵဵဝ်ႇလူၺ်ႈလွင်ႈဢၼ် မိူင်းၶႄႇ ယိုၼ်ႈလိၵ်ႈထိုင် ၼၼ်ႉသေ ၾၢႆႇတၢင်း တပ်ႉသိုၵ်းတဢၢင်း TNLA တေႉ ပႆႇ လႆႈ ႁၼ် တုမ်ႉတွပ်ႇၶိုၼ်း ၸိူင်ႉႁိုဝ်။တႃႇတေ ၵႅတ်ႇၶႄႇႁူမ်ႇလူမ်ႈ မိူင်းၶႄႇ – မိူင်းႁူမ်ႈတုမ်မၢၼ်ႈ ႁႂ်ႈမီးလွင်ႈ ၼိမ်သဝ်း ၵတ်းယဵၼ် လႄႈ တႃႇႁူမ်ႇ လူမ်ႈ ၽႅၼ်ၵၢၼ်ပၢႆးမၢၵ်ႇမီးၶႄႇၼႆသေ မိူဝ်ႈပူၼ်ႉမႃး ၼိုင်ႈဝူင်ႈၼၼ်ႉ ၽွင်းလူင်ၾၢႆႇၼွၵ်ႈမိူင်း မိူင်းၶႄႇ ဝၢင်ႇ ယီႉ လႄႈ ၽူႈဢွၼ်ႁူဝ် ၶွင်ႇသီႇသိုၵ်းမၢၼ်ႈ ၶဝ် လႆႈႁူပ်ႉထူပ်းဢုပ်ႇဢူဝ်းၵၼ်မႃးယူႇယဝ်ႉ။

['ၶၢဝ်ႇ', 'ၵၢၼ်သိုၵ်း']

2024-08-31T11:02:52

https://ssppssa.org/2024/08/%e1%80%90%e1%81%a2%e1%80%84%e1%80%ba%e1%80%b8%e1%80%95%e1%80%b5%e1%81%bc%e1%80%ba%e1%80%99%e1%81%a2%e1%81%b5%e1%80%ba%e1%82%87%e1%80%9c%e1%82%85%e1%80%84%e1%80%ba%e1%80%b8%e1%80%9c%e1%80%ad%e1%80%84/

တၢင်းပဵၼ်မၢၵ်ႇလႅင်းလိင်း ( Mpox) ပဵၼ်ၸိူင်ႉႁိုဝ်?

တၢင်းပဵၼ် မၢၵ်ႇလႅင်းလိင်း(Mpox) ၼႆႉ တေႇပဵၼ်မႃး မိူဝ်ႈပီႊ 1958 သေ ၸုမ်းၾၢႆႇၶူၼ်ႉၶႂႃႉၶဝ် ၶူၼ်ႉၶႂႃႉ ႁၼ်တီႈ လိင်း ဢွၼ်တၢင်းသုတ်း လႄႈ ၸင်ႇႁွင်ႉ မၼ်းဝႃႈ မၢၵ်ႇလႅင်းလိင်း ၼႆယူယဝ်ႉ။ တၢင်းပဵၼ်လၢၵ်ႇလၢႆး မၢၵ်ႇလႅင်းလိင်း (Mpox) ဢၼ်ၸပ်းၵၼ်ငၢႆႈ ၼႆႉ ၸုမ်းၾၢႆႇပၢႆးယူႇလီလုမ်ႈၾႃႉ(WHO) ၶဝ် ပိုၼ်ႇၽၢဝ်ႇဢွၵ်ႇဝႆႉဝႃႈ ပဵၼ်တၢင်းပဵၼ် ငဝ်းလၢႆးၶိုၵ်ႉၶၵ်ႉ ပွၵ်ႈၵမ်းသွင်ၼႆ လႄႈ ႁဵတ်းႁႂ်ႈ ၵူၼ်းတင်းၼမ် တင်းလၢႆ ဢွၵ်ႇၶေႃႈထၢမ်မႃးဝႃႈ တၢင်းပဵၼ်ဢၼ်ၼႆႉ ၸွင်ႇတေၸၢင်ႈမိူၼ် တၢင်းပဵၼ် ၶူဝ်ႊဝိတ်ႉဢၼ်မႂ်ႇထႅင်ႈ ႁိုဝ် ၼႆယူႇယဝ်ႉ။ တၢင်းပဵၼ် ၶူဝ်ႊဝိတ်ႉ လႄႈ မၢၵ်ႇလႅင်းလိင်းၼႆႉ သမ်ႉဝႃႈ ပဵၼ်တၢင်းပဵၼ် ဢၼ်ၸၢင်ႈတိတ်းၸပ်း ၸွမ်းလူမ်း မိူၼ် ၵၼ် ၼႆသေတႃႉ ဢၼ်ပဵၼ်မူင်ႈမႅင်း တၢင်းပဵၼ် ၶူဝ်ႊဝိတ်ႉ ၼႆႉ ပဵၼ်မႅင်းတၢင်းပဵၼ် ဢၼ် ၸၢင်ႈၽႄႈၼမ် ဝႆး လိူဝ်သေမူင်ႈမႅင်းတၢင်းပဵၼ် မၢၵ်ႇလႅင်းလိင်း ၼၼ်ႉယူႇယဝ်ႉ။တၢင်းပဵၼ်မၢၵ်ႇလႅင်းလိင်း ( Mpox) ၼႆႉ ၸၢင်ႈတိပ်းၸပ်းမႃး မိူဝ်ႈၽွင်း ယူႇႁွမ်းသွင်ၸွမ်းၵၼ် ၊ တိူဝ်ႉၼိူဝ်ႉ တိူဝ်ႉတူဝ်ၵၼ်၊ မိူဝ်ႈယိပ်းတိူဝ်ႉၺႃး ၽႃႈ/သိူဝ်ႈၶူဝ်း ဢၼ်ဝူၺ်ႇႁၢင်ႈ လႄႈ မိူဝ်ႈၽွင်း ယူႇတေႃႇၼႃႈၵၼ်/မီး လွင်ႈတုမ်ႉတိူဝ်ႉၵၼ် တင်းၵူၼ်းမီးမူင်ႈမႅင်းတၢင်းပဵၼ် ႁိုင်ႁိုင် ၸဵမ်ၸိူဝ်းၼႆႉ ယူႇယဝ်ႉ။ တၢင်းပဵၼ် (2) လွင်ႈၼႆႉ ပဵၼ်တၢင်းပဵၼ် ဢၼ်မီးမူင်ႈမႅင်း မိူၼ်ၵၼ်ၼႆသေတႃႉ ၾၢင်ႁၢင်ႈ တၢင်းပဵၼ် တေ ပႅၵ်ႇပိူင်ႈၵၼ် လႄႈ လၢႆးတိတ်းၸပ်းမၼ်းၵေႃႈ ပႅၵ်ႇပိူင်ႈၵၼ်ဝႆႉ ယူႇယဝ်ႉ။ပေႃးတိတ်းၸပ်းၸိူဝ်ႉမႅင်းမႃးၼႆ တေမီးၾၢင်ႁၢင်ႈ ၼၢဝ်၊ ႁူဝ်ၶႆႈ၊ ၼိူဝ်ႉၼူၸဵပ်း/ ၶိုၼ်ႈ၊ မၢၵ်ႇလၼ်ၵႂ်ႈမႃး( တီႈၶၢင်ႈ ၶေႃး၊ ၵိင်ႇႁေႉ၊ ငဝ်ႈၶႃ) ၊ ၵတ်းသၼ်ႇ (Rash Blister) ၊ ဢွၵ်ႇတုမ်ႉၼမ်ႉၼွင်/ တုမ်ႇၼွင်ၸႅင်၊ ႁိူဝ်ႉဢူၼ်ႈႁႅင်း ၊ ၶူမ်းႁႅင်း/ ၸဵပ်းႁႅင်း၊ တုမ်ႇၼွင်တေဢွၵ်ႇမႃး တီႈသူပ်း ၊ ဢိင်ႇၵႃႇၵူၼ်းယိင်း/ၸၢႆး ၊ ႁူးၽၢႆႈလူင် ၸဵမ်ၸိူဝ်းၼႆႉယူႇယဝ်ႉ။ သင်ၸိူဝ်ႉဝႃႈ ၽူႈလႂ်ၽႂ် မီးၾၢင်ႁၢင်ႈ ဢၼ်လီထၢင်ႇထိူမ်ဝႃႈ ပဵၼ်တၢင်းပဵၼ် မၢၵ်ႇလႅင်းလိင်း ၼႆၸိုင် ၸူဝ်ႈၵႃႈ မူင်ႈမႅင်းတၢင်းပဵၼ် ပႆႇၽႄႈလမ်း ၼမ်ၼၼ်ႉ ထုၵ်ႇလီ ၶတ်း ၸႂ် ၼႅတ်ႈၵႂႃႇၵူတ်ႇထတ်း ယူတ်းယႃ တီႈႁူင်းယႃ ၵမ်းလဵဝ် ယူႇယဝ်ႉ။ယၢမ်းလဵဝ် ၼႂ်းမိူင်းႁူမ်ႈတုမ်ၼႆႉ ဢမ်ႇပႆႇမီး လွင်ႈတိတ်း ၸပ်း ၸိူဝ်ႉမႅင်းမၢၵ်ႇလႅင်းလိင်းၼႆႉသေတႃႉ ဢၼ်ပဵၼ် ၼႂ်းပိုၼ်ႉတီႈ မိူင်းတိတ်းၸပ်းလႅၼ်လိၼ် ၵမ်ႈၽွင်ႈတေႉ မီးလွင်ႈတိပ်းၸပ်းတၢင်းပဵၼ် ၼႆႉၼမ်ဝႆႉယူႇယဝ်ႉ ။ ၼင်ႇႁိုဝ် ပေႃႈမႄႈၵူၼ်းမိူင်း တေၵၢင်းယၢၼ် တၢင်းပဵၼ် မၢၵ်ႇလႅင်းလိင်းၼၼ်ႉ ယူႇတီႈ ၸုမ်းၾၢႆႇပၢႆးယူႇလီ ပႃႇ တီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး SSPP/SSA ၵေႃႈ ဢိင်ၼိူဝ်ငဝ်းလၢႆးသေ လႆႈ လူင်းပိုၼ်ႉတီႈ ပၼ် ပိုၼ်ႉႁူႉပႃး လွင်ႈမၢၵ်ႇလႅင်းလိင်း ၼႆႉ တီႈပေႃႈမႄႈၵူၼ်းမိူင်း ၼႂ်းၼႃႈတီႈဢုပ်ႉပိူင်ႇ လၢႆလၢႆ တီႈ ၵႂႃႇ ၵႂၢင်ႈၵႂၢင်ႈ ၶႂၢင် ၶႂၢင် ယူႇယဝ်ႉ။ Photo -Credit Word Press.com

['ၶၢဝ်ႇ', 'ပၢႆးယူႇလီ']

2024-08-28T13:34:21

https://ssppssa.org/2024/08/sspp-ssa-%e1%81%bd%e1%80%b5%e1%80%9d%e1%80%ba%e1%82%88%e1%80%99%e1%80%b0%e1%81%ba%e1%80%ba%e1%82%89-%e1%81%b5%e1%81%a2%e1%80%90%e1%80%ba%e1%82%87%e1%81%b6%e1%81%a2%e1%82%86%e1%80%9a%e1%82%83%e1%82%88/

SSPP/SSA ၽဵဝ်ႈမူၺ်ႉ ၵၢတ်ႇၶၢႆယႃႈမဝ်းၵမ် ၼႂ်းၸေႈဝဵင်းၵူတ်ႉၶၢႆ

ၽူႈမီးပုၼ်ႈၽွၼ်း ၾၢႆႇတပ်ႉၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး ၊ တပ်ႉသိုၵ်းၸိုင်ႈတႆး SSPP/SSA ၶဝ်ႈၵူတ်ႇလၢင်ႉ ၽဵဝ်ႈမူၺ်ႉပႅတ်ႈ ၵၢတ်ႇသိုဝ်ႉၶၢႆ ယႃႈမဝ်းၵမ် တီႈၼိုင်ႈ ၼႂ်းၸေႈဝဵင်းၵူတ်ႉၶၢႆ ၸိုင်ႈတႆး ပွတ်းႁွင်ႇ။ ၼႂ်းလိူၼ်ဢေႃးၵတ်ႉသ် ပီႊ 2024 ၼႆႉ ယူႇတီႈ ၽူႈမီးပုၼ်ႈၽွၼ်း ၾၢႆႇတပ်ႉ ၾၢႆႇဢုပ်ႉပိူင်ႇ SSPP/SSA ဢၼ်ပၵ်းသဝ်း ၼႂ်းၼႃႈတီႈ ဢုပ်ႉပိူင်ႇၸေႈဝဵင်းမၢႆ(41) ၼၼ်ႉ ဢွၼ်ႁူဝ် ၵေႃႉသိုၵ်း ၵေႃႉ ႁၢၼ် ႁႅင်းၵူၼ်း (20) ၵေႃႉပၢႆ ၶဝ်ႈၵူတ်ႇလၢင်ႉ ၵၢတ်ႇယႃႈမဝ်းၵမ် တီႈၼိုင်ႈ ဢၼ်မီးၼႂ်းဢိူင်ႇ မိူင်းၸီး ၸေႈဝဵင်းၵူတ်ႉၶၢႆ ၸိုင်ႈတႆးပွတ်းႁွင်ႇ ၼၼ်ႉ သေ တီႉၺွပ်းလႆႈ ၵူၼ်းၵဵဝ်ႇၶွင်ႈ ၵၢၼ် သူႇ ၊ သမ်း ၊ သိုဝ်ႉ ၊ ၶၢႆ ယႃႈမဝ်းၵမ် (37) ၵေႃႉ ဢိၵ်ႇပႃး ယႃႈမ ၊ ယႃႈၽႅၼ်ႇၽိူၵ်ႇ လႄႈ ၶိူင်ႈၶူဝ်း ၵဵဝ်ႇၶွင်ႈ ယႃႈမဝ်းၵမ် တင်းၼမ် ယူႇယဝ်ႉ။ ၵူၼ်းၸိူဝ်း ၵဵဝ်ႇၶွင်ႈယႃႈမဝ်းၵမ် ၼႆႉ ပဵၼ်ၵူၼ်း ဢၼ်ယူႇသဝ်း ၼႂ်းဢိူင်ႇမိူင်းထၢမ် ၸေႈဝဵင်းၵူၼ်ႉၶၢႆ (9) ၵေႃႉ ၊ ၼႂ်းဢိူင်ႇ မိူင်းၸီး ၸေႈဝဵင်းၵူၼ်ႉၶၢႆ (28) ၵေႃႉ ႁူမ်ႈသဵင်ႈ (37) ၵေႃႉ ယူႇယဝ်ႉ။မိူၼ်ၼင်ႇ ၸိူဝ်းပဵၼ်ၵူၼ်း သူႇ ၊ သမ်း ယႃႈၼၼ်ႉ တေသိုပ်ႇဢဝ်မူၼ်ႉမႄး တူဝ်ၸႂ်ၵႂႃႇသေ ၸိူဝ်းပဵၼ် ၵူၼ်း ၵႃႉၶၢႆယႃႈမဝ်းၵမ် ၼၼ်ႉ တေဢဝ်ၶိုၼ်ႈလုမ်းတြႃး တႅပ်းတတ်းပၼ် တူတ်ႈတမ်ႇၵႂႃႇ ၸွမ်းၼင်ႇ မူႇပိူင် ပႃႇတီႇမႂ်ႇသုင်ၸိုင်ႈတႆး ၊ တပ်ႉသိုၵ်းၸိုင်ႈတႆး SSPP/SSA မီးၼၼ်ႉ ယူႇယဝ်ႉ။ ၼင်ႇႁိုဝ် ပေႃႈမႄႈၵူၼ်းမိူင်း ၼႂ်းပိုၼ်ႉတီႈ ပေႃးတေ ၵၢင်းယၢၼ်ၽေး ယႃႈမဝ်းၵမ် ၼၼ်ႉ ယူႇတီႈ ပႃႇတီႇမႂ်ႇသုင်ၸိုင်ႈတႆး ၊ တပ်ႉသိုၵ်းၸိုင်ႈတႆး SSPP/SSA တေသိုပ်ႇ ႁူမ်ႈမိုဝ်းၵၼ်တင်း ပေႃႈမႄႈ ၵူၼ်းမိူင်းသေ တေၶတ်းၸႂ် ၵႅတ်ႇၶႄ ၽဵဝ်ႈမူၺ်ႉၵႂႃႇ ထႅင်ႈယူႇယဝ်ႉ။

['ယႃႈမဝ်းၵမ်', 'ၶၢဝ်ႇ', 'ၶၢဝ်ႇၵူႈလွင်ႈလွင်ႈ']

2024-08-25T16:50:46

https://ssppssa.org/2024/08/7233/

SSPP/SSA ၸွႆႈထႅမ် ၵူၼ်းပၢႆႈၽေး ပၢင်တိုၵ်း ဢၼ်ႁွတ်ႈၽႅဝ်ဝႆႉ ၼႂ်းၸေႈဝဵင်းဝၢၼ်ႈႁႆး ၊ ၸေႈဝဵင်းသီႇပေႃႉ

ၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး ၊ တပ်ႉသိုၵ်းၸိုင်ႈတႆး SSPP/SSA လႆႈလူင်းႁူပ်ႉထူပ်း ၸွႆႈထႅမ် ၵူၼ်းပၢႆႈ ၽေးပၢင်တိုၵ်း ဢၼ်ႁွတ်ႈၽႅဝ်ဝႆႉ ၼႂ်းၼႃႈတီႈဢုပ်ႉပိူင်ႇ ၸေႈဝဵင်းဝၢၼ်ႈႁႆး ၊ ၸေႈဝဵင်းမၢႆ(19) သီႇပေႃႉ ၼၼ်ႉ ယူႇယဝ်ႉ။ မိူဝ်ႈလိူၼ်ဢေႃးၵတ်ႉသ် 25 ဝၼ်းၼၼ်ႉ ယူႇတီႈ ၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ ၸေႈဝဵင်း ဝၢၼ်ႈႁႆး လႆႈလူင်းႁူပ်ႉထူပ်း ပၼ်ႁႅင်းၸႂ် လႄႈ ၸွႆႈထႅမ် ပေႃႈမႄႈၵူၼ်းမိူင်း ၸိူဝ်းဢၼ် ပၢႆႈၽေးပၢင်တိုၵ်း မႃးသွၼ်ႈသဝ်း ဝႆႉ ၼႂ်းဝၢၼ်ႈသေႃႉ ဢိူင်ႇဝၢၼ်ႈသေႃႉ ဝဵင်းမႂ်ႇဝၢၼ်ႈႁႆးၼၼ်ႉသေ လႆႈၸွႆႈထႅမ်ပၼ် ၶဝ်ႈသၢၼ် (5) ထူင်ယူႇယဝ်ႉ။ လိူဝ်သေၼၼ်ႉ ပူၼ်ႉမႃး မိူဝ်ႈလိူၼ်ဢေႃးၵတ်ႉသ် 11 ဝၼ်းၼၼ်ႉၵေႃႈ ၽူႈမီးပုၼ်ႈၽွၼ်း ၼႂ်းၸေႈတွၼ်ႈ မၢႆ(11) ၸေႈဝဵင်းမၢႆ(19) လႆႈႁူမ်ႈၵၼ် လူင်းႁူပ်ႉထူပ်း ပၼ်ႁႅင်းၸႂ် ၵူၼ်းမိူင်း ၸိူဝ်းပၢႆႈၽေးပၢင်တိုၵ်း ဢၼ်ႁွတ်ႈၽႅဝ်ဝႆႉတီႈ ဝတ်ႉၵျွင်းပၢင်ႇၵီႇ ၊ ၵျွင်းၵၢင်ႉမေႃႇ ၊ ဝတ်ႉၵုၼ်ၵျွင်း ၸဵမ်ၸိူဝ်းၼႆႉသေ ၼႂ်းၼၼ်ႉ ၵူၼ်းပၢႆႈၽေးမီး (800) ၵေႃႉပၢႆ ၊ လႆၸွႆႈထႅမ် ၶဝ်ႈသၢၼ် (13) ပွတ်း ၊ ၼမ်ႉမၼ်းၵိၼ်(3) ပုင်းလိူင် ၸဵမ်ၸိူဝ်းၼႆႉ ယူႇယဝ်ႉ။ ၵူၼ်းပၢႆႈၽေး ဢၼ်ႁွတ်ႈၽႅဝ်ဝႆႉၼႂ်းၼႃႈတီႈ ဢုပ်ႉပိူင်ႇ SSPP/SSA ၵူႈၼႃႈတီႈ ၼၼ်ႉ တေႃႇထိုင် လိူၼ် ဢေႃးၵတ်ႉသ် 9 ဝၼ်း ၼႆႉ ႁူမ်ႈသဵင်ႈမီး (12,000) ၵေႃႉ လႄႈ ယူႇတီႈ ပႃႇတီႇမႂ်ႇသုင်ၸိုင်ႈတႆး၊တပ်ႉသိုၵ်း ၸိုင်ႈ တႆး SSPP/SSA လႆႈႁပ်ႉၸွႆႈထႅမ်တူၺ်းထိုင်ပၼ် ဢွင်ႈတီႈယူႇသဝ်း ၊ လွင်ႈၵိၼ်ယႅမ်ႉ လွင်ႈႁူမ်ႇလူမ်ႈ ၸဵမ် ၸိူဝ်းၼႆႉ ၼႂ်းၵူႈၼႃႈတီႈ ယူႇယဝ်ႉ။

['ကူညီထောက်ပံမှု', 'ၶၢဝ်ႇ', 'ၵၢၼ်ပူၵ်းပွင်', 'ၵၢၼ်ၸွႆႈထႅမ်ပေႃႈမႄႈၵူၼ်းမိူင်း']

2024-08-25T16:30:03

https://ssppssa.org/2024/08/%e1%81%bd%e1%80%b0%e1%82%88%e1%80%99%e1%80%ae%e1%80%b8%e1%80%95%e1%80%af%e1%81%bc%e1%80%ba%e1%82%88%e1%81%bd%e1%80%bd%e1%81%bc%e1%80%ba%e1%80%b8-%e1%81%be%e1%81%a2%e1%82%86%e1%82%87%e1%80%a2-2/

ၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ လႄႈ မုၵ်ႉၸုမ်းၼၢင်းယိင်း ၊ ၾၢႆႇပၢႆးယူႇလီ ငဝ်ႈငုၼ်း SSPP/SSA လူင်းႁူပ်ႉ ထူပ္း ပၼ်ပိုၼ်ႉႁူႉ လွင်ႈပၢႆးယူႇလီ တီႈပေႃႈမႄႈၵူၼ်းမိူင်း

ၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ ၸေႈဝဵင်းဝၢၼ်ႈႁႆး လႄႈ မုၵ်ႉၸုမ်းၼၢင်းယိင်း ၊ ၾၢႆႇပၢႆးယူႇလီ ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA လူင်းႁူပ်ႉထူပ်း ပၼ်ပိုၼ်ႉႁူႉ ၾၢႆႇပၢႆးယူႇလီ တီႈပေႃႈ မႄႈ ၵူၼ်းမိူင်း ၸိူဝ်းပဵၼ် မႄႈလႄႈ လုၵ်ႈဢွၼ်ႇ ၊ သႅၼ်း ၼုမ်ႇယိင်း ၼႂ်းၼႃႈတီႈ ၸေႈဝဵင်းဝၢၼ်ႈႁႆး ၸိုင်ႈတႆး ပြတ္း ၸၢၼ်း ၼႆယူႇယဝ်ႉ ။ မိူဝ်ႈလိူၼ် ဢေႃးၵၢတ်ႉသ် (23) ဝၼ်း တေႃႇထိုင် (24) ဝၼ်း ၶၢဝ်းတၢင်း(2) ဝၼ်း ၼၼ်ႉ ယူႇတီႈၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ ၼႂ်းၸေႈဝဵင်းဝၢၼ်ႈႁႆး လႄႈ မုၵ်ႉၸုမ်းၼၢင်းယိင်း ၊ ၾၢႆႇပၢႆးယူႇလီ တီႈငဝ်ႈငုၼ်း ပႃႇတီႇမႂ်ႇသုင် ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ႁူမ်ႈၵၼ် လူင်းႁဵတ်းပၢင်ႁူပ်ႉထူပ်း ပၼ်ပိုၼ်းႁူႉ ပေႃႈမႄႈၵူၼ်းမိူင်း ၸိူဝ်းပဵၼ် မႄႈလႄႈလုၵ်ႈဢွၼ်ႇ ၊ ၼၢင်းယိင်းၼုမ်ႇ ၼႂ်းၼႃႈတီႈၸေႈဝဵင်းဝၢၼ်ႈႁႆး ေသ ၼႂ်းပၢင်ႁူပ်ႉထူပ်း ၶၢဝ်းတၢင်း (2) ဝၼ်းၼၼ်ႉ မီး ၽူႈၶိုၼ်ႈႁွတ်ႈ (397) ၵေႃႉ ယူႇယဝ်ႉ။ တီႈၼႂ်းပၢင်ႁူပ်ႉထူပ်းၼၼ်ႉ ယူႇတီႈၸုမ်းၼၢင်းယိင်း ၊ ၸုမ်းၾၢႆႇပၢႆးယူႇလီ ၊ ၽူႈမီးပုၼ်ႈၽွၼ်း ၼႂ်းၸေႈဝဵင်း ဝၢၼ်ႈႁႆး လႆႈမွၵ်ႇလၢတ်ႈၶေႃႈၵႂၢမ်း ပၼ်ပိုၼ်ႉႁူႉ ၵဵဝ်ႇလူၺ်ႈလွင်ႈ ၾၢႆႇပၢႆးယူႇလီ မိူၼ်ၼင်ႇ လၢႆး ၵႅတ်ႇၶႄ ႁေႉ ၵင်ႈ တၢင်းပဵၼ် ဢၼ်မေႃတိတ်းၸပ်း ၵၼ်ငၢႆႈ မိူၼ်ၼင်ႇတၢင်းပဵၼ် ဢဵတ်ႇ (HIV/AIDS) ၊ လွင်ႈဝၢင်းၽႅၼ် ၼႃႈ ႁိူၼ်း၊ လွင်ႈထိင်းသိမ်းယဵၼ်ႇငႄႈၾိင်ႈထုင်း ၊ လၢႆးလုမ်းလႃးတူဝ် ႁႂ်ႈၵိုင်ႇလႅပ်ႈၸွမ်း တႃႇပၢႆးယူႇလီ ၸဵမ်ၸိူဝ်းၼႆႉ ယူႇယဝ်ႉ။ ပိူင်လူင်မၼ်းတေႉ တႃႇၼၢင်းယိင်းၼုမ်ႇ တႃႇမႄႈ လႄႈ လုၵ်ႈဢွၼ်ၼၼ်ႉၶႃႈဢေႃႈ ၵၢပ်ႈပၢၼ်မိူဝ်ႈလဵဝ်ၼႆႉ တၢင်းပဵၼ်မဵဝ်းတိတ်းၸပ်းၵၼ်ငၢႆႈ မိူၼ်ၼင်ႇ တၢင်းပဵၼ် မူင်ႈမႅင်းပွတ်ႇ(TB) ၊ တၢင်းပဵၼ် ၵလၢင်ႇ ၊ တၢင်းပဵၼ် ဢဵတ်ႇ (HIV/AIDS) ၸိူဝ်းၼႆႉ ၾၢင်ႁၢင်ႈတၢင်းပဵၼ်မၼ်းပဵၼ်ၸိူင်ႉႁိုဝ် ၊ ႁဵတ်းႁိုဝ်သေမေႃတိတ်းၸပ်း ၼင်ႇႁိုဝ် တေဢမ်ႇတိတ်းၸပ်းၼၼ်ႉ တေလႆႈႁဵတ်းႁိုဝ်ႁေႉၵင်ႈ ၸဵမ်ၸိူဝ်း ၼႆႉဢေႃႈ။ လိူဝ်သေၼၼ်ႉၵေႃႈ ႁႂ်ႈမေႃမီး ပိုၼ်ႉႁူႉ လွင်ႈတႅပ်းတတ်းတေႇၼႃႈႁိူၼ်းၸိူဝ်းၼႆႉဢေႃႈ။ ယဝ်ႉၵေႃႈ ႁႂ်ႈပေႃးမေႃထိင်းသိမ်း ယဵၼ်ႇငႄႈၾိင်ႈ ။ မိူၼ်ၼင်ႇဝႃႈ ၵၢၼ်ထိင်ထုင်းႁဝ်းၼၼ်ႉဢေႃႈးသိမ်းယဵၼ်ႇငႄႈ ၾိင်ႈထုင်းဢၼ်ဝႃႈၼႆႉ ပဵၼ်ၸိူင်ႉႁိုဝ် ၊ ထုၵ်ႇလီ ယူႇသဝ်းၸိူင်ႉႁိုဝ် ၸဵမ်လွင်ႈၼုင်ႈ တၢင်းဝၢႆ ၊ လၢႆးလၢတ်ႈ ၊ လၢႆးၵႂႃႇလၢႆးပၢႆ ၊ လၢႆးတိတ်းတေႃႇ ၵပ်းသိုပ်ႇ ၸိူဝ်းၼႆႉၼၼ်ႉ ၶႃႈၼႃႇ ၼေႃႈ။ ၵမ်ႈၽွင်ႈၵေႃႈ တေႃႈၼင်ႇ ၶိုၼ်ႈၵၢၼ်ႇၶိုၼ်ႈၵျွင်း ၼႆႉ ၼုင်ႈပိတ်းပိတ်းပွတ်း ပြတ္း ၸိူဝ်းၼႆႉၵေႃႈ မီးၼမ်မႃး ယွၼ်ႉပိူဝ်ႈၼၼ် ၵၢၼ်ထိင်းသိမ်း ယဵၼ်ႇငႄႈ ၾိင်ႈထုင်း ၸိူဝ်းၼႆႉၵေႃႈ လႆႈပၼ် ပိုၼ်ႉႁူႉႁႅင်းႁႅင်းၵႂႃႇယူႇ ၼႆ ၽူႈမီးပုၼ်ႈၽွၼ်း ဢွၼ်ႁူဝ် ၸုမ်းၼၢင်းယိင်း ၵေႃႉၼိုင်ႈ လၢတ်ႈၼႄ ၼင်ႇၼႆ။

['ၶၢဝ်ႇတူင်ႉၼိုင်ၸုမ်းဢွၼ်ႁူဝ်ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး', 'ၸုမ်းၼၢင်းယိင်း']

2024-08-23T03:27:52

https://ssppssa.org/2024/08/%e1%80%99%e1%81%a2%e1%81%b5%e1%80%ba%e1%82%87%e1%82%81%e1%81%a2%e1%80%84%e1%80%ba%e1%82%88-rcss-%e1%80%90%e1%82%85%e1%81%b5%e1%80%ba%e1%82%87%e1%80%90%e1%80%ad%e1%80%b0%e1%80%9d%e1%80%ba%e1%82%89-2/

မၢၵ်ႇႁၢင်ႈ RCSS တႅၵ်ႇတိူဝ်ႉၺႃး ၵူၼ်းမိူင်း လႆႈတၢင်းမၢတ်ႇၸဵပ်း လူႉတၢႆ

ၵူၼ်းမိူင်း ၼႂ်းၸေႈဝဵင်းၵုၼ်ႁဵင် ၽႃႇၺႃးမၢၵ်ႇ ဢၼ်ၸုမ်း RCSS ႁၢင်ႈဝႆႉ တီႈၼိူဝ် သဵၼ်ႈတၢင်း ဢၼ်ပေႃႈ မႄႈၵူၼ်းမိူင်း ၵႂႃႇမႃး လႄႈ ၵူၼ်းမိူင်း လူႉတၢႆ(1) ၵေႃႉ မၢတ်ႇၸဵပ်း (10) ၵေႃႉပၢႆ ၼႆယူႇယဝ်ႉ။ မိူဝ်ႈလိူၼ် ဢေႃးၵၢတ်ႉသ် 20 ဝၼ်း လိူၼ်ၵဝ်ႈလွင်ႈ(1) ၶမ်ႈ မိူဝ်ႈၶၢဝ်းယၢမ်းၵၢင်ၼႂ် 10:15 မူင်း ၼၼ်ႉ ၽူႈၸၢႆး ၵူၼ်းမိူင်း ဝၢၼ်ႈသၢႆးမူၼ်ႇ ၸေႈဝဵင်းၵုၼ်ႁဵင် သႅၼ်းဢႃႇယု 30 တေႃႇ 40 ပီႊ (3) ၵေႃႉ ၊ လုၵ်ႉတီႈ ဝၢၼ်ႈသၢႆးမူၼ်ႇ ၽွင်းတိုၵ်ႉၵႂႃႇ တီႈႁႆႈ/သူၼ် မိူဝ်ႈႁွတ်ႈၽႅဝ် ၼိူဝ်သဵၼ်ႈတၢင်းၵူၼ်းၵႂႃႇမႃး တီႈဝၢၼ်ႈႁူၺ်ႈဢေႃႈ ဢၼ်မီးၾၢႆႇဢွၵ်ႇ ဝၢၼ်ႈသၢႆးမူၼ်ႇ ၼႂ်းၵႄႈၵၢင် ဝၢၼ်ႈလၢႆးၵမ် – ဝၢၼ်ႈသၢႆးမူၼ်ႇ ၼၼ်ႉ လႆႈၽႃႇၺႃး မၢၵ်ႇ ဢၼ်ၸုမ်း RCSS ႁၢင်ႈ ၵၢင်ဝႆႉ လုၵ်ႈၼိုင်ႈ လႄႈ မၢၵ်ႇတႅၵ်ႇ တိူဝ်ႉၺႃး လႆႈလူႉတၢႆ (1)ၵေႃႉ၊မၢတ်ႇၸဵပ်းၸွမ်း (2)ၵေႃႉ ၼႆယူႇယဝ်ႉ။ ဝၢႆးသေမၢၵ်ႇတႅၵ်ႇယဝ်ႉ မိူဝ်ႈၶၢဝ်းယၢမ်းၵၢင်ဝၼ်း 12 မူင်းၼၼ်ႉ ၵူၼ်းဝၢၼ်ႈသၢႆးမူၼ်ႇ ဢွၼ်ၵၼ် ဢၢၼ်းၵႂႃႇ ဢဝ် ၵူၼ်းမၢတ်ႇၸဵပ်း ဢၼ်ၺႃးၸၢၵ်ႇမၢၵ်ႇၼၼ်ႉ ၼႆသေ လႆႈၶိုၼ်းၵႂႃႇၽႃႇၺႃး မၢၵ်ႇထႅင်ႈ လုၵ်ႈၼိုင်ႈ လႄႈ တႅၵ်ႇ တိူဝ်ႉၺႃး ၵူၼ်းဝၢၼ်ႈသၢႆးမူၼ်ႇ လႆႈတၢင်းမၢတ်ႇၸဵပ်းထႅင်ႈ ၼၢင်းယိင်း(10) ၵေႃႉ ၊ ၽူႈၸၢႆး(6) ၵေႃႉ ႁူမ်ႈသဵင်ႈၵူၼ်းလႆႈတၢင်းမၢတ်ႇၸဵပ်း မီး(18) ၵေႃႉ ၊ လႆႈသူင်ႇယူတ်းယႃတူဝ်ဝႆႉ တီႈႁူင်းယႃ ဝဵင်းၶူဝ်လမ် (13) ၵေႃႉ ၊ ယူတ်းယႃတီႈဝၢၼ်ႈသၢႆးမူၼ်ႇ (5) ၵေႃႉ ယူႇယဝ်ႉ။ “ၸႂ်ႈၶႃႈဢေႃႈ မၢၵ်ႇၼႆႉ တႅၵ်ႇ(2) လုၵ်ႈၶႃႈ မိူဝ်ႈၶဝ် လုၵ်ႉတီႈသူၼ်သေ မႃးၼႂ်းဝၢၼ်ႈ မိူဝ်ႈဝၼ်းၽိတ်ႈ တင်း ဝၼ်းသိၼ် ၼၼ်ႉ တေႉ ဢမ်ႇမီးမၢၵ်ႇၶႃႈ ဝၢႆးသိၼ် ၼိုင်ႈဝၼ်း ဝၼ်းလိူၼ်ၵဝ်ႈလွင်ႈ (႑) ၶမ်ႈ မိူဝ်ႈၶိုၼ်း လုၵ်ႉတီႈဝၢၼ်ႈသေ ၶိုၼ်းၵႂႃႇတီႈသူၼ်ၼၼ်ႉဢေႃႈ ၺႃးမၢၵ်ႇတႅၵ်ႇသႂ်ႇ တႅၵ်ႇမိူဝ်ႈၸဝ်ႉ ၼိုင်ႈလုၵ်ႈ မိူဝ်ႈၵၢင်ဝၼ်း မိူဝ်ႈၵူၼ်းဝၢၼ်ႈ ၵႂႃႇႁပ်ႉဢဝ်ၵူၼ်းမၢတ်ႇၼၼ်ႉ ၺႃးထႅင်ႈၼိုင်ႈလုၵ်ႈၶႃႈ ဢေႃႈ။ တၢင်းမူတ်း တိူဝ်ႉ(19) ၵေႃႉ တၢႆ(1) ၵေႃႉ မၢတ်ႇ (18) ၵေႃႉၶႃႈဢေႃႈ။ ႁဝ်းၶႃႈၶႆႈတုၵ်း ယွၼ်းတေႉ သိုၵ်း ၸုမ်းလႂ်ၵေႃႈယဝ်ႉ မဵဝ်းဢၼ်တေပဵၼ်ၽေးတေႃႇ ၵူၼ်းမိူင်းၼႆႉ ဢမ်ႇၶႆႈႁႂ်ႈႁဵတ်းၶႃႈ ႁဝ်းၶႃႈၵူၼ်းမိူင်းၼႆႉ လူဝ်ႇၶဝ်ႈ လူဝ်ႇငိုၼ်း ၵေႃႈ လႆႈၸွႆႈပၼ် ပွင်ႇဝႃႈ လဵင်ႉၶဝ်ႈၽၵ်း ၵိၼ်သေ သမ်ႉၶိုၼ်း ႁၢင်ႈမၢၵ်ႇႁဵတ်းႁၢႆႉၼိူဝ် သၢႆၸႂ်ႁဝ်း ၶႃႈၼႆႉ ထိုင်ၸႂ်တေႉယူႇၶႃႈ”။ ၼႆ ၵူၼ်းမိူင်းပိုၼ်ႉတီႈ ဝၢၼ်ႈသၢႆးမူၼ်ႇ ဢၼ်ဢမ်ႇၶႆႈဢွၵ်ႇၸိုဝ်ႈ ၵေႃႉၼိုင်ႈလၢတ်ႈ ၼႄၼင်ႇၼႆ။

['ၵၢၼ်သိုၵ်း', 'ၶၢဝ်ႇ', 'ၶၢဝ်ႇၵူႈလွင်ႈလွင်ႈ']

2024-08-21T15:52:42

https://ssppssa.org/2024/08/%e1%81%b8%e1%80%af%e1%80%99%e1%80%ba%e1%80%b8%e1%81%be%e1%81%a2%e1%82%86%e1%82%87%e1%80%95%e1%81%a2%e1%82%86%e1%80%b8%e1%80%9a%e1%80%b0%e1%82%87%e1%80%9c%e1%80%ae-sspp-ssa-%e1%80%9c%e1%80%b0-3/

ၸုမ်းၾၢႆႇပၢႆးယူႇလီ SSPP/SSA လူင်းတူၺ်းထိုင်ပၼ်ပၢႆးယူႇလီ ပေႃႈမႄႈ ၵူၼ်းမိူင်း ၼႂ်းၼႃႈတီႈဢုပ်ႉပိူင်ႇ လၢႆလၢႆတီႈ ၸိုင်ႈတႆးပွတ်းၸၢၼ်း

တေႇဢဝ်ၼႂ်းႁူဝ်လိူၼ် ဢေႃးၵၢတ်ႉသ်မႃး ၸုမ်းၾၢႆႇပၢႆးယူႇလီ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA လႆႈလူင်းပိုၼ်ႉတီႈ တူၺ်း ထိုင်ပၼ်ပၢႆးယူႇလီ ပေႃႈမႄႈ ၵူၼ်းမိူင်း ၼႂ်းပိုၼ်ႉတီႈ ၸေႈဝဵင်းမိူင်းသူႈ ၊ၸေႈဝဵင်းဝၢၼ်ႈႁႆး ၊ၸေႈဝဵင်းမိူင်းၼွင် ၸိုင်ႈတႆးပွတ်းၸၢၼ်း ၼႆယူႇယဝ်ႉ။ မိူဝ်ႈလိူၼ်ဢေႃးၵၢတ်ႉသ် 03 ဝၼ်း တေႃႇထိုင် လိူၼ် ဢေႃးၵတ်ႉသ် 12 ဝၼ်း ၼၼ်ႉ ၸုမ်းၾၢႆႇ ပၢႆးယူႇလီ ငဝ်ႈငုၼ်း SSPP/SSA ႁူမ်ႈတင်း ၸုမ်းၾၢႆႇပၢႆးယူႇလီ ၼႂ်းပိုၼ်ႉတီႈ သေ လႆႈလူင်း ၵူတ်ႇထတ်း တူၺ်းထိုင်ပၼ် ပၢႆးယူႇလီ ပေႃႈမႄႈၵူၼ်းမိူင်း တီႈဝၢၼ်ႈၵုင်းသႃႇ ၊ ဝၢၼ်ႈတေႃမွၼ်း ၊ ဝၢၼ်ႈမွၵ်ႇၸၢမ်သႅင်း ၊ ဝၢၼ်ႈၼႃးႁဵဝ်း ၊ ဝၢၼ်ႈလူင် ၊ ဝၢၼ်ႈၵွင်း ၊ ဝၢၼ်ႈၽၵ်းႁႃႈ ၊ ဝၢၼ်ႈမႂ်ႇ(လွႆၶမ်း) ၊ ဝၢၼ်ႈလွႆၶမ်း ၊ ဝၢၼ်ႈလွႆတင်ႈ ဢၼ်မီး ၼႂ်းဢိူင်ႇဝၢၼ်ႈသေႃႉ ၊ ဢိူင်ႇလွႆတင်ႈ ၊ ဢိူင်ႇႁၢႆးပႃ ၸေႈဝဵင်း မိူင်းသူႈ ၊ ၸေႈဝဵင်းဝၢၼ်ႈႁႆး ၸဵမ်ၸိူဝ်းၼႆႉ လႄႈ ႁူမ်ႈသဵင်ႈ လႆႈယူတ်းယႃပၼ် ပေႃႈမႄႈၵူၼ်းမိူင်း (335)ၵေႃႉ ယူႇယဝ်ႉ။ မိူဝ်ႈလိူၼ် ဢေႃးၵတ်ႉသ် 8 ဝၼ်း တေႃႇ ထိုင် 13 ဝၼ်း ၼႂ်းၶၢဝ်းတၢင်းႁိုင် (5) ဝၼ်းၼၼ်ႉၵေႃႈ ၸုမ်းၾၢႆႇပၢႆး ယူႇလီ ငဝ်ႈငုၼ်း ဢွၼ်ႁူဝ် ၸုမ်းၾၢႆႇပၢႆးယူႇလီ ႁူင်းယႃၼွင်တဝ်း သေ လႆႈလူင်းပိုၼ်ႉတီႈ တူၺ်းထိုင်ပၼ် ပၢႆးယူႇလီ ပေႃႈမႄႈၵူၼ်းမိူင်း တီႈဝၢၼ်ႈမႂ်ႇ ၊ ဝၢၼ်ႈႁူဝ်ႁူး ၊ ဝၢၼ်ႈလူင် ၊ ဝၢၼ်ႈၸၢႆဝၢႆး ၊ ဝၢၼ်ႈၵျွင်း ၊ ဝၢၼ်ႈၼႃးၾႆး ၊ ဝၢၼ်ႈလွႆ ၊ ဝၢၼ်ႈႁူဝ်ၸၢၼ်း ၊ ဝၢၼ်ႈၶၢႆးသႅင် ဢၼ်မီးၼႂ်းဢိူင်ႇမိူင်းသွင် ၊ ဢိူင်ႇၼွင်တဝ်း ၊ ၸေႈဝဵင်းမၢႆ (42) မိူင်းၼွင်လႄႈ လႆႈတူၺ်းထိုင်ယူတ်းယႃပၼ် ပေႃႈမႄႈ ၵူၼ်းမိူင်း (385)ၵေႃႉ ယူႇယဝ်ႉ။ လိူဝ်သေၼၼ်ႉ မိူဝ်ႈလိူၼ် ဢေႃးၵတ်ႉ သ် 10 ဝၼ်း တေႃႇထိုင် 17 ဝၼ်း ၼႂ်းၶၢဝ်းတၢင်းႁိုင် (8) ဝၼ်းၼၼ်ႉၵေႃႈ ၸုမ်းၾၢႆႇပၢႆးယူႇလီ တီႈႁူင်းယႃ ဝၢၼ်ႈၼႃးၵွၼ် ၊ ႁူင်းယႃဝၢၼ်ႈလွႆ ၊ ႁူင်းယႃဝၢၼ်ႈပဵင်း လႆႈလူင်း တူၺ်းထိုင်ပၼ် ပၢႆးယူႇလီ ပေႃႈမႄႈၵူၼ်းမိူင်း ဢၼ်မီးၼႂ်းဢိူင်ႇၼမ်ႉတွင်း ၊ ဢိူင်ႇမေႃႇမႄႇ ၼႂ်းဢိူင်ႇ ဝၢၼ်ႈလွႆ ၊ ဢိူင်ႇလွႆၼၢႆး ၊ ၸေႈဝဵင်းမၢႆ(3) မိူင်းသူႈ ၊ ဢိၵ်ႇပႃး ပေႃႈမႄႈၵူၼ်းမိူင်း ၼႂ်းဢိူင်ႇ ၼွင်ဢႅပ်း ၊ ဢိူင်ႇၶုမ်ႇပၢင် ဢၼ်မီးၼႂ်းၸေႈဝဵင်း ဝၢၼ်ႈႁႆး ၸဵမ်ၸိူဝ်းၼႆႉ လႄႈ လႆႈတူၺ်းထိုင်ယူတ်းယႃပၼ် ပေႃႈမႄႈ ၵူၼ်းမိူင်း (300) ၵေႃႉပၢႆ ယူႇယဝ်ႉ။ ယွၼ်ႉဝႃႈ ပၢႆးယူႇလီၼႆႉ ပဵၼ်ဢၼ်လမ်ႇလွင်ႈသုတ်း တႃႇၵူၼ်းႁဝ်း လႄႈ ၼင်ႇႁိုဝ်တေပဵၼ် တႃႇၵမ်ႉၸွႆႈလႆႈ ပၢႆးယူႇလီပေႃႈမႄႈၵူၼ်မိူင်းၼၼ်ႉ ယူႇတီႈငဝ်ႈငုၼ်း SSPP/SSA သေ လႆႈၵိူတ်ႇၶိုၼ်ႈမႃး ၸုမ်းမေႃယႃ ၊ ဢွင်ႈ တီႈဢၼ်ၵႆႁူင်းယႃၸိူဝ်းၼၼ်ႉၵေႃႈ လႆႈႁဵတ်းသၢင်ႈ ပိုတ်ႇပၼ် ႁူင်းယႃ ၊ လႆႈၸွႆႈထႅမ်ယူတ်းယႃပၼ် ပေႃႈမႄႈ ၵူၼ်းမိူင်း လူၺ်ႈၼမ်ႉၸႂ် ၸေႇတၼႃႇ ၸဵမ်ၸိူဝ်းၼႆႉ လႄႈ ၼႂ်းတွၼ်ႈၵၢၼ် ပူၵ်းပွင်ပၼ် ၾၢႆႇပၢႆးယူႇလီၼႆႉ ၼိုင်ႈၶူပ်ႇပီႊလႂ် လႆႈၸႂ်ႉတိုဝ်းငိုၼ်း (5000) သႅၼ် တေႃႇ (10000) သႅၼ်ယူႇၼႆ ၵႅမ်ၽူႈၵွၼ်းႁွင်ႈၵၢၼ် ၾၢႆႇပၢႆး ယူႇလီ ငဝ်ႈငုၼ်း SSPP/SSA လၢတ်ႈၼႄ ၼင်ႇၼႆ။

['ပၢႆးယူႇလီ', 'ၵၢၼ်ၸွႆႈထႅမ်ပေႃႈမႄႈၵူၼ်းမိူင်း']

2024-08-17T00:25:55

https://ssppssa.org/2024/08/%e1%80%84%e1%80%9d%e1%80%ba%e1%82%88%e1%80%84%e1%80%af%e1%81%bc%e1%80%ba%e1%80%b8-sspp-ssa-%e1%81%b8%e1%80%90%e1%80%ba%e1%80%b8%e1%82%81%e1%80%b5%e1%80%90%e1%80%ba%e1%80%b8%e1%80%95%e1%81%a2-9/

ငဝ်ႈငုၼ်း SSPP/SSA ၸတ်းႁဵတ်းပၢင်ပွႆးၶႄ့ၶဵင်ႇ လဵၼ်ႈ ႁႅင်း ႁႂ်ႈပဵၼ်မၢႆတွင်း ဝၼ်းၵေႃႇတင်ႈပႃႇတီႇမႂ်ႇသုင် ၸိုင်ႈတႆး ၶွပ်ႈၶူပ်ႇ ( 53) ပီႊတဵမ်

ယိူင်းဢၢၼ်းႁႂ်ႈပဵၼ်ဝၼ်းမၢႆတွင်း ဝၼ်းၵေႃႇတင်ႈပႃႇတီႇမႂ်ႉသုင်ၸိုင်ႈတႆး SSPP ၶွပ်ႈၶူပ်ႇ (53) ပီႊ ၼႆ သေ ယူႇတီႈ ႁွင်ႈၵၢၼ် ပၢႆးပၺ်ႇၺႃႇ ႁူင်းႁဵၼ်းၼေႃႈတႅၼ်းၶိူဝ်း ဢွၼ်ႁူဝ် ၸတ်းႁဵတ်း ပၢင်ၶေႉၶဵင်ႇ ‌လဵၼ်ႈႁႅင်း ပွၵ်ႈၵမ်း (2) (ပီႊ 2024 ၼီႊ) ဢွင်ႈတီႈ ဝၢင်းမၢၵ်ႇၼင်ႁူင်းႁဵၼ်း ၼေႃႇတႅၼ်းၶိူဝ်း ငဝ်ႈငုၼ်း SSPP/SSA ဝဵင်းမႂ်ႇဝၢၼ်ႈႁႆး ၸိုင်ႈတႆးပွတ်း ၸၢၼ်း ၼႆယူႇယဝ်ႉ။ ပၢင်ၶႄႉၶဵင်ႇလဵၼ်ႈႁႅင်း ၼႂ်းဝၼ်းမၢႆတွင်း ၶွပ်ႈၶူပ်ႇ(53) ပီႊ SSPP ၼႆႉ တေႇၸတ်းႁဵတ်းမႃး မိူဝ်ႈလိူၼ်ဢေႃး ၵၢတ်ႉသ် (11) ဝၼ်း တေႃႇထိုင် လိူၼ်ဢေႃးၵၢတ်ႉသ် (16) ဝၼ်းသေ ၼႂ်းၼၼ်ႉ မီးလုၵ်ႈႁဵၼ်းၼေႃႇ တႅၼ်း ၶိူဝ်း ၶေႉၶဵင်ႇလဵၼ်ႈႁႅင်း ပိတ်ႉမၢၵ်ႇၼင်လွမ်ႈ ၊ ပိတ်ႉမၢၵ်ႇသွင်းဝၢႆ ၶေႉၶဵင်ႇ လႅၼ်ႈဝႆး၊ လႅၼ်ႈပုတ်ႈမိုဝ်း ၊ ဝႅၼ်သုင် ၸဵမ် ၸိူဝ်းၼႆႉ ယူႇယဝ်ႉ။ မိူဝ်ႈဝၼ်းတေႇ ပၢင်လဵၼ်ႈႁႅင်းၼၼ်ႉ မီးၸဝ်ႈႁၢၼ် ဢွင်ႇမျႃႉ ၽူႈဢွၼ်ႁူဝ်ၾၢႆႇလဵၼ်ႈႁႅင်း မွၵ်ႇလၢတ်ႈၶေႃႈၵႂၢမ်း ပိုတ်ႇပၢင်ပွႆး လဵၼ်ႈႁႅင်း ၊ တိုၵ်းသူၼ်းပၼ်ႁႅင်းၸႂ် တီႈလုၵ်ႈႁဵၼ်း သေ ၼင်ႇႁိုဝ် လုၵ်ႈႁဵၼ်း ၼေႃႇတႅၼ်းၶိူဝ်း ပေႃးတေ ဢမ်ႇလူင်လိုမ်း ၵၢၼ်မိူင်းဢၼ်ပူၼ်ႉမႃး ၸိူဝ်း ၼၼ်ႉ ၼႆလႄႈ ၶုၼ်ႁၢၼ် ႁၢၼ်ႇထုၼ်း လႆႈလူ ဢၢၼ်ႇ ၼႄ ယိူင်းဢၢၼ်း ပၢင်လဵၼ်ႈႁႅင်း ၼႂ်းဝၼ်းမၢႆတွင်း ၶွပ်ႈၶူပ်ႇ (53) ပီႊ SSPP ၼၼ်ႉၵႂႃႇယူႇယဝ်ႉ။ ယိူင်းၸူး ဝၼ်းၶွပ်ႈၶူပ်ႇ ပႃႇတီႇမႂ်ႇသုင်ၸိုင်ႈတႆး SSPP သေ ထိုင်မႃး မိူဝ်ႈၼႆႉ လိူၼ်ဢေႃးၵတ်ႉသ် 16 ဝၼ်း ၶၢဝ်းယၢမ်း ဝၢႆးဝၼ်း 16:00 မူင်းၼၼ်ႉ တီႈႁူင်းႁဵၼ်း ၼေႃႇတႅၼ်းၶိူဝ်း လႆႈၸတ်းႁဵတ်းပႃး ပၢင်ၵႅဝ်ႈ တွၼ်ႈသူး လုၵ်ႈ ႁဵၼ်း ၶေႉၶဵင်ႇလဵၼ်ႈႁႅင်း လႄႈ ၽူႈယႂ်ႇၵူၼ်းလူင် မွၵ်ႇလၢတ်ႈၶေႃႈၵႂၢမ်း ၊ လိူဝ်သေၼၼ်ႉ တီႈလၵ်းသဝ် ႁိၼ် SSPP တီႈဢိူင်ႇၶုမ်ႇပၢင်ၼၼ်ႉၵေႃႈ ယူႇတီႈ ႁူင်းႁဵၼ်းၽူႈမီးၸၼ်ႉ ၊ ႁွင်ႈၵၢၼ်လုမ်းၵူၼ်းၼုမ်ႇ ၊ လုမ်း မၢၵ်ႈမီး လႆႈႁူမ်ႈၵၼ် လူႇတၢၼ်းၶူဝ်းလူႇ တီႈသၢင်ႇၶႃႇၸဝ်ႈ ၊ ၵၢပ်ႈသွမ်း သၢင်ႇၶႃႇၸဝ်ႈ ၸဵမ်ၸိူဝ်းၼႆႉၵႂႃႇ ယူႇယဝ်ႉ။ ၼႂ်းပၢင်ၵႅဝ်ႈဢၼ်ၸတ်းႁဵတ်းတီႈႁူင်းႁဵၼ်း ၼေႃႇတႅၼ်း ၶိူဝ်း ‌ၼၼ်ႉ မီးၸဝ်ႈသိုၵ်းလူင် သႅင်ႁၢၼ် မွၵ်ႇလၢတ်ႈၶေႃႈ ၵႂၢမ်း ပိုတ်ႇပၢင်ၵႅဝ်ႈ လႄႈ တိုၵ်းသူၼ်း လုၵ်ႈႁဵၼ်း ႁႂ်ႈမေႃ ၽွမ်ႉသဵင်ပဵင်းပၢၵ်ႇၵၼ် ၊ ၸဝ်ႈႁၢၼ်သီႇႁ ၽူႈၵွၼ်းႁွင်ႈ ၵၢၼ်ပၢႆးပၺ်ႇၺႃႇ မွၵ်ႇလၢတ်ႈၶေႃႈၵႂၢမ်း သပ်းလႅင်းၼႄ လွင်ႈလႆႈၸတ်းႁဵတ်း ပၢင်ၶႄႉၶဵင်ႇ လဵၼ်ႈႁႅင်း ၊ ပိုၼ်းပႃႇတီႇမႂ်ႇသုင်ၸိုင်ႈတႆး ၊ ၸဝ်ႈႁၢၼ် ဢွင်ႇလႅင်း ၽူႈဢွၼ်ႁူဝ် ၾၢႆႇလဵၼ်ႈႁႅင်း မွၵ်ႇလၢတ်ႈၶေႃႈၵႂၢမ်း သပ်းလႅင်းၼႄ ၽွၼ်းလီၾၢႆႇ လဵၼ်ႈႁႅင်း ၊ တိုၵ်းသူၼ်းထိုင် လုၵ်ႈႁဵၼ်း ႁႂ်ႈၶတ်းၸႂ် ႁႂ်ႈပဵၼ်မႃး ၽူႈလဵၼ်ႈႁႅင်းၵတ်ႉၶႅၼ်ႇ ၸဵမ်ၸိူဝ်းၼႆႉယူႇယဝ်ႉ။ ဝၢႆးသေၼၼ်ႉ ယူႇတီႈၽူႈယႂ်ႇၵူၼ်းလူင် လႆႈတွၼ်ႈသူးပၼ် ၸုမ်းလဵၼ်ႈႁႅင်း တေႇသူးထီႉ(1) တေႃႇထိုင် သူး လဝ်ႇၸႂ် လႄႈ ယူႇတီႈ ၶုၼ်သိုၵ်းလူင် မိူင်းထုၼ်း ၵႅမ်ၽူႈ ၵွၼ်းႁွင်ႈၵၢၼ်ပၢႆးပၺ်ႇၺႃႇ မွၵ်ႇလၢတ်ႈၶေႃႈၵႂၢမ်း တိုၵ်းသူၼ်း ႁႂ်ႈၵူၼ်းၼုမ်ႇ ႁဝ်းၶႃႈတၢင်းသဵင်ႈ ၵၢင်းယၢၼ်ၽေး ယႃႈမဝ်းၵမ် သေ လူပ်းလင်ပၢင်ၵႅဝ်ႈ ဢွင်ႇမၢၼ်ယဝ်ႉတူဝ်ႈၵႂႃႇ ၶၢဝ်း ယၢမ်း 17:40 မူင်း ၼၼ်ႉယူႇယဝ်ႉ။

['ၵူၼ်းၼုမ်ႇ', 'ၵၢၼ်ၸွႆႈထႅမ်ပေႃႈမႄႈၵူၼ်းမိူင်း', 'ၶၢဝ်ႇ', 'ေၶႃႈပိုၼ်ၽၢဝ်ႇ', 'ပၢႆးပိင်ႇၺႃႇ', 'ၵၢၼ်ပူၵ်းပွင်']

2024-08-16T03:39:02

https://ssppssa.org/2024/08/%e1%80%84%e1%80%9d%e1%80%ba%e1%82%88%e1%80%84%e1%80%af%e1%81%bc%e1%80%ba%e1%80%b8-sspp-%e1%81%b8%e1%80%90%e1%80%ba%e1%80%b8%e1%80%95%e1%81%a2%e1%80%84%e1%80%ba%e1%80%90%e1%80%bd%e1%81%bc%e1%80%ba/

ငဝ်ႈငုၼ်း SSPP ၸတ်းပၢင်တွၼ်ႈသူး ဢွင်ႇပူၼ်ႉၸၼ်ႉသုင် ဝၼ်းၵူၼ်းၼုမ်ႇလုမ်ႈၾႃႉ

ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး ဢွၼ်ႁူဝ်ၼမ်းၼႃႈသေ ၸတ်းႁဵတ်းပၢင်ၵႅဝ်ႈ ဝၼ်းၵူၼ်းၼုမ်ႇလုမ်ႈၾႃႉ လႄႈ တွၼ်ႈသူး ၽူႈဢွင်ႇပူၼ်ႉၸၼ်ႉသုင် ဢွင်ႈတီႈႁူင်းႁေႃးလူင် ဝၢၼ်ႈႁႆး ၸေႈဝဵင်းၵေးသီး မီးၵူၼ်းၶိုၼ်ႈႁွတ်ႈ ၼပ်ႉႁူဝ်ပၢၵ်ႇ။ ဝၼ်းထီႉ-12 လိူၼ်ဢေႃးၵၢသ်ႉ 2024 ယၢမ်းၵၢင်ၼႂ်း 9 မူင်း တေႃႇ 12 မူင်း ၼၼ်ႉ ယူႇတီႈၵေႃႇမတီႇ ပၢႆးပိင်ႇၺႃႇငဝ်ႈငုၼ်း ဢွၼ်ႁူဝ်ၸတ်းႁဵတ်းပၢင်ၵႅဝ်ႈ ဝၼ်းၵူၼ်းၼုမ်ႇလုမ်ႈၾႃႉသေ ၼႂ်းၼၼ်ႉ လႆႈၸတ်းပၢင်တွၼ်ႈသူး လုၵ်ႈႁဵၼ်းဢၼ်ဢွင်ႇ ၸၼ်ႉသိပ်း ၸၼ်ႉ 12 ၊ ၸိူဝ်းပဵၼ်ၽူႈႁၢပ်ႇၵၢၼ် ၼႂ်းၵူႈတပ်ႉၵူႈႁွင်ႈၵၢၼ် လႄႈ မၢႆတွင်း ဝၼ်းၶွပ်ႊထူၼ်ႈ ပၢႆးပိင်ႇၺႃႇ ၵုၼ်ပၢင်ၵုၼ်ၶူင်း ဢၼ်လႆႈ ပူၵ်းပွင်မႃး ၶွပ်ႈတဵမ် 10 ပီႊ မီးၵူၼ်းၶိုၼ်ႈႁွတ်ႈ ပၢင်ၵႅဝ်ႈ 500 ပၢႆ ယူႇယဝ်ႉ။ ၸဝ်ႈႁၢၼ်သီႇႁ ၽူႈၵွၼ်းႁွင်ႈၵၢၼ် ၽၢႆႇပၢႆးပိင်ႇၺႃႇ ငဝ်ႈငုၼ်း SSPP/SSA – သပ်းလႅင်းၼႄဝႃႈ ဢၼ်ႁဝ်းၶႃႈ ၸတ်းႁဵတ်းမၢႆတွင်း ဝၼ်းၶူပ်ႈၶွပ်ႇ 10 ပီႊ ပၢႆးပိင်ႇၺႃႇၼႆႉ ႁဝ်းၶႃႈလႆႈမၵ်းမၼ်ႈဢဝ်မႃး ဢၼ်လႆႈပူၵ်းပွင်ပၢႆးပိင်ႇၺႃႇၵုၼ်ပၢင်ၵုၼ်ၶူင်း တီႈဢၼ်ႁူင်းႁဵၼ်းလူင်ပွင်ၸိုင်ႈဢမ်ႇႁွတ်ႈထိုင်လႆႈ ၸိူဝ်းၼႆႉယူႇၶႃႈ- ပၢႆးပိင်ႇၺႃႇ ဢၼ်ငဝ်ႈငုၼ်းႁဝ်းၶႃႈ ဢွၼ်ႁူဝ်ႁဵတ်းသၢင်ႈမႃးတႄႉၵေႃႈႁိုင်ယဝ်ႉၶႃႈ ၵူၺ်းၵႃႈ တီႈၵုၼ်ပၢင်ၵုၼ်ၶူင်းၼႆႉ ပၢႆးပိင်ႇၺႃႇ ႁူင်းႁဵၼ်းလူင်ပွင်ၸိုင်ႈ တိုၼ်းဢမ်ႇထိုင်မႃးသေဢိတ်း ၊ယူႇတီႈ ႁူဝ်ပဝ်ႈလူင် ၸင်ႇလႆႈပၼ်သုၼ်ႇလႆႈပုၼ်ႈၽွၼ်း ၸဝ်ႈႁိၼ်သႅင် ဢွၼ်ႁူဝ်ပူၵ်းပွင် ၽိုၵ်းၽွၼ်ႉ ၵိူတ်ႇဢွၵ်ႇမေႃသွၼ် လႄႈ ပိုတ်ႇၽုၺ်ႇႁူင်းႁဵၼ်း ပႃးၸဵမ်ငိုၼ်းၵမ်ႉၸွႆႈမေႃသွၼ်ၸိူဝ်းၼႆႉ ယူႇတီႈ ငဝ်ႈငုၼ်း SSPP/SSA ႁဝ်းၶႃႈဢဝ်ပုၼ်ႈၽွၼ်းသေ ပူၵ်းပွင်ပၢႆးပိင်ႇၺႃႇ ၶၢဝ်းတၢင်းမီးမႃး သိပ်းပီႊၼႆ လႄႈ ႁဝ်းၶႃႈ ၸင်ႇလႆႈႁဵတ်းတီႈမၢႆတွင်း တွၼ်ႈသူၼ်းၼမ်ႉၸႂ် ဢၼ်ဢွင်ႇပူၼ်ႉၸၼ်ႉသုင်ၸိူဝ်းၼႆႉယူႇ ၶႃႈဢေႃႈ ဝႃႈၼႆ။ ၼႂ်းပၢင်ၵႅဝ်ႈၼၼ်ႉ ၽူႈယႂ်ႇၵူၼ်းလူင် ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး မွၵ်ႇလၢတ်ႈၶေႃႈၵႂၢမ်း ပၼ်ႁႅင်း ၸုမ်းပွင်ၵၢၼ်ပၢႆးပိင်ႇၺႃႇ ၼင်ႇႁိုဝ် ပၢႆးပိင်ႇၺႃႇ ၵူၼ်းၼုမ်ႇ ၵူၼ်းမိူင်းႁဝ်း ပေႃးတေၶိုၼ်ႈယႂ်ႇမႃး လႄႈ မီးပႃးပၢင်တၢၼ်ႈၶႆႈ ၵဵဝ်ႇလူၺ်ႈႁူဝ်ၶေႃႈ ၵူၼ်းၼုမ်ႇလႄႈ တူင်ႇဝူင်းၵူၼ်း ဢိၵ်ႇပႃး ၵႃႈၶၼ်ပၢႆးပိင်ႇၺႃႇ ၸိူဝ်းၼႆႉသေ သိုပ်ႇတွၼ်ႈသူးလုၵ်ႈႁဵၼ်းဢွင်ႇပူၼ်ႉၸၼ်ႉသုင်ၵႂႃႇယူႇယဝ်ႉ။

['ၵၢၼ်ပူၵ်းပွင်', 'ပၢႆးပိင်ႇၺႃႇ', 'ၶၢဝ်ႇတူင်ႉၼိုင်ၸုမ်းဢွၼ်ႁူဝ်ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး']

2024-08-13T02:41:03

https://ssppssa.org/2024/08/sspp-ssa-%e1%81%b8%e1%80%bd%e1%82%86%e1%82%88%e1%80%91%e1%82%85%e1%80%99%e1%80%ba-%e1%81%b5%e1%80%b0%e1%81%bc%e1%80%ba%e1%80%b8%e1%80%95%e1%81%a2%e1%82%86%e1%82%88%e1%81%bd%e1%80%b1%e1%80%b8-6/

SSPP/SSA ၸွႆႈထႅမ် ၵူၼ်းပၢႆႈၽေး ပၢင်တိုၵ်း ဢၼ်ႁွတ်ႈၽႅဝ်ဝႆႉ ၼႂ်းၸေႈဝဵင်းမိူင်းၵိုင်

ပႃႇတီႇမႂ်ႇသုင်ၸိုင်ႈတႆး ၊ တပ်ႉသိုၵ်းၸိုင်ႈတႆး SSPP/SSA ဢၼ်ပဵၼ် ၵေႃႇမတီႇဢုပ်ႉပိူင်ႇ ၵူႈၸၼ်ႉၸၼ်ႉ ၼႂ်းၼႃႈလိၼ်သိုၵ်း တပ်ႉငဝ်ႈသိုၵ်း 798 ၸွႆႈထႅမ်ၵူၼ်းပၢႆႈၽေးပၢင်တိုၵ်း ဢၼ်ႁွတ်ႈ ၽႅဝ်ဝႆႉ ၼႂ်းၸေႈဝဵင်း မိူင်းၵိုင် ၸိုင်ႈတႆးပွတ်းၸၢၼ်း ၼၼ်ႉ ယူႇယဝ်ႉ။ မိူဝ်ႈလိူၼ်ဢေႃးၵတ်ႉသ် 7 ဝၼ်းၼၼ်ႉ ယူႇတီႈ ၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ ၵူႈၸၼ်ႉၸၼ်ႉ ၼႂ်းၼႃႈတီႈ ဢုပ်ႉပိူင်ႇ ၸေႈတွၼ်ႈမၢႆ(15) ၊ ၸေႈဝဵင်းမၢႆ(35) ၊ ဢိူင်ႇတူင်ႇလဝ်း ၼႂ်းၼႃႈလိၼ်သိုၵ်း တပ်ႉငဝ်ႈသိုၵ်း 798 ၼၼ်ႉ လႆႈလူင်းႁူပ်ႉထူပ်း ပၼ်ႁႅင်းၸႂ် လႄႈ ၸွႆႈထႅမ် ပေႃႈမႄႈၵူၼ်းမိူင်း ၸိူဝ်းဢၼ်လုၵ်ႉတၢင်း ၸေႈဝဵင်းလႃႈသဵဝ်ႈ ၊ ၸေႈဝဵင်းၵျွၵ်ႉမႄး ၊ ဝဵင်းၼမ်ႉလၼ်ႈ ၸိုင်ႈတႆးပွတ်းႁွင်ႇ သေ ပၢႆႈၽေးပၢင်တိုၵ်း မႃးသွၼ်ႈသဝ်း ယူႇဝႆႉတီႈ ဝတ်ႉၵျွင်းမုၼ်ၸဝ်ႈ ဢိူင်ႇတူင်ႇလဝ်း ၊ ဢိူင်ႇပၢင်သၵ်း ၸေႈဝဵင်းမိူင်းၵိုင်ၼၼ်ႉ ယူႇယဝ်ႉ။ ၵူၼ်းပၢႆႈၽေးသိုၵ်း ဢၼ်မႃးသွၼ်ႈသဝ်း တီႈၼႂ်းဢိူင်ႇတူင်ႇလဝ်း မီး(917)ၵေႃႉ ၊ ၼႂ်းဢိူင်ႇပၢင်သၵ်း မီး(168) ၵေႃႉ ႁူမ်ႈသဵင်ႈမီး (1085) ၵေႃႉ လႄႈ လႆႈၸွႆႈထႅမ် သၢင်ႉငိုၼ်း (2,000,000) သဝ်းသႅၼ်ၵျၢပ်ႈ ၊ ၶဝ်ႈသၢၼ်(8) ထူင်လူင် ယူႇယဝ်ႉ။

['ၵၢၼ်ၸွႆႈထႅမ်ပေႃႈမႄႈၵူၼ်းမိူင်း', 'ကူညီထောက်ပံမှု']

2024-08-13T02:34:14

https://ssppssa.org/2024/08/%e1%81%bd%e1%80%b0%e1%82%88%e1%80%99%e1%80%ae%e1%80%b8%e1%81%bc%e1%80%99%e1%80%ba%e1%82%89%e1%81%b8%e1%82%82%e1%80%ba%e1%81%b8%e1%80%b1%e1%82%87%e1%80%90%e1%81%bc%e1%82%83%e1%82%87-%e1%81%b8-2/

ၽူႈမီးၼမ်ႉၸႂ်ၸေႇတၼႃႇ ၸွႆႈထႅမ်လွင်ႈၵိၼ်ယႅမ်ႉတီႈၵေႃႉသိုၵ်းၵေႃႉႁၢၼ် SSPP/SSA ဢၼ်မီးၼႂ်းၼႃႈ တီႈ ၸေႈဝဵင်းၼမ်ႉလၼ်ႈ

ၽူႈမီးၼမ်ႉၸႂ် ၸေႇတၼႃႇ ဢၼ်ယူႇၼႂ်းၸေႈဝဵင်းၼမ်ႉလၼ်ႈ ႁူမ်ႈၵၼ်ၸွႆႈထႅမ်လွင်ႈၵိၼ်ယႅမ်ႉ တႃႇၵေႃႉ သိုၵ်း ၵေႃႉႁၢၼ် SSPP/SSA ဢၼ်ႁွတ်ႈၽႅဝ် ဢဝ်ႁူမ်ႇလူမ်ႈ ၼႂ်းၼႃႈတီႈ ၸေႈဝဵင်းၼမ်ႉလၼ်ႈ ၼၼ်ႉၼႆယူႇ ယဝ်ႉ။မိူဝ်ႈလိူၼ်ၵျူႇလၢႆႇ 10 ဝၼ်းၼၼ်ႉ ၽူႈမီးၼမ်ႉၸႂ်ၸေႇတၼႃႇ ဢၼ်ပဵၼ် ပေႃႈမႄႈ ၵူၼ်းမိူင်း ၊ ၸုမ်းၵေႃႊလိၵ်ႈ လၢႆးၾိင်ႈငႄႈတႆး ၊ ၸုမ်းပႃႇ တီႇႁူဝ်သိူဝ် (SNLD) ၼႂ်း ၸေႈဝဵင်းၼမ်ႉလၼ်ႈ ႁူမ်ႈၵၼ်သေ ၸွႆႈထႅမ် လွင်ႈၵိၼ် ယႅမ်ႉ တီႈသၢႆသိုၵ်း SSPP/SSA ဢၼ်တူင်ႉၼိုင်ဝႆႉ ၼႂ်းၸေႈဝဵင်းၼမ်ႉလၼ်ႈ တီႈၼိုင်ႈၼၼ်ႉ ယူႇယဝ်ႉ။ ၶူဝ်းၶွင် ဢၼ်လႆႈၸွႆႈထႅမ်မႃးၼၼ်ႉ မိူၼ်ၼင်ႇ ၶဝ်ႈသၢၼ် (30) ပွတ်း ၊ ၼမ်ႉမၼ်းၵိၼ် (72) တဝ်ႈ ၊ ၽွင်ဝၢၼ် (50) ထူင် ၊ ၼိူဝ်ႉပွမ် (2) ထူင်လူင် ၊ ၶႆႈယဵၼ်ႈ (1) တိူၵ်ႈ ၊ ၼိူဝ်ႈမူ (43) ၸွႆႉ ၊ မၢၵ်ႇၾႆးထၢတ်ႈ (15) ဢႅပ်ႇ ၊ ထူဝ်ႇၽူးယႅၼ်ႈ (10) ၵၢပ်ႈ ၊ ၽၵ်းသူမ်ႈယႅၼ်ႈ (10) ၵူၺ် ၸဵမ်ၸိူဝ်းၼႆႉ ယူႇယဝ်။ ယူႇတီႈပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး ငိၼ်း ၸူမ်းၶွပ်ႈၸႂ်ထိုင် ပေႃႈမႄႈၵူၼ်းမိူင်း ၽူႈမီးၼမ်ႉၸႂ် ၸေႇတၼႃႇ ၸိူဝ်းဢၼ်ၸွႆႈထႅမ်မႃး ၶူဝ်းၶွင်ၵိၼ်ယႅမ်ႉ တႃႇသၢႆသိုၵ်း တင်းၼမ် တင်းလၢႆ လႄႈ မိူဝ်းၼႃႈမႃး ၵေႃႈ တေသိုပ်ႇႁူမ်ႈမိုဝ်းၵၼ်တင်း ပေႃႈမႄႈၵူၼ်းမိူင်းႁဝ်းၶႃႈသေ တေၶတ်းၸႂ် ၵႅတ်ႇၶႄႁေႉၵင်ႈပၼ် ပေႃႈမႄႈ ၵူၼ်းမိူင်းႁဝ်းၶႃႈၵႂႃႇ ၸွမ်းလူၺ်ႈ ငဝ်းလၢႆး ၵၢၼ်မိူင်း ၵၢၼ်သိုၵ်း ၼွၵ်ႈမိူင်း ၼႂ်းမိူင်း ပၼ်မီးမႃးၼၼ်ႉ ယူႇယဝ်ႉ ။

['ၶၢဝ်ႇ']

2024-08-12T05:33:00

https://ssppssa.org/2024/08/sspp-ssa-%e1%81%b8%e1%80%bd%e1%82%86%e1%82%88%e1%80%91%e1%82%85%e1%80%99%e1%80%ba-%e1%81%b5%e1%80%b0%e1%81%bc%e1%80%ba%e1%80%b8%e1%80%95%e1%81%a2%e1%82%86%e1%82%88%e1%81%bd%e1%80%b1%e1%80%b8-5/

SSPP/SSA ၸွႆႈထႅမ် ၵူၼ်းပၢႆႈၽေး ပၢင်တိုၵ်းထႅင်ႈ ဢၼ်ႁွတ်ႈၽႅဝ်ဝႆႉ ၼႂ်းၸေႈဝဵင်းၵေးသီး

ပႃႇတီႇမႂ်ႇသုင်ၸိုင်ႈတႆး ၊ တပ်ႉသိုၵ်းၸိုင်ႈတႆး SSPP/SSA ဢၼ်ပဵၼ် ၵေႃႇမတီႇဢုပ်ႉပိူင်ႇ ၼႃႈလိၼ်သိုၵ်း တပ်ႉငဝ်ႈသိုၵ်း 798 ၸွႆႈထႅမ်ၵူၼ်းပၢႆႈၽေးပၢင်တိုၵ်း ဢၼ်ႁွတ်ႈ ၽႅဝ်ဝႆႉ ၼႂ်းၸေႈဝဵင်း ၵေးသီး ၸိုင်ႈတႆးပွတ်း ၸၢၼ်း ၼၼ်ႉ ယူႇယဝ်ႉ။ မိူဝ်ႈလိူၼ်ဢေႃးၵတ်ႉသ် 6 ဝၼ်းၼၼ်ႉ ယူႇတီႈ ၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ ၵူႈၸၼ်ႉၸၼ်ႉ ၼႂ်းၼႃႈတီႈ ဢုပ်ႉပိူင်ႇ ၸေႈတွၼ်ႈမၢႆ(15) ၊ ၼႃႈလိၼ်သိုၵ်း တပ်ႉငဝ်ႈသိုၵ်း 798 လႆႈလူင်းႁူပ်ႉထူပ်း ပၼ်ႁႅင်းၸႂ် လႄႈ ၸွႆႈထႅမ် ပေႃႈမႄႈၵူၼ်းမိူင်း ၸိူဝ်းဢၼ်လုၵ်ႉတၢင်း ၸေႈဝဵင်းလႃႈသဵဝ်ႈ သေ ပၢႆႈၽေးပၢင်တိုၵ်း မႃးသွၼ်ႈသဝ်း ယူႇဝႆႉတီႈ ဝတ်ႉၵျွင်းၶမ်း ၊ ၵျွင်းၵမ်ႇမထၢၼ်း ၊ ၵျွင်းႁေႃ ၊ ၵျွင်းၶရိတ်ႉယၢၼ်ႇ ၊ ပွၵ်ႉၵၢတ်ႇ ၊ ပွၵ်ႉၵုင်းႁေႃ ၊ ပွၵ်ႉၵၢင်ပၢင်ႇ ၊ ပွၵ်ႉလူင်ပူႉ ၊ ပွၵ်ႉဝၢၼ်ႈၵၢင် ၼႂ်းၸေႈဝဵင်းၵေးသီး ၸဵမ်ၸိူဝ်းၼႆႉလႄႈ လႆႈၸွႆႈထႅမ်ပၼ် လွင်ႈၵိၼ်ယႅမ်ႉ ၼမ်ႉမၼ်း (7) ပုင်း ၊ ထူဝ်ႇလိူင်(1) ထူင်လူင် ၊ မၢၵ်ႇၶိူဝ်သူမ်ႈ (1) ထူင်လူင် ၊ ၽၵ်းမီႇ ႁူဝ် လႅင် (1) ထူင်ႇလူင် ၊ ၵိူဝ်(1) ထူင်လူင် ၊ ၽွင်ဝၢၼ် (1) ထူင်လူင် ၊ ၶဝ်ႈသၢၼ် (10) ထူင် ၊ ငိုၼ်း 1,300,000 ၵျၢပ်ႈ ၸဵမ်ၸိူဝ်းၼႆႉ ယူႇယဝ်ႉ။ဢၼ်လႆႈၸွႆႈထႅမ်ၵႂႃႇ တၢင်းသဵင်ႈၼၼ်ႉ တူၵ်းမႅၼ်ႈသၢင်ႉငိုၼ်း (3,000,000) သၢမ်သိပ်းသႅၼ်ၵျၢပ်ႈ ယူႇယဝ်ႉ။

['ၵၢၼ်ၸွႆႈထႅမ်ပေႃႈမႄႈၵူၼ်းမိူင်း', 'ၵၢၼ်ပူၵ်းပွင်', 'ကူညီထောက်ပံမှု']

2024-08-12T05:29:26

https://ssppssa.org/2024/08/sspp-ssa-%e1%81%b8%e1%80%bd%e1%82%86%e1%82%88-%e1%81%b5%e1%80%b0%e1%81%bc%e1%80%ba%e1%80%b8%e1%80%91%e1%80%b0%e1%80%95%e1%80%ba%e1%80%b8%e1%81%bd%e1%80%b1%e1%80%b8%e1%80%9e%e1%80%ad%e1%80%af%e1%81%b5/

SSPP/SSA ၸွႆႈ ၵူၼ်းထူပ်းၽေးသိုၵ်း ၼႂ်းၸေႈဝဵင်းလႃႈသဵဝ်ႈသေ ႁပ်ႉသူင်ႇဝႆႉပၼ် တီႈလွတ်ႈၽေး

ပႃႇတီႇမႂ်ႇသုင်ၸိုင်ႈတႆး၊တပ်ႉသိုၵ်းၸိုင်ႈတႆး SSPP/SSA ၸွႆႈထႅမ်ဢဝ်ႁူမ်ႇလူမ်ႈပၼ် ၵူၼ်းထူပ်းၽေးသိုၵ်း ၼႂ်း ၸေႈဝဵင်းလႃႈသဵဝ်ႈ သေ ႁပ်ႉတေႃႉသူင်ႇထိုင် ၼႂ်းၸေႈဝဵင်းမိူင်းယႆ ဢွင်ႈတီႈဢၼ် လွတ်ႈၽေးၼၼ်ႉ ယူႇယဝ်ႉ။ တင်ႈတေႇဢဝ် လိူၼ်ဢေႃးၵတ်ႉသ် ၊ ဝၼ်းထီႉ 6 တေႃႇထိုင် ဝၼ်းထီႉ 7 ၶၢဝ်းတၢင်းသွင်ဝၼ်းၼၼ်ႉ သၢႆသိုၵ်း SSPP/SSA ဢၼ် တူင်ႉၼိုင်ဝႆႉ ၼႂ်းၸေႈဝဵင်းမိူင်းယႆ ၊ လႆႈ ၵႂႃႇၸွႆႈထႅမ် ပႂ်ႉႁပ်ႉဢဝ် ၵူၼ်းထူပ်းၽေးပၢင်တိုၵ်း ၼႂ်း ၸေႈဝဵင်းလႃႈသဵဝ်ႈ (700) ၵေႃႉပၢႆ သေ တေႃႉသူင်ႇထိုင် ၼႂ်းၸေႈဝဵင်းမိူင်းယႆ ၸိုင်ႈတႆးပွတ်းႁွင်ႇ ဢွင်ႈတီႈဢၼ်လွတ်ႈၽေးၼၼ်ႉ ယူႇယဝ်ႉ။ ၵူၼ်း(700) ၵေႃႉပၢႆ ၼႆႉ မိူဝ်ႈၽွင်းပၢင်တိုၵ်း တိုၵ်ႉႁၢဝ်ႈႁႅင်း ၼႂ်းဝဵင်းလႃႈသဵဝ်ႈ ၼၼ်ႉ ဢမ်ႇၸၢင်ႈၶၢႆႉပၢႆႈဢွၵ်ႇ ၵိုတ်းၶမ်ဝႆႉၼႂ်းၵႄႈပၢင်တိုၵ်း သေ ဝၢႆးပၢင်တိုၵ်းယဵၼ် ၵႂႃႇ ၸူဝ်ႈၶၢဝ်း ယူႇတီႈတပ်ႉသိုၵ်း ၵဝ်ႈၵၢင်ႉ (MNDAA) တင်း SSPP/SSA လႆႈတူၵ်းလူင်းၵၼ် တႃႇၸွႆႈထႅမ်ဢွၵ်ႇမႃးလႄႈ တပ်ႉသိုၵ်း SSPP/SSA လႆႈဢဝ်ႁူမ်ႇလူမ်ႈ ၸွႆႈတေႃႉဢွၵ်ႇထိုင် တီႈဝဵင်းမိူင်းယႆ ဢွင်ႈတီႈဢၼ် လွတ်ႈ ၽေး ၼၼ်ႉယူႇယဝ်ႉ။

['ကူညီထောက်ပံမှု', 'ၵၢၼ်ပူၵ်းပွင်', 'ၵၢၼ်ၸွႆႈထႅမ်ပေႃႈမႄႈၵူၼ်းမိူင်း', 'ၵၢၼ်မိူင်း']

2024-08-12T05:22:55

https://ssppssa.org/2024/08/sspp-ssa-%e1%81%b8%e1%80%bd%e1%82%86%e1%82%88%e1%80%91%e1%82%85%e1%80%99%e1%80%ba-%e1%81%b5%e1%80%b0%e1%81%bc%e1%80%ba%e1%80%b8%e1%80%95%e1%81%a2%e1%82%86%e1%82%88%e1%81%bd%e1%80%b1%e1%80%b8-4/

SSPP/SSA ၸွႆႈထႅမ် ၵူၼ်းပၢႆႈၽေး ပၢင်တိုၵ်းထႅင်ႈ ဢၼ်ႁွတ်ႈၽႅဝ်ဝႆႉ ၼႂ်းၸေႈဝဵင်းဝၢၼ်ႈႁႆး

ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆး ၊ တပ်ႉသိုၵ်းၸိုင်ႈတႆး SSPP/SSA ၸွႆႈထႅမ်ၵူၼ်း ၵူၼ်းပၢႆႈၽေးပၢင်တိုၵ်း ဢၼ်ႁွတ်ႈ ၽႅဝ်ဝႆႉ တီႈၼႂ်းငဝ်ႈငုၼ်း ၸေႈဝဵင်းဝၢၼ်ႈႁႆး ၸိုင်ႈတႆးပွတ်းၸၢၼ်း ၼၼ်ႉ ၼႆယူႇယဝ်ႉ။ မိူဝ်ႈလိူၼ်ဢေႃးၵတ်ႉသ် 6 ဝၼ်း ၶၢဝ်းယၢမ်း ၵၢင်ၼႂ် 09:00 မူင်း တေႃႇထိုင်11:30 မူင်းၼၼ်ႉ ယူႇတီႈ ၽူႈ ၸတ်းၵၢၼ် ဝၢၼ်ႈမူၼ်းၵူၼ်းၵိုၼ်း ဢွၼ်ႁူဝ် ၽူႈမီးပုၼ်ႈ ၽွၼ်း ၼႂ်းၵေႃႇမတီႇ ၸေႈဝဵင်း ဝၢၼ်ႈႁႆး(4) ၵေႃႉ လႆႈတၢင်တူဝ် ငဝ်ႈငုၼ်း SSPP/SSA သေ လူင်းႁူပ်ႉထူပ်း ပၼ်ႁႅင်းၸႂ် လႄႈ ၸွႆႈထႅမ် ပေႃႈမႄႈၵူၼ်းမိူင်း ၸိူဝ်းဢၼ်လုၵ်ႉတၢင်း ၸေႈဝဵင်းလႃႈသဵဝ်ႈ ၊ ၸေႈဝဵင်းမိူင်းယႆ ပၢႆႈၽေးပၢင်တိုၵ်း မႃးသွၼ်ႈသဝ်း ယူႇဝႆႉတီႈ ဝတ်ႉၵျွင်းဝၢၼ်ႈပၢင်ႇလေႃႉ ၊ ႁူင်းသဝ်း ပွၵ်ႉမၢႆ(4) ဝၢၼ်ႈႁႆး ၊ ႁူင်းသဝ်းဝၢၼ်ႈတၢင်းၽႄ ဝၢၼ်ႈႁႆး ၊ တီႈဝၢၼ်ႈ သေႃႉ ဢိူင်ႇဝၢၼ်ႈသေႃႉ ၸေႈဝဵင်းဝၢၼ်ႈႁႆး ၸဵမ်ၸိူဝ်းၼႆႉ ယူႇယဝ်ႉ။ဢွင်ႈတီႈဝတ်ႉၵျွင်းမုၼ်ၸဝ်ႈ ဝၢၼ်ႈပၢင်ႇလေႃႉ ၵူၼ်းပၢႆႈၽေး မီး (75) ၵေႃႉ လႆႈၸွႆႈထႅမ်ပၼ် ၶဝ်ႈသၢၼ်(20) ထူင် ၊ ၼမ်ႉမၼ်း ပုင်းလိူင် (4) ပုင်း ၊ ၵျႃႇသၢၼ်ႇ (2) ထူင် ၊ ႁူဝ်လိၼ်(ဢႃႇလူး) (1) ထူင် ၊ ထူဝ်ႇလိူင် (2) ထူင် ၊ မၢၵ်ႇၶိူဝ်သူမ်ႈ (3) ထူင် ၊ ၽၵ်းမီႇလႅင်(3) ထူင် ၊ ၵိူဝ်(10) ထူင် ၊ ၽွင်ဝၢၼ်(10) ထူင် ၊ ဢွင်ႈတီႈႁူင်းသဝ်း ပွၵ်ႉမၢႆ (4) ဝၢၼ်ႈႁႆး ၼၼ်ႉ ႁူဝ်ၼပ်ႉၵူၼ်းပၢႆႈၽေး မီး (200) ၵေႃႉ လႆႈၸွႆႈထႅမ်ပၼ် ၶဝ်ႈသၢၼ်(30) ထူင် ၊ ၼမ်ႉမၼ်း ပုင်းလိူင် (3) ပုင်း ၊ ၵျႃႇသၢၼ်ႇ (1) ထူင် ၊ ႁူဝ်လိၼ်(ဢႃႇလူး) (1) ထူင် ၊ ထူဝ်ႇလိူင် (1) ထူင် ၊ မၢၵ်ႇၶိူဝ်သူမ်ႈ (3) ထူင် ၊ ၽၵ်းမီႇလႅင်(3) ထူင် ၊ ၵိူဝ်(10) ထူင် ၊ ၽွင်ဝၢၼ်(10) ထူင် ၊ ဢွင်ႈတီႈႁူင်းသဝ်း ဝၢၼ်ႈတၢင်းၽႄ ႁူဝ် ၼပ်ႉ ၵူၼ်းပၢႆႈၽေး မီး (19) ၵေႃႉ လႆႈၸွႆႈထႅမ်ပၼ် ၶဝ်ႈသၢၼ် (5) ထူင် ၊ ၼမ်ႉမၼ်း ပုင်းလိူင် (1) ပုင်း ၊ ၵျႃႇ သၢၼ်ႇ (1) ထူင် ၊ ထူဝ်ႇလိူင် (ၶိုင်ႈ) ထူင် ၊ မၢၵ်ႇၶိူဝ်သူမ်ႈ (2) ထူင် ၊ ၽၵ်းမီႇလႅင် (1) ထူင် ၊ ၵိူဝ်(5) ထူင် ၊ ၽွင် ဝၢၼ်(5) ထူင် လႄႈ တီႈဝၢၼ်ႈသေႃႉ ၵူၼ်းပၢႆႈၽေးမီး (28) ၵေႃႉ လႆႈ ၸွႆႈထႅမ်ပၼ် ၶဝ်ႈသၢၼ်(10) ထူင် ၊ ၼမ်ႉ မၼ်း ပုင်းလိူင် (1) ပုင်း ၊ ၵျႃႇသၢၼ်ႇ (1) ထူင် ၊ ထူဝ်ႇလိူင် (ၶိုင်ႈ) ထူင် ၊ မၢၵ်ႇၶိူဝ်သူမ်ႈ (2) ထူင် ၊ ၽၵ်းမီႇ လႅင်(1) ထူင် ၊ ၵိူဝ်(10) ထူင် ၊ ၽွင်ဝၢၼ်(10) ထူင် ၊ ၸဵမ်ၸိူဝ်းၼႆႉယူႇယဝ်ႉ။ လိူဝ်သေၼၼ်ႉ လႆႈလူႇတၢၼ်း တီႈဝတ်ႉၵျွင်း ဝၢၼ်ႈပၢင်ႇလေႃႉထႅင်ႈ ၶဝ်ႈသၢၼ် (5) ထူင် ၊ ၼမ်ႉမၼ်း(1) ပုင်း လႄႈ ငိုၼ်း (200,000) သွင်သႅၼ်ၵျၢပ်ႈ ယူႇယဝ်ႉ။ဢၼ်လႆႈ လူႇတၢၼ်းၸွႆႈထႅမ်ၵႂႃႇ တၢင်းသဵင်ႈၼၼ်ႉ တူၵ်းမႅၼ်ႈသၢင်ႉငိုၼ်း (15,830,000) ၼိုင်ႈပၢၵ်ႇ ႁႃႈသိပ်း ပႅတ်ႇသႅၼ် သၢမ်မိုၼ်ႇၵျၢပ်ႈ ယူႇယဝ်ႉ။ ၵူၼ်းပၢႆႈၽေး ဢၼ်ႁွတ်ႈၽႅဝ်ဝႆႉၼႂ်းၼႃႈတီႈ ၸေႈဝဵင်းဝၢၼ်ႈႁႆးၵူႈတီႈၼႆႉ မီး(900) ၵေႃႉပၢႆ မိူဝ်ႈပူၼ်ႉမႃး လိူၼ် ၵျူႇလၢႆႇ 9 ဝၼ်းၼၼ်ႉၵေႃႈ ယူႇတီႈငဝ်ႈငုၼ်း SSPP/SSA လႆႈလူင်းႁူပ်ႉထူပ်း ၸွႆႈထႅမ် ယဝ်ႉပွၵ်ႈၼိုင်ႈ သေ ဢၼ်လႆႈၸွႆႈထႅမ် ပွၵ်ႈၵမ်းၼႆႉ တူၵ်းမႅၼ်ႈပဵၼ်ၵမ်း ပွၵ်ႈထီႉ(2) ယူႇယဝ်ႉ။

['ၵၢၼ်ၸွႆႈထႅမ်ပေႃႈမႄႈၵူၼ်းမိူင်း', 'ၵၢၼ်ပူၵ်းပွင်', 'ၶၢဝ်ႇ']

2024-08-07T02:38:43

https://ssppssa.org/2024/08/%e1%81%b6%e1%80%bd%e1%80%84%e1%80%ba%e1%82%87%e1%80%9e%e1%80%ae%e1%82%87%e1%80%9e%e1%80%ad%e1%80%af%e1%81%b5%e1%80%ba%e1%80%b8%e1%80%99%e1%81%a2%e1%81%bc%e1%80%ba%e1%82%88-%e1%80%91%e1%82%85%e1%80%84/

ၶွင်ႇသီႇသိုၵ်းမၢၼ်ႈ ထႅင်ႈႁႅင်း ၵၢၼ်ၵုမ်းထိင်း လႅင်းၽူင်း လႄႈ လႅင်းၼႅတ်ႇ ၼႂ်းမိူင်းႁူမ်ႈတုမ်

ဝၢႆးသေ သိုၵ်းမၢၼ်ႈယိုတ်းသိမ်းဢႃႇမႃးၼႆႉ လွင်ႈႁေႉႁၢမ်ႈ မၵ်းတတ်း ၵၢၼ်ၸႂ်ႉတိုဝ်း လႅင်းၽူင်း ၊ လႅင်းၼႅတ်ႇ လႄႈ လွင်ႈၸွပ်ႇသွၵ်ႈ ပၵ်းတႃပႂ်ႉတူၺ်း ၸိူဝ်းၼႆႉ တိူဝ်း ၼမ်မႃးလိူဝ်ၵဝ်ႇ သေ ဝဵင်းဢၼ်လႆႈ ၶၢမ်ႇထုၵ်ႇ ဢိုတ်း ပႅတ်ႈလႅင်းၼႅတ်ႇၼၼ်ႉ မီး ( 90) ၸေႈဝဵင်းပၢႆ ယူႇယဝ်ႉ။တေႇဢဝ်ၼႂ်းလိူၼ် မေႇ တေႃႇထိုင် လိူၼ်ၵျူႇလၢႆႇ ၼႂ်းၶၢဝ်းတၢင်း (3) လိူၼ်ၼႆႉ ၵူၼ်းမိူင်းဢၼ် ၸႂ်ႉလႅင်း ၼႅတ်ႇ (Online) သေ ၸိၸမ်ႈ တႅမ်ႈလၢတ်ႈ သေႉၼႄး လွင်ႈ ၶွင်ႇသီႇသိုၵ်းမၢၼ်ႈ ၸိူဝ်းၼၼ်ႉ လႆႈထုၵ်ႇ ၺႃးသိုၵ်းမၢၼ်ႈတီႉၺွပ်းၵႂႃႇ (70) ၵေႃႉႁိမ်းႁွမ်း ယူႇယဝ်ႉ။ ၼႂ်းမိူင်းႁူမ်ႈတုမ်ၼႆႉ မၢင်တီႈၵေႃႈ ထုၵ်ႇၺႃးပိၵ်ႉလႅင်းၾူၼ်း ပႅတ်ႈလုမ်းလုမ်း ၊ မၢင်တီႈ ၶျေႃႉယွမ်းပႅတ်ႈ လႅင်းၾူၼ်း ၵေႃႈမီး ၊ မၢင်တီႈ ပိုတ်ႇပၼ်လႅင်းၾူၼ်း ပိၵ်ႉလႅင်းၼႅတ်ႇပႅတ်ႈလုမ်းလုမ်းၵေႃႈမီး ယွၼ်ႉၼၼ် တႃႇၸႂ်ႉ တိုဝ်း ဝႅပ်ႉသၢႆႉ(website) ၊ တႃႇတေတူၺ်းၶၢဝ်ႇ ၊ လူ ဢၢၼ်ႇၶၢဝ်ႇ ၊ တႃႇတေၸႂ်ႉတိုဝ်း လႅင်းၼႅတ်ႇ( internet) သေ ႁဵတ်းၵၢၼ် ၸဵမ်ၸိူဝ်းၼႆႉၵေႃႈ ၵူၼ်းမိူင်း မီးလွင်ႈယၢပ်ႇၽိုတ်ႇဝႆႉ လႄႈ လၢႆးႁဵတ်းၸိူင်ႉၼႆၼႆႉ မိူၼ်ၸိူင်ႉၼင်ႇ ပိၵ်ႉႁူ ၊ ပိၵ်ႉတႃ ၊ ပိၵ်ႉသဵၼ်ႈတၢင်း ၵၢၼ်ႁႃၵိၼ်လဵင်ႉတွင်ႉ ၵူၼ်းမိူင်းၵူၺ်းၼႆ ၵူၼ်းမိူင်း ဢၼ်ယၢမ်ႈ ႁဵတ်း ၵၢၼ် သိုဝ်ႉၶၢႆၼိူဝ် (Online) ၵေႃႉၼိုင်ႈ လၢတ်ႈၼႄၼင်ႇ ၼႆ။ဢွင်ႈတီႈဢၼ် ၸုမ်းယိပ်းၵွင်ႈၵၢင်ႇ ၸၢဝ်းၶိူဝ်း တင်း ၶွင်ႇသီႇသိုၵ်းမၢၼ်ႈ ပဵၼ်ပၢင်တိုၵ်းၵၼ် မိူၼ်ၼင်ႇ မိူင်းၶျၢင်း၊ မိူင်းၶၢင်၊ မိူင်းရၶႅင်ႇ၊ မိူင်းတႆးပွတ်းႁွင်ႇ ဢၼ်ပဵၼ် ၸေႈဝဵင်းလႃႈသဵဝ်ႈ ၊ ၸေႈဝဵင်းၵျႂၵ်ႉမႄး ၊ ၸေႈဝဵင်းသီႇပေႃႉ ၊ ၸေႈဝဵင်းၼမ်ႉတူႈ ၊ ၸေႈဝဵင်းသႅၼ်ဝီ ၊ ၸေႈဝဵင်းၵူတ်ႉၶၢႆ ၸဵမ်ၸိူဝ်းၼႆႉၵေႃႈ တေႇဢဝ် ၼႂ်းႁၢင်လိူၼ် ၵျူႇလၢႆ ပူၼ်ႉမႃးၼႆႉ ထုၵ်ႉၺႃးပိၵ်ႉဢိုတ်း လႅင်းၾူၼ်းလႅင်းၼႅတ်ႇသေဢမ်ႇၵႃး ထုၵ်ႉၺႃးပိၵ်ႉဢိုတ်းပႃးၾႆးၾႃႉ လႄႈ ႁဵတ်းႁႂ်ႈၵူၼ်းမိူင်း ထူပ်းတၢင်းယၢပ်ႇၽိုတ်ႇ ၼႂ်းၵၢၼ်တိတ်း တေႃႇၵပ်းသိုပ်ႇ ဝႆႉယူႇယဝ်ႉ။

['ၶၢဝ်ႇ']

2024-08-05T11:27:23

https://ssppssa.org/2024/08/%e1%81%b5%e1%80%b0%e1%81%bc%e1%80%ba%e1%80%b8%e1%80%95%e1%81%a2%e1%82%86%e1%82%88%e1%81%bd%e1%80%b1%e1%80%b8%e1%80%95%e1%81%a2%e1%80%84%e1%80%ba%e1%80%90%e1%80%ad%e1%80%af%e1%81%b5%e1%80%ba%e1%80%b8/

ၵူၼ်းပၢႆႈၽေးပၢင်တိုၵ်း ဢၼ်မႃးသွၼ်ႈသဝ်းဝႆႉ ၼႂ်းၼႃႈတီႈ ဢုပ်ႉပိူင်ႇ SSPP/SSA မီးထိုင် 10000 ၵေႃႉပၢႆ

ယွၼ်ႉပၢင်တိုၵ်း ၼႂ်းၸိုင်ႈတႆးပွတ်းႁွင်ႇ မိူၼ်ၼင်ႇ ၼႂ်း ၸေႈဝဵင်းလႃႈသဵဝ်ႈ ၊ ၸေႈဝဵင်းၵျွၵ်ႉမႄး ၊ ၸေႈဝဵင်းသီႇ ပေႃႉ ၸဵမ်ၸိူဝ်းၼႆႉ ႁၢဝ်ႈႁႅင်းၶိုၼ်ႈမႃးထႅင်ႈ လႄႈ ပေႃႈမႄႈၵူၼ်းမိူင်း ၸိူဝ်းဢၼ်ပၢႆႈၽေး ပၢင်တိုၵ်း သေ မႃးသွၼ်ႈသဝ်းဝႆႉ ၼႂ်းၼႃႈတီႈဢုပ်ႉပိူင်ႇ SSPP/SSA ၼၼ်ႉ မီးထိုင် (10000) ၵေႃႉပၢႆ ယူႇယဝ်ႉ။ ယူႇတီႈ ၸုမ်းဢူၺ်းလီ သွင်ၸုမ်း ဢၼ်ပဵၼ် တပ်ႉသိုၵ်းတဢၢင်း (TNLA) ၊ တပ်ႉသိုၵ်းၵဝ်ႈၵၢင်ႉ (MNDAA) ႁူမ်ႈ ၸုမ်း (PDF) တင်း ၶွင်ႇသီႇသိုၵ်းမၢၼ်ႈ သိုပ်ႇပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းၸေႈဝဵင်းလႃႈသဵဝ်ႈ ၊ ၵျွၵ်ႉ မႄး ၊ သီႇပေႃႉသေ မိူဝ်ႈလိူၼ် ဢေႃးၵတ်ႉသ် 4 ဝၼ်း ၼၼ်ႉ ပေႃႈမႄႈၵူၼ်းမိူင်း ၼႂ်းၸိုင်ႈတႆးပွတ်းႁွင်ႇ100 ၵေႃႉပၢႆ တိုၵ်ႉ လႆႈဢွၼ်ၵၼ်ပၢႆႈၽေးပၢင်တိုၵ်းထႅင်ႈ လႄႈ လႆႈမႃးသွၼ်ႈသဝ်းဝႆႉ တီႈငဝ်ႈငုၼ်း SSPP/SSA ထႅင်ႈ ယူႇယဝ်ႉ။ တေႃႇထိုင် မိူဝ်ႈၼႆႉ လိူၼ်ဢေႃးၵတ်ႉသ် 5 ဝၼ်း ပေႃႈမႄႈၵူၼ်းမိူင်း ၼႂ်းၸိုင်ႈတႆးပွတ်းႁွင်ႇ ဢၼ်ပၢႆႈၽေး ပၢင်တိုၵ်း သေ မႃးသွၼ်ႈသဝ်း ယူႇဝႆႉ ၼႂ်းၼႃႈတီႈ ဢုပ်ႉပိူင်ႇ SSPP/SSA ၵူႈၼႃႈတီႈ ၼႂ်းၸိုင်ႈတႆး ပွတ်းႁွင်ႇ ပွတ်း ၸၢၼ်းၼၼ်ႉ ႁူမ်ႈသဵင်ႈမီး (14,000) ၵေႃႉပၢႆလႄႈ ၵမ်ႈ ၽွင်ႈ ဢၼ်ၵႂႃႇသွၼ်ႈသဝ်းဝႆႉ ၸွမ်းႁိူၼ်းပီႈၼွင်ႉ ၽႂ်မၼ်းၵေႃႈ မီးထႅင်ႈတင်းၼမ် ယူႇယဝ်ႉ။ လွင်ႈယၢပ်ႇၽိုတ်ႇ ပေႃႈမႄႈၵူၼ်းမိူင်း ၸိူဝ်းပၢႆႈၽေးပၢင်တိုၵ်းၼၼ်ႉ ယူႇတီႈ ပႃႇတီႇမႂ်ႇသုင်ၸိုင်ႈတႆး တပ်ႉ သိုၵ်း ၸိုင်ႈတႆး SSPP/SSA လႆႈၶတ်းၸႂ် ၵွင်ႉသၢၼ်ၸွမ်း ၸုမ်းတူင်ႇဝူင်းၵူၼ်း ၊ ၸုမ်းတူင်ႇဝူင်း ၵၢၼ်မိူင်း ၸဵမ်ၸိူဝ်းၼႆႉ သေ ၸွႆႈတူၺ်းထိုင်ပၼ် လွင်ႈၵိၼ်ယႅမ်ႉ ၊ ငိုၼ်းၸႂ်ႉၸၢႆႇ ဢိၵ်ႇပႃး လွင်ႈပၢႆးယူႇလီ ၸဵမ်ၸိူဝ်း ၼႆႉ လႄႈ မိူဝ်းၼႃႈမႃးၵေႃႈ ၵႃႈၼင်ႇပွင်ပဵၼ်လႆႈ တေသိုပ်ႇတူၺ်းထိုင် ၸွႆႈထႅမ်ၵႂႃႇယူႇယဝ်ႉ။ shanstateprogressparty shanstatearmy #SSPPInfo ၵူၼ်းပၢႆႈၽေး

['ၶၢဝ်ႇၵူႈလွင်ႈလွင်ႈ', 'ၶၢဝ်ႇတူင်ႉၼိုင်ၸုမ်းဢွၼ်ႁူဝ်ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး', 'ၵၢၼ်ပူၵ်းပွင်', 'သုၼ်ႇလၢႆႈၵူၼ်း']

2024-08-02T06:54:01

https://ssppssa.org/2024/08/%e1%80%95%e1%80%b1%e1%82%83%e1%82%88%e1%80%99%e1%82%84%e1%82%88%e1%81%b5%e1%80%b0%e1%81%bc%e1%80%ba%e1%80%b8%e1%80%99%e1%80%ad%e1%80%b0%e1%80%84%e1%80%ba%e1%80%b8-%e1%81%bc%e1%82%82%e1%80%ba-2/

ပေႃႈမႄႈၵူၼ်းမိူင်း ၼႂ်းပိုၼ်ႉတီႈ ၸေႈဝဵင်းမိူင်းယႆ လဵင်ႉလူၸႃႇၵ ၶဝ်ႈၽၵ်း လႄႈ ၸွႆႈထႅမ် သၢႆသိုၵ်း SSPP/SSA SSPP

ပေႃႈမႄႈၵူၼ်းမိူင်း ၼႂ်းၸေႈဝဵင်းမိူင်းယႆ ႁူမ်ႈၵၼ်သေ ႁပ်ႉလဵင်ႉလူ ၸႃႇၵ ၶဝ်ႈလီ ၽၵ်းဝၢၼ် လႄႈ ၸွႆႈထႅမ် လွင်ႈ ၵိၼ်ယႅမ်ႉ ၊ ငိုၼ်း တီႈသၢႆသိုၵ်း ပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး SSPP/SSA ဢၼ်ဢဝ်ႁူမ်ႇ လူမ်ႈ ပၵ်းသဝ်းဝႆႉ ၼႂ်းၸေႈဝဵင်းမိူင်းယႆ ၸိုင်ႈတႆးပွၼ်းႁွင်ႇ ၼၼ်ႉယူႇယဝ်ႉ။ မိူဝ်ႈလိူၼ် ဢေႃးၵတ်ႉသ် 01 ဝၼ်းၼၼ်ႉ ပေႃႈမႄႈၵူၼ်းမိူင်း ၽူႈမီးၼမ်ႉၸႂ် ၸေႇတၼႃႇ ဢၼ်ယူႇ ပွၵ်ႉႁၢင် ၼွင် ပွၵ်ႉ(1) ဝဵင်းမိူင်းယႆ ၼၼ်ႉ ႁူမ်ႈၵၼ်သေ လဵင်ႉလူ ၸႃႇၵ ၶဝ်ႈလီၽၵ်းဝၢၼ် တီႈသၢႆသိုၵ်း SSPP/SSA ဢၼ်ပၵ်းသဝ်း ဢဝ်ႁူမ်ႇလူမ်ႈပၼ် ပေႃႈမႄႈၵူၼ်းမိူင်း ၼႂ်းၸေႈဝဵင်းမိူင်းယႆၼၼ်ႉ ယူႇယဝ်ႉ။ၼႂ်းဝၼ်းလဵဝ်ၼၼ်ႉၵူၺ်း ၽူႈမီးၼမ်ႉၸႂ်ၸေႇတၼႃႇလီ ၸၢႆးမွၼ်းၶမ်း ပွၵ်ႉမၢႆ(3) ၸေႈဝဵင်းမိူင်းယႆ ၵေႃႈ လႆႈ ႁပ်ႉ ၸွႆႈထႅမ်ပၼ် ၽၵ်းၵၢတ်ႇ (2) ထူင်လူင် တႃႇသၢႆသိုၵ်း SSPP/SSA ၼႆယူႇယဝ်ႉ။ မိူဝ်ႈပူၼ်ႉမႃး ၼႂ်းလိူၼ် ၵျူႇလၢႆႇ 24 ဝၼ်းၼၼ်ႉၵေႃႈ ၽူႈမီးၼမ်ႉၸႂ် ၸေႇတၼႃႇလီ ၸၢႆးႁၵ်ႉ+ၼၢင်းယိၼ်ႇ ဢူး လၢၼ်ႉၵမ်ႇပေႃးၸ သႅင်ႇၶၢႆၶိူင်ႈၸၢၵ်ႈ ပွၵ်ႉမၢႆ(3) ဝဵင်းမိူင်းယႆ လႆႈၸွႆႈထႅမ် တႃႇသၢႆသိုၵ်း SSPP/SSA ၶဝ်ႈ သၢၼ် (10) ထူင် ၊ ငိုၼ်းၵႃႈၽၵ်း (10) သႅၼ်ၵျၢပ်ႈ ယူႇယဝ်ႉ။

['ကူညီထောက်ပံမှု']

2024-08-01T17:06:27

https://ssppssa.org/2024/08/sspp-ssa-%e1%81%b5%e1%80%b0%e1%80%90%e1%80%ba%e1%82%87%e1%80%91%e1%80%90%e1%80%ba%e1%80%b8-%e1%80%90%e1%80%ae%e1%82%89%e1%81%ba%e1%80%bd%e1%80%95%e1%80%ba%e1%80%b8%e1%81%b5%e1%80%b0%e1%81%bc%e1%80%ba/

SSPP/SSA ၵူတ်ႇထတ်း တီႉၺွပ်းၵူၼ်းၵဵဝ်ႇၶွင်ႈယႃႈမဝ်းၵမ် ၼႂ်းၸေႈဝဵင်းမိူင်းယႆ

သၢႆသိုၵ်း ပႃႇတီႇမႂ်ႇသုင်ၸိုင်ႈတႆး ၊ တပ်ႉသိုၵ်းၸိုင်ႈတႆး SSPP/SSA ဢၼ်ပၵ်းသဝ်း တူင်ႉၼိုင် ၼႂ်းၸေႈဝဵင်းမိူင်း ယႆၼၼ်ႉ ၶဝ်ႈၵူတ်ႇထတ်း တီႉၺွပ်း ၵူၼ်းၵဵဝ်ႇၶွင်ႈ ယႃႈမဝ်းၵမ် ၼႂ်းၸေႈဝဵင်းမိူင်းယႆ ၸိုင်ႈတႆးပွတ်းႁွင်ႇ။ မိူဝ်ႈလိူၼ်ဢေႃးၵၢတ်ႉသ် 01 ဝၼ်းၼႆႉ ယူႇတီႈ သၢႆသိုၵ်း SSPP/SSA ဢၼ်ဢဝ်ႁူမ်ႇလူမ်ႈပၼ်ပေႃႈမႄႈၵူၼ်းမိူင်း ၼႂ်းၸေႈဝဵင်းမိူင်းယႆၼၼ်ႉ လႆႈၶဝ်ႈၵူတ်ႇလၢင်ႉ ၵၢတ်ႇၶၢႆ ယႃႈမဝ်းၵမ် ဢၼ်မီးၼႂ်းဝဵင်းမိူင်းယႆ တီႈၼိုင်ႈသေ တိၺွပ်းလႆႈ ၵူၼ်းၵဵဝ်ႇၶွင်ႈ ယႃႈမဝ်းၵမ် (3) ၵေႃႉ ဢိၵ်ႇပႃး ၶိူင်ႈ ၶူဝ်းဢၼ်ၵဵဝ်ႇၶွင်ႈ ၵၢၼ်သူႇ၊သမ်း၊သိုဝ်ႉ၊ၶၢႆ ယႃႈမဝ်းၵမ်ထႅင်ႈတင်းၼမ်လႄႈ တေသိုပ်ႇ ၵူတ်ႇထတ်းၸွပ်ႇႁႃ တူင်ႇသိုပ်ႇၸိူဝ်းၵဵဝ်ႇၶွင်ႈၸွမ်း ထႅင်ႈယူႇယဝ်ႉ။ ၼႂ်းဝဵင်းမိူင်းယႆၼႆႉ ယွၼ်ႉယႃႈမဝ်းၵမ်လိူင်ႇၼမ်မႃးသေ ၽူႈလၵ်ႉၸၵ်ႉၶုတ်ႈၵေႃႈၼမ်မႃး ပေႃႈမႄႈၵူၼ်းမိူင်း ၸိူဝ်းယူႇသဝ်းၼႂ်းဝဵင်းဢမ်ႇမီးလွင်ႈႁူမ်ႇလူမ်ႈ လႄႈ ၼင်ႇႁိုဝ် ပေႃႈမႄႈၵူၼ်းမိူင်း ပေႃးတေမီး လွင်ႈႁူမ်ႇလူမ်ႈ လွတ်ႈ ၽေး ယွၼ်ႉယႃႈမဝ်းၵမ်ၼၼ်ႉၵေႃႈ ယူႇတီႈပႃႇတီႇမႂ်ႇသုင် ၸိုင်ႈတႆး ၊ တပ်ႉသိုၵ်းၸိုင်ႈတႆး /SSA တေသိုပ်ႇ ၶတ်း ၸႂ် ၵႅတ်ႇၶႄ ႁေႉၵင်ႈပၼ်ၵႂႃႇ ယူႇယဝ်ႉ။

['ယႃႈမဝ်းၵမ်', 'ၶၢဝ်ႇ']

2024-07-31T13:08:13

https://ssppssa.org/2024/07/%e1%81%b5%e1%80%b1%e1%82%83%e1%82%8a%e1%82%81%e1%80%b0%e1%80%99%e1%80%ba%e1%82%88%e1%80%99%e1%80%ad%e1%80%af%e1%80%9d%e1%80%ba%e1%80%b8%e1%80%95%e1%80%bd%e1%80%84%e1%80%ba%e1%81%b5%e1%81%a2%e1%81%bc/

ၵေႃႊႁူမ်ႈမိုဝ်းပွင်ၵၢၼ် ၸွႆႈထႅမ် ၵူၼ်းပၢႆႈၽေး ပၢင်တိုၵ်း ဢၼ်ႁွတ်ႈၽႅဝ်ဝႆႉ ၼႂ်းၸေႈဝဵင်းလၢႆးၶႃႈ

ၵေႃႊႁူမ်ႈမိုဝ်းပွင်ၵၢၼ် ႁူမ်ႈၵၼ် လူင်းပိုၼ်ႉတီႈ တူၺ်းထိုင် ပၼ်ႁႅင်းၸႂ် လႄႈ ၸွႆႈထႅမ်ပေႃႈမႄႈၵူၼ်းမိူင်း ၸိူဝ်းပၢႆႈၽေး ပၢင်တိုၵ်း ဢၼ်ႁွတ်ႈၽႅဝ်ဝႆႉ ၼႂ်းၸေႈဝဵင်းမၢႆ (39) လၢႆးၶႃႈ ၸိုင်ႈတႆးပွတ်းၸၢၼ်းၼၼ်ႉ ၼႆ ယူႇယဝ်ႉ။ မိူဝ်ႈလိူၼ်ၵျူႇလၢႆႇ 29 ဝၼ်း ယူႇတီႈၸုမ်း ၵေႃႊႁူမ်ႈမိုဝ်းပွင်ၵၢၼ် ဢၼ်ပႃးဝႆႉ ၽူႈမီးပုၼ်ႈၽွၼ်း ၾၢႆႇတပ်ႉ ၾၢႆႇ ဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး ၊ တပ်ႉသိုၵ်းၸိုင်ႈတႆး ၸေႈတွၼ်ႈမၢႆ (15) ၸေႈဝဵင်းမၢႆ(39) ပႃႇတီႇမႂ်ႇ သုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA လႄႈ ပေႃႈမႄႈ ၵူၼ်းမိူင်း ဢိူင်ႇမိူင်းယၢႆး ဢိၵ်ႇပႃး ၸုမ်းပႃႇတီႇႁူဝ်သိူဝ် (SNLD) ႁူမ်ႈမိုဝ်းၵၼ်သေ လႆႈလူင်း ႁူပ်ႉထူပ်း ပၼ်ႁႅင်းၸႂ် လႄႈ ၸွႆႈထႅမ် ပေႃႈမႄႈ ၵူၼ်းမိူင်း ၸိူဝ်းပၢႆႈၽေးပၢင်တိုၵ်း ဢၼ်လုၵ်ႉတၢင်း ၸိုင်ႈတႆးပွတ်း ႁွင်ႇ ပၢႆႈမႃး သွၼ်ႈသဝ်း ယူႇဝႆႉတီႈ ၵျွင်းၶရိတ်ႉယၢၼ်ႇ ၊ ဝတ်ႉၵျွင်း ၵုင်းၼိမ် ၊ ဝတ်ႉၵျွင်းၵမ်ႇမထၢၼ်း ၊ ႁူင်းႁေႃးဝၢၼ်ႈႁူဝ်ၽၢႆ ၊ ႁူင်းႁေႃးဝၢၼ်ႈၽူၺ်းႁႆး ၼႂ်းၸေႈဝဵင်းလၢႆးၶႃႈ ၸဵမ်ၸိူဝ်းၼႆႉ ယူႇယဝ်ႉ။ ပေႃႈမႄႈၵူၼ်းမိူင်း ၸိူဝ်းပၢႆႈၽေးပၢင်တိုၵ်း ၼၼ်ႉ လင် ႁိူၼ်းႁူမ်ႈ မီး (181) လင် ႁူဝ်ၵူၼ်းႁူမ်ႈသဵင်ႈ မီး (803) ၵေႃႉ လႄႈ လႆႈၸွႆႈထႅမ်ၵႂႃႇ မိူၼ်ၼင်ႇ ၶဝ်ႈသၢၼ် (22) ထူင် ၊ ၼမ်ႉမၼ်း (10) ၽႃႇ ၊ ၽွင်ဝၢၼ် (2) ထူင်လူင် ၊ ၵိူဝ် (2) ထူင်လူင် ၸဵမ်ၸိူဝ်းၼႆႉ ယူႇယဝ်ႉ။ဢိင်ၼိူဝ်ငဝ်းလၢႆး ၵၢၼ်သိုၵ်း/ပၢင်တိုၵ်း ပဵၼ်ယူႇႁၢဝ်ႈႁႅင်း ပွတ်းႁွင်ႇၼႆႉသေ ပေႃႈမႄႈၵူၼ်းမိူင်းႁဝ်း ၵူႈ တီႈၵူႈတၢင်း ၼႂ်းၸိုင်ႈတႆးပွတ်းႁွင်ႇ လႆႈဢွၼ်ၵၼ် ပၢႆႈၽေးသိုၵ်း ၵႂႃႇလၢႆတီႈ လၢႆတၢင်း လႄႈ တေႃႇထိုင် လိူၼ် ၵျူႇလၢႆႇ 31 ဝၼ်း ၼၼ်ႉ သဵၼ်ႈမၢႆၵူၼ်းပၢႆႈၽေး ဢၼ်ႁွတ်ႈၽႅဝ်ဝႆႉ ၼႂ်းၼႃႈတီႈဢုပ်ႉပိူင်ႇ SSPP/SSA မီးယူႇ (17,471) ၼိုင်ႈမိုၼ်ႇ ၸဵတ်းႁဵင် သီႇပၢၵ်ႇၸဵတ်းသိပ်းဢဵတ်းၵေႃႉ ယူႇယဝ်ႉ။

['ကူညီထောက်ပံမှု', 'ၵၢၼ်ၸွႆႈထႅမ်ပေႃႈမႄႈၵူၼ်းမိူင်း', 'ၵၢၼ်ပူၵ်းပွင်']

2024-07-29T15:03:28

https://ssppssa.org/2024/07/7119/

ပႃႇတီႇ ႁူဝ်သိူဝ် SNLD လႄႈ ပေႃႈမႄႈၵူၼ်းမိူင်း ၼႂ်းၸေႈဝဵင်းမိူင်းယႆ ၸွႆႈထႅမ် ငိုၼ်း လႄႈ လွင်ႈၵိၼ်ယႅမ်ႉ တီႈသၢႆသိုၵ်း SSPP/SSA

မိူဝ်ႈလိူၼ်ၵျူႇလၢႆႇ 24 ဝၼ်း တေႃႇထိုင် လိူၼ်ၵျူႇလၢႆႇ 26 ဝၼ်း ၼၼ်ႉ မုၵ်ႉၸုမ်း တီႇမူဝ်ႇၶရေႇၸီႇ ၸၢဝ်း ၶိူဝ်းတႆး (SNLD) ဢိၵ်ႇပႃး ပေႃႈ မႄႈၵူၼ်းမိူင်း ၽူႈမီးၼမ်ႉၸႂ်ၸေႇတၼႃႇ ၼႂ်းၸေႈဝဵင်း မိူင်းယႆၼၼ်ႉ ၸွႆႈထႅမ် ငိုၼ်း လႄႈ ၶူဝ်းၶွင် လွင်ႈၵိၼ်ယႅမ်ႉ တင်းၼမ် တီႈသၢႆသိုၵ်း SSPP/SSA ဢၼ်ႁွတ်ႈၽႅဝ် ဢဝ် ႁူမ်ႇလူမ်ႈပၼ် ပေႃႈမႄႈၵူၼ်းမိူင်း ၼႂ်းၸေႈဝဵင်းမိူင်းယႆ ၸိုင်ႈတႆးပွတ်းႁွင်ႇၼၼ်ႉ ၼႆယူႇယဝ်ႉ။ ပေႃႈမႄႈၵူၼ်းမိူင်း ၽူႈမီးၼမ်ႉၸႂ် ၸေႇတၼႃႇ ၼႂ်းၸေႈဝဵင်းမိူင်းယႆ ဢၼ်ၸွႆႈထႅမ် ၶူဝ်းၵိၼ်ယႅမ်ႉလႄႈ ငိုၼ်း ၼၼ်ႉ မိူၼ်ၼင်ႇ ၸၢႆးၶိူဝ်းသႅင် ၸၢႆးဝၼ်းလႅင်း ပွၵ်ႉ (1) ၸွႆႈထႅမ် ၶဝ်ႈတၢၼ်ႇပွၵ်ႉ (100) ဢႅပ်ႇ ၊ ၼမ်ႉသႅၼ်ႈသႂ် (3) သွႆႉ ၊ ပႃႈၶမ်းဢိင်ႇ ၊ ပႃႈမျုႉ ၊ ပႃႈထွၼ်း ပွၵ်ႉ(1) ၸွႆႈထႅမ် လဵင်ႉလူ ထူဝ်ႇၽူး/ၶဝ်ႈသွႆး တီႈၵေႃႉသိုၵ်းၵေႃႉႁၢၼ် ၊ လၢၼ်ႉၵုၼ်ႇယွႆႈ ၼၢႆးလွႆၵွႆႇ ပွၵ်ႉ(1) ၸွႆႈထႅမ် ၶဝ်ႈသၢၼ်(1)ပွတ်း ၊ ဢႃႇလူး(1)ထူင် ၊ ၼမ်ႉမၼ်းၵိၼ် (5) တဝ်ႈ ၊ ၵိူဝ် (5) ထူင်ဢွၼ်ႇ ၊ ၽွင်ဝၢၼ်(5) ထူင် ၊ ၼၢင်းၶမ်းၵျႃႇ ဝဵင်းမိူင်းယႆ ၸွႆႇထႅမ် ၵေႃႇၾီႇ(Milk) (20) ထူင် ၊ ပႃႈၸိင်ႇ ပွၵ်ႉ (1) ၸွႆႈထႅမ် လဵင်ႉလူ ၶဝ်ႈၵၢပ်ႇတူမ်ႈ တီႈၵေႃႉသိုၵ်း ၵေႃႉႁၢၼ် ၊ ၸုမ်းပီႈၼွင်ႉၶႄႇ ဝဵင်းမိူင်းယႆ ၸွႆႈထႅမ် ၶဝ်ႈသၢၼ် (10 ) ပွတ်း ၊ ဢႃႇလူး (5) ထူင် ၊ ၽၵ်းလႅင် (30) ၸွႆႉ ၊ လၢၼ်ႉယႃႈယႃ လႅင်းလႅင်း ၸွႆႈထႅမ် ၶဝ်ႈ သၢၼ်(10) ပွတ်း ၊ တူဝ်ငိုၼ်း (500,000) ႁႃႈသႅၼ်ၵျၢပ်ႈ ၊ ယႃႈယႃၸႂ်ႉ တႃႇသၢင်ႉငိုၼ်း (255,300) သွင်သႅၼ် ႁႃႈမိုၼ်ႇ ႁႃႈႁဵင်သၢမ်ပၢၵ်ႇၵျၢပ်ႈ ၊ ၼၢင်းၶမ်းၶႅင်ႇ ပွၵ်ႉမၢႆ(1) ၸွႆႈထႅမ်ငိုၼ်း ၵႃႈၽၵ်း (50,000)ႁႃႈမိုၼ်ႇၵျၢပ်ႈ ၊ ၸၢႆးၵျေႃႇဝုၼ်း + ၼၢင်းသႅင်လၢဝ် ပွၵ်ႉ(1) ဝၢၼ်ႈၸၢင်ႉ ၸွႆႈထႅမ် ၼမ်ႉမၼ်း ၸၢၵ်ႈ (Premium)(1)ပေႇပႃႇၸဵမ် ၸိူဝ်းၼႆႉယူႇယဝ်ႉ။ လိူဝ်သေၼၼ်ႉ ဢၼ်ပဵၼ်မုၵ်ႉၸုမ်း တီႇမူဝ်ႇၶရေႇၸီႇ ၸၢဝ်းၶိူဝ်းတႆး (SNLD) ၼႂ်းၸေႈဝဵင်းမိူင်းယႆၵေႃႈ လႆႈ ၸွႆႈထႅမ်ပၼ် တႃႇသၢႆသိုၵ်း SSPP/SSA ၶဝ်ႈသၢၼ်(10) ပွတ်း ၼႆယူႇယဝ်ႉ။ ယၢမ်းလဵဝ် ၼႂ်းၸိုင်ႈတႆးပွတ်းႁွင်ႇ ဢမ်ႇမီးလွင်ႈၼိမ်သဝ်း မႅၼ်ႈၽွင်း ပဵၼ်ပၢင်တိုၵ်း သိုၵ်းသိူဝ် သေ ႁဵတ်းႁႂ်ႈ ပေႃႈမႄႈၵူၼ်းမိူင်း လႆႈထူပ်းလွင်ႈယၢပ်ႇၽိုတ်ႇ ၸုၼ်ႉပွႆႇပႅတ်ႈ ႁိူၼ်းယေး လႆႈဢွၼ်ၵၼ်ပၢႆႈၽေး ပၢင်တိုၵ်း ၵေႃႈမီးတင်းၼမ် လႄႈ မိူဝ်ႈလိူၼ် ၵျူႇလၢႆႇ 12 ဝၼ်းၼၼ်ႉ ယူႇတီႈ ပႃႇတီႇ မႂ်ႇသုင်ၸိုင်ႈတႆး တပ်ႉသိုၵ်းၸိုင်ႈ တႆး SSPP/SSA လႆႈဢဝ်ႁႅင်းသိုၵ်း ၼပ်ႉႁူဝ်ႁဵင် ၶဝ်ႈဢဝ်ႁူမ်ႇလူမ်ႈပၼ် ပေႃႈမႄႈၵူၼ်းမိူင်း ႁွတ်ႈၽႅဝ် ထိုင်ဝႆႉ ၼႂ်းၸေႈဝဵင်းမိူင်းယႆ ယူႇယဝ်ႉ။ ဢိင်ၼိူဝ်ငဝ်းလၢႆး ၵၢၼ်မိူင်း ၵၢၼ်သိုၵ်း ၵူႈၽၢႆႇၽၢႆႇပၼ်သေ တေသိုပ်ႇထႅမ်ႁႅင်း ၶဝ်ႈဢဝ်ႁူမ်ႇလူမ်ႇပၼ် ပေႃႈ မႄႈၵူၼ်းမိူင်း ၵူႈၼႃႈတီႈ ဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး ၊ တပ်ႉသိုၵ်းၸိုင်ႈတႆး SSPP/SSA ၵႂႃႇ ၵမ်းၶၵ်ႉ ၶၵ်ႉ ယူႇယဝ်ႉ။

['ၵၢၼ်ၸွႆႈထႅမ်ပေႃႈမႄႈၵူၼ်းမိူင်း', 'ကူညီထောက်ပံမှု', 'ၵၢၼ်ပူၵ်းပွင်']

2024-07-29T03:43:25

https://ssppssa.org/2024/07/sspp-ssa-%e1%81%b8%e1%80%bd%e1%82%86%e1%82%88%e1%80%91%e1%82%85%e1%80%99%e1%80%ba-%e1%81%b5%e1%80%b0%e1%81%bc%e1%80%ba%e1%80%b8%e1%80%95%e1%81%a2%e1%82%86%e1%82%88%e1%81%bd%e1%80%b1%e1%80%b8-3/

SSPP/SSA ၸွႆႈထႅမ် ၵူၼ်းပၢႆႈၽေး ပၢင်တိုၵ်း ဢၼ်ႁွတ်ႈၽႅဝ်ဝႆႉ ၼႂ်းၸေႈဝဵင်းမိူင်းၼွင်

ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၸွႆႈထႅမ်ပေႃႈမႄႈၵူၼ်းမိူင်း ၸိူဝ်းပၢႆႈၽေးပၢင်တိုၵ်း ဢၼ် ႁွတ်ႈၽႅဝ်ဝႆႉတီႈ ၼႂ်းၸေႈဝဵင်းမၢႆ (42) မိူင်းၼွင် ၸိုင်ႈတႆးပွတ်းၸၢၼ်း ၼၼ်ႉ ၼႆယူႇယဝ်ႉ။ မိူဝ်ႈၼႆႉလိူၼ်ၵျူႇလၢႆႇ 26 ဝၼ်း ယူႇတီႈ ၽူႈမီးပုၼ်ႈ ၽွၼ်း ၾၢႆႇတပ်ႉ ၾၢႆႇဢုပ်ႉပိူင်ႇ ၼႂ်းၼႃႈတီႈဢုပ်ႉပိူင်ႇ ၸေႈတွၼ်ႈမၢႆ (3) ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA လႆႈလူင်းႁူပ်ႉထူပ်း ပၼ်ႁႅင်းၸႂ် လႄႈ ၸွႆႈထႅမ် ပေႃႈမႄႈၵူၼ်းမိူင်း ၸိူဝ်းပၢႆႈၽေးပၢင်တိုၵ်း ဢၼ်လုၵ်ႉတၢင်း ၸေႈဝဵင်းလႃႈသဵဝ်ႈ သေ မႃး သွၼ်ႈသဝ်း ယူႇဝႆႉတီႈ ပွၵ်ႉပီႈၼွင်ႉလႃးႁူႇ ၼႂ်းဝၢၼ်ႈၸိင်း ဢိူင်ႇဝၢၼ်ႈၸိင်း ၸေႈဝဵင်းမၢႆ(42) မိူင်းၼွင် ၸဵမ် ၸိူဝ်းၼႆႉ ယူႇယဝ်ႉ။ ပေႃႈမႄႈၵူၼ်းမိူင်း ၸိူဝ်းပၢႆႈၽေးပၢင်တိုၵ်း ႁွတ်ႈၽႅဝ်ဝႆႉ တီႈဝၢၼ်ႈၸိင်းၼႆႉ ႁူမ်ႈသဵင်ႈမီး (433) ၵေႃႉ သေ လႆႈ ၸွႆႈထႅမ်ၵႂႃႇ မိူၼ်ၼင်ႇ ၶဝ်ႈသၢၼ် (3) ထူင် ၊ ၼမ်ႉမၼ်း (1) ၽႃႇ၊ ၽွင်ဝၢၼ် (10) ပွင်ႇ ၊ ၵိူဝ် ထူင်လူင် (1) ထူင် ၸဵမ်ၸိူဝ်းၼႆႉ ယူႇယဝ်ႉ။ ဢိင်ၼိူဝ်ငဝ်းလၢႆး ၵၢၼ်သိုၵ်း/ပၢင်တိုၵ်း ပဵၼ်ယူႇႁၢဝ်ႈႁႅင်း မိူင်းတႆးပွတ်းႁွင်ႇၼႆႉသေ ပေႃႈမႄႈၵူၼ်းမိူင်းႁဝ်း ၵူႈ တီႈ ၵူႈတၢင်း လႆႈဢွၼ်ၵၼ် ပၢႆႈၽေးသိုၵ်း မႃးတၢင်းၽႂ်တၢင်းမၼ်း လႄႈ ၼင်ႇႁိုဝ်တေၸွႆႈထႅမ်လႆႈ ပေႃႈမႄႈ ၵူၼ်းမိူင်း ၸိူဝ်းပၢႆႈၽေး/ထူပ်းၽေးပၢင်တိုၵ်းၼႆသေ မိူဝ်ႈပူၼ်ႉမႃး လိူၼ်ၵျူႇလၢႆႇ 10 ဝၼ်းၼၼ်ႉ ယူႇတီႈ ငဝ်ႈ ငုၼ်း SSPP/SSA ၵေႃႈ လႆႈဢွၵ်ႇလိၵ်ႈပိုၼ်ၽၢဝ်ႇ တုၵ်းသူၼ်းထိုင် လွင်ႈၵၢၼ်ၸွႆႈထႅမ် ၵူၼ်းမိူင်းပၢႆႈ ၽေးသိုၵ်း ၸဵမ် ၸိူဝ်းၼႆႉ ယူႇယဝ်ႉ။ shanstateprogressparty shanstatearmy #SSPPInfo ၸွႆႈႈထႅမ်ၵူၼ်းပၢႆႈၽေး

['ၵၢၼ်ၵေႃႇသၢင်ႈတွၼ်ႈလိၼ်ၶိုၼ်ႈယႂ်', 'ၶၢဝ်ႇတူင်ႉၼိုင်ၸုမ်းဢွၼ်ႁူဝ်ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး']

2024-07-26T14:22:33

https://ssppssa.org/2024/07/%e1%81%b5%e1%80%b1%e1%82%83%e1%82%89%e1%80%9e%e1%80%ad%e1%80%af%e1%81%b5%e1%80%ba%e1%80%b8%e1%81%b5%e1%80%b1%e1%82%83%e1%82%89%e1%82%81%e1%81%a2%e1%81%bc%e1%80%ba-sspp-ssa-%e1%81%b8%e1%80%bd-114/

ၵေႃႉသိုၵ်းၵေႃႉႁၢၼ် SSPP/SSA ၸွႆႈၵၢၼ်ပေႃႈမႄႈၵူၼ်းမိူင်း ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ(32)

ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်း ၸိုင်ႈတႆး SSPP/SSA ဢၼ်တူင်ႉၼိုင် ပၵ်းသဝ်းဝႆႉ ၼႂ်း ၸေႈဝဵင်းမၢႆ(32) ဢိူင်ႇၼမ်ႉဢုမ်ၼၼ်ႉ ၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၼႂ်းပိုၼ်ႉတီႈ။ မိူဝ်ႈလိူၼ်ၵျူႇလၢႆ 25 ဝၼ်း ၼၼ်ႉ ၵေႃႉသိုၵ်းၵေႃႇႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ SSPP/SSA ႁႅင်းၵူၼ်းသိုၵ်း (6) ၵေႃႉ ၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၸွႆႈထူၺ်ႈၵႃႈ ၊ ႁၢပ်ႇၵႃႈပၼ် ၸၢႆးသၢၼ်းၼၢႆႇ ဝၢၼ်ႈၼမ်ႉဢုမ် ဢိူင်ႇ ၼမ်ႉ ဢုမ် ၸေႈဝဵင်းမၢႆ(32) မူႇၸေႈ ၼႆယူႇယဝ်ႉ။ လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်း မိူၼ်ၼင်ႇ ၵၢၼ်သူၼ်ႁႆႈၼႃး ၊ ၵၢၼ်တွၼ်ႈလိၼ်ၶိုၼ်ႈယႂ်ႇ ၊ ၵၢၼ် ပူၵ်းပွင်ပၼ် လွင်ႈပၢႆးပၺ်ႇၺႃႇ ၊ ပၢႆးသသႃႇၼႃႇ ၊ ပၢႆးယူႇလီ ၊ ၾၢႆႇႁူမ်ႇလူမ်ႈ ၸဵမ်ၸိူဝ်းၼႆႉ ဢိင်ၼိူဝ်ငဝ်းလၢႆး ၵၢၼ်မိူင်း ၵၢၼ်သိုၵ်း ဢၼ်ပဵၼ်မီးယူႇသေ တေသိုပ်ႇၶတ်းၸႂ် ၶိုၼ်ႈၼႃႈႁဵတ်းသၢင်ႈၵႂႃႇ ၵမ်းၶၵ်ႉၶၷ်ႉ ယူႇယဝ်ႉ။ shanstateprogressparty shanstatearmy #SSPPInfo ၸွႆႈၵၢၼ်ပေႃႈမႄႈၵူၼ်းမိူင်း

['ၵၢၼ်ပူၵ်းပွင်', 'ၵၢၼ်ၸွႆႈထႅမ်ပေႃႈမႄႈၵူၼ်းမိူင်း']

2024-07-22T16:34:37

https://ssppssa.org/2024/07/sspp-ssa-%e1%81%b8%e1%80%bd%e1%82%86%e1%82%88-%e1%80%91%e1%82%85%e1%80%99%e1%80%ba%e1%82%81%e1%82%85%e1%80%84%e1%80%ba%e1%80%b8%e1%80%84%e1%80%ad%e1%80%af%e1%81%bc%e1%80%ba%e1%80%b8-%e1%80%90%e1%82%83/

SSPP/SSA ၸွႆႈ ထႅမ်ႁႅင်းငိုၼ်း တႃႇပေႃႈမႄႈၵူၼ်းမိူင်း ႁဵတ်းၽၢႆ ၸႂ်ႉၼမ်ႉၼႃး

ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆး ၊ တပ်ႉသိုၵ်းၸိုင်ႈတႆး SSPP/SSA ၸွႆႈထႅမ် ငိုၼ်း ပေႃႈမႄႈၵူၼ်းမိူင်း ၵေႃႇ သၢင်ႈၽၢႆ တႃႇၸႂ်ႉၼမ်ႉၼႃး ၼႂ်းထုင်ႉမိူင်းယဵၼ် ၸေႈဝဵင်းၼမ်ႉတူႈ ၸိုင်ႈတႆးပွတ်းႁွင်ႇ။ မိူဝ်ႈလိူၼ် ၵျုႇလၢႆႇ 21 ဝၼ်း ၼၼ်ႉ ယူႇတီႈၽူႈမီးပုၼ်ႈၽွၼ်း ၼႂ်းၵေႃႇမတီ ၸေႈဝဵင်းမၢႆ(17) တၢင်တူဝ် ငဝ်ႈငုၼ်း SSPP/SSA သေ လႆႈလူင်းပိုၼ်ႉတီႈ ႁူပ်ႉထူပ်းပေႃႈမႄႈၵူၼ်းမိူင်း ၼႂ်းဝၢၼ်ႈသႃႇလူင် ဢိူင်ႇဝၢၼ်ႈ သႃႇလူင် ထုင်ႉမိူင်းယဵၼ် ၸေႈဝဵင်းၼမ်ႉတူႈ လႄႈ လႆႈၸွႆႈထႅမ် ငိုၼ်း ၵႃႈၵေႃႇသၢင်ႈ ၽၢႆၼမ်ႉၼႃး တီႈပေႃႈ မႄႈၵူၼ်းမိူင်း ဝၢၼ်ႈသႃႇလူင် (5,000,000) ႁႃႈသိပ်းသႅၼ်ၵျၢပ်ႈ ၼႆယူႇယဝ်ႉ။ ၽၢႆၼမ်ႉၼႃးဢၼ်ၼႆႉ ယူႇတီႈပေႃႈမႄႈၵူၼ်းမိူင်း ဝၢၼ်ႈသႃႇလူင် လႆႈႁူမ်ႈၵၼ် တေႇၵေႃႇသၢင်ႈမႃး မိူဝ်ႈလိူၼ် မေႇ 3 ဝၼ်း ၼၼ်ႉသေ ၵေႃႇသၢင်ႈယဝ်ႉတူဝ်ႈၵႂႃႇ မိူဝ်ႈလိူၼ်မေႇ 9 ဝၼ်းလႄႈ SSPP/SSA လႆႈၸွႆႈထႅမ်ပၼ် သၢင်ႉငိုၼ်း ၵႃႈၵေႃႇသၢင်ႈမႃးယူႇယဝ်ႉ။ “ဝၢၼ်ႈဢၼ်ၵေႃႇသၢင်ႈၽၢႆႇၼႆႉ လင်ႁိူၼ်း မီး (35) ႁိူၼ်း ဢၼ်ႁဵတ်းၼႃး မီးယူႇ (34) လင်ၶႃႈ။ ၽၢႆၵဝ်ႇ ဢၼ်မီးဝႆႉ မိူဝ်ႈဢွၼ်တၢင်းၼၼ်ႉ သမ်ႉလူႉလႅဝ်ၵႂႃႇသေ ၵမ်းၼႆႉ ၸွင်ႇဝႃႈလႆႈႁဵတ်းၽၢႆမႂ်ႇၶႃႈဢေႃႈ။ ၼင်ႇႁိုဝ် ပေႃႈမႄႈၵူၼ်းမိူင်းႁဝ်းၶႃႈ ပေႃးတေပူၼ်ႉလွင်ႈယၢပ်ႇၸႂ် ၊ ပေႃးတေဢမ်ႇမီးလွင်ႈလိူၼ်ႈၼၼ်ႉ ႁဝ်းၶႃႈ လႆႈၵႂႃႇ ၸွႆႈထႅမ် ငိုၼ်း (5000000) ႁႃႈသိပ်းသႅၼ်ၵျၢပ်ႈ ယူႇၶႃႈ။ တေႇမိူဝ်ႈလဵဝ် ၵႂႃႇ ပေႃးလူဝ်ႇၸႂ်ႉတိုဝ်း ၼမ်ႉၼႃး ၽုၺ်ႇၸႂ်ႉလႆႈ ၵူႈၶၢဝ်းယၢမ်းယဝ်ႉ” ၼႆ ၽူႈမီးပုၼ်ႈၽွၼ်း ၵေႃႇမတီႇ ဢၼ်ၵႂႃႇၸွႆႈထႅမ် ၼၼ်ႉလၢတ်ႈၼႄ ၼင်ႇၼႆ။လွင်ႈၸွႆႈထႅမ်ပေႃႈမႄႈၵူၼ်းမိူင်း ၵၢၼ်တွၼ်ႈလိၼ်ႁုၼ်ႈမုၼ်းၶိုၼ်ႈယႂ်ႇ ၸဵမ်ၸိူဝ်းၼႆႉ ယူႇတီႈပႃႇတီႇ မႂ်ႇသုင်ၸိုင်ႈတႆး ၊ တပ်သိုၵ်းၸိုင်ႈတႆး SSPP/SSA တေသိုပ်ႇၶတ်းၸႂ် ၸွႆႈထႅမ်ၵႂႃႇ ယူယဝ်ႉ

['ၵၢၼ်ပူၵ်းပွင်', 'ၵၢၼ်ၵေႃႇသၢင်ႈတွၼ်ႈလိၼ်ၶိုၼ်ႈယႂ်', 'ၵၢၼ်ၸွႆႈထႅမ်ပေႃႈမႄႈၵူၼ်းမိူင်း']

2024-07-18T12:56:07

https://ssppssa.org/2024/07/sspp-ssa-%e1%81%b8%e1%80%bd%e1%82%86%e1%82%88%e1%80%91%e1%82%85%e1%80%99%e1%80%ba-%e1%81%b5%e1%80%b0%e1%81%bc%e1%80%ba%e1%80%b8%e1%80%95%e1%81%a2%e1%82%86%e1%82%88%e1%81%bd%e1%80%b1%e1%80%b8-2/

SSPP/SSA ၸွႆႈထႅမ် ၵူၼ်းပၢႆႈၽေး ပၢင်တိုၵ်း ဢၼ်ႁွတ်ႈၽႅဝ်ဝႆႉ ၼႂ်းၸေႈဝဵင်းသီႇပေႃႉ ၊ ၼမ်ႉလၼ်ႈ

ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၸွႆႈထႅမ်ပေႃႈမႄႈၵူၼ်းမိူင်း ၸိူဝ်းပၢႆႈၽေးပၢင်တိုၵ်း ဢၼ် ႁွတ်ႈၽႅဝ်ဝႆႉတီႈ ၼႂ်းၸေႈဝဵင်းသီႇပေႃႉ ၸိုင်ႈတႆးပွတ်းႁွင်ႇ ၼၼ်ႉ ၼႆယူႇယဝ်ႉ။ မိူဝ်ႈလိူၼ်ၵျူၼ်ႇလၢႆႇ 17 ဝၼ်းၼၼ်ႉ ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA လႆႈလူင်းႁူပ်ႉထူပ်း ပၼ်ႁႅင်းၸႂ် လႄႈ ၸွႆႈထႅမ် ပေႃႈမႄႈၵူၼ်းမိူင်း ၸိူဝ်းပၢႆႈၽေးပၢင်တိုၵ်း ဢၼ်မႃး သွၼ်ႈ သဝ်း ယူႇဝႆႉတီႈ ဝတ်ႉၵျွင်းဝဵင်းၼမ်ႉလၼ်ႈ လႄႈ ဝတ်ႉၵျွင်း မိူင်းၶိူဝ်း ၸေႈဝဵင်း သီႇပေႃႉ ၸဵမ်ၸိူဝ်းၼႆႉ ယူႇ ယဝ်ႉ။ ဢွင်ႈတီႈဝတ်ႉၵျွင်းမုၼ်ၸဝ်ႈ ဝဵင်းၼမ်ႉလၼ်ႈၼၼ်ႉ ၵူၼ်းပၢႆႈၽေး မီး (906) ၵေႃႉ ၊ လႆႈၸွႆႈထႅမ်ပၼ် ၶဝ်ႈ သၢၼ်(100) ထူင် ၊ ၼမ်ႉမၼ်းထူဝ်ႇ (10) ပုင်း ၊ ၶႆႇၵႆႇ (10) ၽႃႇ ၊ ငိုၼ်း (10,000,000) ၼိုင်ႈပၢၵ်ႇသႅၼ်ၵျၢပ်ႈ သေ ဢွင်ႈတီႈဝတ်ႉၵျွင်းမိူင်းၶိူဝ်း ၼၼ်ႉ ႁူဝ်ၼပ်ႉၵူၼ်းပၢႆႈၽေး မီး (38) ၵေႃႉ ၊ လႆႈၸွႆႈထႅမ် ၶဝ်ႈသၢၼ် (5) ထူင် ၊ ၼမ်ႉမၼ်းထူဝ်ႇ (1) ပုင်း ၊ ၶႆႇၵႆႇ (1) ၽႃႇ ၊ ငိုၼ်း (500,000) ႁႃႈသႅၼ်ၵျၢပ်ႈ ၸဵမ်ၸိူဝ်းၼႆႉယူႇယဝ်ႉ။ ဢိင်ၼိူဝ်ငဝ်းလၢႆး ၵၢၼ်သိုၵ်း/ပၢင်တိုၵ်း ပဵၼ်မီးယူႇ မိူင်းတႆးပွတ်းႁွင်ႇၼႆႉသေ ၵူၼ်းမိူင်းႁဝ်း ၵူႈတီႈၵူႈတၢင်း လႆႈဢွၼ်ၵၼ် ပၢႆႈၽေးသိုၵ်း မႃးတၢင်းၽႂ်တၢင်းမၼ်း လႄႈ ၼင်ႇႁိုဝ်တေၸွႆႈထႅမ်လႆႈ ပေႃႈမႄႈၵူၼ်းမိူင်း ၸိူဝ်း ပၢႆႈၽေး/ထူပ်းၽေးပၢင်တိုၵ်းၼႆသေ မိူဝ်ႈပူၼ်ႉမႃး လိူၼ် ၵျူၼ်ႇလၢႆႇ 10 ဝၼ်းၼၼ်ႉ ယူႇတီႈငဝ်ႈငုၼ်း SSPP/SSA ၵေႃႈ လႆႈဢွၵ်ႇလိၵ်ႈပိုၼ်ၽၢဝ်ႇ တုၵ်းသူၼ်းထိုင် လွင်ႈၵၢၼ်ၸွႆႈထႅမ် ၵူၼ်းမိူင်းပၢႆႈၽေးသိုၵ်း ၸဵမ် ၸိူဝ်းၼႆႉ ယူႇယဝ်ႉ။

['ၵၢၼ်ၸွႆႈထႅမ်ပေႃႈမႄႈၵူၼ်းမိူင်း', 'ၵၢၼ်ပူၵ်းပွင်', 'ကူညီထောက်ပံမှု', 'ၶၢဝ်ႇၵူႈလွင်ႈလွင်ႈ']

2024-07-13T14:11:43

https://ssppssa.org/2024/07/%e1%80%95%e1%80%bd%e1%80%84%e1%80%ba%e1%82%87%e1%80%9c%e1%82%85%e1%80%84%e1%80%ba%e1%80%b8-%e1%80%90%e1%80%af%e1%81%b5%e1%80%ba%e1%80%b8%e1%80%9e%e1%80%b0%e1%81%bc%e1%80%ba%e1%80%b8%e1%80%91%e1%80%ad/

ပွင်ႇလႅင်း တုၵ်းသူၼ်းထိုင် လွင်ႈၵၢၼ်ၸွႆႈထႅမ် ၵူၼ်းမိူင်း ပၢႆႈၽေးသိုၵ်း

shanstateprogressparty shanstatearmy #တုၵ်းသူၼ်းထိုင်

['ေၶႃႈပိုၼ်ၽၢဝ်ႇ']

2024-07-13T14:04:15

https://ssppssa.org/2024/07/%e1%81%b8%e1%80%af%e1%80%99%e1%80%ba%e1%80%b8%e1%81%b5%e1%80%b1%e1%82%83%e1%82%8a%e1%82%81%e1%80%b0%e1%80%99%e1%80%ba%e1%82%88%e1%80%99%e1%80%ad%e1%80%af%e1%80%9d%e1%80%ba%e1%80%b8%e1%80%95%e1%80%bd-2/

ၸုမ်းၵေႃႊႁူမ်ႈမိုဝ်းပွင်ၵၢၼ် သိုပ်ႇၸွႆႈထႅမ်ၵူၼ်းပၢႆႈၽေးပၢင်တိုၵ်းထႅင်ႈ ၼႂ်းၸေႈဝဵင်းၵျွၵ်ႉမႄး

ၸုမ်းၵေႃႊႁူမ်ႈမိုဝ်းပွင်ၵၢၼ် ဢၼ်ပဵၼ် မုၵ်ႉၸုမ်းတီႇမူဝ်ႇၶရေႇၸီႇၸၢဝ်းၶိူဝ်းတႆး SNLD လႄႈ ပႃႇတီႇမႂ်ႇသုင် ၸိုင်ႈတႆး SSPP ႁူမ်ႈၵၼ်ၽွတ်ႈႁႅၼ်းဝႆႉ တႃႇတေ ၸွႆႈထႅမ် ၵူၼ်းထူပ်းၽေး ပၢင်တိုၵ်း ၼၼ်ႉ လႆႈၶိုၼ်း သိုပ်ႇ ႁူမ်ႈ ၵၼ် လူင်းပိုၼ်ႉတီႈ ၸွႆႈထႅမ်ၵူၼ်းပၢႆႈၽေးပၢင်တိုၵ်းထႅင်ႈ ၼႂ်းၸေႈဝဵင်းၵျွၵ်ႉမႄး ၸိုင်ႈတႆးပွတ်ႇႁွင်ႇ ၼႆ ယူႇယဝ်ႉ။ မိူဝ်ႈလိူၼ်ၵျူႇလၢႆႇ 8 ဝၼ်းၼၼ်ႉ ၸုမ်းၵေႃႊႁူမ်ႈမိုဝ်းပွင် ၵၢၼ် လႆႈသိုပ်ႇလူင်းပိုၼ်ႉတီႈ ၸွႆႈထႅမ် ပေႃႈမႄႈ ၵူၼ်းမိူင်း ၸိူဝ်းပၢႆႈၽေးပၢင်တိုၵ်း ၼႂ်းၸေႈဝဵင်းၵျွၵ်ႉမႄးထႅင်ႈ လၢႆလၢႆတီႈ ၊ မိူၼ်ၼင်ႇ တီႈဝတ်ႉၵျွင်း ၵွင်းလၢင်း ႁူဝ်ၼပ်ႉၵူၼ်းပၢႆႈၽေး မီး (191) ၵေႃႉၼၼ်ႉ လႆႈၸွႆႈထႅမ် ၶဝ်ႈသၢၼ် (15) ထူင် ၊ ၼမ်ႉမၼ်း (5) ပုင်း ၊ ၶႆႇၵႆႇ (2) ၽႃႇ ၊ ၽွင်ဝၢၼ် (8) ထူင် ၊ ငိုၼ်း (15) သႅၼ်ၵျၢပ်ႈ ၊ တီႈဝတ်ႉၵျွင်း ဝၢၼ်ႈၼွင်ၵႂၢင် ဢိူင်ႇၼွင်ၵႂၢင် ႁူဝ်ၼပ်ႉ ၵူၼ်းပၢႆႈ ၽေး မီး (750) ၵေႃႉ လႆႈၸွႆႈထႅမ် ၶဝ်ႈသၢၼ် (60) ထူင် ၊ ၼမ်ႉမၼ်း (15) ပုင်း ၊ ၶႆႇၵႆႇ (6) ၽႃႇ ၊ ၽွင် ဝၢၼ် (30) ထူင် ၊ ငိုၼ်း (30) သႅၼ် ၵျၢပ်ႈ လႄႈ ဝတ်ႉၵျွင်းၶွၵ်ႈဝူဝ်းလႅင် ႁူဝ်ၼပ်ႉၵူၼ်းပၢႆႈၽေး (222) ၵေႃႉ ၊ လႆႈၸွႆႈ ထႅမ် ၶဝ်ႈသၢၼ် (30) ထူင် ၊ ၼမ်ႉမၼ်း ပုင်းလိူင် (6) ပုင်း ၊ ၶႆႇၵႆႇ (3) ၽႃႇ ၊ ၽွင်ဝၢၼ် (16) ထူင် ၊ ငိုၼ်း (5) သႅၼ်ၵျၢပ်ႈ ၸဵမ်ၸိူဝ်းၼႆႉ ယူႇယဝ်ႉ။ လိူဝ်သေၼၼ်ႉ မိူဝ်ႈလိူၼ်ၵျူႇလၢႆႇ 9 ဝၼ်းၼၼ်ႉၵေႃႈ လႆႈၶိုၼ်းသိုပ်ႇလူင်းပိုၼ်ႉတီႈ တီႈဝတ်ႉၵျွင်း ဝၢၼ်ႈ ၼႃးပဵင်း ႁူဝ်ၼပ်ႉၵူၼ်းပၢႆႈၽေးပၢင်တိုၵ်း မီး (2976) ၵေႃႉ လႆႈ ၸွႆႈထႅမ် ၶဝ်ႈသၢၼ် (200) ထူင် ၊ ၼမ်ႉမၼ်း ပုင်းလိူင် (50) ပုင်း ၊ ၶႆႇၵႆႇ(20) ၽႃႇ ၊ ၽွင်ဝၢၼ် (30) ထူင် ၊ ငိုၼ်း (150) သႅၼ်ၵျၢပ်ႈ ၊ ဝတ်ႉၵျွင်းၼွင်ပိင်ဢွၼ်ႇ ႁူဝ်ၼပ်ႉ ၵူၼ်းပၢႆႈၽေး မီး (676) ၵေႃႉ လႆႈၸွႆႈထႅမ် ၶဝ်ႈသၢၼ် (30) ထူင် ၊ ၼမ်ႉမၼ်းပုင်းလိူင် (20) ပုင်း ၊ ၶႆႇၵႆႇ (5) ၽႃႇ ၊ ၽွင်ဝၢၼ်ႈ (20) ထူင် ၊ ငိုၼ်း (20) သႅၼ်ၵျၢပ်ႈ ၊ ဝတ်ႉၵျွင်း ဝၢၼ်ႈၼမ်ႉပႅၼ်ႈ ႁူဝ်ၼပ်ႉၵူၼ်းပၢႆႈၽေး မီး (376) ၵေႃႉ ၊ ၶဝ်ႈသၢၼ်(20) ထူင် ၊ ၼမ်ႉမၼ်း ပုင်းလိူင် (7) ပုင်း ၊ ၶႆႇၵႆႇ(3) ၽႃႇ ၊ ၽွင်ဝၢၼ်(15) ထူင် ၊ ငိုၼ်း (15) သႅၼ်ၵျၢပ်ႈ လႄႈ တီႈဝတ်ႉၵျွင်းပၢင်ႇလေႃႉၼၼ်ႉ ႁူဝ်ၼပ်ႉၵူၼ်းပၢႆႈၽေး မီး (476) ၵေႃႉ လႆႈၸွႆႈထႅမ် ၶဝ်ႈ သၢၼ် (30) ထူင် ၊ ၼမ်ႉမၼ်း ပုင်းလိူင် (10) ပုင်း ၊ ၶႆႇၵႆႇ (4) ၽႃႇ ၊ ၽွင်ဝၢၼ်(20) ထူင် ၊ ငိုၼ်း (20) သႅၼ်ၵျၢပ်ႈ ၸဵမ်ၸိူဝ်း ၼႆႉ ယူႇယဝ်ႉ။ မိူဝ်ႈပူၼ်ႉမႃးလိူၼ်ၵျူႇလၢႆႇ 7 ဝၼ်းၼၼ်ႉၵေႃႈ လႆႈလူင်းပိုၼ်ႉတီႈ ၸွႆႈထႅမ် ပေႃႈမႄႈၵူၼ်းမိူင်း ၸိူဝ်းပၢႆႈၽေး ပၢင်တိုၵ်း ဢၼ်မႃးသွၼ်ႈသဝ်းဝႆႉတီႈ ဝတ်ႉၵျွင်း ပုင်ႇဝူဝ်း ဢိူင်ႇၼွင်ၵႂၢင် ၊ တီႈဝတ်ႉၵျွင်း ဝၢၼ်ႈၵုၼ်ႁႅၼ် ဢိူင်ႇ ၼွင်ၵႂၢင် ၊ ဝတ်ႉၵျွင်းမုၼ်ၸဝ်ႈ ဝၢၼ်ႈၼႃးသွင်း ဢိူင်ႇႁႆးၵုၺ် ၸေႈဝဵင်းၵျွၵ်ႉမႄး ၸဵမ်ၸိူဝ်းၼႆႉ လႄႈ ႁူမ်ႈ သဵင်ႈ ဢၼ်လႆႈၸွႆႈထႅမ် ၼႂ်းၶၢဝ်းတၢင်း(3) ဝၼ်း တူၵ်းမႅၼ်ႈသၢင်ႉငိုၼ်း (120,420,000) ၼိုင်ႈႁဵင်သွင်ပၢၵ်ႇ သီႇသႅၼ်သွင်မိုၼ်ႇၵျၢပ်ႈ ၼႆယူႇယဝ်ႉ။ ၼႂ်းၸေႈဝဵင်းၵျွၵ်ႉမႄး ၼႆႉ ယွၼ်ႉပၢင်တိုၵ်း 10 27 ပွၵ်ႈၵမ်းသွင် ဢၼ်တေႇပဵၼ်မႃး မိူဝ်ႈလိူၼ်ၵျူၼ်ႇ 25 ဝၼ်း တေႃႇထိုင်ယၢမ်းလဵဝ်ၼႆႉသေ ႁဵတ်းႁႂ်ႈမၢၵ်ႇလူင် တူၵ်းတိူဝ်ႉၺႃး ႁိူၼ်းၵူၼ်းမိူင်း ၊ တိူဝ်ႉၺႃး ပေႃႈ မႄႈၵူၼ်းမိူင်း သေ ၵမ်ႈၽွင်ႈ လႆႈမၢတ်ႇၸဵပ်း လူႉတၢႆ ၊ လႆႈဢွၼ်ၵၼ် ၸုၼ်ႉပွႆႇပႅတ်ႈ ႁိူၼ်းယေး တိူၵ်ႇႁႆႊ လွၵ်းၼႃး လႄႈ လႆႈ ဢွၼ်ၵၼ် ပၢႆႈၽေးပၢင်တိုၵ်း ၵႂႃႇသွၼ်ႈသဝ်းဝႆႉ တီႈဝတ်ႉ ၵျွင်းမုၼ်ၸဝ်ႈ ၊ တီႈႁိူၼ်း ပီႊၼွင်ႉၽႂ်မၼ်း ၸဵမ်ၸိူဝ်း ၼႆႉ ယူႇယဝ်ႉ။ shanstateprogressparty shanstatearmy #SSPPInfo ၸွႆႈထႅမ်ၵူၼ်းပၢႆႈၽေး ၵေႃႊႁူမ်ႈမိုဝ်းပွင်ၵၢၼ်

['ၵၢၼ်ပူၵ်းပွင်', 'ၵၢၼ်ၸွႆႈထႅမ်ပေႃႈမႄႈၵူၼ်းမိူင်း']

2024-07-09T16:50:39

https://ssppssa.org/2024/07/sspp-ssa-%e1%81%b8%e1%80%bd%e1%82%86%e1%82%88%e1%80%91%e1%82%85%e1%80%99%e1%80%ba-%e1%81%b5%e1%80%b0%e1%81%bc%e1%80%ba%e1%80%b8%e1%80%95%e1%81%a2%e1%82%86%e1%82%88%e1%81%bd%e1%80%b1%e1%80%b8-%e1%80%95/

SSPP/SSA ၸွႆႈထႅမ် ၵူၼ်းပၢႆႈၽေး ပၢင်တိုၵ်း ဢၼ်ႁွတ်ႈ ၽႅဝ်မႃး ၼႂ်းၸေႈဝဵင်းဝၢၼ်ႈႁႆး

ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၸွႆႈထႅမ်ၵူၼ်း ၵူၼ်းပၢႆႈၽေးပၢင်တိုၵ်း ဢၼ်ႁွတ်ႈ ၽႅဝ်ဝႆႉတီႈ ၼႂ်းၸေႈဝဵင်းဝၢၼ်ႈႁႆး ၸိုင်ႈတႆးပွတ်းၸၢၼ်း ၼၼ်ႉ ၼႆယူႇယဝ်ႉ။ မိူဝ်ႈၼႆႉလိူၼ်ၵျူၼ်ႇလၢႆႇ 9 ဝၼ်း ၶၢဝ်းယၢမ်း ၵၢင်ဝၼ်း 14:30 မူင်း တေႃႇထိုင်ဝၢႆးဝၼ်း 16:30 မူင်းၼၼ်ႉ ငဝ်ႈ ငုၼ်း SSPP/SSA လႆႈလူင်းႁူပ်ႉထူပ်း ပၼ်ႁႅင်းၸႂ် လႄႈ ၸွႆႈထႅမ် ပေႃႈမႄႈၵူၼ်းမိူင်း ၸိူဝ်းပၢႆႈၽေးပၢင်တိုၵ်း ဢၼ် လုၵ်ႉတၢင်း ၸေႈဝဵင်းလႃႈသဵဝ်ႈ ၊ ၸေႈဝဵင်းမိူင်းယႆ သေ လႆႈမႃးသွၼ်ႈသဝ်း ယူႇဝႆႉတီႈ ဝတ်ႉၵျွင်းဝၢၼ်ႈႁႆး ၊ ႁူင်းသဝ်း ပွၵ်ႉမၢႆ(4) ဝၢၼ်ႈႁႆး ၊ ႁူင်းသဝ်း ဝၢၼ်ႈတၢင်းၽႄ ဝၢၼ်ႈႁႆး ၸဵမ်ၸိူဝ်းၼႆႉ ယူႇယဝ်ႉ။ ဢွင်ႈတီႈဝတ်ႉၵျွင်းမုၼ်ၸဝ်ႈ ဝၢၼ်ႈႁႆး ၵူၼ်းပၢႆႈၽေး မီး (28) ၵေႃႉ ၊ လႆႈၸွႆႈထႅမ်ပၼ် ၶဝ်ႈသၢၼ်(4) ထူင် ၊ ၼမ်ႉမၼ်း ပုင်းလိူင် (3) ပုင်း ၊ ငိုၼ်းၵႃႈၽၵ်း (700,000) ၸဵတ်းသႅၼ်ၵျၢပ်ႈ သေ ဢွင်ႈတီႈႁူင်းသဝ်း ပွၵ်ႉမၢႆ(4) ဝၢၼ်ႈ ႁႆး ၼၼ်ႉ ႁူဝ်ၼပ်ႉၵူၼ်းပၢႆႈၽေး မီး (67) ၵေႃႉ ၊ လႆႈၸွႆႈထႅမ် ၶဝ်ႈသၢၼ် (10) ထူင် ၊ ၼမ်ႉမၼ်းပုင်းလိူင် (7) ပုင်း ၊ ငိုၼ်းၵႃႈၽၵ်း (1,000,000) သိပ်းသႅၼ်ၵျၢပ်ႈ လႄႈ ဢွင်ႈတီႈႁူင်းသဝ်း ဝၢၼ်ႈတၢင်းၽႄ ႁူဝ်ၼပ်ႈ ၵူၼ်းပၢႆႈၽေး မီး (13) ၵေႃႉ ၊ လႆႈၸွႆႈထႅမ် ၶဝ်ႈသၢၼ် (3) ထူင် ၊ ၼမ်ႉမၼ်းပုင်းလိူင် (2) ပုင်း ၊ ငိုၼ်းၵႃႈၽၵ်း (500,000) ၵျၢပ်ႈ ၸဵမ်ၸိူဝ်းၼႆႉယူႇယဝ်ႉ။ ဢၼ်လႆႈၸွႆႈထႅမ်ၵႂႃႇ တၢင်းသဵင်ႈၼၼ်ႉ တူၵ်းမႅၼ်ႈသၢင်ႉငိုၼ်း (5,460,000) ႁႃႈသိပ်းသီႇသႅၼ် ႁူၵ်းမိုၼ်ႇ ၵျၢပ်ႈ ယူႇယဝ်ႉ။ မိူဝ်ႈပူၼ်ႉမႃး လိူၼ်ၵျူႇလၢႆႇ 7 ဝၼ်းၼၼ်ႉၵေႃႈ ယူႇတီႈ ၵေႃႊႁူမ်ႈမိုဝ်းပွင်ၵၢၼ် SNLD လႄႈ SSPP လႆႈလူင်းပိုၼ်ႉတီႈ ၸွႆႈထႅမ် ၵူၼ်းထူပ်းၽေးပၢင်တိုၵ်း ၼႂ်းၸေႈဝဵင်း ၵျွၵ်ႉမႄး ၼၼ်ႉလၢႆလၢႆတီႈ ယူႇယဝ်ႉ။ shanstateprogressparty shanstatearmy SSPPInfo #ၸွႆႈထႅမ်ၵူၼ်းပၢႆႈၽေး

['ၵၢၼ်ၸွႆႈထႅမ်ပေႃႈမႄႈၵူၼ်းမိူင်း', 'ၵၢၼ်ပူၵ်းပွင်']

2024-07-09T05:55:09

https://ssppssa.org/2024/07/%e1%81%b8%e1%80%af%e1%80%99%e1%80%ba%e1%80%b8%e1%81%b5%e1%80%b1%e1%82%83%e1%82%8a%e1%82%81%e1%80%b0%e1%80%99%e1%80%ba%e1%82%88%e1%80%99%e1%80%ad%e1%80%af%e1%80%9d%e1%80%ba%e1%80%b8%e1%80%95%e1%80%bd/

ၸုမ်းၵေႃႊႁူမ်ႈမိုဝ်းပွင်ၵၢၼ် ၸွႆႈထႅမ်ၵူၼ်းပၢႆႈၽေးပၢင်တိုၵ်း ၼႂ်းၸေႈဝဵင်းၵျွၵ်ႉမႄး

ၸုမ်းၵေႃႊႁူမ်ႈမိုဝ်းပွင်ၵၢၼ် ဢၼ်ပဵၼ် မုၵ်ႉၸုမ်းတီႇမူဝ်ႇၶရေႇၸီႇၸၢဝ်းၶိူဝ်းတႆး SNLD လႄႈ ပႃႇတီႇမႂ်ႇသုင် ၸိုင်ႈတႆး SSPP ႁူမ်ႈၵၼ်သေ ၸွႆႈထႅမ်ၵူၼ်းပၢႆႈၽေး ပၢင်တိုၵ်း တီႈၼႂ်းၸေႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ၼႆယူႇယဝ်ႉ။ မိူဝ်ႈလိူၼ်ၵျူႇလၢႆႇ 7 ဝၼ်း ဢၼ်ပဵၼ် မုၵ်ႉၸုမ်း ၵေႃႊႁူမ်ႈမိုဝ်းပွင်ၵၢၼ် SNLD လႄႈ SSPP လႆႈလူင်းပိုၼ်ႉ တီႈ ၸွႆႈထႅမ် ၵူၼ်းပၢႆႈၽေးပၢင်တိုၵ်း ၼႂ်းၸေႈဝဵင်းၵျွၵ်ႉမႄး လၢႆလၢႆတီႈ ၊ မိူၼ်ၼင်ႇ တီႈဝတ်ႉၵျွင်း ပုင်ႇဝူဝ်း ဢိူင်ႇၼွင် ၵႂၢင် ႁူဝ်ၼပ်ႉၵူၼ်းပၢႆႈၽေး မီး (1200) ၵေႃႉၼၼ်ႉ လႆႈၸွႆႈထႅမ် ၶဝ်ႈသၢၼ် (100) ထူင် ၊ ၼမ်ႉမၼ်း (30) ပုင်း ၊ ၶႆႇၵႆႇ (10) ၽႃႇ ၊ ၽွင်ဝၢၼ် (50) ထုၵ်ႈ ၊ ငိုၼ်း (100) သႅၼ်ၵျၢပ်ႈ လႄႈ မိူၼ်ၼင်ႇ တီႈဝတ်ႉၵျွင်း ဝၢၼ်ႈ ၵုၼ် ႁႅၼ် ဢိူင်ႇၼွင်ၵႂၢင် ႁူဝ်ၼပ်ႉၵူၼ်းပၢႆႈၽေး မီး (359) ၵေႃႉ လႆႈၸွႆႈထႅမ် ၶဝ်ႈသၢၼ် (30) ထူင် ၊ ၼမ်ႉမၼ်း (10) ပုင်း ၊ ၶႆႇၵႆႇ (3) ၽႃႇ ၊ ၽွင်ဝၢၼ် (15) ထုၵ်ႈ ၊ ငိုၼ်း (25) သႅၼ် ၵျၢပ်ႈ ယူႇယဝ်ႉ။.လိူဝ်သေၼၼ်ႉ မိူၼ်ၼင်ႇ တီႈဝတ်ႉၵျွင်းဝၢၼ်ႈၼႃးသွင်း ဢိူင်ႇႁၢႆးၵုၺ် ႁူဝ်ၼပ်ႉၵူၼ်းပၢႆႈၽေး မီး (260) ၵေႃႉ ၼၼ်ႉ လႆႈၸွႆႈထႅမ် ၶဝ်ႈသၢၼ် (20) ထူင် ၊ ၼမ်ႉမၼ်း (6) ပုင်း ၊ ၶႆႇၵႆႇ(2) ၽႃႇ ၊ ၽွင်ဝၢၼ် (10) ထူင် ၊ ငိုၼ်း (15) သႅၼ် ၼႆယူႇယဝ်ႉ။ ၼႂ်းၸေႈဝဵင်းၵျွၵ်ႉမႄး ၼႆႉ ယွၼ်ႉပၢင်တိုၵ်း 10 27 ပွၵ်ႈၵမ်းသွင် ဢၼ်တေႇပဵၼ်မႃး မိူဝ်ႈလိူၼ်ၵျူၼ်ႇ 25 ဝၼ်း တေႃႇထိုင်ယၢမ်းလဵဝ်ၼႆႉသေ ႁဵတ်းႁႂ်ႈမၢၵ်ႇလူင် တူၵ်းတိူဝ်ႉၺႃး ႁိူၼ်းၵူၼ်းမိူင်း လႄႈ တိူဝ်ႉၺႃး ပေႃႈ မႄႈၵူၼ်းမိူင်း ၵမ်ႈၽွင်ႈ လႆႈမၢတ်ႇၸဵပ်း လူႉတၢႆ ၊ လႆႈဢွၼ်ၵၼ် ၸုၼ်ႉပွႆႇပႅတ်ႈ ႁိူၼ်းယေး တိူၵ်ႇႁႆႊ လွၵ်းၼႃး လႄႈ လႆႈ ဢွၼ်ၵၼ် ပၢႆႈၽေးပၢင်တိုၵ်း ၵႂႃႇသွၼ်ႈသဝ်းဝႆႉ တီႈဝတ်ႉ ၵျွင်းမုၼ်ၸဝ်ႈ ၊ တီႈႁိူၼ်းပီႊၼွင်ႉၽႂ်မၼ်း ၸဵမ်ၸိူဝ်း ၼႆႉ ယူႇယဝ်ႉ။ shanstateprogressparty shanstatearmy #SSPPInfo ၸွႆႈထႅမ်ၵူၼ်းပၢႆႈၽေး #SNLD SSPP

['ၶၢဝ်ႇ']

2024-07-09T05:44:00

https://ssppssa.org/2024/07/%e1%80%95%e1%81%a2%e1%80%84%e1%80%ba%e1%80%90%e1%80%ad%e1%80%af%e1%81%b5%e1%80%ba%e1%80%b8-sspp-ssa-%e1%80%90%e1%80%84%e1%80%ba%e1%80%b8-tnla-3-%e1%80%a2%e1%80%bd%e1%80%84%e1%80%ba%e1%82%88/

ပၢင်တိုၵ်း SSPP/SSA တင်း TNLA – 3 ဢွင်ႈတီႈ သွင်ၽၢႆႇမီးလွင်ႈတူၵ်းသုမ်း

တပ်ႉသိုၵ်းၸိုင်ႈတႆး SSPP/SSA ဢၼ်ပၵ်းသဝ်းဝႆႉယူႇတီႈ ဝၢၼ်ႈလုၵ်းပႃ ၽၢႆႇၸၢၼ်း တၢင်းၵႃးလူင် မိူင်းႁူမ်ႈတုမ် ယၢၼ်ၵႆမွၵ်ႈ 7 လၵ်းၼၼ်ႉ ၽၢႆႇတပ်ႉ TNLA ၶဝ်ႈၵႂႃႇယိုဝ်းသႂ်ႇ ၵူၼ်းပႂ်ႉၵိၵ်ႉ SSPP/SSA လႄႈ သွင်ႇၽၢႆႇလႆႈတႄႇပဵၼ်ပၢင်တိုၵ်းၵၼ် ၼႂ်းဝၼ်းလဵဝ် လၢႆလၢႆတီႈ။ ဝၼ်းထီႉ 05 Junly 2024 ၶၢဝ်းယၢမ်း ၵၢင်ဝၼ်း 11 :45 မိၼိတ်ႉၼၼ်ႉ ယူႇတီႈ တပ်ႉသိုၵ်းလွႆ TNLA ႁႅင်းၵူၼ်း 70 ပၢႆ လုၵ်ႉၽၢႆႇႁွင်ႇတၢင်း ၶၢမ်ႈမႃးၽၢႆႇၸၢၼ်း သဵၼ်ႈတၢင်းၵႃးလူင် မိူင်းႁူမ်ႈတုမ်သေ လၢတ်ႈၶၢမ်ႈဝၢၼ်ႈလုၵ်းပႃ ႁွတ်ႈၽႅဝ်ႈထိုင် တီႈတပ်ႉပၵ်းသဝ်း SSPP/SSA ယူႇဝႆႉၼၼ်ႉ ယူႇတီႈၽူႈမီးပုၼ်ႈၽွၼ်း SSPP/SSA ဢၼ်တပ်ႉပၵ်းသဝ်းယူႇတီႈ ဝၢၼ်ႈႁိမ်းဝၢၼ်ႈလုၵ်းပႃ ၸႂ်ႉထွႆဢွၵ်ႇၶိုၼ်း ၵွပ်ႈပိူဝ်ႈဝႃႈ မီးတပ်ႉသိုၵ်း SSPP/SSA ပၵ်းသဝ်းၼႆသေတႃႉ ၽွင်းတပ်ႉသိုၵ်းလွႆ လုၵ်ႉတီႈ ဝၢၼ်ႈလုၵ်းပႃ တေဢွၵ်ႇမႃး တင်း ၼွင်ပိင်လူင်ၼၼ်ႉ ၽၢႆႇတပ်ႉသိုၵ်းလွႆ TNLA လႆႈယိုဝ်းသႂ်ႇ ၵူၼ်းပႂ်ႉၵိၵ်ႉ SSPP/SSA ႁိမ်းတိၼ်ဝၢၼ်ႈ လုၵ်းပႃသေ သွင်ၽၢႆႇလႆႈၶဵင်ႇပိုတ်းယိုဝ်းၵၼ်ၶိုၼ်း၊ ဝၢႆးသေသိုၵ်းလွႆထွႆဢွၵ်ႇ တီႈဝၢၼ်ႈလုၵ်းပႃးယဝ်ႉ သိုၵ်းလွႆ TNLA သိုပ်ႇၶိုၼ်းမႃးယိုဝ်းထႅင်ႈ ၵူၼ်းသိုၵ်း SSPP/SSA ဢၼ်ပႂ်ႉဢဝ်ႁူမ်ႇလူမ်ႈဝႆႉတီႈသဵၼ်ႈတၢင်းလူင် တၢင်းၽေၶဝ်ႈ ဝၢၼ်ႈၼွင်ပိင်လူင်ၼၼ်ႉယူႇယဝ်ႉ။ ၶၢဝ်းယၢမ်း 1 မူင်းပၢႆ ၽၢႆႇတပ်ႉသိုၵ်းလွႆ လုၵ်ႉတီႈ ဝၢၼ်ႈၵၢင်ႉမေႃႇ ၶီႇၵႃးၽူဝ်းဝီး မႃးၽႅၼ်ႉၼႃႈ တီႈၽၢႆႇတူၵ်းၶူဝ် ၼမ်ႉသိမ်ႇသေ ၶိုၼ်ႈယိုဝ်းတပ်ႉသိုၵ်းၸိုင်ႈတႆး ဢၼ်မီးႁိမ်းဝၢၼ်ႈသူၼ်ဢွႆႈ လႄႈ သွင်ၽၢႆႇလႆႈပိုတ်းယိုဝ်းၵၼ်တီႈၼိုင်ႈ၊ လိူဝ်ၼၼ်ႉ သိုၵ်းလွႆ TNLA ဢၼ်လုၵ်ႉတီႈ ၽၢႆႇၼိူဝ် ဝၢၼ်ႈၼမ်ႉႁူးၼွႆႉ လွႆၵေႃႇတၢၼ်ႇ ၸိူဝ်းၼႆႉ လူင်းမႃးထႅမ်ႁႅင်းသိုၵ်း တီႈသူၼ်ဢွႆႈ လႄႈ ၽၢႆႇတပ်ႉသိုၵ်း SSPP/SSA ႁပ်ႉႁေႉဝႆႉ လႄႈ သွင်ႇၽၢႆႇလႆႈပိုတ်းယိုဝ်းၵၼ် ယူႇယဝ်ႉ။ဢိင်ၼိူဝ် သွင်ၽၢႆႇလႆႈပိုတ်းယိုဝ်းၵၼ် 3 ဢွင်ႈတီႈၼႆႉ ၽၢႆႇ SSPP/SSA လႆႈလူႇၼိူဝ်ႉလိူတ်ႈ 1 ၵေႃႉ လႄႈ ၽၢႆႇ SSPP/SSA ယိုတ်းလႆႈ တူဝ်တၢႆ တင်းၵူၼ်းမၢတ်ႇ ၽူႈယွမ်းသိုၵ်း တပ်ႉသိုၵ်း TNLA ဢမ်ႇယွမ်း မွၵ်ႈ 5 ၵေႃႉယူႇယဝ်ႉ။ shanstateprogressparty SSPPInfo SSPPTNLA ပၢင်တိုၵ်း . Pslftnla

['ၵၢၼ်သိုၵ်း']

2024-07-05T12:19:54

https://ssppssa.org/2024/07/%e1%81%bd%e1%80%b0%e1%82%88%e1%80%99%e1%80%ae%e1%80%b8%e1%81%bc%e1%80%99%e1%80%ba%e1%82%89%e1%81%b8%e1%82%82%e1%80%ba%e1%81%b8%e1%80%b1%e1%82%87%e1%80%90%e1%81%bc%e1%82%83%e1%82%87-%e1%81%b8%e1%80%bd/

ၽူႈမီးၼမ်ႉၸႂ်ၸေႇတၼႃႇ ၸွႆႈထႅမ်လွင်ႈၵိၼ်ယႅမ်ႉတီႈ ၵေႃႉသိုၵ်းၵေႃႉႁၢၼ် SSPP/SSA ဢၼ်မီးၼႂ်းၼႃႈ သိုၵ်း ၸိုင်ႈတႆးပွၼ်းၸၢၼ်း

ၽူႈမီးၼမ်ႉၸႂ် ၸေႇတၼႃႇ ဢၼ်ယူႇၼႂ်းၸေႈဝဵင်းလွၵ်ႉ ၸွၵ်ႇ ၵေႃႉၼိုင်ႈ ၸွႆႈထႅမ်လွင်ႈၵိၼ်ယႅမ်ႉ တႃႇၵေႃႉ သိုၵ်း ၵေႃႉႁၢၼ် SSPP/SSA ဢၼ်မီးယူႇ ၼႂ်းၼႃႈသိုၵ်း ၸိုင်ႈတႆးပွတ်းၸၢၼ်း ၼၼ်ႉၼႆယူႇယဝ်ႉ။ မိူဝ်ႈလိူၼ်ၵျူႇလၢႆႇ 2 ဝၼ်းၼၼ်ႉ ၵူၼ်းမိူင်း ၽူႈမီးၼမ်ႉ ၸႂ်ၸေႇတၼႃႇ ဢၼ်ဢမ်ႇၶႂ်ႈဢွၵ်ႇၸိုဝ်ႈ ၵေႃႉၼိုင်ႈ ၸွႆႈထႅမ်လွင်ႈၵိၼ်ယႅမ်ႉ တီႈၵေႃႉသိုၵ်းၵေႃႉႁၢၼ် SSPP/SSA ဢၼ်တူင်ႉၼိုင်ဝႆႉ တၢင်းဝဵင်းမႂ်ႇ ပႃႇတိုင်း ဢိူင်ႇ ဢိၼ်ႇတေႃး ၸေႈဝဵင်းလွၵ်ႉၸွၵ်ႇၼၼ်ႉယူႇယဝ်ႉ။ ၶူဝ်းၶွင် ဢၼ်လႆႈၸွႆႈထႅမ်မႃးၼၼ်ႉ မိူၼ်ၼင်ႇ ၶဝ်ႈသၢၼ် (2) ထူင် ၊ ၼမ်ႉမၼ်း ပုင်းလူင်(1) ပုင်း ၊ ဢႃႇလူး ၊ ၶဝ်ႈသွႆးႁႅင်ႈ မိၵ်ႈမၢႆ(မႃႇမႃး) ၊ မၢၵ်ႇၽိတ်ႉႁႅင်ႈ ၊ ပႃႁႅင်ႈ လႄႈ ၽၵ်းထႅင်ႈလၢႆလၢႆလွင်ႈ ၸဵမ်ၸိူဝ်းၼႆႉ ယူႇယဝ်။ မိူဝ်ႈပူၼ်ႉမႃး ၼႂ်းလိူၼ် ၵျူၼ်ႇ ၼၼ်ႉၵေႃႈ မီးပေႃႈမႄႈ ၵူၼ်းမိူင်း ၽူႈမီးၼမ်ႉၸႂ် ၸေႇတၼႃႇ ဢၼ်ဢမ်ႇၶႆႈ ဢွၵ်ႇၸိုဝ်ႈ လၢႆလၢႆၵေႃႉၼၼ်ႉ ၸွႆႈထႅမ်ၶဝ်ႈၼမ်ႉတၢင်းၵိၼ် တီႈၵေႃႉသိုၵ်း ၵေႃႉႁၢၼ် SSPP/SSA ဢၼ်လႆႈ တူင်ႉၼိုင် ယူႇၼႂ်းၼႃႈသိုၵ်း ၸိုင်ႈတႆးပွတ်းၸၢၼ်းၼၼ်ႉ ၼႆယူႇယဝ်ႉ။ shanstateprogressparty shanstatearmy #SSPPInfo ၸွႆႈထႅမ်

['ၶၢဝ်ႇ']

2024-07-05T12:10:41

https://ssppssa.org/2024/07/%e1%80%99%e1%81%a2%e1%81%b5%e1%80%ba%e1%82%87%e1%82%81%e1%81%a2%e1%80%84%e1%80%ba%e1%82%88-rcss-%e1%80%90%e1%82%85%e1%81%b5%e1%80%ba%e1%82%87%e1%80%90%e1%80%ad%e1%80%b0%e1%80%9d%e1%80%ba%e1%82%89/

မၢၵ်ႇႁၢင်ႈ RCSS တႅၵ်ႇတိူဝ်ႉၺႃး ၵူၼ်းမိူင်း ၼႂ်းၸေႈဝဵင်းမိူင်းၼွင်

ၵူၼ်းမိူင်း ၼႂ်းၸေႈဝဵင်း မိူင်းၼွင် ၵေႃႉၼိုင်ႈ ႁေႃႈလူတ်ႉၶိူင်ႈ ၽႃႇၺႃးမၢၵ်ႇ ဢၼ်ၸုမ်း RCSS ႁၢင်ႈၵၢင်ဝႆႉ ၸွမ်းတၢင်း လႄႈ မၢၵ်ႇတႅၵ်ႇ တိူဝ်ႉၺႃး သေ လႆႈတၢင်းၸဵပ်းမၢတ်ႇဝႆႉ ၼႆယူႇယဝ်ႉ။ မိူဝ်ႈလိူၼ် ၵျုၼ်ႇလၢႆႇ 1 ဝၼ်း ၶၢဝ်းယၢမ်း ၵၢင်ၼႂ် 9 မူင်းပၢႆ ၼၼ်ႉ မီးၽူႈၸၢႆး သႅၼ်းဢႃႇယု(40) ပီႊ ၵေႃႉၼိုင်ႈ ႁေႃႈလူတ်ႉၶိူင်ႈသေ ၽႃႇၺႃးမၢၵ်ႇ ဢၼ်ၸုမ်း ၶွင်ႇသီႇဢဝ်ၶိုၼ်းၸိုင်ႈတႆး RCSS ႁၢင်ႈၵၢင်ဝႆႉ ၸွမ်းတၢင်း တီႈၾၢႆႇဢွၵ်ႇ ဝၢၼ်ႈၵဝ်ႇ ဝၢၼ်ႈပၢင်ႇၼမ်ႉႁူး ၼႂ်းၸေႈဝဵင်းမိူင်းၼွင် ၼၼ်ႉ လႄႈ မၢၵ်ႇတႅၵ်ႇတိူဝ်ႉသႂ်ႇ လူတ်ႉ ၶိူင်ႈ လူႉၵွႆၸွမ်း(1) လမ်း ၊ ၵူၼ်းႁေႃႈလူတ်ႉ လႆႈတိူဝ်ႉၺႃး မၢတ်ႇၸဵပ်းၸွမ်း တီႈၶႃ ၊ တီႈၶႅၼ် ၼႆယူႇယဝ်ႉ။ ၵူၼ်းၵေႃႉဢၼ် မၢၵ်ႇတႅၵ်ႇ တိူဝ်ႉၺႃးၼႆႉ ၸိုဝ်ႈႁွင်ႉ လုင်းၸႃႇၶိုဝ် ပဵၼ်ၸၢဝ်းၶိူဝ်း လႃးႁူႇ ပဵၼ်လုၵ်ႈၸၢႆး လုင်း လေႃးသေႇ + ပႃႈၼႃႇၼူး ယူႇဝၢၼ်ႈၸိင်း ပွၵ်ႉၵျွင်း ၸေႈဝဵင်းမိူင်းၼွင် ၸိုင်ႈတႆးပွတ်းၸၢၼ်း လႄႈ မိူဝ်ႈလဵဝ် မၼ်း ၸၢႆး လႆႈယူတ်းယႃတူဝ်ဝႆႉ တီႈႁိူၼ်းမၼ်းၸၢႆးယူႇ ၼႆယဝ်ႉ။ ၼႂ်းဝၼ်းလဵဝ်ၼၼ်ႉၵူၺ်း ၶၢဝ်းယၢမ်း 13:34 မူင်းၼၼ်ႉ ၸုမ်းသိုၵ်း ၶွင်ႇသီႇဢဝ်ၶိုၼ်းၸိုင်ႈတႆး RCSS မႃး ၵၢၼ်းယိုဝ်း တပ်ႉပၢင်သဝ်း ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်း ၸိုင်ႈတႆး SSPP/SSA တီႈႁိမ်းဝၢၼ်ႈၸိင်း ဢိူင်ႇဝၢၼ်ႈၸိင်း ၸေႈဝဵင်းလၢႆးၶႃႈ တီႈၼိုင်ႈ လႄႈ သွင်ၾၢႆႇလႆႈပဵၼ်ပၢင်တိုၵ်းၵၼ် ၸူဝ်ႈၵႅပ်ႉ ၊ ၾၢႆႇ RCSS ၶိုၼ်းထွႆဢွၵ်ႇၵႂႃႇ တီႈ ဢၼ်ပဵၼ် ပၢင်တိုၵ်း ၼၼ်ႉ သေ သဵင်ၵွင်ႈသဵင်မၢၵ်ႇ ၸင်ႇယဵၼ်ၵႂႃႇ ၼႆယူႇယဝ်ႉ။ ဝၢႆးသဵင်ၵွင်ႈ သဵင်မၢၵ်ႇယဵၼ်ယဝ်ႉ SSPP/SSA လႆႈၶဝ်ႈၵူတ်ႇထတ်းတူၺ်း တီႈဢၼ်ပဵၼ်ပၢင်တိုၵ်းၼၼ်ႉ သေ လႆႈထူပ်းႁၼ် တူဝ်တၢႆ ၵူၼ်းသိုၵ်း RCSS (1) ၵေႃႉ ၊ ၵွင်ႈ M16 (1လဝ်း) ၊ မႅၵ်ႉၵွင်ႈ (3) မႅၵ်ႉ ၊ မၢၵ်ႇၵွင်ႈ (70) လုၵ်ႈပၢႆ ၊ သၢႆထၢတ်ႈ ၊ မၢၵ်ႇထၢၼ်ႇ သႅꧣ်း -9V ၊ ၸၢၵ်ႈလၢတ်ႈ လႄႈ ၶိူင်ႈၶူဝ်း ဢၼ်ၸႂ်ႉၸွမ်း ၼႂ်းၵၢၼ်ႁၢင်ႈမၢၵ်ႇ ၸဵမ် ၸိူဝ်းၼႆႉ ယူႇယဝ်။ ၵဵဝ်ႇလူၺ်ႈလွင်ႈ ပၢင်တိုၵ်းၼႆႉသေ ၵူၼ်းသိုၵ်းဢၼ်လၵ်ႉပၢႆႈ ၼႂ်းၸုမ်း RCSS မႃးၶဝ်ႈႁူမ်ႈၸွမ်း SSPP/SSA ၵေႃႉ ၼိုင်ႈ လၢတ်ႈၼႄဝႃႈ – “ယူႇတီႈၾၢႆႇၼိူဝ်တေႉပၼ်ၶေႃႈသင်ႇဝႃႈ ႁႂ်ႈၶိုၼ်ႈယိုဝ်း SSPP/SSA ၼႆယူႇတိၵ်း တိၵ်း ယဝ်ႉၶႃႈ။ ၵူၺ်းၵူၼ်းသိုၵ်းၾၢႆႇတႂ်ႈတေႉ ၵမ်ႉၼမ် ၽႂ်ဢမ်ႇ ၶႆႈၶိုၼ်ႈတိုၵ်းၶႃႈ။ ၵူၺ်းၵႃႈ ၽႂ်ဢမ်ႇၶိုၼ်ႈ တိုၵ်းၵေႃႈ တေပၼ်တၢမ်ႇတၢႆၼႆလႄႈ ဢမ်ႇလိူဝ်လႆႈသေ လႆႈၶိုၼ်ႈတိုၵ်း ၵူၺ်း။ ၵၢၼ်ႁၢင်ႈၵၢင်မၢၵ်ႇၵေႃႈ မိူၼ် ၼၼ်ယဝ်ႉၶႃႈ မၢင်ၵေႃႉၼႆႉ လႆႈထုၵ်ႇၺႃးတဵၵ်းတဵင် ႁႂ်ႈႁဵတ်းလႄႈ လႆႈႁဵတ်း ၵူၺ်း ႁဝ်းၼင်ႇၵၼ် ၶိုၼ်းလႄႇ ႁႃႁၢင်ႈမၢၵ်ႇသႂ်ႇၵၼ် သေဢမ်ႇၵႃး လႆႈတုမ်ႉတိူဝ်ႉပႃးၵူၼ်းမိူင်း ၼႆႉ ဢၼ်ပွင်ႇ ၸႂ်တေႉ ၽႂ်ဢမ်ႇၶႆႈႁဵတ်း ၵမ်ႈၽွင်ႈၵေႃႈ တင်ႈၸႂ် သွတ်ႉမၢၵ်ႇ ယႃႇႁႂ်ႈ တိူဝ်ႉၽႂ် ႁႂ်ႈသဵင်မၼ်း ဢွၵ်ႇလၢႆလၢႆ ၵူၺ်းသေ ပၢႆႈပႅတ်ႈၵေႃႈ မီးဢေႃႈ” ဝႃႈၼႆ။ မိူဝ်ႈလိူၼ် ၵျူၼ်ႇ 2 ဝၼ်းၼၼ်ႉ ယူႇတီႈ သင်ႇၶႃႇၸဝ်ႈ ၊ ပေႃႈမႄႈၵူၼ်းမိူင်း ၼႂ်းဢိူင်ႇၽႃလၢႆး ၊ ဢိူင်ႇမိူင်းပဵင်း ၊ ဢိူင်ႇပႃၶီး ၊ ဢိူင်ႇလၢႆးသၢၵ်ႇ ၊ ဢိူင်ႇၼႃးပုင်ႇ ၸေႈဝဵင်းႁူဝ်ပူင်း လႄႈ ၼႂ်းဢိူင်ႇၵဵင်းၶမ်း ၊ ဢိူင်ႇမိူင်းလၢင်း ၊ ဢိူင်ႇ မိူင်းယွၼ်း ၊ ဢိူင်ႇၵျွၵ်ႉၵူႇ ၊ ဢၢင်ႇတေႃး ၼႂ်းၸေႈဝဵင်းလွၵ်ႉၸွၵ်ႇ မီးၽိုၼ်လိၵ်ႈ တုၵ်းယွၼ်းထိုင် ၵူႈမူႇ ၊ ၵူႈ ၸုမ်း ၊ ၵူႈၵေႃႉ ႁႂ်ႈၵိုတ်းယိုတ်းပၼ် လွင်ႈၵေႃႇၵၢၼ်ႁၢႆႉ ၵၢၼ် ႁၢင်ႈမၢၵ်ႇတႅၵ်ႇ ၼႆသေတႃႉ ယူႇတီႈၾၢႆႇ RCSS ဢမ်ႇယွမ်းၵိုတ်းယိုတ်းသေဢမ်ႇၵႃး ဢမ်ႇဝူၼ်ႉသွၼ်ႇပႃးလွင်ႈ ႁူမ်ႇလူမ်ႈ ပေႃႈမႄႈၵူၼ်းမိူင်း လႄႈ လႄႇႁႃ ႁၢင်ႈၵၢင်မၢၵ်ႇပႃး ၸွမ်းသဵၼ်ႈတႃႈသၢႆတၢင်း ဢၼ်ပေႃႈမႄႈၵူၼ်းမိူင်းၵႂႃႇမႃးပႆ ၸိူဝ်းၼၼ်ႉယူႇယဝ်ႉ။ shanstateprogressparty shanstatearmy #SSPPInfo RCSS #SSPP #ႁၢင်ႈၵၢင်မၢၵ်ႇ

['ၶၢဝ်ႇ']

2024-07-05T12:04:47

https://ssppssa.org/2024/07/%e1%81%b8%e1%80%af%e1%80%99%e1%80%ba%e1%80%b8%e1%81%be%e1%81%a2%e1%82%86%e1%82%87%e1%80%95%e1%81%a2%e1%82%86%e1%80%b8%e1%80%9a%e1%80%b0%e1%82%87%e1%80%9c%e1%80%ae-sspp-ssa-%e1%82%81%e1%80%b0%e1%80%99/

ၸုမ်းၾၢႆႇပၢႆးယူႇလီ SSPP/SSA ႁူမ်ႈ ၾၢႆႇဢုပ်ႉပိူင်ႇ လူင်းတူၺ်းထိုင်ပၼ်ပၢႆးယူႇလီ လုၵ်ႈႁဵၼ်း ၊ မေႃသွၼ် လႄႈ ပေႃႈမႄႈ ၵူၼ်းမိူင်းထႅင်ႈ ၼႂ်းၸေႈ ဝဵင်းမိူင်းၵိုင်

ၸုမ်းၾၢႆႇပၢႆးယူႇလီ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁူမ်ႈတင်း ၾၢႆႇဢုပ်ႉပိူင်ႇ ၼႂ်း ၸေႈတွၼ်ႈမၢႆ(15) လူင်းတူၺ်းထိုင်ပၼ်ပၢႆးယူႇလီလုၵ်ႈႁဵၼ်း လႄႈ ဢိၵ်ႇပႃး ပေႃႈမႄႈ ၵူၼ်းမိူင်း ၼႂ်းပိုၼ်ႉတီႈ ၸေႈဝဵင်းမိူင်းၵိုင် ၸိုင်ႈတႆးပွတ်းၸၢၼ်း ၼႆယူႇယဝ်ႉ။ မိူဝ်ႈဝႃး လိူၼ်ၵျူၼ်ႇ 27 ဝၼ်းၼၼ်ႉ ၸုမ်းၾၢႆႇပၢႆးယူႇလီ SSPP/SSA ၼႂ်းၼႃႈတီႈဢုပ်ႉပိူင်ႇ ၸေႈတွၼ်ႈမၢႆ (15) ႁူမ်ႈတင်း ၾၢႆႇဢုပ်ႉပိူင်ႇ ၸေႈဝဵင်းမၢႆ(35) သေ လႆႈလူင်းပိုၼ်ႉတီႈ တူၺ်းထိုင်ပၼ် ပၢႆးယူႇလီ လုၵ်ႈႁဵၼ်း ၊ မေႃသွၼ် လႄႈ ပေႃႈမႄႈၵူၼ်းမိူင်း ၼႂ်းဝၢၼ်ႈတူင်ႇလၢဝ်း ၸေႈဝဵင်းမၢႆ(35) မိူင်းၵိုင် သေ လႆႈ လဵင်ႉလူပႃး တၢင်း ၵိၼ် (ဢႁႃႇရ) ဢၼ်မီးဢဵၼ်ႁႅင်း တီႈလုၵ်ႈႁဵၼ်းၸဵမ်ၸိူဝ်းၼႆႉ ယူႇယဝ်ႉ။ တီႈဢၼ်လႆႈၵႂႃႇႁူပ်ႉထူပ်းတူၺ်းထိုင်ပၼ် ပၢႆးယူႇလီ ၼၼ်ႉ မိူၼ်ၼင်ႇတီႈႁူင်းႁဵၼ်း ဝၢၼ်ႈတူင်ႇလၢဝ်း မေႃသွၼ်ၸၢႆး (3) ၵေႃႉ ၊ မေႃသွၼ်ယိင်း(11) ၵေႃႉ ၊ လုၵ်ႈ ႁဵၼ် ၸၢႆး(100) ၵေႃႉ ၊ လုၵ်ႈႁဵၼ်းယိင်း(118) ၵေႃႉ ၵေႃႉ လႄႈ ပေႃႈမႄႈၵူၼ်းမိူင်း ၸၢႆး(7) ၵေႃႉ ၊ ယိင်း (39) ၵေႃႉ ႁူမ်ႈသဵင်မီး (278) ၵေႃႉ ယူႇယဝ်ႉ။ မိူဝ်ႈလိူၼ်ၵျူၼ်ႇ 24/25/ ဝၼ်း ပူၼ်ႉမႃး ၶၢဝ်းတၢင်းသၢမ်ဝၼ်းၼၼ်ႉၵေႃႈ ၸုမ်းၾၢႆႇပၢႆးယူႇလီ SSPP/SSA ၼႂ်း ၸေႈတွၼ်ႈမၢႆ(15) ႁူမ်ႈတင်း ၾၢႆႇဢုပ်ႉပိူင်ႇ ၵူႈၸၼ်ႉ ၸၼ်ႉ လႆႈလူင်း ပိုၼ်ႉတီႈ တူၺ်းထိုင်ပၼ် ပၢႆးယူႇ လီ တီႈလုၵ်ႈႁဵၼ်း ၊ မေႃသွၼ် ဢိၵ်ႇပႃးပေႃႈမႄႈၵူၼ်းမိူင်း တီႈဝၢၼ်ႈ ပၢင်ပွႆး ၊ ဝၢၼ်ႈၵုင်းသႃႇ ၊ ဝၢၼ်ႈသႃးတေႃး ၊ ဝၢၼ်ႈတူၼ်ႈၵႅင်း ၊ ဝၢၼ်ႈၼမ်ႉၵတ်း ၊ ဝၢၼ်ႈပၢင်ႇလေႃႉ ၊ ဝၢၼ်ႈ ၽၵ်းႁီႉ ၸိူဝ်းဢၼ်မီးၼႂ်း ဢိူင်ႇတူင်ႇလဝ်း ၸေႈဝဵင်းမိူင်းၵိုင် သေ လႆႈလဵင်ႉလူပၼ်ပႃး တၢင်းၵိၼ် (ဢႁႃႇရ) ဢၼ်မီး ဢဵၼ်ႁႅင်း တီႈလုၵ်ႈႁဵၼ်းၸဵမ် ၸိူဝ်း ၼႆႉ ယူႇယဝ်ႉ။ shanstateprogressparty shanstatearmy #SSPPInfo ၾၢႆႇပၢႆးယူႇလီ

['ပၢႆးယူႇလီ', 'ၵၢၼ်ၸွႆႈထႅမ်ပေႃႈမႄႈၵူၼ်းမိူင်း', 'ၵၢၼ်ပူၵ်းပွင်', 'ပၢႆးပိင်ႇၺႃႇ']

2024-06-26T16:20:43

https://ssppssa.org/2024/06/%e1%81%b8%e1%80%af%e1%80%99%e1%80%ba%e1%80%b8%e1%81%be%e1%81%a2%e1%82%86%e1%82%87%e1%80%95%e1%81%a2%e1%82%86%e1%80%b8%e1%80%9a%e1%80%b0%e1%82%87%e1%80%9c%e1%80%ae-sspp-ssa-%e1%80%9c%e1%80%b0-2/

ၸုမ်းၾၢႆႇပၢႆးယူႇလီ SSPP/SSA လူင်းတူၺ်းထိုင်ပၼ်ပၢႆးယူႇလီ လုၵ်ႈႁဵၼ်းလႄႈ ပေႃႈမႄႈၵူၼ်းမိူင်း ၼႂ်းၸေႈ ဝဵင်းမိူင်းၵိုင်

ၸုမ်းၾၢႆႇပၢႆးယူႇလီ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁူမ်ႈတင်း ၾၢႆႇဢုပ်ႉပိူင်ႇ ၵူႈ ၸၼ်ႉ ၸၼ်ႉ ၼႂ်းၸေႈတွၼ်ႈမၢႆ(15) လူင်းတူၺ်းထိုင်ပၼ်ပၢႆးယူႇလီ လႄႈ လုၵ်ႈႁဵၼ်း ဢိၵ်ႇပႃး ပေႃႈမႄႈ ၵူၼ်းမိူင်း ၼႂ်းပိုၼ်ႉတီႈ ၸေႈဝဵင်းမိူင်းၵိုင် ၸိုင်ႈတႆးပွတ်းၸၢၼ်း ၼႆယူႇယဝ်ႉ။ မိူဝ်ႈလိူၼ်ၵျူၼ်ႇ 24 ဝၼ်း တေႃႇထိုင် 25 ဝၼ်း ၶၢဝ်းတၢင်းသွင်ဝၼ်းၼၼ်ႉ ၸုမ်းၾၢႆႇပၢႆးယူႇလီ SSPP/SSA ၼႂ်းၸေႈတွၼ်ႈမၢႆ(15) ႁူမ်ႈတင်း ၾၢႆႇဢုပ်ႉပိူင်ႇ ၵူႈ ၸၼ်ႉၸၼ်ႉ လႆႈလူင်း ပိုၼ်ႉတီႈ တူၺ်းထိုင်ပၼ်ပၢႆးယူႇလီ တီႈလုၵ်ႈႁဵၼ်း ၊ မေႃသွၼ် ဢိၵ်ႇပႃးပေႃႈမႄႈၵူၼ်းမိူင်း တီႈဝၢၼ်ႈ သႃးတေႃး ၊ ဝၢၼ်ႈတူၼ်ႈၵႅင်း ၊ ဝၢၼ်ႈၼမ်ႉ ၵတ်း ၊ ဝၢၼ်ႈပၢင်ႇလေႃႉ ၊ ဝၢၼ်ႈၽၵ်းႁီႉ ဢိူင်ႇတူင်ႇလဝ်း ၸေႈဝဵင်းမိူင်းၵိုင် သေ လႆႈလဵင်ႉလူပႃး တၢင်းၵိၼ် (ဢႁႃႇရ) ဢၼ်မီး ဢဵၼ်ႁႅင်း တီႈ လုၵ်ႈႁဵၼ်းၶဝ် ၵႂႃႇယူႇယဝ်ႉ။ ယွၼ်ႉဝႃႈ ပၢႆးယူႇလီၼႆႉ ပဵၼ်ဢၼ်လမ်ႇလွင်ႈသုတ်း တႃႇၵူၼ်းႁဝ်း လႄႈ ၼင်ႇႁိုဝ်တေပဵၼ် တႃႇၵမ်ႉၸွႆႈလႆႈ ပၢႆးယူႇလီပေႃႈမႄႈၵူၼ်မိူင်းၼၼ်ႉ ယူႇတီႈငဝ်ႈငုၼ်း SSPP/SSA သေ လႆႈၵိူတ်ႇၶိုၼ်ႈမႃး ၸုမ်းမေႃယႃ ၊ ဢွင်ႈ တီႈဢၼ်ၵႆႁူင်းယႃၸိူဝ်းၼၼ်ႉၵေႃႈ လႆႈႁဵတ်းသၢင်ႈ ပိုတ်ႇပၼ် ႁူင်းယႃ ၊ လႆႈၸွႆႈထႅမ်ယူတ်းယႃပၼ် ပေႃႈမႄႈ ၵူၼ်းမိူင်း လူၺ်ႈၼမ်ႉၸႂ် ၸေႇတၼႃႇ ၸဵမ်ၸိူဝ်းၼႆႉ လႄႈ ၼႂ်းတွၼ်ႈၵၢၼ် ပူၵ်းပွင်ပၼ် ၾၢႆႇပၢႆးယူႇလီၼႆႉ ၼိုင်ႈၶူပ်ႇပီႊလႂ် လႆႈၸႂ်ႉတိုဝ်းငိုၼ်း (5000) သႅၼ် တေႃႇ (10000) သႅၼ်ယူႇၼႆ ၵႅမ်ၽူႈၵွၼ်းႁွင်ႈၵၢၼ် ၾၢႆႇပၢႆး ယူႇလီ ငဝ်ႈငုၼ်း SSPP/SSA လၢတ်ႈၼႄ ၼင်ႇၼႆ။ shanstateprogressparty shanstatearmy #SSPPInfo ၾၢႆႇပၢႆးယူႇလီ

['ပၢႆးပိင်ႇၺႃႇ', 'ၵၢၼ်ၸွႆႈထႅမ်ပေႃႈမႄႈၵူၼ်းမိူင်း', 'ပၢႆးယူႇလီ', 'ၵၢၼ်ပူၵ်းပွင်']

2024-06-24T18:25:26

https://ssppssa.org/2024/06/sspp-ssa-%e1%80%9a%e1%80%ad%e1%80%af%e1%80%90%e1%80%ba%e1%80%b8%e1%80%9e%e1%80%ad%e1%80%99%e1%80%ba%e1%80%b8%e1%80%9c%e1%82%86%e1%82%88-%e1%80%99%e1%81%a2%e1%81%b5%e1%80%ba%e1%82%87%e1%80%99%e1%82%85/

SSPP/SSA ယိုတ်းသိမ်းလႆႈ မၢၵ်ႇမႅင်း ဢၼ်ပႆႇတႅၵ်ႇ ၼႂ်း ၸေႈဝဵင်းလၢႆးၶႃႈ လႄႈ ၼႂ်းၸေႈဝဵင်းလွၵ်ႉၸွၵ်ႇ

သၢႆသိုၵ်းၶိုၵ်ႉတွၼ်း ၾၢႆႇၵူတ်ႇမူၺ်ႉမၢၵ်ႇ ၼႂ်းပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA လူင်း ၵူတ်ႇမူၺ်ႉမၢၵ်ႇ ဢၼ်ၸုမ်း ၶွင်ႇသီႇဢဝ်ၶိုၼ်းၸိုင်ႈတႆး RCSS ႁၢင်ႈၵၢင်ဝႆႉ ၼႂ်းၸေႈဝဵင်းလၢႆးၶႃႈ လႄႈ ၸေႈဝဵင်းလွၵ်ႉ ၸွၵ်ႇ ၸိုင်ႈတႆးပွတ်းၸၢၼ်း ၼၼ်ႉသေ ယိုတ်းသိမ်းလႆႈ မၢၵ်ႇဢၼ်ပႆႇတႅၵ်ႇ (6) လုၵ်ႈ ၼႆယူႇ ယဝ်ႉ။ မိူဝ်ႈၼႆႉ လိူၼ်ၵျူၼ်ႇ 24 ဝၼ်း ၶၢဝ်းယၢမ်း ၵၢင်ၼႂ် 11:50 မူင်း မိူဝ်ႈသၢႆသိုၵ်းၶိုၵ်ႉတွၼ်း SSPP/SSA လူင်းၵူတ်ႇထတ်းၼႂ်းပိုၼ်ႉတီႈၼၼ်ႉ မီးပေႃႈမႄႈၵူၼ်းမိူင်း ၸွႆႈပွင်ႇၶၢဝ်ႇပၼ် လူင်ႈၼႃႈ လႄႈ သၢႆသိုၵ်း SSPP/SSA လႆႈၶဝ်ႈၵူတ်ႇထတ်းႁၼ် မၢၵ်ႇဢၼ် ၵူၼ်းသိုၵ်း RCSS ႁၢင်ႈၸပ်း ၶူဝ် တီႈဢၼ်ၵူၼ်းမိူင်း ၵႆႉၵႂႃႇမႃးပႆ ႁိမ်းဝၢၼ်ႈလုၵ်း ဢိူင်ႇ ႁၢႆးသႅင် ၸေႈဝဵင်းလၢႆးၶႃႈ ၼၼ်ႉသေ ယိုတ်းသိမ်းလႆႈ မၢၵ်ႇဢၼ်ပႆႇတႅၵ်ႇ (3) လုၵ်ႈ ယူႇယဝ်ႉ။ ၼႂ်းဝၼ်းလဵဝ်ၼႆႉၵူၺ်း ၶၢဝ်းယၢမ်း ၵၢင်ၼႂ် 08:09 မူင်း မိူဝ်ႈၽွင်းသၢႆသိုၵ်း ၶိုၵ်ႉတွၼ်း SSPP/SSA တိုၵ်ႉဢဝ် ႁူမ်ႇလူမ်ႈ ၵူတ်ႇထတ်းမၢၵ်ႇမႅင်း ၾၢႆႇဢွၵ်ႇ ဝၢၼ်ႈလၢႆးၶႃႈ ဢိူင်ႇမိူင်းပဵင်း ၸေႈဝဵင်းလွၵ်ႉၸွၵ်ႇၼၼ်ႉ လႆႈၽႃႇ ၺႃးၵၼ် တင်း ၵူၼ်းႁၢင်ႈမၢၵ်ႇ ၾၢႆႇ RCSS သေ သွင်ၾၢႆႇ လႆႈပဵၼ်ပၢင်တိုၵ်း ပိုတ်းယိုဝ်းၵၼ် ၶၢဝ်းတၢင်းႁိုင် မွၵ်ႈ (5) ပႅၵ်ႉ (မိၼိတ်ႉ) ၼႆယူႇယဝ်ႉ။ ဝၢႆးသေ သဵင်ၵွင်ႈသဵင်မၢၵ်ႇယဵၼ်ယဝ်ႉ လႆႈသိုပ်ႇၵူတ်ႇထတ်းတူၺ်း ႁိမ်းႁွမ်း ၸိူဝ်းဢၼ်ပဵၼ် ပၢင်တိုၵ်းၼၼ်ႉ လႄႈ လႆႈထူပ်းႁၼ် မၢၵ်ႇဢၼ်ပႆႇတႅၵ်ႇ ထႅင်ႈ(3) လုၵ်ႈယူႇယဝ်ႉ။ ၼႂ်းလိူၼ်ၵျူၼ်ႇၼႆႉၵူၺ်း ယူႇတီႈ ၾၢႆႇ RCSS ႁၢင်ႈမၢၵ်ႇသႂ်ႇ သၢႆသိုၵ်း SSPP/SSA ၼႆႉ မီး(10) ပွၵ်ႈ ၊ ဢၼ် တႅၵ်ႇတိူဝ်ႉၺႃးၵူၼ်းမိူင်း ထိုင်တီႈတိၼ်ပုတ်း ပဵၼ်တုၶိတ မီး (1) ပွၵ်ႈ ၊ ၵူၼ်းမိူင်း လႆႈမၢတ်ႇၸဵပ်း ႁၢဝ်ႈႁႅင်း(1) ပွၵ်ႈ လႄႈ လိူဝ်သေၼၼ်ႉ တႅၵ်ႇတိူဝ်ႉၺႃး ၸၢၵ်ႈထႆသူၼ် ၊ လူတ်ႉၶိူင်ႈ ၵူၼ်းမိူင်း လႆႈလူႉၵွႆၸွမ်း ယူႇယဝ်ႉ။ shanstateprogressparty shanstatearmy #SSPPInfo RCSS #SSPP မၢၵ်ႇမႅင်း

['ၶၢဝ်ႇၵူႈလွင်ႈလွင်ႈ', 'ႁၢင်ႈလူၼ်ႉ', 'ၵၢၼ်သိုၵ်း', 'စစ်ရေး']

2024-06-24T17:01:57

https://ssppssa.org/2024/06/%e1%81%b5%e1%80%b1%e1%82%83%e1%82%89%e1%80%9e%e1%80%ad%e1%80%af%e1%81%b5%e1%80%ba%e1%80%b8-%e1%81%b5%e1%80%b1%e1%82%83%e1%82%89%e1%82%81%e1%81%a2%e1%81%bc%e1%80%ba-sspp-ssa-%e1%80%99%e1%82%84%e1%80%b8/

ၵေႃႉသိုၵ်း ၵေႃႉႁၢၼ် SSPP/SSA မႄးသဵၼ်ႈတၢင်း ၵႂႃႇမႃးပႆ ၼႂ်းၸေႈဝဵင်းၵျွၵ်ႉမႄး

ယိူင်းဢၢၼ်း တႃႇၵူၼ်းမိူင်း ၵူၼ်းသိုၵ်း ၵႂႃႇမႃးငၢႆႈ ၼႆသေ ပူၼ်ႉမႃးလၢႆလၢႆဝၼ်း ၼႆႉ ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA မႄးသဵၼ်ႈတႃႈသၢႆတၢင်း ၼႂ်းပိုၼ်ႉတီႈ ၸေႈဝဵင်း မၢႆ(20) ၵျွၵ်ႉမႄး ၸိုင်ႈတႆးပွတ်းႁွင်ႇ။ ၽွင်းမိူဝ်ႈၶၢဝ်းႁိုဝ်ႉၶၢဝ်းၾူၼ်ၼႆႉ သဵၼ်ႈတႃႈသၢႆတၢင်း ပဵၼ်ဢုင် ပဵၼ်ငႂ်ႈ ၊ ၵူၼ်းမိူင်း ၵူၼ်းသိုၵ်း ၵႂႃႇမႃးယၢပ်ႇ ၽိုတ်ႇၼႆလႄႈ မိူဝ်ႈလိူၼ်ၵျူၼ်ႇ 19 ဝၼ်း တေႃႇထိုင် 21 ဝၼ်း ၶၢဝ်းတၢင်းႁိုင်သၢမ်ဝၼ်း ၼၼ်ႉ ယူႇတီႈ ၵေႃႉ သိုၵ်းၵေႃႉႁၢၼ် SSPP/SSA ၼႂ်းတပ်ႉႁူမ်ႇလူမ်ႈ ငဝ်ႈတပ်ႉ ၸုမ်း (72) လႄႈ ၼႂ်းတပ်ႉၵွင် (773) ႁူမ်ႈႁႅင်းသိုၵ်း (10) ၵေႃႉ ဢွၼ်ၵၼ် တေႃႉတၢင်ႇမၢၵ်ႇႁိၼ် မႄးသိူဝ်ႇသဵၼ်ႈတႃႈသၢႆတၢင်း ၼႂ်းၵႄႈ ဝၢၼ်ႈပႃႇပူၵ်ႇ ၊ ဝၢၼ်ႈဢေႃႈၶမ်း ဢိူင်ႇၵျွၵ်ႉမႄးလူင် ၸေႈဝဵင်းမၢႆ(20) ၵျွၵ်ႉမႄး ၼၼ်ႉယူႇယဝ်ႉ။ လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၵူႈပၢႆးပၢႆးၼႆႉ တေႇ ဢဝ် ၸၼ်ႉၵေႃႉသိုၵ်းၵေႃႉႁၢၼ်ၶိုၼ်ႈ တေႃႇထိုင် ၸၼ်ႉငဝ်ႈငုၼ်း ၼၼ်ႉ ဢိင်ၼိူဝ်ငဝ်းလၢႆး လွင်ႈၼိမ်သဝ်းၼႂ်းပိုၼ်ႉတီႈပၼ်သေ ၵႃႈၼင်ႇပွင်ပဵၼ်လႆႈ တေ ၶတ်းၸႂ်ၸွႆႈထႅမ်ၵႂႃႇယူႇယဝ်ႉ။ shanstateprogressparty shanstatearmy #SSPPInfo SSPP #ၸွႆႈမႄးတၢင်း

['ၵၢၼ်ၵေႃႇသၢင်ႈတွၼ်ႈလိၼ်ၶိုၼ်ႈယႂ်']

2024-06-23T15:06:39

https://ssppssa.org/2024/06/%e1%80%9c%e1%80%b0%e1%80%90%e1%80%ba%e1%82%89%e1%81%b6%e1%80%ad%e1%80%b0%e1%80%84%e1%80%ba%e1%82%88-%e1%80%9c%e1%82%84%e1%82%88-%e1%80%9c%e1%80%b0%e1%80%90%e1%80%ba%e1%82%89%e1%81%b5%e1%82%83%e1%80%b8/

လူတ်ႉၶိူင်ႈ လႄႈ လူတ်ႉၵႃး ၽႃႇၺႃးၵၼ် ၼႂ်းၸေႈဝဵင်းမိူင်းၼွင် ၵူၼ်းႁေႃႈလူတ်ႉၶိူင်ႈ မၢတ်ႇၸဵပ်းႁၢဝ်ႈႁႅင်း

လူတ်ႉၶိူင်ႈ လႄႈ လူတ်ႉၵႃး ႁေႃႈၽႃႇၺႃးၵၼ် ၼႂ်းၸေႈဝဵင်းမိူင်းၼွင် ၸေႈတွၼ်ႈမိူင်းသူႈ ၸိုင်ႈတႆးပွတ်း ၸၢၼ်း ၵူၼ်းႁေႃႈလူတ်ႉၶိူင်ႈ တိူဝ်ႉၺႃး တီႈၶႃလူင် မၢတ်ႇၸဵပ်းႁၢဝ်ႈႁႅင်း ၼႆယူႇယဝ်ႉ။ မိူဝ်ႈၼႆႉ လိူၼ်ၵျူၼ်ႇ 23 ဝၼ်း ၶၢဝ်းယၢမ်း ၵၢင်ၼႂ် 10:00 မူင်း ၼၼ်ႉ လူတ်ႉၵႃး(ဝိတ်ႉ) သီၸိုၼ်း လမ်းၼိုင်ႈ တင်း လူတ်ႉၶိူင်ႈ ပဵၼ်ၽေးၵိုင်ႉၵၢင်ႉ တမ်ၽႃႇၺႃးၵၼ် ၼိူဝ်သဵၼ်ႈတၢင်းလူင် မိူင်းၼွင်-မိူင်းသူႈ တီႈၼႂ်းဝၢၼ်ႈၸိင်း ဢိူင်ႇဝၢၼ်ႈၸိင်း ၸေႈဝဵင်းမိူင်းၼွင် ၊ ၽူႈၸၢႆး ၵူၼ်းႁေႃႈလူတ်ႉၶိူင်ႈ သႅၼ်းဢႃႇယု(20) ၶူပ်ႇႁိမ်းႁွမ်း လႆႈတိူဝ်ႉၺႃး မၢတ်ႇၸဵပ်းႁၢဝ်ႈႁႅင်း ထိုင်တီႈ ၶႃ ၾၢႆႇၶႂႃ ပွင်ႈၼိူဝ် လႆႈ ႁၵ်းသေ လႆႈဢဝ်သူင်ႇယူတ်းယႃ တူဝ်ဝႆႉ တီႈႁူင်းယႃလူင် ဝဵင်းမိူင်းၼွင် ယူႇယဝ်ႉ။ ၸဝ်ႈၵႃး ဢၼ်ၽႃႇၺႃးလူတ်ႉၶိူင်ႈၼႆႉ ပဵၼ်ၽူႈၸၢႆး ၶႃႈ ႁၢပ်ႇၵၢၼ်ၶုၼ် ၼႂ်းလူင်ပွင်ၸိုင်ႈ ယူႇပွၵ်ႉမၢႆ(4) ၸေႈ ဝဵင်းမိူင်းသူႈသေ ၵူၼ်းႁေႃႈလူတ်ႉၶိူင်ႈ ဢၼ်လႆႈတိူဝ်ႉၺႃး ၶႃ ႁၵ်းၵႂႃႇၼၼ်ႉ ပဵၼ်ၵူၼ်းၸၢဝ်းၶိူဝ်းလႃးႁူႇ ယူႇ ဝၢၼ်ႈ ၼႃးၾႆး ဢိူင်ႇၵဵင်ႁၢဝ်း ၸေႈဝဵင်းမိူင်းၼွင် ၼႆယူႇယဝ်ႉ။ မိူဝ်ႈပူၼ်ႉမႃး လိူၼ် ၵျူၼ်ႇ 9 ဝၼ်း ၼၼ်ႉၵေႃႈ ယွၼ်ႉ ႁေႃႈလူတ်ႉဝၢႆးသေ လူတ်ႉၵႃး တင်း လူတ်ႉၶိူင်ႈ ၵိုင်ႉ ၵၢင်ႉ ၽႃႇၺႃးၵၼ် ၼိူဝ်သဵၼ်ႈတၢင်းလူင် သီႇပေႃႉ-လႃႈသဵဝ်ႈ တီႈဝၢၼ်ႈပုင်းထုၼ် ဢိူင်ႇၼွင်မွၼ် ၸေႈဝဵင်း လႃႈသဵဝ်ႈသေ ၵူၼ်းႁေႃႈလူတ်ႉၶိူင်ႈ ၽူႈၸၢႆး သႅၼ်းဢႃႇယု(57) ၶူပ်ႇ လႆႈတၢင်းမၢတ်ႇၸဵပ်း ၶႃၾၢႆႇသၢႆႉ ႁၵ်းၵႂႃႇ လႄႈ လႆႈသူင်ႇယူတ်းယႃတူဝ် တီႈႁူင်းယႃလူင် ဝဵင်းလႃႈသဵဝ်ႈ ယူႇယဝ်ႉ။ shanstateprogressparty shanstatearmy #SSPPInfo ၽေးၵိုင်ႉၵၢင်ႉ #လူတ်ႉၵႃး လူတ်ႉၶိူင်ႈ

['ၶၢဝ်ႇၵူႈလွင်ႈလွင်ႈ', 'ၶၢဝ်ႇ', 'ၽေးၵိုင်ႉၵၢင်ႉ']

2024-06-22T02:09:16

https://ssppssa.org/2024/06/rcss-%e1%80%9c%e1%80%af%e1%81%b5%e1%80%ba%e1%82%89%e1%81%bc%e1%82%82%e1%80%ba%e1%80%b8%e1%81%bc%e1%82%83%e1%82%88%e1%80%90%e1%80%ae%e1%82%88%e1%80%9e%e1%80%ad%e1%80%af%e1%81%b5%e1%80%ba%e1%80%b8/

RCSS လုၵ်ႉၼႂ်းၼႃႈတီႈသိုၵ်းၵူၼ်းမိူင်း ၵႃလိ မႃးၸၼ်မၢၵ်ႇသႂ်ႇ SSPP/SSA ၼႂ်းၸေႈဝဵင်းမိူင်းၼွင်

ၸုမ်းၶွင်ႇသီႇဢဝ်ၶိုၼ်းၸိုင်ႈတႆး RCSS လုၵ်ႉဢဝ်ၼႂ်းၼႃႈတီႈ သိုၵ်းၵူၼ်းမိူင်း ၵႃလိ သေ ၶၢမ်ႈၼမ်ႉပၢင် မႃးၸၼ်မၢၵ်ႇသႂ်ႇ သၢႆသိုၵ်း SSPP/SSA ၼႂ်းၸေႈဝဵင်း မိူင်းၼွင် ၸိုင်ႈတႆးပွတ်းၸၢၼ်း။ မိူဝ်ႈဝႃး လိူၼ်ၵျူၼ်ႇ 21 ဝၼ်း ၶၢဝ်းယၢမ်းၵၢင်ၼႂ် 08:30 မူင်းၼၼ်ႉ ၸုမ်း RCSS လုၵ်ႉတၢင်းၼႃႈတီႈ သိုၵ်း ၵူၼ်းမိူင်း ၸေႈဝဵင်းၵႃလိ သေ ၶီႇပေး ၶၢမ်ႈၼမ်ႉပၢင် မႃးႁၢင်ႈမၢၵ်ႇသွတ်ႉသႂ်ႇ သၢႆသိုၵ်း SSPP/SSA တီႈႁၢင်ၼႃး လူင်ၵဵင် ၼိူဝ်သဵၼ်ႈတၢင်း လုၵ်ႉၸေႈဝဵင်းၼမ်ႉၸၢင် ၵႂႃႇတႃႈသၢမ်ပူး ၼႂ်းၸေႈဝဵင်းမိူင်းၼွင် ၸိုင်ႈတႆး ပွတ်းၸၢၼ်း မၢၵ်ႇတႅၵ်ႇတိူဝ်ႉၺႃး ၵူၼ်းသိုၵ်း လႆႈမၢတ်ႇၸဵပ်းၸွမ်း ၵေႃႉၼိုင်ႈ လႄႈ လူတ်ႉၵႃး လူႉၵွႆၸွမ်းၵမ်ႈ ၽွင်ႈ ၼႆယူႇယဝ်ႉ။ ၼႂ်းဝၼ်းလဵဝ်ၼႆႉၵူၺ်း မိူဝ်ႈၶၢဝ်းယၢမ်း ၵၢင်ၼႂ် 11:55 မူင်းၼၼ်ႉ ၵူၼ်းသိုၵ်း RCSS ႁၢင်ႈမၢၵ်ႇသွတ်ႉသႂ်ႇ ၵူၼ်းမိူင်းပိုၼ်ႉတီႈ ဢၼ်ပဵၼ် ပူႇၵႄႇ ဝၢၼ်ႈပၢင်ႇပႅင်ႈ(မၢၵ်ႇလၢင်း) ၼႂ်းဢိူင်ႇမိူင်းယၢင်း ၸေႈဝဵင်း မိူင်းၼွင် ၼၼ်ႉသေ တူဝ်ပူႇၵႄႇ လႆႈတၢင်းမၢတ်ႇၸဵပ်းၸွမ်း ႁၢဝ်ႈႁႅင်း ယူႇယဝ်ႉ။ လိူဝ်သေၼၼ်ႉ မိူဝ်ႈၶၢဝ်းယၢမ်း ၵၢင်ဝၼ်း 12:00 မူင်း မိူဝ်ႈၽွင်း သၢႆသိုၵ်း SSPP/SSA ၵူတ်ႇထတ်းၼႃႈတီႈ ၼိူဝ်သဵၼ်ႈတၢင်း လုၵ်ႉဢဝ် ဝၢၼ်ႈၼႃးၸၢမ် ၵႂႃႇတၢင်း ဝဵင်းလွၵ်ႉၸွၵ်ႇ ၼႂ်းၸေႈဝဵင်းလွၵ်ႉၸွၵ်ႇၼၼ်ႉ ၵူတ်ႇထတ်း ႁၼ်ပႃး မၢၵ်ႇဢၼ်ပႆႇတႅၵ်ႇထႅင်ႈ (15) လုၵ်ႈ ယူႇယဝ်ႉ။ ၼႂ်းလိူၼ် ၵျူၼ်ႇ၊ ပီႊ2024 ၼႆႉၵူၺ်း ၾၢႆႇ RCSS ၶိုၼ်ႈလေႃႇတိုၵ်း တပ်ႉပၢင်သဝ်း SSPP/SSA မီးမႃး (2) ပွၵ်ႈ ၊ ဢၼ်ၸႂ်ႉ မၢၵ်ႇမႅင်းႁၢင်ႈၵၢင်သေတိုၵ်း မီးထိုင် (8) ပွၵ်ႈ ၊ ဢၼ်တႅၵ်ႇၺႃးတူဝ်သတ်းလဵင်ႉၵူၼ်းမိူင်း မီး (1) ပွၵ်ႈ ၊ ဢၼ်တႅၵ်ႇၺႃးၵူၼ်းမိူင်း မီး(2) ပွၵ်ႈ ၊ ဢၼ်တႅၵ်ႇၺႃး ၸၢၵ်ႈထႆၵူၼ်းမိူင်း လူႉၵွႆ (1) ပွၵ်ႈ ၊ ဢၼ်တႅၵ်ႇၺႃး လူတ်ႉၶိူင်ႈၵူၼ်းမိူင်း လူႉၵွႆ မီး(1) ပွၵ်ႈ ၊ ယူႇတီႈပေႃႈမႄႈ ၵူၼ်းမိူင်း ၸွႆႈပွင်ႇၶၢဝ်ႇပၼ် လႄႈ ၾၢႆႇ ၵူတ်ႇမူၺ်ႉမၢၵ်ႇ လႆႈလူင်းၵူတ်ႇမူၺ်ႉ သိမ်းလႆႈ မၢၵ်ႇမႅင်းဢၼ်ႁၢင်ႈဝႆႉသေ ပႆႇတႅၵ်ႇၼၼ်ႉ ၵေႃႈ ဢမ်ႇယွမ်း (20) လုၵ်ႈပၢႆ ယူႇယဝ်ႉ။ shanstateprogressparty shanstatearmy #SSPPInfo RCSS #ႁၢင်ႈမၢၵ်ႇ

['စစ်ရေး', 'ၵၢၼ်သိုၵ်း']

2024-06-17T02:54:14

https://ssppssa.org/2024/06/sspp-ssa-%e1%81%b8%e1%80%bd%e1%82%86%e1%82%88%e1%80%91%e1%82%85%e1%80%99%e1%80%ba-%e1%81%b5%e1%82%83%e1%82%88%e1%81%b8%e1%80%ad%e1%80%b0%e1%80%9d%e1%80%ba%e1%82%89%e1%81%b6%e1%80%9d%e1%80%ba%e1%82%88/

SSPP/SSA ၸွႆႈထႅမ် ၵႃႈၸိူဝ်ႉၶဝ်ႈၵၢပ်ႇ တီႈပေႃႈမႄႈၵူၼ်းမိူင်း ၼႂ်းၸေႈဝဵင်းၵေးသီး

ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၸွႆႈထႅမ် တိုၼ်းလင်း ၵႃႈၸိူဝ်ႉၶဝ်ႈၵၢပ်ႇ တီႈပေႃႈမႄႈၵူၼ်းမိူင်း ၼႂ်းၸေႈဝဵင်းၵေးသီး ၸိုင်ႈတႆးပွတ်း ၸၢၼ်း။ မိူဝ်ႈလိူၼ်ၵျူၼ်ႇ 15 ဝၼ်း ၶၢဝ်းယၢမ်း ၵၢင်ၼႂ် 10:40 မူင်း တေႃႇထိုင် ၶၢဝ်းယၢမ်း ၵၢင်ဝၼ်း12:00 မူင်းၼၼ်ႉ ယူႇတီႈ ၵေႃႇမတီႇ ၸေႈတွၼ်ႈ ၊ ၸေႈဝဵင်း ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ(42) ၵေးသီး တၢင်တူဝ် ငဝ်ႈငုၼ်း SSPP/SSA သေ လႆႈလူင်းၸွႆႈထႅမ် ၵႃႈၸိူဝ်ႉၶဝ်ႈၵၢပ်ႇ တီႈပေႃႈမႄႈၵူၼ်းမိူင်း ၼႂ်းဢိူင်ႇ ၼွင်ဢေ တႃႇၸိူဝ်ႉ ၶဝ်ႈၵၢပ်ႇ (79) ထူင် တူၵ်းမႅၼ်သၢင်ႉငိုၼ်း (42,660,000) သီႇပၢၵ်ႇ သဝ်းႁူၵ်းသႅၼ် ႁူၵ်းမိုၼ်ႇၵျၢပ်ႈ ၊ ဢိူင်ႇၼမ်ႉ မွင် တႃႇၸိူဝ်ႉၶဝ်ႈၵၢပ်ႇ (199) ထူင် တူၵ်းမႅၼ်ႈသၢင်ႉငိုၼ်း (107,460,000) ၼိုင်ႈႁဵင် ၸဵတ်းသိပ်းသီႇသႅၼ် ႁူၵ်း မိုၼ်ႇၵျၢပ်ႈ ၊ ဢိူင်ႇမိူင်းလိုမ်း တႃႇၸိူဝ်ႉၶဝ်ႈၵၢပ်ႇ (150) ထူင် တူၵ်းမႅၼ်ႈသၢင်ႉငိုၼ်း (81,000,000) ပႅတ်ႇပၢၵ်ႇ သိပ်းသႅၼ်ၵျၢပ်ႈ ၊ ဢိူင်ႇမိူင်းသွင် တႃႇၸိူဝ်ႉၶဝ်ႈၵၢပ်ႇ (38) ထူင် တူၵ်းမႅၼ်ႈသၢင်ႉ ငိုၼ်း (20,520,000) သွင် ပၢၵ်ႇ ႁႃႈသႅၼ်သွင်မိုၼ်ႇ ၵျၢပ်ႈ ၊ ဢိူင်ႇၼမ်ႉတွတ်ႇ တႃႇၸိူဝ်ႉၶဝ်ႈ ၵၢပ်ႇ (24) ထူင်ပၢႆ တူၵ်း မႅၼ်ႈသၢင်ႉငိုၼ်း (13,360,000) ၼိုင်ႈပၢၵ်ႇ သၢမ်သိပ်း သၢမ်သႅၼ်ႁူၵ်းမိုၼ်ႇၵျၢပ်ႈ လႄႈ ႁူမ်ႈသဵင်ႈ တူၵ်းမႅၼ်ႈ သၢင်ႉငိုၼ်း (265,000,000) သွင် ႁဵင်ႁူၵ်းပၢၵ်ႇ ႁႃႈသိပ်းသႅၼ်ၵျၢပ်ႈ ယူႇယဝ်ႉ။ ပေႃႈမႄႈၵူၼ်းမိူင်း ၸိူဝ်းႁဵတ်းၵိၼ်ၵၢၼ်ၽုၵ်ႇသွမ်ႈ မိူဝ်ႈပီႊပူၼ်ႉမႃးၼႆႉ ယွၼ်ႉငဝ်းလၢႆးပၢင်တိုၵ်း 10 27 ဢၼ် ပဵၼ်ယူႇ ၼႂ်းမိူင်းတႆးပွတ်းႁွင်ႇ ၼၼ်ႉသေ ႁဵတ်းႁႂ်ႈ သဵၼ်ႈတႃႈသၢႆတၢင်းၶၢတ်ႇ ၊ လူတ်ႉၵႃးတေႃႉတၢင်ႇ ၶူဝ်း ၵုၼ်ႇ ၶဝ်ႈဢွၵ်ႇမိူင်းၶႄႇၵေႃႈ ၵႂႃႇမႃးယၢပ်ႇ ႁဵတ်းႁႂ်ႈၶၼ်ၶဝ်ႈၵၢပ်ႇ ၼႂ်းပိုၼ်ႉတီႈတူၵ်းႁႅင်း ၵူၼ်းႁဵတ်းၵိၼ်ၵၢၼ် ၽုၵ်ႇသွမ်ႈ လႆႈသုမ်းၸွမ်းၼမ် မၢင်တီႈ ထိုင်တီႈဢမ်ႇမီးတိုၼ်းလင်း တႃႇတေႁဵတ်းသၢင်ႈၵၢၼ်ၽုၵ်ႇသွမ်ႈ တႃႇ မိူဝ်းၼႃႈလႄႈ ၵႃႈၼင်ႇ တူၺ်းထိုင် ၸွႆႈထႅမ်လႆႈၼၼ်ႉ ယူႇတီႈပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA သေ ၸင်ႇလႆႈ လူင်းတိုၼ်းတူၺ်းထိုင် ၸွႆႈထႅမ်ၵႂႃႇယူႇယဝ်ႉ။ shanstateprogressparty shanstatearmy #SSPPInfo ၸွႆႈထႅမ်

['ၵၢၼ်ၸွႆႈထႅမ်ပေႃႈမႄႈၵူၼ်းမိူင်း', 'ၵၢၼ်ပူၵ်းပွင်']

2024-06-13T15:25:50

https://ssppssa.org/2024/06/rcss-%e1%80%95%e1%80%bd%e1%82%86%e1%82%87%e1%80%9e%e1%80%ad%e1%80%af%e1%81%b5%e1%80%ba%e1%80%b8%e1%80%99%e1%80%b0%e1%81%b5%e1%80%ba%e1%80%b8%e1%80%9d%e1%82%86%e1%82%89-%e1%80%9c%e1%82%84%e1%82%88/

RCSS ပွႆႇသိုၵ်းမူၵ်းဝႆႉ လႄႈ ၽႃႇၺႃးသၢႆသိုၵ်း SSPP ၼႂ်းဢိူင်ႇပၢင်သၵ်း

RCSS ပွႆႇသိုၵ်းမူၵ်းဝႆႉၼႂ်း ၼႂ်းဢိူင်ႇပၢင်သၵ်း ၸေႈဝဵင်းမိူင်းၵိုင် လႄႈ လႆႈၽႃႇၺႃး သၢႆသိုၵ်းၾၢႆႇႁူမ်ႇလူမ်ႈ SSPP/SSA သေ သွင်ၾၢႆႇ လႆႈပိုတ်းယိုဝ်းပဵၼ်ပၢင်တိုၵ်းၵၼ် ၸူဝ်ႈၵႅပ်ႉ ၊ ၾၢႆႇပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ယိုတ်းသိမ်းလႆႈ မၢၵ်ႇၵွင်ႈ တင်း ၶိူင်ႈၶူဝ်းသိုၵ်း ၵမ်ႈၽွင်ႈ ယူႇယဝ်ႉ။ မိူဝ်ႈဝႃး ဝၼ်းထီႉ 12/ 06 / 2024 ယၢမ်းၵၢင်ၼႂ် ၽွင်းသၢႆသိုၵ်းတူင်ႉၼိုင် SSPP/SSA တူင်ႉၼိုင်ၵႂႃႇမႃး ဢဝ်ႁူမ်ႇလူမ်ႈၼႃႈတီႈ ယူႇၼႂ်းပိုၼ်ႉတီႈၼၼ်ႉ လႆႈၽႃႇၺႃး သၢႆသိုၵ်း RCSS ဢၼ်မႃးမူၵ်းယူႇဝႆႉ ၾၢႆႇၸၢၼ်း ဝၢၼ်ႈၽွင်းသႅင် ဢိူင်ႇပၢင်သၵ်း ၾၢႆႇတူၵ်းဝၢၼ်ႈတူင်ႇလၢဝ်း ၸေႈဝဵင်းမိူင်းၵိုင် လႄႈ သွင်ၾၢႆႇလႆႈပိုတ်းယိုဝ်းၵၼ် တၢင်းႁိုင် မွၵ်ႈ 15 ပႅၵ်ႉ သေ ၾၢႆႇ RCSS လႆႈထွႆဢွၵ်ႇၵႂႃႇၼႂ်းတီႈ ဢၼ်ပဵၼ် ပၢင်တိုၵ်းၼၼ်ႉ ယူႇယဝ်ႉ။ ၼႂ်းဝၼ်းလဵဝ်ၵူၺ်းၼင်ႇၵဝ်ႇ မိူဝ်ႈၶၢဝ်းယၢမ်း ၵၢင်ဝၼ်း 14:15 မူင်း မႅၼ်ႈၽွင်းလူတ်ႉၵႃးတၢင်ႇသၢႆသိုၵ်း SSPP/SSA ဢွၵ်ႇတူင်ႉၼိုင် ၵူတ်ႇထတ်း ၸွမ်းသဵၼ်ႈတႃႈသၢႆ တၢင်း ႁိမ်းႁွမ်း ဝၢၼ်ႈၼွင်ပၢတ်ႇ ဢိူင်ႇမိူင်းယွၼ်း ၸေႈဝဵင်း မိူင်းၵိုင်ၼၼ်ႉ ထုၵ်ႇၺႃး သိုၵ်း RCSS သွတ်ႉမၢၵ်ႇသႂ်ႇ (3) လုၵ်ႈ ႁဵတ်းႁႂ်ႈ မီးလွင်ႈတုမ်ႉတိူဝ်ႉ ၵႃးလူႉလႅဝ်ၵမ်ႈၽွင်ႈ လႄႈ ၸၢၵ်ႇမၢၵ်ႇၽၢတ်ႈတိူဝ်ႉၺႃး ၶႃၵူၼ်းသိုၵ်းၵေႃႉ ၼိုင်ႈ လႆႈတၢင်းမၢတ်ႇၸဵပ်းၸွမ်း ယူႇယဝ်ႉ။ ၵဵဝ်ႇလူၺ်ႈ လွင်ႈလၢႆးႁဵတ်းသၢင်ႈ RCSS လၵ်ႉလွမ်မူၵ်းတိုၵ်း ႁၢင်ႈမၢၵ်ႇၸိူဝ်းၼႆႉ ပွင်ႇဝႃႈ တိုၼ်းၶႂ်ႈသၢင်ႈ ႁႂ်ႈပဵၼ်မႃးပၢင်တိုၵ်းၶိုၼ်းၵူၺ်း သေ ယူႇတီႈ ၾၢႆႇ SSPP/SSA ၶတ်း ၸႂ်ၵုမ်းထိင်း ယႃႇႁႂ်ႈၵိူတ်ႇၶိုၼ်ႈပဵၼ်မႃးပၢင်တိုၵ်းသေတႃႉ ၾၢႆႇၼိုင်ႈသမ်ႉ ႁဵတ်းလၢႆး လၵ်ႉလွမ်မူၵ်းတိုၵ်းယူႇၶိူဝ်းယႂ်ႇ လႄႈ သင်ဝႃႈ ဢမ်ႇဝႄႈလွတ်ႈ လႆႈပဵၼ်ပၢင်တိုၵ်းမႃးၸိုင် တိုၼ်းဢမ်ႇၸႂ်ႈပုၼ်ႈၽွၼ်း ၽၢႆႇ SSPP/SSA ယူႇယဝ်ႉ။ shanstateprogressparty shanstatearmy #SSPPInfo ပၢင်တိုၵ်း #RCSS #SSPPSSA #ႁၢင်ႈမၢၵ်ႇ #မူၵ်းတိုၵ်း

['ၵၢၼ်သိုၵ်း', 'ၶၢဝ်ႇ']

2024-06-09T03:06:43

https://ssppssa.org/2024/06/%e1%80%9e%e1%80%ad%e1%80%af%e1%81%b5%e1%80%ba%e1%80%b8-rcss-%e1%82%81%e1%81%a2%e1%80%84%e1%80%ba%e1%82%88%e1%81%b5%e1%81%a2%e1%80%84%e1%80%ba%e1%80%99%e1%81%a2%e1%81%b5%e1%80%ba%e1%82%87%e1%80%9e/

သိုၵ်း RCSS ႁၢင်ႈၵၢင်မၢၵ်ႇသႂ်ႇ SSPP/SSA ထႅင်ႈ (4) ပွၵ်ႈ ၼႂ်း ၸိုင်ႈတႆးပွတ်းၸၢၼ်း

ၼႂ်းလိူၼ် ၵျူၼ်ႇ ပၢတ်ႈ(6) လိူၼ် ၼႆႉၵူၺ်း ၾၢႆႇ RCSS ႁၢင်ႈမၢၵ်ႇသႂ်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်း ၸိုင်ႈတႆး SSPP/SSA ထႅင်ႈ (4) ပွၵ်ႈ ၊ ၵေႃႉသိုၵ်းၵေႃႉႁၢၼ် SSPP/SSA လႆႈတိူဝ်ႉၺႃးမၢတ်ႇၸဵပ်းၸွမ်း ထႅင်ႈ (1) ၵေႃႉ ။ မိူဝ်ႈလိူၼ် ၵျူၼ်ႇ၊ 6 ဝၼ်း ၊ ပီႊ2024 ၼီႊ ၶၢဝ်းယၢမ်းၵၢင်ၼႂ် 9 မူင်း ၽွင်းမိူဝ်ႈသၢႆသိုၵ်း SSPP/SSA တိုၵ်ႉလဵပ်ႈ ယၢမ်း ၾၢႆႇၸၢၼ်းဝၢၼ်ႈတွင်ႇထဵၵ်ႉ ၼႂ်းၸေႈဝဵင်း လွၵ်ႉ ၸွၵ်ႇ မိူဝ်ႈၽႅဝ်ၵႂႃႇ တီႈၶူဝ် ၵျွၵ်ႉဢူဝ်းၶျွင်း ၼၼ်ႉ ထုၵ်ႇ ၺႃး ၾၢႆႇ RCSS ႁၢင်ႈမၢၵ်ႇတိုၵ်းယိုဝ်းသႂ်ႇ ပွၵ်ႈလဵဝ် (6) လုၵ်ႈ လႄႈ သိုၵ်းႁၢၼ် ၾၢႆႇ SSPP/SSA ၵေႃႉၼိုင်ႈ တိူဝ်ႉၺႃးၸၢၵ်ႇမၢၵ်ႇ သေ လႆႈတၢင်းမၢတ်ႇၸဵပ်း ယူႇယဝ်ႉ။ မိူဝ်ႈလိူၼ်ၵျူၼ်ႇ 4 ဝၼ်း ၶၢဝ်းယၢမ်းၵၢင်ၼႂ် 5 မူင်းပၢႆ မၢၵ်ႇဢၼ် RCSS ႁၢင်ႈၵၢင်ဝႆႉ တီႈၶူဝ် တၢင်းၵႂႃႇဝၢၼ်ႈ ၵျွၵ်ႉငၢၵ်ႈ ၼႂ်းဢိူင်ႇမိူင်းပဵင်း ၸေႈဝဵင်းႁူဝ်ပူင်းၼၼ်ႉ တႅၵ်ႇႁင်းၵူၺ်း ထႅင်ႈလုၵ်ႈၼိုင်ႈသေ ဢမ်ႇမီးလွင်ႈတိူဝ်ႉ ၺႃးၽႂ် ၼႆယူႇယဝ်ႉ။ မိူဝ်ႈလိူၼ်ၵျူၼ်ႇ 2 ဝၼ်း ၶၢဝ်းယၢမ်းၵၢင်ၼႂ် 6 မူင်းၼၼ်ႉ ၾၢႆႇ RCSS သွတ်ႉမၢၵ်ႇသႂ် သၢႆသိုၵ်း SSPP/SSA တီႈၼႂ်း ၵႄႈၵၢင်ဝၢၼ်ႈလွႆတင်ႈ လႄႈ ဝၢၼ်ႈမႂ်ႇမၢၵ်ႇလၢင်း ၼႂ်းဢိူင်ႇၵဵင်းၶမ်း ၸေႈဝဵင်းလွၵ်ႉၸွၵ်ႇ ထႅင်ႈ (1) လုၵ်ႈ ဢမ်ႇမီးလွင်ႈတိူဝ်ႉၺႃးမၢတ်ႇၸဵပ်း ၊ သၢႆသိုၵ်း SSPP/SSA ၶိုၼ်းသိုပ်ႇၵူတ်ႇထတ်း ထူပ်းႁၼ်မၢၵ်ႇ ဢၼ်ႁၢင်ႈၵၢင်ဝႆႉသေပႆႇတႅၵ်ႇ ထႅင်ႈ (3) လုၵ်ႈယူႇယဝ်ႉ။ လိူဝ်သေၼၼ်ႉ မိူဝ်ႈလိူၼ် ၵျူၼ်ႇ 1 ဝၼ်းပူၼ်ႉမႃးၼၼ်ႉ ၵေႃႈ ၸုမ်းသိုၵ်း RCSS မႃးသွတ်ႉမၢၵ်ႇသႂ်ႇ သၢႆသိုၵ်း SSPP/SSA ထႅင်ႈ ၼိုင်ႈလုၵ်ႈ တီႈတၢင်းၽႄ ဝၢၼ်ႈၵျွၵ်ႉငၢၵ်ႈ လႄႈ ဝၢၼ်ႈၼွင်ယႃႈသႆး ၼႂ်းဢိူင်ႇမိူင်းပဵင်း ၸေႈဝဵင်းႁူဝ်ပူင်း ၊ မၢၵ်ႇတႅၵ်ႇၺႃးၾၢႆႇလင်သၢႆသိုၵ်း သေ သၢႆသိုၵ်း SSPP/SSA လွတ်ႈၽေး ဢမ်ႇမီးလွင်ႈ တုမ်ႉတိူဝ်ႉမၢတ်ႇၸဵပ်းသေၵေႃႉ ၼႆယူႇယဝ်ႉ။ SSPP တင်း RCSS ၼႆႉ ၸွမ်းၼင်ႇ ပေႃႈမႄႈၵူၼ်းမိူင်း တင်း သင်ႇၶႃႇၸဝ်ႈၶဝ်တုၵ်းယွၼ်းဝႆႉ ႁႂ်ႈပဵၼ်မႃး မူႇ ၼိုင်ႈၸုမ်းလဵဝ်ၵၼ်ၼႆသေ မိူဝ်ႈပူၼ်ႉမႃး လိူၼ် ၼူဝ်ႊဝိၼ်ႇပိူဝ်ႊ၊ 9 ဝၼ်း၊ ပီႊ 2023ၼီႊ ၼၼ်ႉ သွင်ၾၢႆႇ လႆႈႁူမ်ႈလူင်းလၢႆးမိုဝ်း ပိုၼ်ၽၢဝ်ႇ ၵိုတ်းတိုၵ်းၵၼ် လႄႈ ဢၢၼ်းၵေႃႇသၢင်ႈ ၵၢၼ်ၽွမ်ႉႁူမ်ႈ ႁႂ်ႈပဵၼ်မႃး မူႇလဵဝ် ၸုမ်းလဵဝ်ၼႆယူႇယဝ်ႉ။ ၵူၺ်းၵႃႈ ဝၢႆးသေ သွင်ၾၢႆႇလႆႈ လူင်းလၢႆးမိုဝ်းပိုၼ်ၽၢဝ်ႇၵိုတ်းတိုၵ်းယဝ်ႉ ၼႂ်းပီႊ 2024 ၼီႊ ၼႆႉၵူၺ်း ၾၢႆႇတင်း RCSS လႆႈႁၢင်ႈမၢၵ်ႇမူၵ်းတိုၵ်း သၢႆသိုၵ်း SSPP/SSA မႃး မီးထိုင် (11) ပွၵ်ႈယဝ်ႉသေတႃႉ ယွၼ်ႉတူၺ်းႁၼ် ထိုင် ၵၢၼ်ၽွမ်ႉႁူမ်ႈ မိူဝ်းၼႃႈလႄႈ ၾၢႆႇတင်း SSPP/SSA ပႆႇမီးလွင်ႈတုမ်ႉတွပ်ႇ တိုၵ်းယိုဝ်းၶိုၼ်းသေပွၵ်ႈ။ လၢႆးႁဵတ်းတပ်ႉသိုၵ်း RCSS ၸႂ်ႉမၢၵ်ႇမႅင်းတေႃႇ SSPP/SSA ယၢမ်းလဵဝ်ၼႆႉ ပဵၼ်လၢႆးႁွင်ႉႁႃ ၵၢၼ်သိုၵ်းႁႂ်ႈ ယိုင်ႈယႂ်ႇမႃးၵူၺ်း ၊ ၽၢႆႇတင်း SSPP/SSA တႄႉ ၶတ်းၸႂ်ၵုမ်းထိင်း ယႃႇႁႂ်ႈ သဵင်ၵွင်ႈတႅၵ်ႇၼႆသေတႃႉၵေႃႈ သင် ၸိူဝ်ႉဝႃႈ ၾၢႆႇတၢင်း RCSS သမ်ႉႁႃလၢႆး ႁၢင်ႈမၢၵ်ႇမူၵ်းတိုၵ်း ႁွင်ႉႁႃၵၢၼ်သိုၵ်းပၢင်တိုၵ်းယူႇတိၵ်းတိၵ်း ၼႆၸိုင် ဢမ်ႇဝၼ်းၼိုင်ၵေႃႈ ဝၼ်းၼိုင်ႈ သဵင်ၵွင်ႈတိုၼ်းၸၢင်ႈတႅၵ်ႇ ယူႇယဝ်ႉ ။ shanstateprogressparty shanstatearmy #SSPPInfo RCSS #ႁၢင်ႈၵၢင်မၢၵ်ႇ

['ၶၢဝ်ႇ', 'ေၶႃႈပိုၼ်ၽၢဝ်ႇ', 'ႁၢင်ႈလူၼ်ႉ', 'ၵၢၼ်သိုၵ်း']

2024-06-09T02:39:15

https://ssppssa.org/2024/06/%e1%81%b8%e1%80%af%e1%80%99%e1%80%ba%e1%80%b8%e1%81%be%e1%81%a2%e1%82%86%e1%82%87%e1%80%95%e1%81%a2%e1%82%86%e1%80%b8%e1%80%95%e1%80%ad%e1%80%84%e1%80%ba%e1%82%87%e1%81%ba%e1%82%83%e1%82%87-%e1%81%bc/

ၸုမ်းၾၢႆႇပၢႆးပိင်ႇၺႃႇ ၼႂ်းၸေႈဝဵင်းၼမ်ႉတူႈ ၸတ်းႁဵတ်းပွႆးလူင်းပၢင်သွၼ်လိၵ်ႈတႆး

ၸုမ်းၾၢႆႇပၢႆးပၺ်ႇၺႃႇ ၼႂ်းဢိူင်ႇမၢႆ(8) သၢႆးၶၢဝ် ၸေႈဝဵင်းမၢႆ(18) ၼမ်ႉတူႈ ၸတ်းႁဵတ်းပွႆးလူင်းပၢင်သွၼ်လိၵ်ႈ တႆးၶၢဝ်းမႆႈ လႄႈ တွၼ်ႈသူးလုၵ်ႈႁဵၼ်းၵတ်ႉၶႅၼ်ႇ တီႈႁူင်းႁဵၼ်းသွၼ်လိၵ်ႈတႆး ၼႂ်းဢိူင်ႇသၢႆးၶၢဝ် ၸေႈဝဵင်း ၼမ်ႉတူႈ ၸိုင်ႈတႆးပွတ်းႁွင်ႇ။ မိူဝ်ႈလိူၼ်မေႇ 30 ဝၼ်းၼၼ်ႉ ယူႇတီႈ ၸုမ်းၾၢႆႇပၢႆးပၺ်ႇ ၺႃႇ ၵေႃႊလိၵ်ႈလၢႆးလႄႈၾိင်ႈငႄႈတႆး ၸုမ်းၾၢႆႇ ဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁူမ်ႈၵၼ်သေ လႆႈၸတ်းႁဵတ်း ပွႆးလူင်း လိုဝ်ႈပၢင်သွၼ်လိၵ်ႈတႆးၶၢဝ်းမႆႈ လႄႈ တွၼ်ႈသူးလုၵ်ႈႁဵၼ်းၵတ်ႉ ၶႅၼ်ႇ ဢွင်ႈတီႈ ႁူင်းႁဵၼ်း ၸူဝ်ႈၶၢဝ်း ဢိူင်ႇ သၢႆးၶၢဝ် ၸေႈဝဵင်းၼမ်ႉတူႈ ၊ ၼႂ်းၼၼ်ႉ မီးၸုမ်းမေႃသွၼ် ၊ ႁူဝ်ပဝ်ႈၵေႃႊလိၵ်ႈလၢႆးၾိင်ႈငႄႈတႆးဝဵင်းၼမ်ႉတူႈ ၊ ၾၢႆႇၵေႃႇမတီႇဢိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၊ ၸုမ်းလုၵ်ႈႁဵၼ်း ၊ ပေႃႈမႄႈ လုၵ်ႈႁဵၼ်းၶဝ် ႁူမ်ႈၵၼ်ၶိုၼ်ႈႁွတ်ႈ (100 ) ၵေႃႉပၢႆ ယူႇယဝ်ႉ။ တီႈပွႆးလူင်းပၢင်သွၼ်ၼၼ်ႉ ၸုမ်းလုၵ်ႈႁဵၼ်း ႁူမ်ႈႁွင်ႉၵႂၢမ်း “ၵုင်ႇမုၼ်လိၵ်ႈလၢႆး” သေ ပိုတ်ႇပၢင် ၊ ႁူဝ်ပဝ်ႈ ၵေႃႊလိၵ်ႈလၢႆး ၾိင်ႈငႄႈတႆး မွၵ်ႇလၢတ်ႈၶေႃႈၵႂၢမ်း ပၼ်ႁႅင်းလုၵ်ႈႁဵၼ်း ၊ တၢင်တူဝ် ပႃႇတီႇမႂ်ႇသုင်ၸိုင်ႈတႆး သေ ၽူႈမီးပုၼ်ႈၽွၼ်း ၵေႃႇမတီႇဢိူင်ႇ ၵေႃႉၼိုင်ႈ မွၵ်ႇလၢတ်ႈ ၶေႃႈၵႂၢမ်း ပၼ်ႁႅင်းၸႂ်လုၵ်ႈႁဵၼ်း ပၼ်ႁႅင်းၸႂ် မေႃသွၼ် တိုၵ်းသူၼ်းပၼ် ၵၢၼ်ပၢႆးပၺ်ႇၺႃႇ လိၵ်ႈလၢႆးတႆး ႁႂ်ႈသိုပ်ႇၵႂႃႇလႆႈ မိူဝ်းၼႃႈၶၢဝ်းယၢဝ်း ၊ တၢင်တူဝ် မေႃသွၼ် တင်းသဵင်ႈသေ မေႃသွၼ်လူင် ၼၢင်းမျႃႉထူၺ်း မွၵ်ႇလၢတ်ႈ ၶေႃႈၵႂၢမ်း ငိၼ်းၸူမ်းထိုင် ၽူႈၶိုၼ်ႈ ႁွတ်ႈ လႄႈ ၽူႈယႂ်ႇ ၵူၼ်းလူင် သပ်းလႅင်း ပၼ်ပိုၼ်းႁူႉၵၢၼ်ပၢႆးပိင်ႇၺႃႇ ၊ တွၼ်ႈသူးလုၵ်ႈႁဵၼ်းၵတ်ႉၶႅၼ်ႇ ၊ လုၵ်ႈႁဵၼ်း မူၼ်ႈၸႂ်ပၼ် တၢင်းၵႃႈဝွၵ်းလၢႆလၢႆႁူဝ် ၊ လုၵ်ႈႁဵၼ်းႁူမ်ႈၵၼ် ၵၢၼ်ႇတေႃးၸုမ်းမေႃသွၼ် ၊ လုၵ်ႈ ႁဵၼ်းႁူမ်ႈမေႃသွၼ် ဢဝ်တၢင်းၽဵင်း “လိၵ်ႈလၢႆး” မူၼ်ႈၸႂ်ပၼ်သေ ပိုၼ်ၽၢဝ် ပၢင်ပွႆး ဢွင်ႇမၢၼ်ယဝ်ႉတူဝ်ႈၵႂႃႇ လီငၢမ်းယူႇ ယဝ်ႉ။ တႃႇပူၵ်းပွင် ၵၢၼ်ပၢႆးပၺ်ႇၺႃႇ ၵူႈၼႃႈတီႈဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈ တႆး SSPP/SSA ႁႂ်ႈပေႃးၶိုၼ်ႈယႂ်ႇ ႁိူဝ်ႈႁိူင်းမႃးၼၼ်ႉ ယူႇတီႈႁွင်ႈၵၢၼ်ပၢႆးပၺ်ႇၺႃႇငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆး လႆႈၶတ်း ၸႂ် ပူၵ်းပွင်ပၼ်မႃး ၸုမ်းမေႃသွၼ် ၊ ႁူင်းႁဵၼ်း လႄႈ ၵမ်ႉထႅမ်ပၼ်ငိုၼ်းလိူၼ်မေႃသွၼ် ၸဵမ်ၸိူဝ်းၼႆႉသေ ၼိုင်ႈၶူပ်ႇပီႊလႂ် ငိုၼ်းၸႂ်ႉတိုဝ်း တႃႇပူၵ်း ပွင်ၵၢၼ်ပၢႆးပၺ်ႇၺႃႇ ၼၼ်ႉ လႆႈၸႂ်ႉတိုဝ်းယူႇ (5000) သႅၼ် တေႃႇ ထိုင်(7000) သႅၼ် ယူႇယဝ်ႉ။ shanstateprogressparty shanstatearmy #ပွႆးလူင်းပၢင်သွၼ် တွၼ်ႈသူးလုၵ်ႈႁဵၼ်း

['ၾိင်ႈငႄႈၾိင်ႈထုင်း', 'ၵူၼ်းၼုမ်ႇ', 'ပၢႆးပိင်ႇၺႃႇ']

2024-06-03T14:13:15

https://ssppssa.org/2024/06/%e1%81%bd%e1%80%b0%e1%82%88%e1%80%95%e1%80%bd%e1%80%84%e1%80%ba%e1%81%b5%e1%81%a2%e1%81%bc%e1%80%ba%e1%80%9e%e1%80%ad%e1%80%af%e1%81%b5%e1%80%ba%e1%80%b8-sspp-ssa-%e1%82%81%e1%80%b0%e1%80%95%e1%80%ba/

ၽူႈပွင်ၵၢၼ်သိုၵ်း SSPP/SSA ႁူပ်ႉထူပ်း ၸွႆႈထႅမ် ၽူႈႁတ်းႁၢၼ် ႁၢပ်ႇထၢမ်းၵၢၼ်သိုၵ်း ဢၼ်တေႃႇသူပၢင်တိုၵ်း သေ လႆႈပဵၼ်တုၵ်ႉၶိတ

ၽူႈပွင်ၵၢၼ်သိုၵ်း တပ်ႉသိုၵ်းၸိုင်ႈတႆး ႁူပ်ႉထူပ်းၸွႆႈထႅမ် ၵေႃႉသိုၵ်း ၵေႃႉႁၢၼ် တေႃႇၽူႈမီးၸၼ်ႉ ဢၼ်မီးၼမ်ႉ ၸႂ်ႁတ်းႁၢၼ် တေႃႇသူႈၶဝ်ႈပွႆးတိုၵ်းမႃး ၼႂ်းၵႄႈတပ်ႉသိုၵ်းမၢၼ်ႈၽူႈၶႂၢၵ်ႈမိူင်းလႄႈ ၽူႈယႃႉၽွၵ်ႈသႅတ်ႉၸႃႇၼိူဝ် ၸိူဝ်ႉၸၢတ်ႈၸိုင်ႈတႆး တႄႇဢဝ်ၼႂ်းပီႊ1995မႃး တေႃႇထိုင် ပီႊ2024ၼီႈ။ ပီႃ2024ၼီႈ လိူၼ်June(3)ဝၼ်း ၶၢဝ်းယၢမ်း ၵၢင်ၼႂ် 9:00 မူင်း တေႃႇထိုင်ၵၢင်ဝၼ်း 12:00 မူင်းၼၼ်ႉ ၽူႈပွင်ၵၢၼ်သိုၵ်း ၸွမ်သိုၵ်းၸဝ်ႈၶိၼ်ႇမိၼ်ႇ ၊ ၽူႈၼမ်းၼႂ်းထီႉ(2) ၸဝ်ႈသိုၵ်းလူင်ၸၢႆးသူႉ ၊ ၽူႈၼင်ႈလုမ်း လုမ်းသိုၵ်းမၢႆ(1)ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး SSPP/SSA ၸဝ်ႈသိုၵ်းဢွင်ႇၺုၼ်ႉ လူင်းႁူပ်ႉထူပ်း ၸွႆႈထႅမ်ငိုၼ်း တီႈသိုၵ်းႁၢၼ် တေႃႇၽူႈမီးၸၼ်ႉ ၸိူဝ်းဢၼ် မီးၼမ်ႉတူၼ်ႈၸႂ် ႁတ်းႁတ်း ႁၢၼ်ႁၢၼ် တေႃႇသူႈၶဝ်ႈပွႆးတိုၵ်း တင်းသိုၵ်းမၢၼ်ႈ ၶႂၢၵ်ႈမိူင်းလႄႈ ၽူႈယႃႉ ၽွၵ်ႈသႅတ်ႉၸႃႇ ၼိူဝ်ၸိူဝ်ႉၸၢတ်ႈဝၢၼ်ႈမိူင်းလၢႆမူႇလၢႆၸုမ်း သေ လႆႈပဵၼ်တုၵ်ႉၶိတမႃး တေႇၼႂ်းမိူဝ်ႈပီႊ 1995 တေႃႇထိုင် ပီႊ 2024 ၸိူဝ်းၼၼ်ႉ ယူႇယဝ်ႉ။ တီႈၼႂ်းပၢင်ႁူပ်ႉထူပ်းၼၼ်ႉ ၽူႈပွင်ၵၢၼ်သိုၵ်း ၸွမ်သိုၵ်း ၶိၼ်ႇမိၼ်ႇ မွၵ်ႇလၢတ်ႈၶေႃႈၵႂၢမ်း ပိုတ်ႇပၢင်ႁူပ်ႉထူပ်းသေ ၽူႈၼမ်းၼႂ်း(2) ၸဝ်ႈသိုၵ်းလူင် ၸၢႆးသူႉ မွၵ်ႇလၢတ်ႈၶေႃႈၵႂၢမ်းပၼ်ႁႅင်းၸႂ် ၵေႃႉသိုၵ်းၵေႃႉႁၢၼ် ၸိူဝ်းလႆႈပဵၼ်တုၵ်ႉၶိတ လႄႈ လႆႈသပ်းလႅင်းၼႄပၼ် လွင်ႈသုၼ်ႇလႆႈ တႃႇၵေႃႉသိုၵ်းၵေႃႉႁၢၼ်ၶဝ်ၵႂႃႇ ၵႂၢင်ႈၵႂၢင်ၶႂၢင်ၶႂင်ယူႇယဝ်ႉ။ ဝၢႆးသေၼၼ်ႉ ယူႇတီႈ ၽူႈပွင်ၵၢၼ်သိုၵ်း SSPP/SSA လႆႈၸွႆႈထႅမ်ပၼ် တူဝ်ငိုၼ်း တီႈၵေႃႉသိုၵ်းၵေႃႉႁၢၼ် တေႃႇၽူႈမီးၸၼ်ႉ ၸိူဝ်းဢၼ် လႆႈတေႃႇသူႈမႃးၼႂ်းပၢင်တိုၵ်းသေ လႆႈပဵၼ်တုၵ်ႉၶိတၵႂႃႇ ၼိုင်ႈၵေႃႉလႂ် (5,000,000) ႁႃႈသိပ်း သႅၼ်ၵျၢပ်ႈ ၊ ၸိူဝ်းဢၼ် ဢမ်ႇၵဵဝ်ႇပၢင်တိုၵ်းသေ ယွၼ်ႉပၢႆးယူႇလီၸဝ်ႈၵဝ်ႇလႄႈ လႆႈပဵၼ်တုၵ်ႉၶိတၵႂႃႇ ၼႂ်းၶၢဝ်းတၢင်း တိုၵ်ႉႁၢပ်ႇထၢမ်းၵၢၼ်သိုၵ်း ၼၼ်ႉ ၼိုင်ႈၵေႃႉလႂ် (3,000,000) သၢမ်သိပ်းသႅၼ်ၵျၢပ်ႈ ႁူမ်ႈသဵင်ႈလႆႈၸွႆႈထႅမ်သၢင်ႉငိုၼ်း (2000) သႅၼ်ပၢႆ ယူႇယဝ်ႉ။ လိူဝ်သေၼၼ်ႉ လႆႈပဵၼ်တုၵ်ႉၶိတၵႂႃႇ သေတႃႉ ၸွမ်းၼင်ႇသုၼ်ႇလႆႈငိုၼ်းလိူၼ်ၸၼ်ႉလႂ်ၸၼ်ႉၼၼ်ႉမီး ၵေႃႈ တေသိုပ်ႇထုၵ်ႈပၼ် ၵႂႃႇၸွမ်းၸၼ်ႉၽႂ်မၼ်း သေ ၵေႃႉသိုၵ်းၵေႃႉႁၢၼ် ၸိူဝ်း ဢၼ်မီးလွင်ႈယၢပ်ႇၽိုတ်ႇ တီႈယူႇတီႈသဝ်းၵေႃႈ ယူႇတီႈငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA တေဢဝ်ပုၼ်ႈၽွၼ်း ႁဵတ်းပၼ်ႁိူၼ်းယေး တီႈယူႇတီႈသဝ်း ၊ တူၺ်းပၼ်ၵၢၼ်လဵင်ႉတွင်ႉၵႂႃႇ၊ ၸိူဝ်းဢၼ်ဢမ်ႇမီးၼႃႈၵၢၼ်ႁဵတ်း ၊ ၸိူဝ်းဢၼ်တိုၵ်ႉႁဵတ်းၵၢၼ်လႆႈ သေလွင်ႈလွင်ႈယူႇလႄႈ ဢမ်ႇႁဵတ်းတ်းလႆႈၵၢၼ်ၵျၢမ်းၸိူဝ်းၼၼ်ႉၵေႃႈ ၸွမ်းၼင်ႇၵၢင်ၸႂ်လႄႈ ဝႃႇသၼႃႇတၢင်းသူင်ၽႂ်မၼ်း တေၶပ်းႁႃပၼ်ၼႃႈ ၵၢၼ် ဢၼ်ၵိုင်ႇလႅပ်ႈၸွမ်း ၵေႃႉလႂ် ၵေႃႉၼၼ်ႉၵႂႃႇ ယူႇယဝ်ႉ။ တေႇဢဝ်ၼႂ်းပီႊ 1995 မႃး တေႃႇထိုင် ပီႊ 2024 ၼႆႉ ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ဢၼ်လႆႈ တေႃႇသူႈၶဝ်ႈပွႆးတိုၵ်းမႃးသေ ပဵၼ်တုၵ်ႉၶိတ ၵႂႃႇၼၼ်ႉ မီး (47) ၵေႃႉ ၊ ၸိူဝ်းဢၼ်ပဵၼ်တၢင်းပဵၼ်သေ လႆႈပဵၼ်တုၵ်ႉၶိတၵႂႃႇ ၼႂ်းၶၢဝ်းတၢင်းတိုၵ်ႉႁၢပ်ႇထၢမ်းၼႃႈၵၢၼ်သိုၵ်းၼႂ်းမုၵ်ႉၸုမ်းၼၼ်ႉ မီး (11) ၵေႃႉ ယူႇယဝ်ႉ။ shanstateprogressparty shanstatearmy #SSPPInfo တုၵ်ႉၶိတ ၽူႈပွင်ၵၢၼ်သိုၵ်း

['ၶၢဝ်ႇတူင်ႉၼိုင်ၸုမ်းဢွၼ်ႁူဝ်ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး', 'ၶၢဝ်ႇၵူႈလွင်ႈလွင်ႈ']

2024-05-29T06:18:27

https://ssppssa.org/2024/05/%e1%80%95%e1%80%ad%e1%80%af%e1%81%bc%e1%80%ba%e1%81%bd%e1%81%a2%e1%80%9d%e1%80%ba-page-%e1%80%95%e1%80%bd%e1%80%99%e1%80%ba-%e1%80%90%e1%80%84%e1%80%ba%e1%82%88%e1%81%b8%e1%82%82%e1%80%ba%e1%81%b5/

ပိုၼ်ၽၢဝ် Page ပွမ် တင်ႈၸႂ်ၵဝ်းယႃႉၸိုဝ်ႈသဵင်မုၵ်ႉၸုမ်း

ၸွမ်းၼင်ႇမိူဝ်ႈဝၼ်းထီႉ27/05/2024 ၼၼ်ႉယူႇတီႈ ၵူၼ်းသေၵေႃႉၵေႃႉ ဢမ်ႇၼၼ် သေၸုမ်းၸုမ်း တင်ႈ Page ပွမ် ဢၢင်ႈဢဝ်ၸိုဝ်ႈ Page SSPP Info ဢၼ်တၢင်တူဝ်ပိုၼ်ၽၢဝ်ႇ မုၵ်ႉၸုမ်း SSPP/SSA လၢတ်ႈဝႃႈပဵၼ် ၽႃႇသႃႇ ၽၢႆႇမၢၼ်ႈၼႆသေ ပိုၼ်ၽၢဝ်ႇဢွၵ်ႇၵႂႃႇ ၵဵဝ်ႇလူၺ်ႈပၼ်ႁႃ တပ်ႉသိုၵ်း SSPP/SSA လႄႈ TNLA ဢၼ်ပဵၼ်ၵႂႃႇတီႈၼႂ်းၸေႈဝဵင်းၼမ်ႉၶမ်းၼၼ်ႉယူႇယဝ်ႉ။ Page ဢၼ်မီးၵူၼ်း Like 71 ၵေႃႉ လႄႈ မီးၵူၼ်း Followers 225 ၼၼ်ႉ ဢမ်ႇၸႂ်ႈ Page ၶွင်တၢင်တူဝ် SSPP/SSA လႃးလႃး၊ Page ဢၼ်တၢင်တူဝ် မုၵ်ႉၸုမ်း SSPP/SSA ၼႆႉ တေမီးၵူၼ်း Followers 158 K ယူႇယဝ်ႉ။ ၼင်ႇႁိုဝ် ပေႃႈမႄႈၵူၼ်းမိူင်း ၽူႈပၼ်ႁႅင်းတၢင်းသဵင်ႈ တေၸႅၵ်ႇၽႄလႆႈ ဢၼ်တေႉ ဢၼ်ပွမ်ၼၼ်ႉ ၸင်ႇလႆႈ သႂ်ႇပႃးၶႅပ်းႁၢင်ႈ ဢၼ်တေႉ ဢၼ်ပွမ်သေ ပိုၼ်ၽၢဝ်ႇၵႂႃႇယူႇၶႃႈ။ shanstateprogressparty shanstatearmy #SSPPInfo Pageပွမ် #ပိုၼ်ၽၢဝ်ႇ

['ၶၢဝ်ႇ', 'ႁၢင်ႈလူၼ်ႉ', 'ေၶႃႈပိုၼ်ၽၢဝ်ႇ']

2024-05-29T05:44:19

https://ssppssa.org/2024/05/rcss-%e1%82%81%e1%81%a2%e1%80%84%e1%80%ba%e1%82%88%e1%80%99%e1%81%a2%e1%81%b5%e1%80%ba%e1%82%87%e1%80%9e%e1%82%82%e1%80%ba%e1%82%87-%e1%80%9c%e1%80%b0%e1%80%90%e1%80%ba%e1%82%89%e1%81%b5%e1%82%83/

RCSS ႁၢင်ႈမၢၵ်ႇသႂ်ႇ လူတ်ႉၵႃး SSPP ထႅင်ႈ ၼႂ်းၸေႈဝဵင်း လွၵ်းၸွၵ်ႇ

ၵူၼ်းသိုၵ်း ၶွင်ႇသီႇဢဝ်ၶိုၼ်းၸိုင်ႈတႆး RCSS ႁၢင်ႈမၢၵ်ႇတိုၵ်းယိုဝ်းသႂ်ႇ လူတ်ႉၵႃး သၢႆသိုၵ်းပႃႇတီႇမႂ်ႇသုင် ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ပဵၼ်ပွၵ်ႈၵမ်း(7) ၼႂ်းၸေႈဝဵင်းလွၵ်းၸွၵ်ႇ ၸိုင်ႈတႆးပွတ်းၸၢၼ်း ၊ မၢၵ်ႇ တႅၵ်ႇ တိူဝ်ႉၺႃးလူတ်ႉၵႃး လူႉၵွႆၸွမ်းၵမ်ႈၽွင်ႈ ၼႆယူႇယဝ်ႉ။ မိူဝ်ႈလိူၼ် မေႇ 28 ဝၼ်း ၶၢဝ်းယၢမ်းဝၢႆးဝၼ်း 3:00 မူင်း ၼၼ်ႉ ၵူၼ်းသိုၵ်း RCSS တဵၵ်းမၢၵ်ႇ တႅၵ်ႇသႂ်ႇ လူတ်ႉ ၵႃး သၢႆသိုၵ်း SSPP/SSA တီႈၼႂ်းၵႄႈၵၢင် ဝၢၼ်ႈၼွင်ႁဵဝ်း လႄႈ ဝၢၼ်ႈမွၵ်ႇၸလီ ဢိူင်ႇမိူင်းယွၼ်း ၸေႈဝဵင်း လွၵ်းၸွၵ်ႇၸိုင်ႈတႆးပွတ်းၸၢၼ်း သေ ၸၢၵ်ႇမၢၵ်ႇသဵၼ်တိူဝ်ႉၺႃး လူတ်ႉၵႃး လူႉၵွႆၸွမ်းၵမ်ႈၽွင်ႈ ၼႆယူႇယဝ်ႉ။ မိူၼ်ၼင်ႇ SSPP တင်း RCSS ၼႆႉ မိူဝ်ႈပူၼ်ႉမႃး ၼႂ်းပီႊ 2023 ၼီႊ ၊ လိူၼ် ၼူဝ်ႊဝိၼ်ႇပိူဝ်ႊ ၊ 29 ဝၼ်း ၼၼ်ႉ ယူႇတီႈၸုမ်းတၢင်တူဝ် ငဝ်ႈငုၼ်း / ငဝ်ႈၸိုင်ႈ သွင်ၾၢႆႇ လႆႈႁူပ်ႉထူပ်း ဢုပ်ႇဢူဝ်းၵၼ်သေ တူၵ်းလူင်းလႆႈၸႂ် ၵိုတ်းတိုၵ်းၵၼ်ပဵၼ်တၢင်းၵၢၼ်ၵႂႃႇ လႄႈ ႁူမ်ႈၵၼ် ဢွၵ်ႇလိၵ်ႈပိုၼ်ၽၢဝ်ႇ ၵိုတ်းတိုၵ်းၵၼ် ၵႂႃႇယူႇယဝ်ႉ။ ဝၢႆးသေ သွင်ၾၢႆႇလႆႈၸႂ်တူၵ်းလူင်းၵိုတ်းတိုၵ်းၵၼ်ယဝ်ႉ ၼၼ်ႉ ၾၢႆႇ RCSS ၶိုၼ်းတေႇ မူၵ်းတိုၵ်း ၊ ႁၢင်ႈမၢၵ်ႇ တိုၵ်း သၢႆသိုၵ်း SSPP/SSA မိူဝ်ႈၼႂ်းပီႊ 2024 ၊ လိူၼ်မၢတ်ႉ ၼၼ်ႉ (1) ပွၵ်ႈ ၊ လိူၼ် မေႇၼႆႉ (6) ပွၵ်ႈ ႁူမ်ႈ သဵင်ႈမီးထိုင် (7) ပွၵ်ႈ ယူႇယဝ်ႉ။ ယွၼ်ႉပိူဝ်ႈ ႁၼ်ထိုင်ၵၢၼ်ၽွမ်ႉႁူမ်ႈပဵၼ်ယႂ်ႇ လႄႈ တေႃႇထိုင်ယၢမ်းၼႆႉၵေႃႈ ယူႇတီႈ SSPP/SSA သေ ဢမ်ႇ ပႆႇဢဝ်ၵၢၼ်သိုၵ်း တုမ်ႉတွပ်ႈတိုၵ်းယိုဝ်းၶိုၼ်း ၊ ဢမ်ႇပႆႇလႆႈ ႁၢင်ႈႁႅၼ်း ႁႅင်းသိုၵ်းလေႃႇတိုၵ်းၸူး မုၵ်ႉၸုမ်း RCSS လႃးလႃး တိုၵ်ႉပဵၼ်ၸုမ်း RCSS ၸွမ်းႁၢင်ႈမၢၵ်ႇ မူၵ်းတိုၵ်း SSPP/SSA ၾၢႆႇလဵဝ်ၵူၺ်း ယူႇယဝ်ႉ။ shanstateprogressparty shanstatearmy #SSPPInfo RCSS #SSPP ႁၢင်ႈမၢၵ်ႇမူၵ်းတိုၵ်း

['ၵၢၼ်သိုၵ်း', 'ၶၢဝ်ႇ']

2024-05-25T17:33:50

https://ssppssa.org/2024/05/%e1%81%b5%e1%80%b1%e1%82%83%e1%82%89%e1%80%9e%e1%80%ad%e1%80%af%e1%81%b5%e1%80%ba%e1%80%b8%e1%81%b5%e1%80%b1%e1%82%83%e1%82%89%e1%82%81%e1%81%a2%e1%81%bc%e1%80%ba-sspp-ssa-%e1%81%b8%e1%80%bd-113/

ၵေႃႉသိုၵ်းၵေႃႉႁၢၼ် SSPP/SSA ၸွႆႈၵၢၼ်ပေႃႈမႄႈ ၵူၼ်းမိူင်း ၼႂ်းပိုၼ်ႉတီႈ

ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်း ၸိုင်ႈတႆး SSPP/SSA ၸွႆႈၵၢၼ် ပေႃႈမႄႈၵူၼ်းမိူင်း ၼႂ်းပိုၼ်ႉတီႈ ၸေႈဝဵင်းမၢႆ(24)ၵျွၵ်ႉမႄး ၼႆယူႇယဝ်ႉ။ မိူဝ်ႈလိူၼ် မေႇ 23 ဝၼ်း ၼၼ်ႉ ၵေႃႉသိုၵ်းၵေႃႉႁၢၼ် SSPP/SSA ႁႅင်းၵူၼ်းသိုၵ်း (3) ၵေႃႉ ၸွႆႈထူၺ်ႈထူဝ်ႇ ၼဝ်ႈပၼ် ပႃႈယိင်းဢွၼ်ႇ ဝၢၼ်ႈသူၼ်ဢွႆႈ သေ တႃႇႁႅင်းသိုၵ်း (5) ၵေႃႉသမ်ႉ လႆႈၸွႆႈထႅမ် ၽုၵ်ႇၶဝ်ႈၵၢပ်ႇပၼ် ပႃႈၼၢင်းလူႇ ဝၢၼ်ႈပွၵ်ႉဢၢင်းလူင် ၼႂ်းဢိူင်ႇၼမ်ႉသိမ်ႇ ၸေႈဝဵင်းမၢႆ (24) ၵျွၵ်ႉမႄး ၼႆယူႇယဝ်ႉ။ လိူဝ်သေၼၼ်ႉ မိူဝ်ႈလိူၼ်မေႇ 22 ဝၼ်းၼၼ်ႉၵေႃႈ ၵေႃ့သိုၵ်းၵေႃႉႁၢၼ် SSPP/SSA ႁႅင်းၵူၼ်းသိုၵ်း (5) ၵေႃႉ ၸွႆႈ ဢိတ်ႇထူဝ်ႇၼဝ်ႈပၼ် လုင်းဢွင်ႇမိၼ်ႉ+ပႃႈလႃႉပေႇ ဝၢၼ်ႈသူၼ်ဢွႆႈ ဢိူင်ႇၼမ်ႉသိမ်ႇ ၸေႈဝဵင်းမၢႆ (24) ၵျွၵ်ႉ မႄး ၼႆယူႇယဝ်ႉ။ လွင်ႈၸွႆႈထႅမ်ၵၢၼ် ပေႃႈမႄႈၵူၼ်းမိူင်းၼႆႉ ဢိင်ၼိူဝ်ငဝ်း လၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇၸွႆႈလႆႈ ပွင်ပဵၼ်လႆႈၼၼ်ႉ တေသိုပ်ႇၶတ်းၸႂ်ၸွႆႈထႅမ်ၵႂႃႇ ယူႇယဝ်ႉ။ shanstateprogressparty shanstatearmy #SSPPInfo ၸွႆႈၵၢၼ်ပေႃႈမႄႈၵူၼ်းမိူင်း

['ၵၢၼ်ပူၵ်းပွင်', 'ၵၢၼ်ၵေႃႇသၢင်ႈတွၼ်ႈလိၼ်ၶိုၼ်ႈယႂ်']

2024-05-25T17:31:59

https://ssppssa.org/2024/05/%e1%81%bd%e1%80%b0%e1%82%88%e1%80%99%e1%80%ae%e1%80%b8%e1%80%95%e1%80%af%e1%81%bc%e1%80%ba%e1%82%88%e1%81%bd%e1%80%bd%e1%81%bc%e1%80%ba%e1%80%b8-sspp-ssa-%e1%81%b6%e1%80%9d%e1%80%ba%e1%82%88%e1%82%81/

ၽူႈမီးပုၼ်ႈၽွၼ်း SSPP/SSA ၶဝ်ႈႁူမ်ႈပၼ်ႁႅင်း ပွႆးလူင်းပၢင်သွၼ်လိၵ်ႈတႆးၶၢဝ်းမႆႈ

ၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၼႂ်းၸေႈဝဵင်း မၢႆ(19) သီႇပေႃႉ လႆႈၵႂႃႇၶဝ်ႈႁူမ်ႈ ပၼ်ႁႅင်း ပွႆးလူင်းပၢင်သွၼ် လိၵ်ႈတႆးၶၢဝ်းမႆႈ ဢၼ်ၸတ်းႁဵတ်း ၼႂ်းပိုၼ်ႉတီႈ။ မိူဝ်ႈလိူၼ်မေႇ 22 ဝၼ်း ၼၼ်ႉ တၢင်တူဝ် ၽူႈၸတ်းၵၢၼ် ၸေႈဝဵင်း မၢႆ (19) သီႇပေႃႉ ဢွၼ်ႁူဝ် ၵေႃႉသိုၵ်း ၵေႃႉ ႁၢၼ် (11) ၵေႃႉ ၊ ၼၢင်းႁၢၼ် (3) ၵေႃႉ လႆႈၵႂႃႇၶဝ်ႈႁူမ်ႈ ပၼ်ႁႅင်း ပွႆးလူင်းလိုဝ်ႈပၢင်သွၼ် တွၼ်ႈသူးလုၵ်ႈႁဵၼ်း လိၵ်ႈတႆးၶၢဝ်းမႆႈ ဢၼ်ၸတ်းႁဵတ်း တီႈဝၢၼ်ႈမူင်ႈ ဢိူင်ႇဝၢၼ်ႁၢႆး ၸေႈဝဵင်းမၢႆ (19) သီႇပေႃႉ ၸေႈတွၼ်ႈမၢႆ(11) ၼၼ်ႉ သေ မီးၵေႃႇမတီႇၸေႈဝဵင်း ၊ ၼၢင်းႁၢၼ် ၊ ႁူမ်ႇလူမ်ႈ ၊ ၸုမ်းမေႃသွၼ် ၊ လုၵ်ႈႁဵၼ်း ၊ ပေႃႈမႄႈလုၵ်ႈႁဵၼ်း ႁူမ်ႈသဵင်ႈ ၽူႈၶိုၼ်ႈႁွတ်ႈမီး (45) ၵေႃႉ ယူႇယဝ်ႉ။ ပွႆးလူင်းပၢင်သွၼ်ၼၼ်ႉ လႆႈတေႇ ၸတ်းႁဵတ်း ၶၢဝ်းယၢမ်း ၵၢင်ၼႂ် 8:00 မူင်း သေ မေႃသွၼ် ၵေႃႉၼိုင်ႈ မွၵ်ႇလၢတ်ႈၶေႃႈၵႂၢမ်း ပိုတ်ႇပၢင် ၊ ၽူႈၸတ်းၵၢၼ် ၸေႈဝဵင်းမၢႆ (19) မွၵ်ႇလၢတ်ႈၶေႃႈၵႂၢမ်း ပၼ်ႁႅင်းၸႂ် မေႃသွၼ်/လုၵ်ႈ ႁဵၼ်း ၊ ပူႇပၢၼ်း ဢၼ်ပဵၼ် ၵေႃႇမတီႇ ၾၢႆႇထိင်းသိမ်းသသႃႇၼႃႇ ၵေႃႉၼိုင်ႈ မွၵ်ႇလၢတ်ႈ ၶေႃႈၵႂၢမ်း တိုၵ်းသူၼ်း ႁႂ်ႈၶတ်းၸႂ် ၵၢၼ်ပၢႆး ပၺ်ႇၺႃႇ ၊ ၽူႈမၢႆ ၸေႈဝဵင်း မွၵ်ႇလၢတ်ႈၶေႃႈၵႂၢမ်း ပၼ်ပိုၼ်ႉႁူႉ လွင်ႈပၢႆးပၺ်ႇၺႃႇ ၊ လုၵ်ႈ ႁဵၼ်းၵေႃႉၼိုင်ႈ မွၵ်ႇလၢတ်ႈၶေႃႈ ၵႂၢမ်း ငိၼ်းၸူမ်း ၽူႈယႂ်ႇၵူၼ်းလူင်/ၸုမ်းမေႃသွၼ်ၶဝ်တၢင်းသဵင်ႈ ၊ ယူႇတီႈ ၽူႈယႂ်ႇၵူၼ်းလူင် ၸုမ်းၼၢင်းႁၢၼ် တွၼ်ႈသူး ၼမ်ႉၸႂ် မေႃသွၼ်/လုၵ်ႈႁဵၼ်း ၵတ်ႉၶႅၼ်ႇ လႄႈ ထိုင်မႃး ၶၢဝ်းယၢမ်းၵၢင်ၼႂ် 10:00 မူင်း ယူႇတီႈ ၽူႈၶပ်ႉပၢင် ပိုၼ်ၽၢဝ်ႇ ပၢင်ပွႆး ဢွင်ႇမၢၼ်ယဝ်ႉတူဝ်ႈၵႂႃႇ လီငၢမ်းယူႇယဝ်ႉ။ ၼင်ႇႁိုဝ် ၵၢၼ်ပၢႆးပၺ်ႇၺႃႇ လိၵ်ႈလၢႆးတႆး ပေႃးတေ ၶိုၼ်ႈယႂ်ႇႁိူဝ်ႈႁိူင်းၼၼ်ႉ ယူႇတီႈ ပႃႇတီႇမႂ်ႇသုင်ၸိုင်ႈ တႆး တပ်ႉသိုၵ်းၸိုင်ႈတႆး SSPP/SSA သေ လႆႈၶတ်း ၸႂ် ၵေႃႇသၢင်ႈပၼ် ႁူင်းႁဵၼ်းလိၵ်ႈတႆး ၊ ပူၵ်းပွင်ပၼ်မေႃ သွၼ် ၊ ၸွႆႈထႅမ် ငိုၼ်းလိူၼ်မေႃသွၼ် လႄႈ ၼႂ်းတွၼ်ႈ ပူၵ်းပွင်ၵၢၼ် ပၢႆးပိင်ႇၺႃႇၼၼ်ႉ ၼိုင်ႈၶူပ်ႇပီႊလႂ် လႆႈၸႂ်ႉ ငိုၼ်း (5,000) သႅၼ်ပၢႆ ယူႇယဝ်ႉ။ shanstateprogressparty shanstatearmy #SSPPInfo ပွႆးလူင်းပၢင်သွၼ် #မေႃသွၼ်

['ပၢႆးပိင်ႇၺႃႇ', 'ၵူၼ်းၼုမ်ႇ', 'ၵၢၼ်ပူၵ်းပွင်']

2024-05-21T16:25:53

https://ssppssa.org/2024/05/sspp-ssa-%e1%81%b8%e1%80%90%e1%80%ba%e1%80%b8%e1%82%81%e1%80%b5%e1%80%90%e1%80%ba%e1%80%b8-%e1%80%95%e1%81%a2%e1%80%84%e1%80%ba%e1%81%b5%e1%82%85%e1%80%9d%e1%80%ba%e1%82%88%e1%80%9c%e1%80%ad%e1%80%af/

SSPP/SSA ၸတ်းႁဵတ်း ပၢင်ၵႅဝ်ႈလိုဝ်ႈ ပၢင်သွၼ် ယုၵ်ႉမုၼ်းၼမ်ႉၵတ်ႉလႄႈ ပိုၼ်းႁူႉလုၵ်ႈႁဵၼ်း

ႁွင်ႈၵၢၼ်ၾၢႆႇပၢႆးပၺ်ႇၺႃႇ ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၸတ်းႁဵတ်း ပၢင်ၵႅဝ်ႈ လိုဝ်ႈပၢင်သွၼ် ယုၵ်ႉမုၼ်းၼမ်ႉၵတ်ႉလႄႈ ပိုၼ်းႁူႉလုၵ်ႈႁဵၼ်း ၸုပ်ႈထီႉ(1) ဢွင်ႈတီႈ ႁူင်းႁဵၼ်း ၼေႃႇတႅၼ်း ၶိူဝ်း ငဝ်ႈငုၼ်း ၼႆယူႇယဝ်ႉ။ မိူဝ်ႈလိူၼ်မေႇ 20 ဝၼ်း ၶၢဝ်းယၢမ်း 18:30 မူင်း ၼၼ်ႉ ႁွင်ႈၵၢၼ် ၾၢႆႇပၢႆးပၺ်ႇၺႃႇ ငဝ်ႈငုၼ်း SSPP/SSA ၸတ်းႁဵတ်း ပၢင်ၵႅဝ်ႈလိုဝ်ႈပၢင်သွၼ် ယုၵ်ႉမုၼ်းၼမ်ႉၵတ်ႉ လႄႈ ပိုၼ်းႁူႉလုၵ်ႈႁဵၼ်း သေ မီးၽူႈယႂ်ႇၵူၼ်းလူင် ၊ ၵေႃႇမတီႇပၢႆးပၺ်ႇၺႃႇ ၊ ၶူးပူင်သွၼ် ၊ ၵေႃႇမတီႇႁူင်းႁဵၼ်း ၊ မေႃသွၼ် ၊ လုၵ်ႈႁဵၼ်း ႁူမ်ႈၵၼ်ၽူႈၶိုၼ်ႈႁွတ်ႈမီး (220) ၵေႃႉ ယူႇယဝ်ႉ။ တီႈပၢင်ၵႅဝ်ႈၼၼ်ႉ ၽူႈၵွၼ်းႁွင်ႈၵၢၼ် ပၢႆးပၺ်ႇၺႃႇ ၸဝ်ႈႁၢၼ်သီႇႁ မွၵ်ႇလၢတ်ႈၶေႃႈၵႂၢမ်းပိုတ်ႇပၢင် လႄႈ ပၼ် ႁႅင်းၸႂ်မေႃသွၼ်/လုၵ်ႈႁဵၼ်း ၊ ပၼ်ပိုၼ်းႁူႉလွင်ႈပၢႆး ပၺ်ႇၺႃႇ ၊ တၢင်တူဝ်ၽူႈလဵပ်ႈႁဵၼ်းၵေႃႉၼိုင်ႈ မွၵ်ႇလၢတ်ႈၶေႃႈၵႂၢမ်း ငိၼ်းၸူမ်းၶွပ်ႈၸႂ် ၊ တၢင်တူဝ်ၵေႃႇမတီႇ ၵေႃႉၼိုင်ႈ မွၵ်ႇလၢတ်ႈၶေႃႈၵႂၢမ်း ငိၼ်းၸူမ်းၶွပ်ႈၸႂ်ထိုင် ၽူႈယႂ်ႇၵူၼ်းလူင် လႄႈ ပၼ်ႁႅင်းၸႂ် လုၵ်ႈႁဵၼ်း သေ ထိုင်မႃးၶၢဝ်းယၢမ်း 21:02 မူင်း ၼၼ်ႉ ယူႇတီႈၽူႈၶပ်ႉပၢင် ပိုၼ်ၽၢဝ်ႇ ပၢင်ၵႅဝ်ႈဢွင်ႇမၢၼ် ယဝ်ႉတူဝ်ႈၵႂႃႇ လီငၢမ်း ယူႇယဝ်ႉ။ တေႇဢဝ် ၼႂ်းပီႊ 2013 တေႃႇထိုင် ၼႂ်းပီႊ 2024 ၼႆႉ ယူႇတီႈပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA သေ လႆႈၵေႃႇသၢင်ႈပၼ် ႁူင်းႁဵၼ်းသွၼ်လိၵ်ႈ ႁူမ်ႈသဵင်ႈ မီးထိုင်(100) လင်ပၢႆ လႄႈ ၼႂ်းတွၼ်ႈ ၵၢၼ်ပူၵ်းပွင် ပၢႆးပိင်ႇၺႃႇၼၼ်ႉ ၼိုင်ႈၶူပ်ႇပီႊလႂ် လႆႈၸႂ်ႉတိုဝ်းငိုၼ်း (5000) ပၢႆ ယူႇယဝ်ႉ။ shanstateprogressparty shanstatearmy #SSPPInfo ႁွင်ႈၵၢၼ်ပၢႆးပၺ်ႇၺႃႇ ႁူင်းႁဵၼ်း

['ပၢႆးပိင်ႇၺႃႇ', 'ၵၢၼ်ပူၵ်းပွင်', 'ၵူၼ်းၼုမ်ႇ']

2024-05-21T16:22:20

https://ssppssa.org/2024/05/%e1%80%9e%e1%80%95%e1%80%ba%e1%80%b8%e1%80%9c%e1%82%85%e1%80%84%e1%80%ba%e1%80%b8%e1%81%b8%e1%82%85%e1%80%84%e1%80%ba%e1%82%88%e1%81%b6%e1%81%a2%e1%80%9d%e1%80%ba%e1%82%87%e1%81%b5%e1%80%b5%e1%80%9d/

သပ်းလႅင်းၸႅင်ႈၶၢဝ်ႇၵဵဝ်ႇပၼ်ႁႃRCSSလႄႈ SSPP

ပူၼ်ႉမႃးမိူဝ်ႈ31-3-2024 ယၢမ်း 07:30 ၵၢင်ၼႂ် ၼၼ်ႉ ၽွင်းၵူၼ်းသိုၵ်းၽႆၢႇSSPPၵႂႃႇထတ်းတပ်ႉသေ ပွၵ်ႈမႃးၶိုၼ်း ၽွင်းၽႅဝ်မႃးတီႈၽႆၢႇတူၵ်းၶူဝ်ၼမ်ႉပွၼ် ႁိမ်းဝၢၼ်ႈမၢၵ်ႇၸွၵ်း တၢင်းၶိုၼ်ႈၵျွၵ်ႉတၢၼ်းၼၼ်ႉ ၵူၼ်းသိုၵ်းၽႆၢႇ RCSSႁႅင်းသိုၵ်း(3)ၵေႃႉ ဢဝ်ပႃးၵူၼ်းမိူင်းသူင်ႇတၢင်း(2)ၵေႃႉႁူမ်ႈ(5)ၵေႃႉ မႃးပႂ်ႉၸၼ်မၢၵ်ႇသႂ်ႇၵူၼ်းသိုၵ်းၽၢႆႇSSPP ၽွင်းတိုၵ်ႉၶီႇၵႃးသေမႃးၸွမ်းတၢင်း ႁဵတ်း ႁႂ်ႈၵူၼ်းသိုၵ်းၽႆၢႇSSPP လႆႈတူၵ်းသုမ်းၸွမ်း(1)ၵေႃႉ၊ မၢတ်ႇၸဵပ်းႁၢဝ်ႉႁႅင်း (2)ၵေႃႉယူႇယဝ်ႉ။ ၵဵဝ်ႇပၼ်ႁႃဢၼ်ၽၢႆႇRCSSလႆႈပႂ်ႉၸၼ်မၢၵ်ႇသႂ်ႇ ၼႆႉသေ ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး လႆႈပၼ်ပုၼ်ႈ ၽွၼ်းၸဝ်ႈသိုၵ်းလူင်ၸၢႆးသူႉငူပ်ႉၺီႉၵပ်းသၢၼ်လၢတ်ႈ ၵႂႃႇ တီႈၽူႈၵပ်းသၢၼ်ၽၢႆႇRCSS ၸဝ်ႈသိုၵ်းလူင် ဢွၼ်တိုၼ်း- (1)တုၵ်းယွၼ်းႁႂ်ႈဢဝ်ဢၢပ်ႈပၼ် ၵူၼ်းRCSS(3) ၵေႃႉ ဢၼ်ပႂ်ႉၸၼ်မၢၵ်ႇသႂ်ႇSSPPတီႈၼိူဝ်တၢင်းၵႃး ၽႆၢႇ တူၵ်းၶူဝ်ၼမ်ႉပွၼ် ၸမ်ဝၢၼ်ႈမၢၵ်ႇၸွၵ်း တၢင်းၵႂႃႇၵျွၵ်ႉတၢၼ်း။ (2)ပေႃးဢမ်ႇဢဝ်ဢၢပ်ႈပၼ်လႆႈၵေႃႈ တုၵ်းယွၼ်း ႁႂ်ႈတပ်ႉRCSSႁဝ်း သုတ်ႉၶၢႆႉၵႂႃႇယူႇပၼ် ၽၢႆႇ ၸၢၼ်းတၢင်းၵႃး မိူင်းပွၼ်-ႁူဝ်ပူင်း။ (3)ပေႃးၵူၼ်းဢၼ်ၸၼ်မၢၵ်ႇသႂ်ႇSSPPၵေႃႈ ဢမ်ႇဢၢပ်ႈပၼ်လႆႈ၊ လွင်ႈသုတ်ႉၶၢႆႉၽၢႆႇၸၢၼ်းမိူင်းပွၼ်- ႁူဝ် ပူင်းၵေႃႈ ဢမ်ႇႁဵတ်းလႆႈၼႆ ၵွပ်ႈၽႆၢႇRCSSမႃးၸၼ်မၢၵ်ႇသႂ်ႇလႄႈ ႁဵတ်းႁႂ်ႈၵူၼ်းသိုၵ်းၽႆၢႇSSPPႁဝ်း လႆႈတႆၢ/လႆႈ မၢတ်ႇၸဵပ်းၵႂႃႇယဝ်ႉ ၽၢႆႇSSPPႁဝ်းၶႃႈ တႄၶဝ်ႈၵၢတ်ႇလၢင်ႉ ၼႂ်းၼႃႈတီႈလွၵ်းၸွၵ်ႇ-ဢိၼ်ႇတေႃး။ ၵဵဝ်ႇလွင်ႈ ငူပ်ႉၺီႉပႃႈၼိူဝ်ၸိူဝ်းၼႆႉ ၽၢႆႇRCSSဢမ်ႇႁပ်ႉၵႄႈလိတ်ႈၸွမ်းသေၶေႃႈလႄႈ ထိုင်မႃး (15-5-2024)ၼၼ်ႉ သၢႆသိုၵ်းSSPP ၸင်ႇလႆႈပွင်ႇၶၢဝ်ႇပၼ်ၵႂႃႇတီႈၵဵဝ်ႇၶွင်ႈၽၢႆႇRCSSဢၼ်တူင်ႉၼိုင်ပိုၼ်ႉတီႈလႄႈ သိုပ်ႇ ပွင်ႇၶၢဝ်ႇထိုင်ၵႂႃႇတီႈ ၽူႈၵပ်းသၢၼ်ၽႆၢႇ RCSS တီႈငဝ်ႈၸိုင်ႈလွႆတႆးလႅင်း လွင်ႈဝႃႈတပ်ႉၽႆၢႇ SSPP ႁဝ်းတေ လုၵ်ႉတီႈ ဝၢၼ်ႈၼမ်ႉၶူၵ်ႉ- ၼႃးပုင်ႇသေ ၵႂႃႇတီႈဝၢၼ်ႈၼႃးၸၢမ် ဢိူင်ႇၵဵင်းၶမ်းလူင် တေၵႂႃႇၸွမ်းတၢင်းၵူၺ်း တေဢမ်ႇၶဝ်ႈ ထိူၼ်ႇၼႆမႃးယူႇယဝ်ႉ။ ထိုင်မႃး17.05.2024ယၢမ်း 08:25 မူင်း သၢႆသိုၵ်း ၽႆၢႇSSPP သိုပ်ႇၶီႇၵႃးဢွၵ်ႇၵႂႃႇၽၢႆႇတူၵ်းၼႃးၸၢမ် ၽွင်းတိုၵ်ႉ ၵႂႃႇ ၸွမ်းတၢင်းၽၢႆႇတူၵ်းၼႃးၸၢမ် ဢမ်ႇပေႃးၵႆ ၼၼ်ႉ သိုၵ်းၽၢႆႇRCSSႁႅင်းမွၵ်ႈ(1)ထႅဝ် မႃးပႂ်ႉမူၵ်းယိုဝ်း ၼိူဝ်တၢင်း ႁဵတ်း ႁႂ်ႈၵူၼ်းသိုၵ်းၽၢႆႇSSPP လႆႈတိူဝ်ႇမၢတ်ႇ ၸဵပ်းထႅင်ႈ(1)ၵေႃႉ။ ထိုင်မႃး19-5-2024ယၢမ်း 17:20 မူင်း သိုၵ်းRCSS သိုပ်ႇမႃးပႂ်ႉၸၼ်မၢၵ်ႇသႂ်ႇ ၵူၼ်းသိုၵ်းSSPP ၽွင်းတိုၵ်ႉလုင်း ၵႂႃႇႁႃ ဢၢပ်ႇၼမ်ႉ တီႈဝၢၼ်ႈၼမ်ႉၶူၵ်ႉ၊ ၼႃးပုင်ႇ ၼၼ်ႉထႅင်ႈ(1)လုၵ်ႈ ဢမ်ႇမီးလွင်ႈတိူင်ႉမၢတ်ႇၸဵပ်းသင်။ ထိုင်မႃး 20-5-2024 ယၢမ်း(13:30)မူင်း သိုၵ်းRCSS သိုပ်ႇ ၶိုၼ်းမႃးပႂ်ႉသွတ်ႉမၢၵ်ႇသႂ်ႇၵႃးSSPP ၼိူဝ်တၢင်းၵႃး တီႈၶူဝ်ၼွင်ယႃႈသႆး ႁိမ်းဝၢၼ်ႈၼမ်ႉၶူၵ်ႉ ၼႃးပုင်ႇထႅင်ႈ (2) လုၵ်ႈ ဢမ်ႇမီးလွင်ႈတိူဝ်ႉမၢတ်ႇၸဵပ်းသင်။ တေႃႇထိုင်ယၢမ်းတႅမ်ႈၶၢဝ်ႇၼႆႉ ၽၢႆႇပႃႇတီႇမႂ်ႇသုင် ၸိုင်ႈတႆး တပ်ႉသိုၵ်းၸိုင်ႈတႆးSSPP/SSAႁဝ်းၶႃႈ ယင်းပႆႇ လႆႈႁၢင်ႈသိုၵ်းလေႃႇတိုၵ်းပိုတ်းယိုဝ်းတေႃႇRCSSသေပွႆး ၊ တိုၵ်ႉပဵၼ်ၽၢႆႇRCSS ႁၢင်ႈမၢၵ်ႇလႄႈ မူၵ်းတိုၵ်းတေႃႇ သၢႆ သိုၵ်းSSPPဢၼ်တူင်ႉၼိုင်ၵႂႃႇမႃးယူႇ ၼႂ်းၼႃႈတီႈတွၼ်ႈ ၼၼ်ႉ ၽၢႆႇလဵဝ်ဝႆႉၵူၺ်းယူႇၶႃႈယဝ်ႉ။ မိူဝ်ႈဝၼ်းထီႉ(17-5-2024) တီႈၼၵ်ႉၶၢဝ်ႇၶွင်မုၵ်ႉၸုမ်းRCSSဢွၵ်ႇၶၢဝ်ႇ ၵၢဝ်ႇၼႄးဝႃႈ SSPPႁူမ်ႈၵၼ်တင်း သိုၵ်းမၢၼ်ႈသေ ထူဝ်းသိုၵ်းပိုတ်းယိုဝ်းတေႃႇၸုမ်းRCSS ၼၼ်ႉၵေႃႈ ဢမ်ႇမၢၼ်ႇမႅၼ်ႈ ပေႃႈမႄႈၵူၼ်းမိူင်းၼႂ်းပိုၼ်ႉတီႈ တိုၵ်ႉမီးပဵၼ်လၵ်းထၢၼ်ႁူႉႁၼ်ၸွမ်းဝႆႉယူႇ၊ ၸင်ႇလႆႈသပ်းလႅင်းၸႅင်ႈၶၢဝ်ႇ ၵဵဝ်ႇလူၺ်ႈပၼ်ႁႃ ၼႂ်းၵႄႈ RCSS လႄႈ SSPPမႃးၼင်ႇၼႆယူႇယဝ်ႉ။ ႁွင်ႈၵၢၼ်ပိုၼ်ၽၢဝ်ႇ ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆး(SSPP/SSA) 21-5-2024, 11:00Am shanstateprogressparty shanstatearmy #SSPPInfo သပ်းလႅင်းၸႅင်ႈၶၢဝ်ႇ RCSS #SSPP

['ၵၢၼ်သိုၵ်း', 'ေၶႃႈပိုၼ်ၽၢဝ်ႇ']

2024-05-17T16:01:24

https://ssppssa.org/2024/05/sspp-ssa-%e1%81%b8%e1%80%bd%e1%82%86%e1%82%88%e1%80%91%e1%82%85%e1%80%99%e1%80%ba%e1%80%84%e1%80%ad%e1%80%af%e1%81%bc%e1%80%ba%e1%80%b8-%e1%80%90%e1%82%83%e1%82%87%e1%80%95%e1%80%bd%e1%82%86%e1%80%b8/

SSPP/SSA ၸွႆႈထႅမ်ငိုၼ်း တႃႇပွႆးလူင်းပၢင်သွၼ် လိၵ်ႈတႆးၶၢဝ်းမႆႈ ၼႂ်းၸေႈဝဵင်းလၢႆးၶႃႈ

ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA လူတၢၼ်း ၸွႆႈထႅမ်ငိုၼ်း တႃႇပဵၼ်မႃး ပွႆးလူင်းပၢင် သွၼ် လိၵ်ႈတႆးၶၢဝ်းမႆႈ ဢၼ်ပိုတ်ႇႁူင်းႁဵၼ်းသွၼ်လိၵ်ႈတႆးဝႆႉ ၼႂ်းၸေႈဝဵင်းလၢႆးၶႃႈ ၸိုင်ႈတႆး ပွတ်းၸၢၼ်း ၼၼ်ႉ ယူႇယဝ်ႉ။ မိူဝ်ႈလိူၼ် မေႇ 9 ဝၼ်းၼၼ်ႉ ယူႇတီႈ ၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်း ၸိုင်ႈတႆး SSPP/SSA ဢၼ်တူၵ်းပုၼ်ႈၽွၼ်း ပၵ်းသဝ်း တူင်ႉ ၼိုင်ဝႆႉ ၼႂ်းၼႃႈတီႈဢုပ်ႉပိူင်ႇ ၸေႈဝဵင်း မၢႆ (39) ၸေႈတွၼ်ႈ မၢႆ (15) ၼၼ်ႉ လႆႈၵႂႃႇလူႇတၢၼ်း ၸွႆႈထႅမ်ငိုၼ်း (10,000,000 ) ၼိုင်ႈပၢၵ်ႇသႅၼ်ၵျၢပ်ႈ ႁႂ်ႈပဵၼ် ငိုၼ်း ၵမ်ႉ ၸွႆႈ တႃႇႁူင်းႁဵၼ်း (21) တီႈ ဢၼ်ပိုတ်ႇ ပၢင်သွၼ်လိၵ်ႈတႆးၶၢဝ်းမႆႈဝႆႉ ၼႂ်းဢိူင်ႇဝၢၼ်ႈထီႇ ၊ ဢိူင်ႇ ဝၢၼ်ႈႁႅင်ႈ ၊ ဢိူင်ႇ ၼမ်ႉလိူဝ်ႇ ၊ ဢိူင်ႇတၢတ်ႇမွၵ်ႇ ၊ ဢိူင်ႇမိူင်းၶုၼ် ၊ ဢိူင်ႇမိူင်းယၢႆး ၊ ဢိူင်ႇပၢင်သၢင်း ၼႂ်းၸေႈ ဝဵင်းလၢႆးၶႃႈ ၸိုင်ႈ တႆးပွတ်းၸၢၼ်းၼၼ်ႉယူႇယဝ်ႉ။ မိူဝ်ႈလိူၼ်မေႇ 6 ဝၼ်း ၼၼ်ႉၵေႃႈ ယူႇတီႈ ၸုမ်းၵေႃႇမတီႇ ၸေႈဝဵင်း ၊ ၵေႃႇမတီႇဢိူင်ႇၶဝ် ႁူမ်ႈၵၼ်သေ ဢွၼ် ႁူဝ်ၸတ်းႁဵတ်း ပွႆးလူင်းပၢင်သွၼ် လိၵ်ႈတႆး ၶၢဝ်းမႆႈ ၼႂ်း ဢိူင်ႇမိူင်းၼိမ် ၸေႈဝဵင်းလၢႆးၶႃႈ လႄႈ ယူႇတီႈၼႂ်း ၵေႃႇမတီႇၸေႈဝဵင်းသေ လႆႈၸွႆႈထႅမ် ငိုၼ်းၸႂ်ႉၸၢႆႇၼႂ်းပၢင်သွၼ် (500,000) ႁႃႈသႅၼ်ၵျၢပ်ႈ ၊ ယူႇတီႈ ၾၢႆႇၶွၼ်ႇ ငဝ်ႈငုၼ်း လႆႈၸွႆႈထႅမ်ငိုၼ်း (300,000) သၢမ်သႅၼ်ၵျၢပ်ႇ ၵႂႃႇယူႇယဝ်ႉ။ တွၼ်ႈတႃႇပၢႆးပၺ်ႇၺႃႇ လိၵ်ႈလၢႆးတႆးတေၶိုၼ်ႈယႂ်ႇႁိူဝ်ႈ ႁိူင်းၼၼ်ႉလႄႈသင် တႃႇၵူၼ်းၼုမ်ႇၼႂ်းမိူင်းၸိုင်ႈတႆး တေလႆႈႁပ်ႉႁဵၼ်းသွၼ်ဢဝ် လိၵ်ႈလၢႆး ပၢႆးပၺ်ႇၺႃႇ တဵမ်ထူၼ်ႈၼၼ်ႉလႄႈသင် ယူႇတီႈ ပႃႇတီႇမႂ်ႇသုင်ၸိုင်ႈ တႆး တပ်ႉသိုၵ်းၸိုင်ႈတႆး SSPP/SSA သေ တီႈဢၼ်ယၢပ်ႇၽိုတ်ႇႁူင်းႁဵၼ်း ၊ တီႈဢၼ်ၵႆႁူင်းႁဵၼ်းလူင်ပွင် ၸိုင်ႈ ၸိူဝ်း ၼၼ်ႉၵေႃႈ လႆႈၶတ်းၸႂ် ၵေႃႇသၢင်ႈပူၵ်းပွင်ပၼ် ႁူင်း ႁဵၼ်း ၊ ပူၵ်းပွင်ပၼ် မေႃသွၼ် လႄႈ ၼႂ်း တွၼ်ႈ ၵၢၼ်ပူၵ်းပွင်ၾၢႆႇပၢႆးပၺ်ႇၺႃႇၼၼ်ႉ ၼိုင်ႈၶူပ်ႇပီႊလႂ် လႆႈၸႂ်ႉတိုဝ်းငိုၼ်း (5000) ႁႃႈႁဵင်သႅၼ် ပၢႆယူႇ ယဝ်ႉ။ shanstateprogressparty shanstatearmy #SSPPInfo ပၢႆးပၺ်ႇၺႃႇ #ႁူင်းႁဵၼ်းလိၵ်ႈတႆး

['ၵူၼ်းၼုမ်ႇ', 'ၾိင်ႈငႄႈၾိင်ႈထုင်း', 'ၵၢၼ်ပူၵ်းပွင်', 'ပၢႆးပိင်ႇၺႃႇ']

2024-05-15T16:04:54

https://ssppssa.org/2024/05/%e1%80%84%e1%80%9d%e1%80%ba%e1%82%88%e1%80%84%e1%80%af%e1%81%bc%e1%80%ba%e1%80%b8-sspp-ssa-%e1%80%95%e1%80%ad%e1%80%af%e1%80%90%e1%80%ba%e1%82%87%e1%81%bd%e1%80%af%e1%81%ba%e1%80%ba%e1%82%87-%e1%80%95/

ငဝ်ႈငုၼ်း SSPP/SSA ပိုတ်ႇၽုၺ်ႇ ပၢင်သွၼ် ၽိူမ်ႉထႅမ်ၼမ်ႉၵတ်ႉမေႃသွၼ် ပွၵ်ႈၵမ်း(2)

ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆး ၊ တပ်ႉသိုၵ်းၸိုင်ႈတႆး SSPP/SSA ၸတ်းႁဵတ်း ပၢင်သွၼ် ၽိူမ်ႉထႅမ် ၼမ်ႉၵတ်ႉမေႃသွၼ် ပွၵ်ႈၵမ်း (2) တီႈႁူင်းႁေႃးလူင်ၼွင်ငိုၼ်း ၸေႈဝဵင်းဝၢၼ်ႈႁႆး ၸိုင်ႈတႆးပွတ်းၸၢၼ်း။ မိူဝ်ႈပူၼ်ႉမႃး လိူၼ် April 22 ဝၼ်းၼၼ်ႉ ယူႇတီႈႁွင်ႈ ၵၢၼ်ၾၢႆႇပၢႆးပိင်ႇၺႃႇ ငဝ်ႈငုၼ်း SSPP/SSA ဢွၼ်ႁူဝ် ပိုတ်ႇၽုၺ်ႇ ပၢင်သွၼ် ၽိူမ်ႉထႅမ်ၼမ်ႉၵတ်ႉ မေႃသွၼ် ပွၵ်ႈၵမ်း(2) သေ ၼႂ်းၼၼ်ႉ မီးၶူးသွၼ် မေႃသွၼ် ၼႂ်းပိုၼ်ႉတီႈ ၶိုၼ်ႈႁွတ်ႈလဵပ်ႈႁဵၼ်း (172) ၵေႃႉ လႄႈ တေပူင်သွၼ်ၵႂႃႇ ၶၢဝ်းတၢင်းႁိုင် ၼိုင်ႈလိူၼ်ပၢႆ ၼႆယူႇ ယဝ်ႉ။ ၼႂ်းပၢင်သွၼ်ၼၼ်ႉ မီးၶူးပူင်သွၼ်(10) ၵေႃႉပၢႆ ဢဝ်ပုၼ်ႈၽွၼ်းပူင်သွၼ်ပၼ်သေ လႆႈပူင်သွၼ်ပၼ် ပၢႆးပူင်သွၼ်လိၵ်ႈတႆး ၊ ပိုၼ်းတႆး ၊ လၢႆးပိူင်ၵၢၼ်ပႃႇတီႇ ၊ လၢႆးသွၼ်လုၵ်ႈႁဵၼ်း ၸၼ်ႁၢင်ႈ ၊ လၢႆးၽႅၼ်ႁွင်ႈႁဵၼ်း ၊ လၢႆး ၸတ်းၵၢၼ်ႁဵၼ်း ၊ လၢႆးႁပ်ႉႁွင်းၽိုၼ်မိူၼ် ၊ လၢႆးႁပ်ႉႁွင်းလုၵ်ႈႁဵၼ်း ၸဵမ်ၸိူဝ်းၼႆႉယူႇယဝ်ႉ။ ၶူးသွၼ် ၸၢႆးမိူင်းထုၼ်း ဢၼ်ပဵၼ်ၽူႈမီးပုၼ်ႈၽွၼ်းၼႂ်း ႁွင်ႈၵၢၼ် ၾၢႆႇပၢႆးပၺ်ႇၺႃႇ ငဝ်ႈငုၼ်း SSPP/SSA ၼၼ်ႉ လၢတ်ႈၼႄဝႃႈ-“တီႈၼႂ်းၵၢၼ်သွၼ်ႁဵၼ်းၼႆႉ ပိူင်လူင်မၼ်းတေႉ ႁႂ်ႈလုၵ်ႈဢွၼ်ႇႁဝ်း တိူဝ်းပွင်ႇၸႂ်ငၢႆႈၼၼ်ႉ ႁဝ်း ၶႃႈ ဢဝ်ႈၶေႃႈၵႂၢမ်း ပေႃႈမႄႈ ႁဵတ်းပဵၼ်ပိူင်ယႂ်ႇသေ လဵပ်ႈ ႁဵၼ်းပၼ်ၵၼ်ၵႂႃႇၶႃႈဢေႃႈ။ မိူဝ်ႈလဵဝ် တေႉၵေႃႈ ဢၼ်ႁဝ်းၶႃႈ လႆႈဢဝ်ၸႂ်ႉတိုဝ်းဝႆႉတေႉ ပဵၼ်ပပ်ႉႁဵၼ်းလိၵ်ႈတႆး ဢၼ်ၸႂ်ႉတိုဝ်းမႃးယူႇ ၵူႈပီႊပီႊ ၼၼ်ႉၶႃႈၼႃႇၼေႃႈ။ ၼင်ႇႁိုဝ်ပေႃးတေတိူဝ်းမႃးထႅင်ႈ လၢႆးမႂ်ႇ ႁႂ်ႈလုၵ်ႈႁဵၼ်းႁဝ်း ၶႃႈပေႃးတေပွင်ႇၸႂ်ငၢႆႈ လိူဝ်သေၼႆႉၼၼ်ႉ ႁဝ်းၶႃႈလႆႈ ၵႂႃႇလဵပ်ႈႁဵၼ်းဝႆႉ သွင်သၢမ်တီႈ သေ တေဢဝ်တၢင်းႁူႉ တီႈၽူႈလူင်ႉလႅၼ်ႇ လိၵ်ႈလၢႆး ၶဝ်လၢႆလၢႆတီႈမႃးႁွမ်းၵၼ်သေ တေၶတ်းၸႂ်လႅၵ်ႈလၢႆႈၵႂႃႇယူႇၶႃႈ” ဝႃႈၼႆ။ “ၽွၼ်းလီ ႁဝ်းၶႃႈလႆႈမႃးလဵပ်ႈႁဵၼ်းၼႆႉ မိူၼ်ၼင်ႇတၢင်းႁူႉၵဝ်ႇဢၼ်ႁဝ်းၶႃႈ လူင်လိုမ်းၵႂႃႇၵေႃႈ တေ ၶိုၼ်း ၶူၼ်ႉလႆႈၶိုၼ်း သေ တၢင်းႁူႉမႂ်ႇမႂ်ႇႁဝ်းၵေႃႈ တေတိူဝ်းမႃးထႅင်ႈ ၸိူင်ႉၼၼ်ဢေႃႈ။ သင်ၸိူဝ်ႉယဝ်ႉ ပၢင်သွၼ် ၼႆႉၵႂႃႇၵေႃႈ ယိူင်းဢၢၼ်းႁဝ်းၶႃႈတေႉ တေၶိုၼ်း မိူဝ်းပူၵ်းပွင်ပၼ် လုၵ်ႈႁဵၼ်း ၼေႃႇတႅၼ်းၶိူဝ်း ႁဝ်းၶႃႈ ၸိူဝ်းဢၼ် မီးယူႇဝၢၼ်ႈၼွၵ်ႈၼႃးပၢင်ၸိူဝ်းၼႆႉ ၶႃႈဢေႃႈ” မေႃသွၼ် ၸၢႆးၼုမ်ႇၶိူဝ်း ဢၼ်မႃးၶိုၼ်ႈ လဵပ်ႈႁဵၼ်းပၢင်သွၼ် ၼၼ်ႉ လၢတ်ႈၼႄ ၼင်ႇၼႆ။ ၸဝ်ႈႁၢၼ် သီႇႁ ဢၼ်ပဵၼ် ၽူႈၵွၼ်းႁွင်ႈၵၢၼ်ပၢႆးပၺ်ႇ ၺႃႇ ငဝ်းငုၼ်း SSPP/SSA ၼၼ်ႉ လၢတ်ႈၼႄဝႃႈ- “မိူၼ်ၼင်ႇ တီႈဢၼ်လူင်ပွင်ၸိုင်ႈၶဝ်ဢမ်ႇပူၵ်းပွင် ႁဵတ်းပၼ်လႆႈႁူင်းႁဵၼ်းၼၼ်ႉ ၼင်ႇႁိုဝ် လုၵ်ႈဢွၼ်ႇ ႁဝ်း ပေႃးတေလႆႈႁဵၼ်းလိၵ်ႈ ႁဵၼ်းလၢႆး မီးၼမ်ႉၵတ်ႉ ပၺ်ႇ ၺႃႇတၢင်းၶႅၼ်ႇ ၵႂႃႇၼၼ်ႉ ႁဝ်းၶႃႈ ၸွင်ႇလႆႈ ယိူင်း ဢၢၼ်း ပူၵ်းပွင်ပၼ် ၵၢၼ်ပၢႆးပိင်ႇၺႃႇ ၵႂႃႇယူႇၶႃႈ” ဝႃႈ ၼႆ။ တေႇဢဝ် ၼႂ်းပီႊ 2013 တေႃႇထိုင် ၼႂ်းပီႊ 2024 ၼႆႉ ယူႇတီႈပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA သေ ၵေႃႈသၢင်ႈပၼ် ႁူင်းႁဵၼ်းသွၼ်လိၵ်ႈ ႁူမ်ႈသဵင်ႈ မီးယူႇ(100) လင် ပၢႆ လႄႈ ၼႂ်းတွၼ်ႈပူၵ်း ပွင်ၵၢၼ်ပၢႆးပိင်ႇၺႃႇ ၼၼ်ႉ ၼိုင်ႈၶူပ်ႇပီႊလႂ် လႆႈၸႂ်ႉတိုဝ်းငိုၼ်း ဢမ်ႇယွမ်း (5000) သႅၼ် ယူႇယဝ်ႉ။ shanstateprogressparty shanstatearmy #SSPPInfo ပၢင်သွၼ်ၽိူမ်ႉထႅမ်ၼမ်ႉၵတ်ႉမေႃသွၼ် ပၢႆးပၺ်ႇၺႃႇ ငဝ်ႈငုၼ်း

['ပၢႆးပိင်ႇၺႃႇ', 'ၶၢဝ်ႇ']

2024-05-14T15:43:32

https://ssppssa.org/2024/05/sspp-ssa-%e1%80%a2%e1%80%bd%e1%81%bc%e1%80%ba%e1%82%81%e1%80%b0%e1%80%9d%e1%80%ba%e1%81%b8%e1%80%90%e1%80%ba%e1%80%b8%e1%82%81%e1%80%b5%e1%80%90%e1%80%ba%e1%80%b8-%e1%80%95%e1%80%bd%e1%82%86%e1%80%b8/

SSPP/SSA ဢွၼ်ႁူဝ်ၸတ်းႁဵတ်း ပွႆးလူင်းပၢင်သွၼ်လိၵ်ႈတႆးၶၢဝ်းမႆႈ ၼႂ်းပိုၼ်ႉတီႈ ၸေႈဝဵင်းသီႇပေႃႉ

ၽူႈမီးပုၼ်ႈၽွၼ်း ၼႂ်းပိုၼ်ႉတီႈ ၼႃႈတီႈဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၸေႈတွၼ်ႈမၢႆ(11) ဢွၼ်ႁူဝ်သေ ၶဝ်ႈႁူမ်ႈ ၸတ်းႁဵတ်းပွႆးလူင်းပၢင်သွၼ်လိၵ်ႈတႆးၶၢဝ်းမႆႈ ၼႂ်းပိုၼ်ႉတီႈ ၸေႈ ဝဵင်းသီႇပေႃႉ ယူႇယဝ်ႉ။ မိူဝ်ႈ လိူၼ်မေႇ 12 ဝၼ်း ၼၼ်ႉ ယူႇတီႈ ၽူႈမီးပုၼ်ႈ ၽွၼ်း ၾၢႆႇဢုပ်ႉပိူင်ႇ ၸေႈတွၼ်ႈ (11) ဢွၼ်ႁူဝ် ၵေႃႇမ တီႇၸေႈတွၼ်ႈ ၸေႈဝဵင်း သေလႆႈၵႂႃႇၶဝ်ႈႁူမ်ႈပၼ် ႁႅင်း ပွႆးလူင်းလိုဝ်ႈပၢင်သွၼ် လိၵ်ႈတႆး/တွၼ်ႈသူး ၼမ်ႉၸႂ်မေႃသွၼ် ၊ တွၼ်ႈသူးလုၵ်ႈႁဵၼ်းၵတ်ႉၶႅၼ်ႇ ၊ လုၵ်ႈႁဵၼ်း ဢွင်ႇပူၼ်ႉၸၼ်ႉ တီႈဝၢၼ်ႈၼႃးၶၢႆး ဢိူင်ႇၵၢင်ႉမေႃႇ ၸေႈဝဵင်းမၢႆ(19) သီႇပေႃႉ လႄႈ ၼႂ်းၼၼ်ႉ မီး ၵေႃႇမတီႇၸေႈတွၼ်ႈ (4) ၵေႃႉ ၊ ၵေႃႇမတီႇၸေႈဝဵင်း(2) ၵေႃႉ ၊ ၸုမ်း ၵေႃႊလိၵ်ႈလၢႆး ၾိင်ႈငႄႈတႆး (6) ၵေႃႉ ၊ ၾၢႆႇတပ်ႉ ၾၢႆႇ ဢုပ်ႉပိူင်ႇ (4) ၵေႃႉ ၊ ၼၢင်းႁၢၼ် (2) ၵေႃႉ ၊ မေႃသွၼ် (3) ၵေႃႉ ၊ လုၵ်ႈႁဵၼ်း (32) ၵေႃႉ ၊ ပေႃႈမႄႈ လုၵ်ႈႁဵၼ်း (50) ၵေႃႉ ႁူမ်ႈသဵင်ႈ ၽူႈၶိုၼ်ႈႁွတ်ႈ မီး (103) ၵေႃႉ ယူႇယဝ်ႉ။ ၼႂ်းပွႆးလူင်းပၢင်သွၼ်လိၵ်ႈတႆး/တွၼ်ႈသူးမေႃသွၼ် လႄႈလုၵ်ႈႁဵၼ်းၼၼ်ႉ ယူႇတီႈ ၽူႈၸတ်းၵၢၼ်ၸေႈ တွၼ်ႈ မွၵ်ႇလၢတ်ႈၶေႃႈၵႂၢမ်း ပိုတ်ႇပၢင် ပၼ်ႁႅင်းၸႂ် မေႃသွၼ်လႄႈလုၵ်ႈႁဵၼ်းသေ “လုၵ်ႈဢွၼ်ႇဝၼ်းမိူဝ်ႈၼႆႉ တေပဵၼ် ၵူၼ်းလူင် ဝၼ်းမိူဝ်းၼႃႈ ၊ ၵူၼ်းလူင်ဝၼ်းမိူဝ်ႈၼႆႉ ထုၵ်ႇလီၶတ်းၸႂ် ပၼ်ႁႅင်း ယုၵ်ႉမုၼ်းၼမ်ႉၵတ်ႉ လုၵ်ႈဢွၼ်ႇ ႁဝ်းဝၼ်းမိူဝ်ႈၼႆႉၵႂႃႇ” ယူႇ ဝႃႈၼႆ။ လိူဝ်သေၼၼ်ႉ ယူႇတီႈၽူႈယႂ်ႇၵူၼ်းလူင် ၊ ၸုမ်းၼၢင်း ႁၢၼ် လႆႈတွၼ်ႈသူး ၼမ်ႉၸႂ်မေႃသွၼ် လႄႈ တွၼ်ႈသူး လုၵ်ႈႁဵၼ်း ၵတ်ႉၶႅၼ်ႇ / လုၵ်ႈႁဵၼ်းဢွင်ႇပူၼ်ႉၸၼ်ႉ ၸဵမ်ၸိူဝ်းၼႆႉ ၵႂႃႇယူႇယဝ်ႉ။ မိူဝ်ႈလိူၼ်မေႇ 8 ဝၼ်း ၶၢဝ်းယၢမ်း ၵၢင်ၼႂ် 08:00 မူင်း တေႃႇထိုင် 09:00 မူင်း ၼၼ်ႉၵေႃႈ တၢင်တူဝ် ၽူႈၸတ်း ၵၢၼ် ၸေႈတွၼ်ႈ (11) ဢွၼ်ႁူဝ်သေ ၸတ်းႁဵတ်း ပၢင်ၵႅဝ်ႈ ၵိုတ်းလိုဝ်ႈပၢင်သွၼ်လႄႈ တွၼ်ႈသူးလုၵ်ႈႁဵၼ်း တီႈဝၢၼ်ႈၶႃႈလိုင်ႈ ဢိူင်ႇၸၢမ်ၽိူၵ်ႇ ၸေႈဝဵင်းသီႇ ပေႃႉ သေ ၼႂ်းၼၼ်ႉ မီးၽူႈယႂ်ႇၵူၼ်းလူင်(7) ၵေႃႉ ၊ ၸုမ်း မေႃသွၼ် (3) ၵေႃႉ ၊ လုၵ်ႈႁဵၼ်း(37) ၵေႃႉ ၊ ၾၢႆႇ ႁူမ်ႇလူမ်ႈ (5) ၵေႃႉ ၊ ထႆႇႁၢင်ႈမၢႆတွင်း(1) ၵေႃႉ ၊ ပေႃႈ မႄႈၵူၼ်းမိူင်း (48) ၵေႃႉ ႁူမ်ႈသဵင်ႈ ၽူႈၶိုၼ်ႈႁွတ်ႈမီး (101) ၵေႃႉ လႄႈ ယူႇတီႈၽူႈၸတ်းၵၢၼ်ၸေႈတွၼ်ႈ လႆႈမွၵ်ႇ လၢတ်ႈ ၶေႃႈ ၵႂၢမ်း ပၼ်ႁႅင်းၸႂ် မေႃသွၼ် ၊ လုၵ်ႈႁဵၼ်းၵႂႃႇယူႇယဝ်ႉ။ ၼင်ႇႁိုဝ် လိၵ်ႈလၢႆးလႄႈ ၾိင်ႈငႄႈႁဝ်း တေဢမ်ႇႁၢႆသေ တေတိူဝ်းတွၼ်း ၶိုၼ်ႈယႂ်ႇႁိူဝ်ႈႁိူင်း ၵႂႃႇ မိူဝ်းၼႃႈ ၼၼ်ႉ မိူဝ်ႈပူၼ်ႉမႃး ၼႂ်းလိူၼ် မၢတ်ႉ 05 ဝၼ်း ၼၼ်ႉ ယူႇတီႈ ႁွင်ႈၵၢၼ်ၾၢႆႇပၢႆးပိင်ႇၺႃႇ ငဝ်ႈငုၼ်း ပႃႇတီႇ မႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၵေႃႈ လႆႈဢွၵ်ႇလိၵ်ႈ ပိုၼ်ၽၢဝ်ႇတိုၵ်းသူၼ်းထိုင် သင်ႇၶႃႇၸဝ်ႈ ၊ ၸုမ်းၵေႃႊလိၵ်ႈလၢႆးၾိင်ႈငႄႈတႆး ၊ ပေႃႈမႄႈၵူၼ်းမိူင်း ၊ ၸုမ်းၸွႆႈထႅမ်တူင်ႇဝူင်းၵူၼ်း လႄႈ ၾၢႆႇတပ်ႉ ၾၢႆႇ ဢုပ်ႉပိူင်ႇ ၵူႈၸၼ်ႉ ၸၼ်ႉ ၵူႈၼႃႈတီႈ ႁႂ်ႈလႆႈပိၼ်ႇပၢႆႇ ၸွႆႈထႅမ်ဢဝ်ပုၼ်ႈ ၽွၼ်း ပိုတ်ႇၽုၺ်ႇပၢင်သွၼ်လိၵ်ႈ တႆးၶၢဝ်းမႆႈၵႂႃႇ ၼႆယူႇယဝ်ႉ။ shanstateprogressparty shanstatearmy #SSPPInfo ပွႆးလူင်းပၢင်သွၼ်လိၵ်ႈတႆး

['ၵၢၼ်ပူၵ်းပွင်', 'ပၢႆးပိင်ႇၺႃႇ', 'ၵူၼ်းၼုမ်ႇ', 'ၾိင်ႈငႄႈၾိင်ႈထုင်း']

2024-05-08T07:52:37

https://ssppssa.org/2024/05/%e1%82%81%e1%80%bd%e1%80%84%e1%80%ba%e1%82%88%e1%81%b5%e1%81%a2%e1%81%bc%e1%80%ba%e1%81%be%e1%81%a2%e1%82%86%e1%82%87%e1%80%9a%e1%80%b0%e1%82%87%e1%80%9c%e1%80%ae-sspp-ssa-%e1%81%b8%e1%80%90%e1%80%ba/

ႁွင်ႈၵၢၼ်ၾၢႆႇယူႇလီ SSPP/SSA ၸတ်းႁဵတ်းပၢင်ၵႅဝ်ႈၵိုတ်းလိုဝ်ႈ ပၢင်ၽိုၵ်းလိုမ်ႉ ၼမ်ႉၵတ်ႉ ၽူႈႁၢပ်ႇၵၢၼ် ၾၢႆႇယူႇလီ ၸုပ်ႈထီႉ(2)

ႁွင်ႈၵၢၼ်ၾၢႆႇယူႇလီ ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ဢွၼ်ႁူဝ် ၸတ်းႁဵတ်း ပၢင်ၵႅဝ်ႈၵိုဝ်းလိုဝ်ႈ ပၢင်ၽိုၵ်းလိုမ်ႉၼမ်ႉၵတ်ႉ ၽူႈႁၢပ်ႇၵၢၼ် ၾၢႆႇယူႇလီ ၸုပ်ႈထီႉ(2) ဢွင်ႈတီႈႁူင်းယႃ လူင် ၵူၼ်းမိူင်း ဢိူင်ႇပၢင်ႇလေႃႉ ၸေႈဝဵင်းဝၢၼ်ႈႁႆး ၼႆယူႇယဝ်ႉ။ မိူဝ်ႈလိူၼ်မေႇ 07 ဝၼ်း ၶၢဝ်းယၢမ်း ဝၢႆးဝၼ်း 16:00 မူင်းၼၼ်ႉ ယူႇတီႈႁွင်ႈၵၢၼ်ၾၢႆႇယူႇလီ လႆႈဢွၼ်ႁူဝ် ၸတ်း ႁဵတ်းပၢင်ၵႅဝ်ႈၵိုတ်းလိုဝ်ႈ ပၢင်ၽိုၵ်းလိုမ်ႉၼမ်ႉၵတ်ႉ ၽူႈႁၢပ်ႇၵၢၼ်ၾၢႆႇယူႇလီ ၸုပ်ႈထီႉ (2) သေ ၼႂ်းၼၼ်ႉ မီးၽူႈယႂ်ႇၵူၼ်းလူင် ၊ ၸုမ်းမေႃယႃ ၊ ၵူႈတပ်ႉၵူႈႁွင်ႈၵၢၼ် လႄႈ ၸုမ်းလုၵ်ႈႁဵၼ်း ႁူမ်ႈၵၼ် ၶိုၼ်ႈ ႁွတ်ႈ (72) ၵေႃႉယူႇယဝ်ႉ။ တီႈပၢင်ၵႅဝ်ႈၼၼ်ႉ ၸွမ်ႁၢၼ်သိူဝ်ပိူင်ႇၾႃႉ ၵႅမ်ႁူဝ်ပဝ်ႈထီႉ(3) မွၵ်ႇလၢတ်ႈၶေႃႈၵႂၢမ်းပိုတ်ႇပၢင် ပၼ်ႁႅင်းၸႂ် လုၵ်ႈ ႁဵၼ်း / မေႃသွၼ် ၊ တၢင်တူဝ်ၸုမ်းၶူးပူင်သွၼ်သေ မေႃယႃလူင် ပႃႈၼၢင်းသႅင်သႃႇ မွၵ်ႇလၢတ်ႈၶေႃႈၵႂၢမ်း သူင်ႇ သင်ႇလုၵ်ႈႁဵၼ်း ပၼ်ပိုၼ်ႉႁူႉလွင်ႈပၢႆးယူႇလီ ၊ လုၵ်ႈ ႁဵၼ်းၵေႃႉၼိုင်ႈ မွၵ်ႇလၢတ်ႈၶေႃႈၵႂၢမ်း ငိၼ်းၸူမ်း ၶွပ်ႈၸႂ် ၼိူဝ် ၽူႈယႂ်ႇၵူၼ်းလူင် ၸုမ်းၶူးပူင်သွၼ် ၊ ၽူႈယႂ်ႇၵူၼ်းလူင် တွၼ်ႈသူးၼမ်ႉၸႂ် ၶူးပူင်သွၼ် ၊ ၽူႈၶပ်ႉပၢင်လူဢၢၼ်ႇ ၼႄ သဵၼ်ႈမၢႆငိုၼ်း ၸႂ်ႉၸၢႆႇ ၼႂ်းၶၢဝ်း ပၢင်သွၼ် ၊ ၸဝ်ႈ ႁၢၼ်ထွၼ်းဢွင်ႇ ဢၼ်ပဵၼ်ၽူႈၵွၼ်းႁွင်ႈ ၵၢၼ် ၾၢႆႇယူႇလီ ငဝ်ႈငုၼ်း မွၵ်ႇလၢတ်ႈ ၶေႃႈၵႂၢမ်း လူပ်းလင်ပၢင်ၵႅဝ်ႈ သူင်ႇသင်ႇၽူႈႁၢပ်ႇၵၢၼ်ၾၢႆႇယူႇလီ လႄႈ ထိုင်မႃးၶၢဝ်းယၢမ်း 16:59 မူင်း ၼၼ်ႉ ယူႇတီႈ ၽူႈၶပ်ႉပၢင် ပိုၼ်ၽၢဝ်ႇ ပၢင်ၵႅဝ်ႈ ဢွင်ႇမၢၼ်ယဝ်ႉတူဝ်ႈၵႂႃႇ လီငၢမ်း ယူႇယဝ်ႉ။ ပၢင်ၽိုၵ်းလိုမ်ႉၼမ်ႉၵတ်ႉ ၽူႈႁၢပ်ႇၵၢၼ်ၾၢႆႇယူႇလီ ၸုပ်ႈထီႉ (2) ၼႆႉ လႆႈတေႇပိုတ်ႇၽုၺ်ႇမႃး မိူဝ်ႈလိူၼ် ဢေႊပရိူဝ်ႊ 17 ဝၼ်း လႄႈ လႆႈပူင်သွၼ်မႃး ၶၢဝ်းတၢင်းႁိုင် 20 ဝၼ်း သေ မီးလုၵ်ႈႁဵၼ်း ၼႂ်းႁွင်ႈၵၢၼ် ၾၢႆႇပၢႆး ယူႇလီၶိုၼ်ႈႁွတ်ႈ လဵပ်ႈႁဵၼ်း ၽိူမ်ႉထႅမ်ၼမ်ႉၵတ်ႉ ၵႂႃႇယူႇယဝ်ႉ။ ယွၼ်ႉဝႃႈ ပၢႆးယူႇလီၼႆႉ ပဵၼ်ပိူင်လူင် ဢၼ်လမ်ႇလွင်ႈထီႉ (1) တႃႇၵူၼ်းႁဝ်း လႄႈ ၼင်ႇႁိုဝ်ပေႃးတေၸွႆႈထႅမ် တူၺ်းထိုင်ပၼ်လႆႈ ပၢႆးယူႇလီ ပေႃႈမႄႈၵူၼ်းမိူင်း ဢိၵ်ႇ ၵူၼ်းသိုၵ်းၵူႈၼႃႈတီႈ ၵူႈတပ်ႉ ၵူႈႁွင်ႈၵၢၼ်ၼၼ်ႉ ယူႇတီႈ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး သေ တေၶတ်းၸႂ် ပူၵ်းပွင် ၵိူတ်ႇၶိုၼ်ႈမႃး ၸုမ်းၾၢႆႇပၢႆးယူႇ လီ ဢၼ် ၶိုတ်းၸၼ်ႉ ဢၼ်တေ ၸွႆႈထႅမ်ယူတ်းယႃပၼ်လႆႈ ပေႃႈမႄႈၵူၼ်းမိူင်း တဵမ်တဵမ်ထူၼ်ႈထူၼ်ႈၼၼ်ႉ ယူႇယဝ်ႉ။ shanstateprogressparty shanstatearmy #SSPPInfo ႁွင်ႈၵၢၼ်ၾၢႆႇယူႇလီ

['ၵၢၼ်ပူၵ်းပွင်', 'ၶၢဝ်ႇၵူႈလွင်ႈလွင်ႈ', 'ၶၢဝ်ႇတူင်ႉၼိုင်ၸုမ်းဢွၼ်ႁူဝ်ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး', 'ပၢႆးယူႇလီ']

2024-05-06T13:28:40

https://ssppssa.org/2024/05/%e1%81%bd%e1%80%b0%e1%82%88%e1%80%99%e1%80%ae%e1%80%b8%e1%80%95%e1%80%af%e1%81%bc%e1%80%ba%e1%82%88%e1%81%bd%e1%80%bd%e1%81%bc%e1%80%ba%e1%80%b8-%e1%81%be%e1%81%a2%e1%82%86%e1%82%87%e1%80%a2%e1%80%af/

ၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ SSPP/SSA လူင်းပိုၼ်ႉတီႈ ႁူပ်ႉထူပ်း မေႃသွၼ်လႄႈလုၵ်ႈႁဵၼ်း

ၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈ SSPP/SSA ၸိူဝ်းဢၼ်ပၵ်းသဝ်း တူင်ႉ ၼိုင် ဝႆႉ ၼႂ်းၼႃႈတီႈဢုပ်ႉပိူင်ႇၸေႈဝဵင်းမၢႆ (19) သီႇပေႃႉ ၸေႈတွၼ်ႈမၢႆ(11) ၼၼ်ႉ လူင်းႁူပ်ႉထူပ်း မေႃ သွၼ် လႄႈ လုၵ်ႈႁဵၼ်း ၼႂ်းႁူင်းႁဵၼ်းပၢင်သွၼ် လိၵ်ႈတႆးၶၢဝ်းမႆႈ ၼႆယူႇယဝ်ႉ။ မိူဝ်ႈလိူၼ်မေႇ 2 ဝၼ်း ၼၼ်ႉ ၽူႈမီးပုၼ်ႈၽွၼ်းၾၢႆႇဢုပ်ႉပိူင်ႇ SSPP/SSA ၼႂ်းၼႃႈတီႈ ၸေႈဝဵင်းမၢႆ(19) သီႇ ပေႃႉ လႆႈဢွၼ်ႁူဝ် ၵေႃႉသိုၵ်းၵေႃႉႁၢၼ် ၼႂ်းတပ်ႉဢုပ်ႉပိူင်ႇ (12) ၵေႃႉသေ လူင်းႁူပ်ႉထူပ်း ပၼ်ႁႅင်းၸႂ် မေႃ သွၼ် လႄႈ လုၵ်ႈႁဵၼ်း တီႈႁူင်းႁဵၼ်း သွၼ်လိၵ်ႈတႆးၶၢဝ်းမႆႈ ႁူင်းႁဵၼ်း ဝၢၼ်ႈၵဝ်ႇ ၊ ဝၢၼ်ႈမူးလေး ၊ ဝၢၼ်ႈၽၢႆ ၵၢၼ်ႇ ၊ ဝၢၼ်ႈဢူမ်မူႉ ၊ ဝၢၼ်ႈၼမ်ႉႁူးၼွႆႉ ၊ ဝၢၼ်ႈတူၼ်ႈတီး ၊ ဝၢၼ်ႈႁၢႆး ၊ ဝၢၼ်ႈၶႃလိုင်ႈ ၊ ဝၢၼ်ႈမူင်ႈ ၊ ဝၢၼ်ႈၼႃး လိၼ်း ၊ ဝၢၼ်ႈတူၼ်ႈၵႃႈ ၊ ဝၢၼ်ႈၼႃးၶၢႆး ဢၼ်မီးၼႂ်း ၸေႈဝဵင်းသီႇပေႃႉ ၸဵမ်ၸိူဝ်းၼႆႉသေ လႆႈၸွႆႈထႅမ် ပပ်ႉ ၊ ၵမ်ၸိုမ်း ၊ ၵမ်တႅမ်ႈ ၊ မႆႉထတ်း တႃႇလုၵ်ႈႁဵၼ်းတေၸႂ်ႉတိုဝ်းၼႂ်းႁူင်းႁဵၼ်းၸဵမ်ၸိူဝ်းၼႆႉ ယူႇယဝ်ႉ။ မိူဝ်ႈ လိူၼ် ဢေႊပရိူဝ်ႊ 28 ဝၼ်း ၼၼ်ႉၵေႃႈ ယူႇတီႈ ၽူႈၸတ်းၵၢၼ်ၸေႈတွၼ်ႈ ၼႂ်းၼႃႈတီႈဢုပ်ႉပိူင်ႇ ၸေႈတွၼ်ႈ မၢႆ (11) ဢွၼ်ႁူဝ် ၵေႃႇမတီႇၸေႈတွၼ်ႈ ၸေႈဝဵင်းသေ လူင်းႁူပ်ႉထူပ်းပၼ်ႁႅင်းၸႂ်လုၵ်ႈႁဵၼ်း ၊ မေႃသွၼ် တီႈႁူင်းႁဵၼ်းလိၵ်ႈတႆးဝၢၼ်ႈၼႃးၶၢႆး ၊ ဝၢၼ်ႈတူၼ်ႈၵႃႈ ၊ ဝၢၼ်ႈၼမ်ႉႁူးၼွႆႉ ၼႂ်းၸုမ်းမၢႆ(1) ဢိူင်ႇၵၢင်ႉမေႃႇ ၸေႈ ဝဵင်း(19) သီႇပေႃႉ ၸိုင်ႈတႆးပွၼ်းႁွင်ႇ ၼၼ်ႉယူႇယဝ်ႉ။ တီႈပၢင်ႁူပ်ႉထူပ်းၼၼ်ႉ ၽူႈၸတ်းၵၢၼ်ၸေႈတွၼ်ႈမၢႆ(11) လႆႈမွၵ်ႇလၢတ်ႈၶေႃႈၵႂၢမ်း ပၼ်ပိုၼ်ႉႁူႉၵႂႃႇ လွင်ႈလုၵ်ႈဢွၼ်ႇၼေႃႇတႅၼ်းၶိူဝ်းမိူဝ်ႈၼႆႉ ႁႂ်ႈပေႃးပဵၼ်မႃး ၽူႈဢွၼ်ႁူဝ်လီမီးၼမ်ႉၵတ်ႉ မိူဝ်းၼႃႈ သေ ၵဵဝ်ႇ လူၺ်ႈလွင်ႈလိၵ်ႈလၢႆးပၺ်ႇၺႃႇၵေႃႈ လိၵ်ႈပိူၼ်ႈ ၵႂၢမ်းပိူၼ်ႈ ႁႂ်ႈမေႃလဵပ်ႈႁဵၼ်းႁူႉႁၼ် လိၵ်ႈတႆး ၵႂၢမ်းတႆး ႁႂ်ႈမေႃယိပ်းတိုဝ်းၵၼ်ၵႂႃႇ လႄႈ မွၵ်ႇလၢတ်ႈပၼ်ႁႅင်းၸႂ် လုၵ်ႈႁဵၼ်း ၊ မေႃသွၼ် ႁႂ်ႈမေႃဝႆႉ ၸႂ်ယႂ်ႇၸႂ်ယၢဝ်း ၶတ်းၸႂ်ပူင်သွၼ် လဵပ်ႈ ႁဵၼ်းၵႂႃႇ ႁႂ်ႈပေႃးထိုင်တီႈ ယိူင်းဢၢၼ်းလူင် ၵၢၼ်ပၢႆးပၺ်ႇ ၺႃႇ ၼၼ်ႉ ၼႆယူႇယဝ်ႉ။ ၼင်ႇႁိုဝ်လိၵ်ႈလၢႆးလႄႈ ၾိင်ႈငႄႈႁဝ်း တေဢမ်ႇႁၢႆသေ တေတိူဝ်းတွၼ်းၶိုၼ်ႈယႂ်ႇ ႁိူဝ်ႈႁိူင်းၵႂႃႇ မိူဝ်းၼႃႈၼၼ်ႉ မိူဝ်ႈပူၼ်ႉမႃး ၼႂ်းလိူၼ် မၢတ်ႉ 05 ဝၼ်းၼၼ်ႉၵေႃႈ ယူႇတီႈႁွင်ႈၵၢၼ်ပၢႆးပၺ်ႇၺႃႇ ငဝ်ႈငုၼ်း ပႃႇတီႇမႂ်ႇသုင် ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA လႆႈဢွၵ်ႇလိၵ်ႈပိုၼ် ၽၢဝ်ႇ တိုၵ်းသူၼ်းထိုင် သင်ႇၶႃႇၸဝ်ႈ ၊ ၸုမ်း ၵေႃႊလိၵ်ႈလၢႆးၾိင်ႈငႄႈတႆး ၊ ပေႃႈမႄႈၵူၼ်းမိူင်း ၊ ၸုမ်းၸွႆႈထႅမ်တူင်ႇဝူင်းၵူၼ်း လႄႈ ဢိၵ်ႇပႃး ၾၢႆႇတပ်ႉ ၾၢႆႇ ဢုပ်ႉပိူင်ႇ ၵူႈၸၼ်ႉၸၼ်ႉ ၵူႈၼႃႈတီႈ ႁႂ်ႈလႆႈပိၼ်ႇပၢႆႇၸွႆႈထႅမ်ဢဝ်ပုၼ်ႈၽွၼ်း ပိုတ်ႇၽုၺ်ႇပၢင်သွၼ်လိၵ်ႈတႆး ၶၢဝ်းမႆႈၵႂႃႇ ၵူႈတီႈတီႈ ၼႆယူႇယဝ်ႉ။ shanstateprogressparty shanstatearmy #SSPPInfo ပၢင်သွၼ်လိၵ်ႈတႆးၶၢဝ်းမႆႈ ႁူင်းႁဵၼ်း #ႁူပ်ႉထူပ်းမေႃသွၼ်လႄႈလုၵ်ႈႁဵၼ်း

['ၵၢၼ်ပူၵ်းပွင်', 'ၵၢၼ်ၸွႆႈထႅမ်ပေႃႈမႄႈၵူၼ်းမိူင်း', 'ပၢႆးပိင်ႇၺႃႇ', 'ၾိင်ႈငႄႈၾိင်ႈထုင်း']

2024-05-02T15:18:31

https://ssppssa.org/2024/05/sspp-ssa-%e1%80%9c%e1%80%b0%e1%82%87%e1%80%90%e1%81%a2%e1%81%bc%e1%80%ba%e1%80%b8%e1%80%84%e1%80%ad%e1%80%af%e1%81%bc%e1%80%ba%e1%80%b8-%e1%81%b8%e1%80%bd%e1%82%86%e1%82%88%e1%80%91%e1%82%85%e1%80%99/

SSPP/SSA လူႇတၢၼ်းငိုၼ်း ၸွႆႈထႅမ်တႃႇၵေႃႇသၢင်ႈၵျွင်းမႂ်ႇ

ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP /SSA ၸိူဝ်း ဢၼ်ပၵ်းသဝ်းတူင်ႉၼိုင်ဝႆႉ ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ(35) လွၵ်ႉၸွၵ်ႇ ၸေႈတွၼ်ႈမၢႆ (15) ၼၼ်ႉ လူႇတၢၼ်း ၸွႆႈထႅမ်ငိုၼ်း တႃႇၵေႃႇသၢင်ႈ ၵျွင်းမႂ်ႇ ၼႆယူႇယဝ်ႉ။ မိူဝ်ႈလိူၼ် မေႇ 2 ဝၼ်း ယၢမ်းၵၢင်ၼႂ် 08:59 မူင်းၼၼ်ႉ ၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ SSPP/SSA ဢၼ်ပၵ်းသဝ်းတူင်ႉၼိုင် ၼႂ်းပိုၼ်ႉတီႈ ၸေႈဝဵင်းမၢႆ( 35) လွၵ်ႉၸွၵ်ႇ ၸေႈတွၼ်ႈမၢႆ (15) ၼၼ်ႉ တၢင်တူဝ်ၽူႈၸတ်းၵၢၼ် ၸေႈဝဵင်း လႆႈၵႂႃႇလူႇတၢၼ်း ၸွႆႈထႅမ်ငိုၼ်း ( 5,000,000) ႁႃႈသိပ်းသႅၼ်ၵျၢပ်ႈ တႃႇၵေႃႇသၢင်ႈၵျွင်းမႂ်ႇ တီႈဝတ်ႉၵျွင်း ဝၢၼ်ႈငႄႉၸႅၼ်ႇ ဢိူင်ႇၼွင်ဝူဝ်း ၸေႈဝဵင်းလွၵ်ႉၸွၵ်ႇ ၸိုင်ႈတႆးပွတ်းၸၢၼ်း ၼႆယူႇယဝ်ႉ။ လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၵၢၼ်တွၼ်ႈလိၼ် ၶိုၼ်ႈယႂ်ႇ၊ ၵၢၼ်သႃႇသၼႃႇ ၊ ၵၢၼ်ႁႃၵိၼ်လဵင်ႉတွင်ႉ ၊ ၵၢၼ်ႁူမ်ႇလူမ်ႈပေႃႈမႄး ၵူၼ်းမိူင်း ၵူႈပၢႆးပၢႆး ၸိူဝ်းၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇ ၸွႆႈလႆႈ ပွင်ပဵၼ်လႆႈ ၼၼ်ႉ ယူႇတီႈၵေႃႉ သိုၵ်း ၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၵေႃႈ တေသိုပ်ႇၶတ်းၸႂ် ၸွႆႈထႅမ်ၵႂႃႇ ယူႇယဝ်ႉ။

['ၶၢဝ်ႇ']

2024-04-30T13:00:20

https://ssppssa.org/2024/04/6785/

ၵေႃႉသိုၵ်းၵေႃႉႁၢၼ် SSPP/SSA ၸွႆႈမႄးတၢင်း လႄႈ ၸွႆႈဢိတ်ႇၶၢဝ်ႈၵၢပ်ႇပၼ် ပေႃႈမႄႈၵူၼ်းမိူင်း

ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP /SSA ၸိူဝ်း ဢၼ်ပၵ်းသဝ်းတူင်ႉၼိုင်ဝႆႉ ၼႂ်းၼႃႈတီႈဢုပ်ႉပိူင်ႇ ၸေႈဝဵင်းၼွင်ၶဵဝ် လႄႈ ၸေႈဝဵင်းၵျွၵ်ႉမႄးၼၼ်ႉ ၸွႆႈထုၺ်မႄးသဵၼ်ႈတႃႈသၢႆတၢင်း လႄႈ ၸွႆႈဢိတ်ႇၶဝ်ႈၵၢပ်ႇပၼ် ပေႃႈမႄႈၵူၼ်းမိူင်းၼႂ်းပိုၼ်ႉတီႈ။ ယိူင်းဢၢၼ်း တႃႇပေႃႈမႄႈၵူၼ်းမိူင်း ၼႂ်းပိုၼ်ႉတီႈ တေၵႂႃႇမႃးငၢႆႈ ၼႆသေ မိူဝ်ႈလိူၼ် April (25) ဝၼ်း ၼၼ်ႉ ၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ SSPP/SSA ဢၼ် ပၵ်းသဝ်းတူင်ႉၼိုင် ၼႂ်းပိုၼ်ႉတီႈ ၸေႈဝဵင်း(22) ၼွင်ၶဵဝ် လႆႈဢွၼ်ႁူဝ် ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇ ႁႅင်းၵူၼ်းသိုၵ်း ႁူမ်ႈသဵင်ႈ (6 ) ၵေႃႉ ၊ ၵႃးထုၺ်ႈလိၼ် ( 4) လမ်းသေ ၵႂႃႇၸွႆႈထႅမ် ထုၺ်ႈတၢင်း/ၶႂၢၵ်ႈတၢင်းပၼ် ပေႃႈမႄႈၵူၼ်းမိူင်း ဢၼ်ပဵၼ်သဵၼ်ႈတၢင်း လုၵ်ႉတီႈဝၢၼ်ႈသၢႆးၶၢဝ် ဢိူင်ႇၵျွၵ်ႉၵျီး တေႃႇထိုင် ဝၢၼ်ႈလူင်ၶူၵ်ႉ ဢိူင်ႇပၢၼ်ႉပူၺ်းၶျႅင်း ၸေႈဝဵင်းၼွင်ၶဵဝ် ၼၼ်ႉယူႇယဝ်ႉ။ သဵၼ်ႈတၢင်းၼၼ်ႉ တၢင်းၵႆမီး (2) လၵ်း ၊ တၢင်းၵႂၢင်ႈမီး (20) ထတ်း လႄႈ သၢင်ႉငိုၼ်းဢၼ်လႆႈၸႂ်ႉတိုဝ်း ၸွႆႈထႅမ်ၵႂႃႇၼၼ်ႉ တူၵ်းမႅၼ်ႈ (1,820,000) သိပ်းပႅတ်ႇသႅၼ် သွင်မိုၼ်ၵျၢပ်ႈ ယူႇယဝ်ႉ။ ၼႂ်းဝၼ်းလဵဝ်ၼၼ်ႉၵူၺ်း ၶၢဝ်းယၢမ်း ၵၢင်ၼႂ် 08:00မူင်း တေႃႇထိုင် 12:00 မူင်း ၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ SSPP/SSA ဢၼ် ပၵ်း သဝ်းတူင်ႉၼိုင် ၼႂ်းပိုၼ်ႉတီႈ ၸေႈဝဵင်း(24) ၵျွၵ်ႉမႄး ၼၼ်ႉ လႆႈဢွၼ်ႁူဝ် ၵေႃႉသိုၵ်း ၵေႃႉႁၢၼ် ၾၢႆႇ တပ်ႉ ၾၢႆႇဢုပ်ႉပိူင်ႇ ႁႅင်းၵူၼ်းသိုၵ်း (6 ) ၵေႃႉ ၸွႆႈဢိတ်ႇၶဝ်ႈၵၢပ်ႈပၼ် လုင်းသူၺ်ႇ + ပႃႈဢွၼ်ႇ ဝၢၼ်ႈသူၼ်ဢွႆႈ ဢိူင်ႇၼမ်ႉသိမ်ႇ ၸေႈဝဵင်းၵျွၵ်ႉမႄး ၸိုင်ႈတႆး ပွတ်းႁွင်ႇ ၼၼ်ႉယူႇယဝ်ႉ။ လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၵၢၼ်တွၼ်ႈလိၼ်ၶိုၼ်ႈယႂ်ႇ၊ ၵၢၼ်ႁႃ ၵိၼ်လဵင်ႉတွင်ႉ၊ ၵၢၼ်ႁူမ်ႇလူမ်ႈ ၵူႈပၢႆးပၢႆး ၸိူဝ်းၼႆႉ ဢိင်ၼိူဝ်ငဝ်း လၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇ ၸွႆႈလႆႈ ပွင်ပဵၼ်လႆႈ ၼၼ်ႉ ယူႇတီႈၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၵေႃႈ တေသိုပ်ႇၶတ်း ၸႂ် ၸွႆႈထႅမ်ၵႂႃႇယူႇယဝ်ႉ။

['ၵၢၼ်ၵေႃႇသၢင်ႈတွၼ်ႈလိၼ်ၶိုၼ်ႈယႂ်', 'ၵၢၼ်ပူၵ်းပွင်']

2024-04-29T15:42:12

https://ssppssa.org/2024/04/sspp-ssa-%e1%81%b8%e1%80%90%e1%80%ba%e1%80%b8%e1%82%81%e1%80%b5%e1%80%90%e1%80%ba%e1%80%b8-%e1%80%95%e1%81%a2%e1%80%84%e1%80%ba%e1%81%b5%e1%82%85%e1%80%9d%e1%80%ba%e1%82%88%e1%81%b5%e1%80%ad%e1%80%af/

SSPP/SSA ၸတ်းႁဵတ်း ပၢင်ၵႅဝ်ႈၵိုတ်းလိုဝ်ႈ ပၢင်သွၼ် ၽိူမ်ႉထႅမ်ၼမ်ႉၵတ်ႉၽူႈမီးၸၼ်ႉဢွၼ်ႇ NCOC ၸုပ်ႈထီႉ(1)

ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၸတ်းႁဵတ်း ပၢင်ၵႅဝ်ႈ ၵိုတ်းလိုဝ်ႈ ပၢင် သွၼ် ၽိူမ်ႉထႅမ်ၼမ်ႉၵတ်ႉၽူႈမီးၸၼ်ႉဢွၼ်ႇ (Non-Commissioned Officer Course) NCOC ၸုပ်ႈထီႉ(1) ဢွင်ႈတီႈ ႁူင်းႁဵၼ်းၾၢႆႇဢုပ်ႇပိူင်ႇ တိုင်းလဵင်း ဢိူင်ႇၶုမ်ႇပၢင် ၸေႈဝဵင်းဝၢၼ်ႈႁႆး။ လိူၼ်ဢေႊပရိူဝ်ႊ 28 ဝၼ်း ၶၢဝ်းယၢမ်းၵၢင်ၼႂ် 9 မူင်း ၼၼ်ႉ ယူႇတီႈငဝ်ႈ SSPP/SSA လႆႈၸတ်းႁဵတ်း ပၢင် ၵႅဝ်ႈ ၵိုတ်းလိုဝ်ႈ ပၢင်သွၼ်ၽိူမ်ႉထႅမ်ၼမ်ႉၵတ်ႉၽူႈမီးၸၼ်ႉ ဢွၼ်ႇ NCOC ၸုပ်ႈထီႉ(1) လႄႈ မီးၽူႈယႂ်ႇ ၵူၼ်းလူင် (21) ၸဝ်ႈ ၊ လုၵ်ႈႁဵၼ်း (263) ၵေႃႉ ၊ ၸုမ်းၵၢၼ်လုမ်း (12) ၵေႃႉ ၊ ႁူမ်ႇလူမ်ႈ (24) ၵေႃႉ ႁူမ်ႈသဵင်ႈ ၽူႈၶိုၼ်ႈႁွတ်ႈမီး(320) ၵေႃႉ ယူႇယဝ်ႉ။ တီႈၼႂ်းပၢင်ၵႅဝ်ႈၼၼ်ႉ ၸွမ်သိုၵ်းငဝ်းၾႃႉမွၵ်ႇလၢတ်ႈ ၶေႃႈၵႂၢမ်း ပိုတ်ႇပၢင်လႄႈ သပ်းလႅင်းပၼ်ပိုၼ်ႉႁူႉၵဵဝ်ႇ လူၺ်ႈလွင်ႈ ပၢင်သွၼ်ၽိူမ်ႉထႅမ်ၼမ်ႉၵတ်ႉၽူႈမီးၸၼ်ႉ ဢွၼ်ႇၼႆႉဝႃႈ-“ယွၼ်ႉလူဝ်ႇၵူၼ်းမီးၼမ်ႉၵတ်ႉ တႃႇ ဢွၼ် ႁူဝ်ၵႂႃႇမိူဝ်းၼႃႈ လႄႈ ၸင်ႇလႆႈပိုတ်ႇပၢင်သွၼ် ၽိူမ်ႉထႅမ်ၼမ်ႉၵတ်ႉ ၽူႈမီးၸၼ်ႉယူႇယဝ်ႉ။ ပေႃးမီး ၼမ်ႉၵတ်ႉ ၸွင်ႇၸၢင်ႈ ဢဝ်သိုပ်ႇ ဢွၼ်ႁူဝ်ၵႂႃႇတၢင်းၼႃႈ ပၢၼ်သိုပ်ႇပၢၼ်” ၼႆယူႇယဝ်ႉ။ ဝၢႆးသေၼၼ်ႉ ယူႇတီႈ ၽူႈၸတ်းၵၢၼ်ဢုပ်ႉပိူင်ႇငဝ်ႈငုၼ်း ၸွမ်သိုၵ်းလူင်သၢႆၾႃႉ ယိုၼ်ႈဢၢပ်ႈပၼ်ၶႅပ်းဝႂ် သူးၼမ်ႉ ၸႂ်မေႃသွၼ် ၊ ၽူႈၼၢမ်းၼႂ်း(2) ငဝ်ႈငုၼ်း ၸဝ်ႈသိုၵ်းလူင်ၸၢႆးသူႉ ယိုၼ်ႈဢၢပ်ႈပၼ် ၶႅပ်းဝႂ် လူင်း ပၢင်သွၼ် တီႈၵူႈတပ်ႉၵူႈႁွင်ႈၵၢၼ်ၸိူဝ်းဢၼ်လႆႈၵႂႃႇၶိုၼ်ႈႁွတ်ႈပၢင်လဵပ်ႈ ႁဵၼ်း ၊ ၸွမ်ႁၢၼ်ဝုၼ်းဢွင်ႇ ယိုၼ်ႈ ဢၢပ်ႈပၼ် သူးလုၵ်ႈ ႁဵၼ်းၵတ်ႉၶႅၼ် ဢၼ်လႆႈထီႉ(1) ထီႉ(2) ထီႉ (3) ၊ တၢင်တူဝ်လုၵ်ႈႁဵၼ်းၵေႃႉၼိုင်ႈ မွၵ်ႇ လၢတ်ႈၶေႃႈၵႂၢမ်း ငိၼ်းၸူမ်း ၶွပ်ႈၸႂ် လႄႈ ၸဝ်ႈႁၢၼ်တုမ်ႇၶမ်းသူၼ် မွၵ်ႇလၢတ်ႈၶေႃႈ ၵႂၢမ်းလူပ်းလင် သေ ယူႇ တီႈၽူႈၶပ်ႉပၢင် လႆႈပိုၼ်ၽၢဝ်ႇ ပၢင်ၵႅဝ်ႈဢွင်ႇမၢၼ်ယဝ်ႉတူဝ်ႈၵႂႃႇ ၼႂ်းၶၢဝ်းယၢမ်း ၵၢင်ၼႂ် 09:53 မူင်း ၼၼ်ႉယူႇ ယဝ်ႉ။ ပၢင်သွၼ်ၽိူမ်ႉထႅမ်ၼမ်ႉၵတ်ႉၽူႈမီးၸၼ်ႉဢွၼ်ႇ NCOC ၼႆႉ လႆႈတေႇပိုတ်ႇမႃး မိူဝ်ႈၼႂ်းလိူၼ် ၾေႇၾေႃႊဝႃႇရီႊ 19 ဝၼ်း ၊ လႆႈပူင်သွၼ်မႃး ၶၢဝ်းတၢင်း (2) လိူၼ်ပၢႆလႄႈ ပိူင်လူင်ၼႆႉ ယိူင်းဢၢၼ်း တႃႇ ႁႂ်ႈၽူႈမီး ၸၼ်ႉဢွၼ်ႇၶဝ် ပေႃးတေမီးၼမ်ႉၵတ်ႉ ဢွၼ်ႁူဝ်ၵႂႃႇတၢင်းၼႃႈ ပၢၼ်သိုပ်ႇပၢၼ် ၼႆသေ ၸင်ႇလႆႈပိုတ်ႇၽုၺ်ႇ ပူင်သွၼ်မႃးယူႇယဝ်ႉ။

['ၵၢၼ်ပူၵ်းပွင်', 'ၶၢဝ်ႇၵူႈလွင်ႈလွင်ႈ', 'ၸုမ်းၼၢင်းယိင်း', 'ၶၢဝ်ႇတူင်ႉၼိုင်ၸုမ်းဢွၼ်ႁူဝ်ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး']

2024-04-28T16:24:12

https://ssppssa.org/2024/04/sspp-ssa-%e1%80%95%e1%80%ad%e1%80%af%e1%81%bc%e1%80%ba%e1%81%bd%e1%81%a2%e1%80%9d%e1%80%ba%e1%82%87-%e1%80%95%e1%81%bc%e1%80%ba%e1%81%be%e1%81%a2%e1%80%84%e1%80%ba%e1%82%89%e1%80%91%e1%80%ad%e1%80%af/

SSPP/SSA ပိုၼ်ၽၢဝ်ႇ ပၼ်ၾၢင်ႉထိုင် ၽူႈၵေႃႇၵၢၼ်ႁၢႆႉ ၼႂ်းၸေႈဝဵင်းမူႇၸေႈ

ယူႇတီႈ ၼႃႈလိၼ်သိုၵ်း တပ်ႉငဝ်ႈသိုၵ်း (989) ၼႃႈတီႈဢုပ်ႉပိူင်ႇ ၸေႈတွၼ်ႈမၢႆ(9) သေ မီးၶေႃႈပိုၼ်ၽၢဝ်ႇ ပၼ်ၾၢင်ႉထိုင် ၵူၼ်းၸိူဝ်းဢၼ် ယူႇသဝ်းဝႆႉတီႈဝဵင်းမူႇၸေႈ လႄႈ ႁဵတ်းၵိၼ်ၵူၼ်းႁၢႆႉ ၊ ၵူၼ်းလၵ်ႉ ၊ ၵူၼ်းၸူၼ် ၊ ၶႃႈႁႅမ်ၵၼ်တၢႆ ၊ ယိုဝ်းၵၼ် ၊ ႁိမ်ဢဝ်ငိုၼ်းတွင်းၵၼ်ယူႇၵူႈဝၼ်းၼႆႉ တေႇဢဝ်ၼႆႉၵႂႃႇၼႃႈ တိုၼ်းတေဢမ်ႇလႆႈမီးလႃးလႃး။

['ၶၢဝ်ႇ', 'ေၶႃႈပိုၼ်ၽၢဝ်ႇ']

2024-04-26T06:27:18

https://ssppssa.org/2024/04/%e1%81%b5%e1%80%b1%e1%82%83%e1%82%89%e1%80%9e%e1%80%ad%e1%80%af%e1%81%b5%e1%80%ba%e1%80%b8%e1%81%b5%e1%80%b1%e1%82%83%e1%82%89%e1%82%81%e1%81%a2%e1%81%bc%e1%80%ba-sspp-ssa-%e1%81%b8%e1%80%bd-112/

ၵေႃႉသိုၵ်းၵေႃႉႁၢၼ် SSPP/SSA ၸွႆႈထႅမ်ၵေႃႇသၢင်ႈၵွင်းမူး လႄႈ ၸွႆႈၵၢၼ်ပေႃႈမႄႈၵူၼ်းမိူင်း ၼႂ်းပိုၼ်ႉတီႈ

ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ဢၼ်ပၵ်းသဝ်းတူင်ႉၼိုင် ၼႂ်း ၼႃႈတီႈ ၸေႈဝဵင်းမၢႆ(24) ၵျွၵ်ႉမႄး ၼၼ်ႉ ၸွႆႈထႅမ်ၵၢၼ် ၵေႃႇသၢင်ႈၵွင်းမူး လႄႈ ၸွႆႈထႅမ်ၵၢၼ်ပေႃႈမႄႈၵူၼ်း မိူင်းၼႂ်းပိုၼ်ႉတီႈ။ မိူဝ်ႈလိူၼ် ဢေႊပရိူဝ်ႊ 23 ဝၼ်း ၼၼ်ႉ ယူႇတီႈ ၽူႈၵွၼ်းပၢႆးမိူင်းတပ်ႉၵွင်(816) လႆႈဢွၼ်ႁူဝ် ၵေႃႉသိုၵ်းၵေႃႉ ႁၢၼ် ႁႅင်းသိုၵ်း18 ၵေႃႉ ၊ ၵူၼ်းမိူင်း ဝၢၼ်ႈၶၢႆးတူၼ်ႈၵႅင်း ၊ ဝၢၼ်ႈထၢၼ်းတပၢင်ႇ ၊ ဝၢၼ်ႈၵုင်းမူင်ႈ ဢိူင်ႇၼွင်ပိင် လူင် ၸေႈဝဵင်းၵျွၵ်ႉမႄး (200) ၵေႃႉ ႁူမ်ႈသဵင်ႈ (218) ၵေႃႉ ဢွၼ်ၵၼ်တေႃႉမၢၵ်ႇဢုတ်ႇ တႃႇၵေႃႇသၢင်ႈ ၵွင်းမူး ထၢတ်ႈၸႅတ်ႈ လွႆငိုၼ်း ဢၼ်မီးၼႂ်းၵႄႈၵၢင် ဝၢၼ်ႈၶၢႆးတူၼ်ႈၵႅင်း လႄႈ ဝၢၼ်ႈထၢၼ်းတပၢင်ႇ ၼၼ်ႉယူႇယဝ်ႉ။ မိူဝ်ႈလိူၼ် ဢေႊပရိူဝ်ႊ 24 ဝၼ်း ၼၼ်ႉၵေႃႈ ၵေႃႉသိုၵ်း ၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး ႁႅင်းၵူၼ်းသိုၵ်း (6) ၵေႃႉ လႆႈၵႂႃႇၸွႆႈၵၢၼ်ပေႃႈမႄႈၵူၼ်းမိူင်း ၸွႆႈပိတ်းၼဵင်ႈပၼ် ပႃႈသူၺ်ႇယဵၼ်ႇ ဝၢၼ်ႈတေႃႉ သၢင်ႇ ဢိူင်ႇတေႃႉသၢင်ႇ ၸေႈဝဵင်းမၢႆ (20) ၵျွၵ်ႉမႄး ၸိုင်ႈတႆးပွတ်းႁွင်ႇယူႇယဝ်ႉ။

['ၵၢၼ်ၸွႆႈထႅမ်ပေႃႈမႄႈၵူၼ်းမိူင်း', 'ၵၢၼ်ပူၵ်းပွင်', 'ၵၢၼ်သႃႇသၼႃႇ']

2024-04-24T06:28:10

https://ssppssa.org/2024/04/%e1%80%95%e1%81%a2%e1%80%84%e1%80%ba%e1%81%b5%e1%82%85%e1%80%9d%e1%80%ba%e1%82%88%e1%80%9d%e1%81%bc%e1%80%ba%e1%80%b8%e1%81%b5%e1%80%b1%e1%82%83%e1%82%87%e1%80%90%e1%80%84%e1%80%ba/

ပၢင်ၵႅဝ်ႈဝၼ်း​​ၵေႃႇတင်ႈ တပ်ႉသိုၵ်းၸိုင်ႈတႆး SSA ၶွပ်ႈတဵမ် (60) ပီႊ

24-04-1964-24-04-2024ယူႇတီႈငဝ်ႈငုၼ်းSSPP/SSA ဢွၼ်ႁူဝ်ၸတ်းႁဵတ်းဝၼ်းမၢႆတွင်း​​သေ မီးၽူႈယႂ်ႇၵူၼ်းလူင် ၵူၼ်းသိုၵ်းဢိၵ်ႇၵူၼ်းမိူင်း ၶိုၼ်ႈႁွတ်ႈ (4000) ပၢႆလႄႈ မီးပႃးပၢင်ၼႄ ၾၢင်ႁၢင်ႈသိုၵ်း ဢိၵ်ႇပႃးပိုတ်ႇၽုၺ်ႇ ႁူၼ်ႁၢင်ႈ ၸဝ်ႈၼၢင်းႁိူၼ်းၶမ်း ၼႂ်းဝၼ်းပၢင်ၵႅဝ်ႈယူႇယဝ်ႉ။

['ၶၢဝ်ႇတူင်ႉၼိုင်ၸုမ်းဢွၼ်ႁူဝ်ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး', 'ေၶႃႈပိုၼ်ၽၢဝ်ႇ']

2024-04-22T14:54:51

https://ssppssa.org/2024/04/%e1%82%81%e1%80%bd%e1%80%84%e1%80%ba%e1%82%88%e1%81%b5%e1%81%a2%e1%81%bc%e1%80%ba%e1%80%95%e1%81%a2%e1%82%86%e1%80%b8%e1%80%95%e1%81%ba%e1%80%ba%e1%82%87%e1%81%ba%e1%82%83%e1%82%87%e1%80%84%e1%80%9d-2/

ႁွင်ႈၵၢၼ်ပၢႆးပၺ်ႇၺႃႇငဝ်ႈငုၼ်း SSPP/SSA ၸတ်းႁဵတ်းပၢင်ၵႅဝ်ႈ ပိုတ်ႇၽုၺ်ႇ ပၢင်ၽိုၵ်းလိုမ်ႉၼမ်ႉၵတ်ႉမေႃသွၼ် ၸုပ်ႈထီႉ (2)

ယူႇတီႈႁွင်ႈၵၢၼ်ၾၢႆႇပၢႆးပၺ်ႇၺႃႇငဝ်ႈငုၼ်း SSPP/SSA ဢွၼ်ႁူဝ်သေ ၸတ်းႁဵတ်းပၢင်ၵႅဝ်ႈပိုတ်ႇၽုၺ်ႇ ပၢင် ၽိုၵ်းလိုမ်ႉၼမ်ႉၵတ်ႉမေႃသွၼ် ၸုပ်ႈထီႉ (2) ၼႂ်းပီႊ ( 2024)ၼီႊ ၼႆယူႇယဝ်ႉ။ မိူဝ်ႈၼႆႉ လိူၼ် ဢေႊပရိူဝ်ႊ April (22 ) ဝၼ်း ၶၢဝ်းယၢမ်း ၵၢင်ၼႂ် 08:06 မူင်း ၼၼ်ႉ ယူႇတီႈႁွင်ႈၵၢၼ်ၾၢႆႇပၢႆးပၺ်ႇ ၺႃႇ ငဝ်ႈငုၼ်း SSPP/SSA ဢွၼ်ႁူဝ် ၸတ်းႁဵတ်းပၢင်ၵႅဝ်ႈ ပိုတ်ႇၽုၺ်ႇပၢင်ၽိုၵ်းလိုမ်ႉၼမ်ႉၵတ်ႉ မေႃသွၼ် ၸုပ်ႈ ထီႉ (2) ဢွင်ႈတီႈႁူင်းႁေႃးလူင် ၼွင်ငိုၼ်း ဝဵင်းမႂ်ႇဝၢၼ်ႈ ႁႆး ၸိုင်ႈတႆးပွတ်းၸၢၼ်း လႄႈ မီးၽူႈယႂ်ႇၵူၼ်းလူင်(5) ၸဝ်ႈ ၊ ၽူႈၶဝ်ႈၵေႃႉမတီႇပၢႆးပၺ်ႇၺႃႇ (10) ၸဝ်ႈ ၊ ၸုမ်း ၵၢၼ်လုမ်း (22) ၵေႃႉ ၊မေႃသွၼ်ယိင်း(154) ၵေႃႉ ၊ မေႃသွၼ်ၸၢႆး (21) ၵေႃႉ ႁူမ်ႈသဵင်ႈ ၽူႈၶိုၼ်ႈႁွတ်ႈမီး (212 ) ၵေႃႉ ၼႆယူႇယဝ်ႉ။ တီႈၼႂ်းပၢင်ၵႅဝ်ႈၼၼ်ႉ မီးၵႅမ်ၽူႈၸတ်းၵၢၼ်ဢုပ်ႉပိူင်ႇငဝ်ႈငုၼ်း ၸွမ်ႁၢၼ် ထိူၼ်ႇမိူင်း မွၵ်ႇလၢတ်ႈၶေႃႈၵႂၢမ်းပိုတ်ႇ ၽုၺ်ႇပၢင်ၵႅဝ်ႈ ပၼ်ပိုၼ်ႉႁူႉလွင်ႈၵၢၼ်ပၢႆးပိင်ႇၺႃႇ ၊ ပၼ်ႁႅင်းၸႂ် ၸုမ်းမေႃသွၼ် ၊ ၵႅမ်ၽူႈၸတ်းၵၢၼ် ပၢႆးပိင်ႇ ၺႃႇ ငဝ်ႈငုၼ်း ၶုၼ်သိုၵ်းမိူင်းထုၼ်း မွၵ်ႇလၢတ်ႈၶေႃႈၵႂၢမ်း တၢင်ႇလၢႆးငၢၼ်း ၽႃႇသႃႇၵၢၼ်ႁဵၼ်းသွၼ် လႄႈ ပၵ်းပိူင်ပၢင်သွၼ် ၸဵမ်ၸိူဝ်းၼႆႉသေ ထိုင်မႃးၶၢဝ်းယၢမ်း ၵၢင် ၼႂ် 08:40 မူင်းၼၼ်ႉ ၽူႈၶပ်ႉပၢင် ပိုၼ်ၽၢဝ်ႇ ပၢင်ၵႅဝ်ႈ ဢွင်ႇမၢၼ်ယဝ်ႉတူဝ်ႈ ၵႂႃႇလီငၢမ်း ၼႆယူႇယဝ်ႉ။ ပၢင်ၽိုၵ်းလိုမ်ႉၼမ်ႉၵတ်ႉမေႃသွၼ် ၸုပ်ႈထီႉ( 2) ၼႆႉ တေၸတ်းႁဵတ်းၵႂႃႇ ၶၢဝ်းတၢင်း ( 1) လိူၼ်ပၢႆ ၼႆယူႇယဝ်ႉ။ ၼင်ႇႁိုဝ်ၵူၼ်းၼုမ်ႇတႆးႁဝ်း ပေႃးတေမီးၼမ်ႉၵတ်ႉတၢင်းႁူႉ တၢင်းမေႃ ၽၢႆႇပၢႆးပၺ်ႇၺႃႇၼမ်မႃးလိူဝ်ၵဝ်ႇ သေ ၼင်ႇႁိုဝ် ပေႃးတေသိုပ်ႇပုတ်ႈႁၢပ်ႇၵၢၼ်လူင် ပဵၼ်ၽူႈ ဢွၼ်ႁူဝ်လီၵႂႃႇ တႃႇၸိူဝ်ႉၸၢတ်ႈဝၢၼ်ႈမိူင်းမိူဝ်းၼႃႈ ၼၼ်ႉ ယူႇတီႈပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA တိုၼ်းတေသိုပ်ႇၶတ်းၸႂ် ပူၵ်းပွင် ၼမ်ႉ ၵတ်ႉ ၵူၼ်းၼုမ်ႇၵႂႃႇယူႇယဝ်ႉ။

['ၵူၼ်းၼုမ်ႇ', 'ပၢႆးပိင်ႇၺႃႇ', 'ၵၢၼ်ပူၵ်းပွင်']

2024-04-22T14:51:52

https://ssppssa.org/2024/04/%e1%80%99%e1%80%af%e1%81%b5%e1%80%ba%e1%82%89%e1%81%b8%e1%80%af%e1%80%99%e1%80%ba%e1%80%b8%e1%81%bc%e1%81%a2%e1%80%84%e1%80%ba%e1%80%b8%e1%80%9a%e1%80%ad%e1%80%84%e1%80%ba%e1%80%b8-%e1%80%84-6/

မုၵ်ႉၸုမ်းၼၢင်းယိင်း ငဝ်ႈငုၼ်း SSPP/SSA ႁူပ်ႉထူပ်း ပေႃႈမႄႈၵူၼ်းမိူင်းၼႂ်းပိုၼ်ႉတီႈ

မုၵ်ႉၸုမ်းၼၢင်းယိင်း ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA လူင်းပိုၼ်ႉတီႈ ႁူပ်ႉထူပ်း ပေႃႈမႄႈၵူၼ်းမိူင်းၼႂ်းပိုၼ်ႉတီႈ ၸေႈဝဵင်းမႆၢ (8) ဢိူင်ႇ မိူင်းတုင် ၸိုင်ႈတႆးပွတ်းႁွင်ႇ ၼႆယူႇယဝ်ႉ ။ မိူဝ်ႈလိူၼ် မၢသ်ႉ 27 ဝၼ်းတေႃႇထိုင် 29 ဝၼ်း ၶၢဝ်းတၢင်း (3) ဝၼ်း ၼၼ်ႉ ယူႇတီႈမုၵ်ႉၸုမ်းၼၢင်းယိင်း ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ဢွၼ်ႁူဝ်သေ လူင်းႁဵတ်းပၢင်ႁူပ်ႉထူပ်း ပေႃႈမႄႈ ၵူၼ်းမိူင်း ဢၼ်ပဵၼ်မႄႈလႄႈလုၵ်ႈဢွၼ်ႇ ၼႂ်းပိုၼ်ႉတီႈ ဢိူင်ႇမိူင်းတုင် ၊ ဢိူင်ႇမိူင်းလႃ ၊ ဢိူင်ႇသူပ်းတုင် ၸေႈဝဵင်းမၢႆ(8) သီႇပေႃႉ လႄႈ ၽူႈၶိုၼ်ႈႁွတ်ႈမီး (23) ဝၢၼ်ႈ ( 806 )ၵေႃႉ ယူႇယဝ်ႉ။ ၼႂ်းပၢင်ႁူပ်ႉထူပ်းၼၼ်ႉ ယူႇတီႈၸုမ်းၼၢင်းယိင်း မွၵ်ႇလၢတ်ႈၶေႃႈၵႂၢမ်း ပၼ်ပိုၼ်ႉႁူႉ ၵဵဝ်ႇလူၺ်ႈလွင်ႈ ၸုမ်း ၼၢင်းယိင်း တေႇပဵၼ်မႃးမိူဝ်ႈလႂ် ယိူင်းဢၢၼ်း ပိူဝ်ႈတႃႇ ဢီႈသင် ၸဵမ်ၸိူဝ်းၼႆႉသေ ၸုမ်းမေႃယႃ ၾၢႆႇပၢႆးယူႇလီၵေႃႈ မွၵ်ႇလၢတ်ႈၶေႃႈၵႂၢမ်း ပၼ်ပိုၼ်ႉႁူႉ ၵဵဝ်ႇလူၺ်ႈလွင်ႈ ၾၢႆႇပၢႆးယူႇလီ ၸဵမ်ၸိူဝ်းၼႆႉ ၵႂႃႇယူႇယဝ်ႉ။ ဝၢႆးပၢင်ႁူပ်ႉထူပ်းယဝ်ႉတူဝ်ႈၵႂႃႇၼၼ်ႉ ယူႇတီႈၸုမ်း ၼၢင်းယိင်း ၊ ၸုမ်းၾၢႆႇပၢႆးယူႇလီ ၊ ၸုမ်းၼၢင်းႁၢၼ်ၶဝ် ႁူမ်ႈၵၼ်သေ ၸွႆႈၵူတ်ႇထတ်း တူၺ်းထိုင်ပၼ် ပၢႆးယူႇလီ ပေႃႈမႄႈၵူၼ်းမိူင်း ဢၼ်ပဵၼ် မႄႈပႃးတွင်ႉ ၊ လုၵ်ႈဢွၼ်ႇလဵၵ်ႉ ၊ ၵူၼ်းထဝ်ႈ ၸဵမ်ၸိူဝ်းၼႆႉ လႄႈ ၸႃႇၵႃႉၸႅၵ်ႇပၼ် ဢႃႇႁႃႇရႃႇ တၢင်းၵိၼ် မဵဝ်းဢၼ်‌တေပဵၼ်ႁႅင်း ၸဵမ်ၸိူဝ်း ၼႆႉယူႇယဝ်ႉ။

['ၵၢၼ်ပူၵ်းပွင်', 'ၸုမ်းၼၢင်းယိင်း']

2024-04-03T16:14:13

https://ssppssa.org/2024/04/sspp-ssa-%e1%81%b5%e1%80%b1%e1%82%83%e1%82%87%e1%80%9e%e1%81%a2%e1%80%84%e1%80%ba%e1%82%88%e1%81%bd%e1%81%a2%e1%82%86%e1%82%81%e1%80%ad%e1%81%bc%e1%80%ba-%e1%82%81%e1%80%bd%e1%80%84%e1%80%ba%e1%82%88/

SSPP/SSA ၵေႃႇသၢင်ႈၽၢႆႁိၼ် ႁွင်ႈၼမ်ႉ/မိူင် ၸွႆႈပေႃႈမႄႈၵူၼ်းမိူင်း ၼႂ်းပိုၼ်ႉတီႈၸေႈဝဵင်းမိူင်းၼွင်

ဢိင်ၼိူဝ်ပေႃႈမႄႈၵူၼ်းမိူင်းၼႂ်းပိုၼ်ႉတီႈ ယွၼ်းတၢင်းၸွႆႈထႅမ်မႃး သေ ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆးတပ်ႉ သိုၵ်းၸိုင်ႈတႆး SSPP/SSA လႆႈၸွႆႈထႅမ် ၵေႃႇသၢင်ႇၽၢႆႁိၼ် လႄႈ ႁွင်ႈမိူင် တႃႇၵႅတ်ႇၸႂ်ႉၼမ်ႉၼႃး ပၼ်ပေႃႈမႄႈ ၵူၼ်းမိူင်း ၼႂ်းပိုၼ်ႉတီႈ ၸေႈဝဵင်းမိူင်းၼွင် ယူႇယဝ်ႉ။ တႃႇပေႃႈမႄႈၵူၼ်းမိူင်းတေလႆႈၸႂ်ႉတိုဝ်းၼမ်ႉၼႃး ၵုမ်ႇထူၼ်ႈလီၼႆသေ မိူဝ်ႈလိူၼ် မၢတ်ႉၶျ် 15 ဝၼ်း (ပီႊတႆး ႒႑႑႘ ၼီႊ လိူၼ်သီႇမႂ်ႇ ႖ ၶမ်ႈ ဝၼ်းသုၵ်း) တေႃႇထိုင် လိူၼ်မၢတ်ႉၶျ် 30 ဝၼ်း ၼၼ်ႉ ယူႇတီႈငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈ တႆး SSPP/SSA လႆႈ ၵေႃႇသၢင်ႈၽၢႆႁိၼ် လႄႈ ႁွင်ႈၼမ်ႉ/မိူင် ၸွႆႈပေႃႈမႄႈ ၵူၼ်းမိူင်း ဝၢၼ်ႈၵုင်းၶမ်းလီ ဢိူင်ႇတူ ယႃး ၸေႈဝဵင်းမိူင်း ၼွင် ၸိုင်ႈတႆးပွတ်း ၸၢၼ်း ယူႇယဝ်ႉ။ ႁွင်ႈၼမ်ႉ/မိူင် ဢၼ်လႆႈႁဵတ်းသၢင်ႈယဝ်ႉၵႂႃႇၼႆႉ တၢင်းယၢဝ်းမီး (185) ထတ်း ၊ တၢင်းလိုၵ်ႉမီး (8) ထတ်း ၊ တၢင်း ၵႂၢင်ႈ မီး (5) ထတ်း သေ ၵႃႈၵေႃႇသၢင်ႈတၢင်းသဵင်ႈ တူၵ်းမႅၼ်ႈသၢင်ႉငိုၼ်း (9,310,000) ၵဝ်ႈသိပ်း သၢမ်သႅၼ်ပၢႆၼိုင်ႈမိုၼ်ႇၵျၢပ်ႈလႄႈ ၼႂ်းၼၼ်ႉ ယူႇတီႈငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA လႆႈၸွႆႈထႅမ် တႃႇသၢင်ႉငိုၼ်း (6,310,000) ႁူၵ်းသိပ်းသၢမ်သႅၼ်ပၢႆၼိုင်ႈမိုၼ်ႇၵျႃပ်ႈယူႇယဝ်ႉ။ ငဝ်ႈၶၢမ်ႇပိုၼ်ႉ ၵၢၼ်ႁႃၵိၼ်လဵင်ႉတွင်ႉ ၊ ၵၢၼ်ပၢႆးမၢၵ်ႈမီး ပေႃႈမႄႈၵူၼ်းမိူင်း ၼႂ်းပိုၼ်ႉတီႈ ဝၢၼ်ႈၵုင်းၶမ်းလီ ၼႆႉ ၵူၺ်းမီး ၵၢၼ်ၽုၵ်ႇသွမ်ႈၶဝ်ႈၼႃး ပဵၼ်ပိူင်လူင် ၊ ယွၼ်ႉပိူဝ်ႈၽၢႆၼမ်ႉ ၊ ႁွင်ႈၼမ်ႉ/မိူင် ဢၼ်ၵဝ်ႇ လႆႈ လူႉ လႅဝ်ၵႂႃႇ မိူဝ်ႈၼႂ်းပီႊ 2023 ၼၼ်ႉသေ ၵူၼ်းဝၢၼ်ႈၵိုင်ႉၵၢင်ႉ မီးလွင်ႈယၢပ်ႇၽိုတ်ႇ တႃႇတေႁဵတ်းၵိၼ်ၵၢၼ် ၶၢဝ်းတၢင်းၼႃႈ လႄႈ ယူႇတီႈပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၸင်ႇလႆႈၶတ်းၸႂ်ၸွႆႈ ထႅမ်ၵႂႃႇယူႇယဝ်ႉ။

['ၵၢၼ်ၵေႃႇသၢင်ႈတွၼ်ႈလိၼ်ၶိုၼ်ႈယႂ်', 'ၵၢၼ်ပူၵ်းပွင်']

2024-04-02T06:08:31

https://ssppssa.org/2024/04/%e1%80%84%e1%80%9d%e1%80%ba%e1%82%88%e1%80%84%e1%80%af%e1%81%bc%e1%80%ba%e1%80%b8-sspp-ssa-%e1%81%b8%e1%80%90%e1%80%ba%e1%80%b8%e1%82%81%e1%80%b5%e1%80%90%e1%80%ba%e1%80%b8-%e1%80%95%e1%81%a2-2/

ငဝ်ႈငုၼ်း SSPP/SSA ၸတ်းႁဵတ်း ပၢင်ၵႅဝ်ႈ ၵိုတ်းလိုဝ်ႈပၢင်သွၼ် ငဝ်ႈၶၢမ်ႇပိုၼ်ႉၵၢၼ်သိုၵ်းၸုပ်ႈထီႉ (50)

ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၸတ်းႁဵတ်း ပၢင်ၵႅဝ်ႈၵိုတ်းလိုဝ်ႈ လူင်းပၢင်သွၼ် ငဝ်ႈၶၢမ်ႇပိုၼ်ႉၵၢၼ်သိုၵ်းၸုပ်ႈထီႉ (50) ဢွင်ႈတီႈ ႁူင်းႁဵၼ်းသိုၵ်းငဝ်ႈငုၼ်း ၼႂ်းၼၼ်ႉမီးၽူႈၶိုၼ်ႈႁွတ်ႈ 600 ၵေႃႉပၢႆ ယူႇယဝ်ႉ။ မိူဝ်ႈလိူၼ်(April) 1 ဝၼ်း (တူၵ်းမႅၼ်ႈ ပီႊတႆး ႒႑႑႘ ၼီႈ လိူၼ်သီႇလွင်ႈ 8 ၶမ်ႈ) ယၢမ်းဝၢႆးဝၼ်း 14:00 မူင်း တေႃႇထိုင် 15: 10 မူင်း ၼၼ်ႉ ယူႇတီႈ ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ဢွၼ်ႁူဝ်သေ ၸတ်းႁဵတ်း ပၢင်ၵႅဝ်ႈ လူင်းလိုဝ်ႈပၢင်သွၼ် ငဝ်ႈၶၢမ်ႇပိုၼ်ႉၵၢၼ်သိုၵ်း ၸုပ်ႈထီႉ (50) ၊ ၼႂ်း ၼၼ်ႉ မီးၽူႈယႂ်ႇၵူၼ်းလူင် ၊ လုၵ်ႈႁဵၼ်းႁူင်းႁဵၼ်းသိုၵ်း(400)ပၢႆ၊ လုၵ်ႈႁဵၼ်းႁူင်းႁဵၼ်းၽူႈမီးၸၼ်ႉ (HRD) ၊ ၸုမ်းၵူၼ်းၼုမ်ႇ ၊ ၶူးသွၼ်ၵၢၼ်သိုၵ်းႁူမ်ႈသဵင်ႈ ၽူႈၶိုၼ်ႈႁွတ်ႈမီး (600 ပၢႆၼႆယူႇယဝ်ႉ။ ၼႂ်းပၢင်ၵႅဝ်ႈၼၼ်ႉ ၽူႈယႂ်ႇ ၵူၼ်းလူင်ၸဝ်ႈၼိုင်ႈ မွၵ်ႇလၢတ်ႈၶေႃႈၵႂၢမ်းပိုတ်ႇပၢင် ၊ ၸဝ်ႈႁၢၼ် ယုင်းသႃႇ မွၵ်ႇလၢတ်ႈၶေႃႈၵႂၢမ်း သပ်းလႅင်းပၼ်ပိုၼ်ႉႁူႉ လၢႆးတိုၵ်းတေႃး ၽဵဝ်ႈမူၺ်ႉၽူႈၶဵၼ်ၼၼ်ႉ ႁႂ်ႈမေႃၸႂ်ႉတိုဝ်း ပိင်ႇၺႃႇ ၵၢၼ်သိုၵ်း ၊ လွၵ်းလိင်ႉၵၢၼ်သိုၵ်း ၊ တၢင်းလႅတ်းၽၢႆသိုၵ်း ၸဵမ် ၸိူဝ်းၼႆႉ သေ တေႃႇသူႈၽဵဝ်ႈမူၺ်ႉၽူႈၶဵၼ်လႄႈ ယူႇတီႈလႂ်ၵေႃႈ ႁႂ်ႈမေႃႁၵ်ႉႁွမ်ၵူၼ်းမိူင်း လူဝ်ႇမေႃ ၸွႆႈထႅမ်ပေႃႈမႄႈ ၵူၼ်းမိူင်း လူၺ်ႈႁႅင်းငိုၼ်း ၊ ႁႅင်းတူဝ် ၵႂႃႇတႃႇသေႇ ၼႆယူႇယဝ်ႉ။ ဝၢႆးသေ မွၵ်ႇလၢတ်ႈၶေႃႈၵႂၢမ်းပၼ်ပိုၼ်ႉႁူႉ သူင်ႇသင်ႇ လုၵ်ႈႁဵၼ်းငဝ်ႈၶၢမ်ႇပိုၼ်ႉၵၢၼ်သိုၵ်းယဝ်ႉ မီးပၢင်ၼႄ ၾၢင်ႁၢင်ႈသိုၵ်း မိူၼ်ၼင်ႇ လၢႆးၶိုၼ်ႈတိုၵ်း ၊ လၢႆးၸႅၵ်ႇ ၼႃႈသိုၵ်း ၊ ၽၢင်ႁၢင်ႈယဵၼ်ႇငႄႈသိုၵ်း သေ ယိုၼ်ႈပၼ်ၶႅပ်းဝႂ်ယဝ်ႉတူဝ်ႈငဝ်ႈၶၢမ်ႇပိုၼ်ႉၵၢၼ်သိုၵ်း တီႈလုၵ်ႈႁဵၼ်း လႄႈ တွၼ်ႈသူး ၽၢႆႇယိုဝ်းၵွင်ႈမႅၼ်ႈ ၊ ၽၢႆႇယိုဝ်းၵွင်ႈ ၵတ်ႉၶႅၼ်ႇ ၊ ၽူႈဢွၼ်ႁူဝ်ၵတ်ႉၶႅၼ်ႇ ၸဵမ်ၸိူဝ်းၼႆႉ ၵႂႃႇယူႇယဝ်ႉ။

['ၶၢဝ်ႇတူင်ႉၼိုင်ၸုမ်းဢွၼ်ႁူဝ်ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး', 'ၶၢဝ်ႇ']

2024-02-05T16:29:48

https://ssppssa.org/2024/02/sspp-ssa-%e1%81%b8%e1%80%bd%e1%82%86%e1%82%88%e1%80%91%e1%82%85%e1%80%99%e1%80%ba%e1%80%91%e1%80%af%e1%81%ba%e1%80%ba%e1%82%88%e1%80%90%e1%81%a2%e1%80%84%e1%80%ba%e1%80%b8-%e1%81%b6%e1%82%82%e1%81%a2/

SSPP/SSA ၸွႆႈထႅမ်ထုၺ်ႈတၢင်း/ ၶႂၢၵ်ႈတၢင်း /မႄးႁဵတ်းၶူဝ်ပၼ် ပေႃႈမႄႈ ၵူၼ်းမိူင်းၼႂ်းပိုၼ်ႉတီႈ

ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP /SSA ၸိူဝ်း ဢၼ်ပၵ်းသဝ်းတူင်ႉၼိုင်ဝႆႉ ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ (18) ၼမ်ႉတူႈ ၊ ၸေႈဝဵင်းမၢႆ(22)ၼွင်ၶဵဝ် ၼၼ်ႉ ၸွႆႈႁဵတ်းတၢင်း/ၶႂၢၵ်ႈတင်း/ ႁဵတ်းၶူဝ်ပၼ် ပေႃႈမႄႈ ၵူၼ်းမိူင်းၼႂ်းပိုၼ်ႉတီႈ။ ယိူင်းဢၢၼ်း တႃႇပေႃႈမႄႈၵူၼ်းမိူင်း တေ ၵႂႃႇမႃးငၢႆႈၼႆသေ မိူဝ်ႈဝၼ်းထီႉ 02-02 -2024 ယၢမ်း ၵၢင်ၼႂ် 09:00 မူင်း တေႃႇထိုင် ယၢမ်းဝၢႆးဝၼ်း 05:00 မူင်းၼၼ်ႉ ၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ SSPP/SSA ဢၼ်ပၵ်း သဝ်းတူင်ႉၼိုင် ၼႂ်းပိုၼ်ႉတီႈ ၸေႈဝဵင်းမၢႆ (18) ၼမ်ႉတူႈ ၸေႈတွၼ်ႈမၢႆ (8) ၼၼ်ႉ လႆႈဢွၼ်ႁူဝ် ၵေႃႉသိုၵ်း ၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇ ႁႅင်းၵူၼ်းသိုၵ်း၊ ဢိၵ်ႇၵူၼ်းမိူင်း ႁူမ်ႈ (24 ) ၵေႃႉသေ ၸွႆႈၵၼ် မႄးႁဵတ်းၶူဝ် တႃႈၼမ်ႉၽၢတ်ႇ ဢၼ်မီးတီႈၼိူဝ်သဵၼ်ႈတၢင်း လုၵ်ႈတီႈ ဝၢၼ်ႈၼႃးၸမ်းပေႃး တေႃႇထိုင် ဝၢၼ်ႈၼႃး ဢိူင်ႇဝၢၼ်ႈသၢင်း ၸေႈဝဵင်းၼမ်ႉတူႈ ၼၼ်ႉယူႇယဝ်ႉ။ မိူဝ်ႈဝၼ်းထီႉ 27-05-2024 တေႃႇထိုင် ဝၼ်းထီႉ 01-02-2024 ၶၢဝ်းတၢင်း (6) ဝၼ်းၼၼ်ႉၵေႃႈ ယူႇတီႈၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ SSPP/SSA ဢၼ်ပၵ်းသဝ်း ၼႂ်းပိုၼ်ႉတီႈ ၸေႈဝဵင်းမၢႆ (22) ၼွင်ၶဵဝ် ၸေႈတွၼ်ႈမၢႆ (7) ၼၼ်ႉ ဢွၼ်ႁူဝ် ၵေႃႉသိုၵ်းၵေႃႉႁၢၼ်ၾၢႆႇတပ်ႉ ၾၢႆႇ ဢုပ်ႉပိူင်ႇ ႁႅင်းၵူၼ်းသိုၵ်း ဢိၵ်ႇၵူၼ်းမိူင်း (67) ၵေႃႉ ၊ ၵႃးထုၺ်လိၼ် (4 ) လမ်း၊ ၵႃးတၢင်ႇလိၼ်(1) လမ်း ဢွၼ် ၵၼ်ထုၺ်တၢင်း / မႄးၶႂၢၵ်ႈတၢင်း ပၼ်ပေႃႈမႄႈၵူၼ်းမိူင်း ၼႂ်းၵႄႈၵၢင်ဝၢၼ်ႈလွၵ်းၽၢၼ်း တေႃႇထိုင်ဝၢၼ်ႈၶၢႆးမွၼ် ဢိူင်ႇလူင်ယူမ်း ၸေႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ ၼႆယူႇယဝ်ႉ။

['ၵၢၼ်ၸွႆႈထႅမ်ပေႃႈမႄႈၵူၼ်းမိူင်း', 'ၵၢၼ်ပူၵ်းပွင်', 'ၵၢၼ်ၵေႃႇသၢင်ႈတွၼ်ႈလိၼ်ၶိုၼ်ႈယႂ်']

2024-02-05T07:44:37

https://ssppssa.org/2024/02/%e1%81%b5%e1%80%b0%e1%81%bc%e1%80%ba%e1%80%b8%e1%80%9d%e1%81%a2%e1%81%bc%e1%80%ba%e1%82%88-%e1%80%90%e1%81%a2%e1%81%bc%e1%80%ba%e1%82%87%e1%80%9c%e1%80%af%e1%81%bc%e1%80%ba%e1%82%87-%e1%81%b8%e1%80%b1/

ၵူၼ်းဝၢၼ်ႈ တၢၼ်ႇလုၼ်ႇ ၸေႈဝဵင်းလႃႈသဵဝ်ႈ ၸိူဝ်းပၢႆႈၽေးပႆႇႁတ်းပွၵ်ႈ ၶိုၼ်းႁိူၼ်း

ယွၼ်ႉမီးၸုမ်းယိပ်းၵွင်ႈၵၢင်ႇ မႃးဢဝ်တီႈယူႇထိုင်တီႈၼႂ်းဝၢၼ်ႈလႄႈ ၵူၼ်းဝၢၼ်ႈတၢၼ်ႇလုၼ်ႇ ဢိူင်ႇၼမ်ႉပွင်ႈ ၸေႈဝဵင်းလႃႈသဵဝ်ႈ ၸိူဝ်းဢွၼ်ၵၼ်ပၢႆႈၽေးၵႂႃႇသွၼ်ႈသဝ်းဝႆႉ တီႈႁူင်းယႃ တီႈဝၢၼ်ႈၼမ်ႉမႃႉ ဢိူင်ႇၼမ်ႉမ ၸေႈဝဵင်းသီႇပေႃႉ ၼၼ်ႉ တေႃႇထိုင်မိူဝ်ႈလဵဝ်ပႆႇႁတ်းပွၵ်ႈ ၶိုၼ်းႁိူၼ်း။ တေႇၸဵမ်မိူဝ်ႈဝၼ်းထီႉ 24/01/2024 ၼၼ်ႉ ၸုမ်းသိုၵ်းၵဝ်ႈၵၢင်ႉ MNDAA ႁႅင်းသိုၵ်း100 ပၢႆၶဝ်ႈမိူဝ်း တူင်ႉၼိုင်ပၵ်းသဝ်းဝႆႉ ၼႂ်းဝၢၼ်ႈတၼ်ႇလုၼ်ႇ ဢိူင်ႇၼမ်ႉပွင်ႈ ၸေႈဝဵင်းလႃႈသဵဝ်ႈ လႄႈ ၵူၼ်းမိူင်းဝၢၼ်ႈတၢၼ်ႇလုၼ်ႇ မႆႈၸႂ် ၵူဝ်ပဵၼ် ပၢင်တိုၵ်း ၊ ၵူဝ်ႁိူဝ်းမိၼ်ပွႆႇမၢၵ်ႇသႂ်ႇ ၼႂ်းဝၢၼ်ႈ ၊ ၵူဝ်ၸုမ်းယိပ်းၵွင်ႈၵၢင်ႇ ထၢင်ႇထိူမ်တိၺွပ်း /ပေႃႉထုပ်ႉ ၵူၼ်းဝၢၼ်ႈ ၼႆသေ ၵူၼ်းဝၢၼ်ႈတၢၼ်ႇလုၼ်ႇ (49) ၵေႃႉ လႆႈဢွၼ်ၵၼ်ငိူင်ႉပၢႆႈ ၵႂႃႇသွၼ်ႈသဝ်းဝႆႉတီႈ ႁူင်းယႃ ဝၢၼ်ႈၼမ်ႉမ ဢိူင်ႇၼႃးၼိဝ်ႉ ၸေႈဝဵင်းသီႇပေႃႉ ၊ တေႃႇထိုင်ယၢမ်းလဵဝ်ၵေႃႈ ပႆႇႁတ်းပွၵ်ႈၶိုၼ်းႁိူၼ်း ၼႆယူႇယဝ်ႉ။ ၵူၼ်းမိူင်းပိုၼ်ႉတီႈ ၼႂ်းထုင်ႉၼမ်ႉပွင်ႈၵေႃႉၼိုင်ႈလၢတ်ႈ ၼႄဝႃႈ-“ ၸႂ်ႈၶႃႈဢေႃႈ တီႈၼႂ်းဝၢၼ်ႈ ႁိမ်းႁွမ်းဝၢၼ်ႈ ၼၼ်ႉ တိုၵ်ႉမီးၸုမ်းသိုၵ်း ၵဝ်ႈၵၢင်ႉယူႇဝႆႉယူႇၶႃႈ ယွၼ်ႉ ၼၼ်လႄႈ ၸိူဝ်း ပဵၼ်ၵူၼ်းထဝ်ႈ လႄႈ လုၵ်ႈဢွၼ်ႇ ၸိူဝ်း ၼႆႉတေႉ ပႆႇႁတ်းပွၵ်ႈမိူဝ်းၶႃႈ ပေႃးပဵၼ်ပၢင်တိုၵ်းမႃး ၵူဝ်ပၢႆႈယၢပ်ႇၶႃႈဢေႃႈ။ လိူဝ်သေၼၼ်ႉၵေႃႈ မိူဝ်ႈၼၼ်ႉ ၼႂ်းထုင်ႉၼမ်ႉ ပွင်ႈၼႆႉ ၵႆႉမီးပၼ်ႁႃ ၸုမ်းယိပ်းၵွင်ႈၵၢင်ႇၶဝ် ထၢင်ႇထိူမ်သေ တိမတ်ႉ ၵူၼ်းမိူင်းၵူၼ်းဝၢၼ်ႈ ၊ မုၼ်ၸဝ်ႈ ၸိူဝ်းၼႆႉ ၵႂႃႇပေႃႉထုပ်ႉၵေႃႈပိူင်ၼိုင်ႈ ၵူၼ်းၸၢႆးၵမ်ႈၽွင်ႈၵေႃႈ ပႆႇႁတ်းပွၵ်ႈၶိုၼ်းၶႃႈ။ လွင်ႈယၢပ်ႇၸႂ်တေႉ ၼမ် ၼႃႇ ဢမ်ႇၸၢင်ႈ လၢတ်ႈမူတ်းယဝ်ႉၶႃႈ တႃႇႁႃ ၵိၼ်လဵင်ႉတွင်ႉၵေႃႈယၢပ်ႇ ဢမ်ႇၸၢင်ႈႁဵတ်းၵၢၼ်လီလီ ၶူဝ်းၵုၼ်ႇ ဢၼ်ဢွၵ်ႇၼႂ်းႁႆႊ/ၼႂ်းသူၼ်သမ်ႉၵႃႈပေႃးလႆႈၶၢႆပေႃး ၶူဝ်းၵုၼ်ႇ ဢၼ်လုၵ်ႉၼႂ်းဝဵင်းမႃး သမ်ႉၵႃႈဝႃႈၵႃႈ လွႆးလွႆးမႃးတေႉ တေယၢပ်ႇၸႂ်မူတ်းယဝ်ႉၶႃႈ” ဝႃႈၼႆ။

['ၶၢဝ်ႇ', 'ၵၢၼ်သိုၵ်း']

2024-02-02T08:26:35

https://ssppssa.org/2024/02/%e1%81%b5%e1%80%b1%e1%82%83%e1%82%89%e1%80%9e%e1%80%ad%e1%80%af%e1%81%b5%e1%80%ba%e1%80%b8%e1%81%b5%e1%80%b1%e1%82%83%e1%82%89%e1%82%81%e1%81%a2%e1%81%bc%e1%80%ba-sspp-ssa-%e1%81%b8%e1%80%bd-103/

ၵေႃႉသိုၵ်းၵေႃႉႁၢၼ် SSPP/SSA ၸွႆႈထႅမ်ထုၺ်တၢင်းပၼ် ပေႃႈမႄႈၵူၼ်းမိူင်း ၼႂ်းပိုၼ်ႉတီႈ ၸေႈဝဵင်းၵျွၵ်ႉမႄး

ၵေႃႉသိုၵ်းၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၸိူဝ်း ဢၼ်ပၵ်းသဝ်းတူင်ႉၼိုင်ႉဝႆႉ ၼႂ်းၼႃႈတီႈဢုပ်ႉပိူင်ႇ ၸေႈဝဵင်း ၵျွၵ်ႉမႄး ၼၼ်ႉ ၸွႆႈထုၺ်ႁဵတ်းတၢင်း / ၶႂၢၵ်ႈတၢင်းပၼ်ပေႃႈမႄႈ ၵူၼ်းမိူင်းၼႂ်းပိုၼ်ႉတီႈ ။ ယိူင်းဢၢၼ်း တႃႇပေႃႈမႄႈၵူၼ်းမိူင်း ၼႂ်းပိုၼ်ႉတီႈ တေ ၵႂႃႇငၢႆႈမႃးငၢႆႈၼႆသေ တႄႇမိူဝ်ႈဝၼ်းထီႉ 24/01/2024 ၼၼ်ႉမႃး တေႃႇထိုင်ယၢမ်းလဵဝ် ၽူႈမီးပုၼ်ႈၽွၼ်း ၾၢႆႇ ဢုပ်ႉပိူင်ႇ SSPP/SSA ၼႂ်းၼႃႈတီႈၸေႈဝဵင်းၵျွၵ်ႉမႄး ၼၼ်ႉ ဢွၼ်ႁူဝ်သေ လႆႈဢဝ်လူတ်ႉၵႃးထုၺ်လိၼ် (2) လမ်း ထုၺ်တၢင်းပၼ်တႃႇပေႃႈမႄႈၵူၼ်းမိူင်း တေႇဢဝ် ဝၢၼ်ႈၽႃမွတ်ႈ ထိုင်ဝၢၼ်ႈပွၵ်ႈ ၼႂ်းဢိူင်ႇပုင်းလူင် ၸေႈဝဵင်းၵျွၵ်ႉမႄး ၸေႈတွၼ်ႈမၢႆ(11) ၸိုင်ႈတႆးပွတ်းႁွင်ႇ ၶၢဝ်းတၢင်းၵႆ မီး(6) လၵ်း တၢင်းၵႂၢင်ႈ မီး 15 ထတ်း ၼႆယူႇယဝ်ႉ ။ လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၵၢၼ်တွၼ်ႈလိၼ် ၶိုၼ်ႈယႂ်ႇၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇၸွႆႈလႆႈ ပွင်ပဵၼ်လႆႈ ၼၼ်ႉ ယူႇတီႈ ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၵေႃႈ တေသိုပ်ႇၶတ်းၸႂ်ၸွႆႈထႅမ် ၵႂႃႇယူႇယဝ်ႉ ။

['ၵၢၼ်ၵေႃႇသၢင်ႈတွၼ်ႈလိၼ်ၶိုၼ်ႈယႂ်', 'ၵၢၼ်ပူၵ်းပွင်']

2024-02-02T08:22:29

https://ssppssa.org/2024/02/%e1%81%b5%e1%80%b1%e1%82%83%e1%82%89%e1%80%9e%e1%80%ad%e1%80%af%e1%81%b5%e1%80%ba%e1%80%b8%e1%81%b5%e1%80%b1%e1%82%83%e1%82%89%e1%82%81%e1%81%a2%e1%81%bc%e1%80%ba-sspp-ssa-%e1%81%b8%e1%80%bd-102/

ၵေႃႉသိုၵ်းၵေႃႉႁၢၼ် SSPP/SSA ၸွႆႈထႅမ်ထုၺ်တၢင်း/ သိူဝ်ႇတၢင်းပၼ် ပေႃႈမႄႈၵူၼ်းမိူင်းၼႂ်းပိုၼ်ႉတီႈ ၸေႈဝဵင်းလၢႆးၶႃႈ

ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP /SSA ၸိူဝ်း ဢၼ်ပၵ်းသဝ်းတူင်ႉၼိုင်ဝႆႉ ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ (39) လၢႆးၶႃႈ ၸေႈတွၼ်ႈ(15) ၼၼ်ႉ ၸွႆႈထုၺ်တၢင်း/ ဢဝ်သၢႆးသိူဝ်ႇတၢင်းပၼ် ပေႃႈမႄႈ ၵူၼ်းမိူင်းၼႂ်းပိုၼ်ႉတီႈ။ ယိူင်းဢၢၼ်း တႃႇပေႃႈမႄႈၵူၼ်းမိူင်း ၼႂ်းပိုၼ်ႉတီႈ တေ ၵႂႃႇမႃးငၢႆႈ ၼႆသေ တေႇမိူဝ်ႈဝၼ်းထီႉ 29/01/2024 တေႃႇထိုင် 01/02/2024 ၶၢဝ်းတၢင်း (3) ဝၼ်း ၼၼ်ႉ ၾၢႆႇၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ SSPP/SSA ဢၼ်ပၵ်းသဝ်းတူင်ႉၼိုင် ၼႂ်းပိုၼ်ႉတီႈ ၸေႈဝဵင်း(39)လၢႆးၶႃႈ ၸေႈတွၼ်ႈ(15) ၼၼ်ႉ လႆႈဢွၼ်ႁူဝ် ၵေႃႉသိုၵ်း ၵေႃႉ ႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇ ႁႅင်းၵူၼ်းသိုၵ်း/ ၵူၼ်းမိူင်း ႁူမ်ႈ (140) ၵေႃႉ၊ၵႃးထုၺ်ႈလိၼ် (2) လမ်း ၊ ထေႃႈလူင် ( 40) လမ်း ၸွႆႈထုၺ်တၢင်း/ သိူဝ်ႇတၢင်းပၼ် တီႈၼိူဝ်သဵၼ်ႈတၢင်း ၼႂ်းဝၢၼ်ႈလွႆတင်ႈ ဢိူင်ႇပၢင်သင်း ၸေႈဝဵင်းလၢႆးၶႃႈ ၸိုင်ႈတႆးပွတ်းၸၢၼ်း တၢင်းၵႂၢင်ႈသဵၼ်ႈတၢင်း မီး (13) ထတ်း ၊ တၢင်းယၢဝ်းမီး(1704) ထတ်း ယူႇယဝ်ႉ။ လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၵၢၼ်တွၼ်ႈလိၼ် ၶိုၼ်ႈယႂ်ႇၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇ ၸွႆႈလႆႈ ပွင်ပဵၼ်လႆႈ ၼၼ်ႉ ယူႇတီႈ ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်း ၸိုင်ႈတႆး SSPP/SSA ၵေႃႈ တေသိုပ်ႇၶတ်းၸႂ် ၸွႆႈထႅမ်ၵႂႃႇယူႇယဝ်ႉ။

['ၵၢၼ်ၵေႃႇသၢင်ႈတွၼ်ႈလိၼ်ၶိုၼ်ႈယႂ်', 'ၵၢၼ်ပူၵ်းပွင်']

2024-02-02T00:36:12

https://ssppssa.org/2024/02/%e1%81%b6%e1%80%bd%e1%80%84%e1%80%ba%e1%82%87%e1%80%9e%e1%80%ae%e1%82%87%e1%80%9e%e1%80%ad%e1%80%af%e1%81%b5%e1%80%ba%e1%80%b8%e1%80%99%e1%81%a2%e1%81%bc%e1%80%ba%e1%82%88-%e1%80%9e%e1%80%ad%e1%80%af/

ၶွင်ႇသီႇသိုၵ်းမၢၼ်ႈ သိုပ်ႇတိူဝ်းဢႃႇယု ဢုပ်ႉပိူင်ႇၽွင်းငၢမ်းၸိုင်ႈမိူင်းထႅင်ႈ (6) လိူၼ်

ၶွင်ႇသီႇသိုၵ်းမၢၼ်ႈ ၸတ်းႁဵတ်းပၢင်ၵုမ် ၶွင်ႇသီႇၾၢႆႇၵႅတ်ႇၶႄ/ႁူမ်ႇလူမ်ႈၸိူဝ်ႉၸၢတ်ႈ တီႈဝဵင်းလူင်ၼေႇပျီႇတေႃႇသေ သိုပ်ႇတိူဝ်းဢႃႇယု ၵၢၼ်ဢုပ်ႉပိူင်ႇၽွင်းငၢမ်းၸိုင်ႈမိူင်းထႅင်ႈ ၶၢဝ်းတၢင်း(6) လိူၼ်ၼႆယူႇယဝ်ႉ။မိူဝ်ႈဝၼ်းထီႉ 31/02/2024 ၼၼ်ႉ ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလႅင်ႇဢွၼ်ႁူဝ် ၸတ်းႁဵတ်းပၢင်ၵုမ် ၶွင်ႇ သီႇ ၾၢႆႇ ၵႅတ်ႇၶႄ/ႁူမ်ႇလူမ်ႈၸိူဝ်ႉၸၢတ်ႈ တီႈဝဵင်းလူင်ၼေႇပျီႇတေႃႇ သေ ယူႇတီႈၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလႅင်ႇ လႆႈ တၢင်ႇလၢတ်ႈတီႈၼႂ်းပၢင်ၵုမ်ဝႃႈ တႃႇတေသိုပ်ႇ ႁဵတ်းသၢင်ႈႁႂ်ႈငဝ်းလၢႆးဝၢၼ်ႈမိူင်းမီးလွင်ႈၼိမ်သဝ်းမိူၼ် ၵဝ်ႇ ၊ တႃႇၽဵဝ်ႈ မူၺ်ႉၸုမ်းၵေႃႇၵၢၼ်ႁၢႆႉ ၊ တႃႇၽဵဝ်ႈမူၺ်ႉၸုမ်း(ၸႃးၽျႅၼ်ႉ)ဢၼ်လႅၼ်ငိုၼ်း ၼိူဝ်ဢွၼ်ႇလၢႆး (Online) ၊ တႃႇၵဵပ်း သဵၼ်ႈမၢႆ ႁူဝ်ၵူၼ်း ၊ တႃႇတေၸတ်း ႁဵတ်းလႆႈပၢင်လိူၵ်ႈတင်ႈ ၸဵမ်ၸိူဝ်းၼႆႉလႄႈ ၸင်ႇလႆႈတုၵ်းယွၼ်း ႁႂ်ႈလႆႈသိုပ်ႇတိူဝ်း ဢႃႇယု ၵၢၼ်ဢုပ်ႉပိူင်ႇၽွင်းငၢမ်းၸိုင်ႈမိူင်းထႅင်ႈၶၢဝ်းတၢင်း(6) လိူၼ်ၼႆ လႆႈႁၼ်သိုဝ်ႇၶၢဝ်ႇ ၾၢႆႇၶွင်ႇသီႇသိုၵ်း မၢၼ်ႈၶဝ် ပိုၼ်ၽၢဝ်ႇ ဢွၵ်ႇဝႆႉ ၸိူင်ႉၼင်ႇၼႆ ယူႇယဝ်ႉ။ ၵဵဝ်ႇလူၺ်ႈလွင်ႈ ၸွမ်းၸိၵ်းသိုၵ်းမၢၼ်ႈ မိၼ်းဢွင်ႇလႅင်ႇ လႆႈတၢင်ႇလၢတ်ႈၵႂႃႇၸိူဝ်းၼၼ်ႉသေ တီႈၼႂ်းပၢင်ၵုမ် ၾၢႆႇ ၵႅတ်ႇၶႄ/ႁူမ်ႇလူမ်ႈၸိူဝ်ႉၸၢတ်ႈၼၼ်ႉ ဢမ်ႇမီးၽႂ်သၢၼ် ၶတ်းလႄႈ လႆႈဢွၼ်ၵၼ်ႁူမ်ႈတူၵ်းလူင်းမၵ်းမၼ်ႈၵႂႃႇ တႃႇ တေတိူဝ်းဢႃႇယုၵၢၼ်ဢုပ်ႉပိူင်ႇၽွင်းငၢမ်းၸိုင်ႈမိူင်း ထႅင်ႈ(6) ၼႆ ယူႇယဝ်ႉ။ ပေႃးဢဝ်ၸွမ်း ပၵ်းပိူင်ၸိုင်ႈမိူင်း 2008 ဢၼ်ပဵၼ်ၼႂ်းမၢႆမီႈမတ်ႉတႃ (417) ဢၼ်ပႃးဝႆႉဝႃႈ ဝၢႆးသေ ႁူဝ်ပဝ်ႈၾၢႆႇၵႅတ်ႇ ၶႄၸိုင်ႈမိူင်း သိမ်းဢႃႇၼႃႇၸိုင်ႈမိူင်းယဝ်ႉ တေႇၼပ်ႉဝၼ်းဢၼ်သိမ်းဢႃႇၼႃႇၸိုင်ႈမိူင်းသေ မီးသုၼ်ႇလႆႈ ဢုပ်ႉပိူင်ႇ ၽွင်းငၢမ်းၸိုင်ႈမိူင်းၶၢဝ်းတၢင်း (1) ပီႊတဵမ် ၊ ဝၢႆးသေၼၼ်ႉသင်ၸိူဝ်ႉဝႃႈ ႁူဝ်ပဝ်ႈၾၢႆႇၵႅတ်ႇၶႄၸိုင်ႈမိူင်းတၢင်ႇၼႄ လႆႈဝႃႈ ငဝ်းလၢႆးဝၢၼ်ႈမိူင်း ဢမ်ႇမီးလွင်ႈၼိမ်သဝ်း ၼႆၸိုင် ဢိင်ဢဝ်ၼိူဝ် မၢႆမီႈမတ်ႉတႃ (425) ၼၼ်ႉသေ မီးသုၼ်ႇ လႆႈသိုပ်ႇတိူဝ်း ဢႃႇယု ဢုပ်ႉပိူင်ႇၽွင်းငၢမ်းၸိုင်ႈမိူင်းထႅင်ႈ (2)ပွၵ်ႈ ၼိုင်ႈပွၵ်ႈလႂ် ၶၢဝ်းတၢင်း(6) လိူၼ် ၼႆယူႇယဝ်ႉ။ တေႇဢဝ်ဝၼ်းၶွင်ႇသီႇသိုၵ်းမၢၼ်ႈသိမ်းဢႃႇၼႃႇၸိုင်ႈမိူင်းမႃးၼၼ်ႉ သေ ဢၼ်ၶွင်ႇသီႇသိုၵ်းမၢၼ်ႈ သိုပ်ႇတိူဝ်း ဢႃႇယု ၽွင်းငၢမ်းၸိုင်ႈမိူင်းမႃး တေႃႇထိုင်ပွၵ်ႈၵမ်းၼႆႉၸိုင် မီးၵႂႃႇ (5) ပွၵ်ႈ ယူႇယဝ်ႉ။

['ၶၢဝ်ႇၵူႈလွင်ႈလွင်ႈ', 'ၶၢဝ်ႇၼွၵ်ႈမိူင်း']

2024-02-01T06:51:09

https://ssppssa.org/2024/02/%e1%81%b5%e1%80%b1%e1%82%83%e1%82%89%e1%80%9e%e1%80%ad%e1%80%af%e1%81%b5%e1%80%ba%e1%80%b8%e1%81%b5%e1%80%b1%e1%82%83%e1%82%89%e1%82%81%e1%81%a2%e1%81%bc%e1%80%ba-sspp-ssa-%e1%81%b8%e1%80%bd-101/

ၵေႃႉသိုၵ်းၵေႃႉႁၢၼ် SSPP/SSA ၸွႆႈထႅမ်ထုၺ်တၢင်း/ မႄးႁဵတ်းၶူဝ်ပၼ် ပေႃႈမႄႈ ၵူၼ်းမိူင်းၼႂ်းပိုၼ်ႉတီႈ ထုင်ႉမိူင်းယဵၼ် ၸေႈဝဵင်းၼမ်ႉတူႈ

ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP /SSA ၸိူဝ်း ဢၼ်ပၵ်းသဝ်းတူင်ႉၼိုင်ဝႆႉ ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ(18) ၼမ်ႉတူႈ ၸေႈတွၼ်ႈမၢႆ(8) ၼၼ်ႉ ၸွႆႈထုၺ်ႁဵတ်းတၢင်း ၶႂၢၵ်ႈတင်း/ မႄးႁဵတ်းၶူဝ်ပၼ် ပေႃႈမႄႈ ၵူၼ်းမိူင်းၼႂ်းပိုၼ်ႉတီႈ။ ယိူင်းဢၢၼ်း တႃႇပေႃႈမႄႈၵူၼ်းမိူင်း ၼႂ်းပိုၼ်ႉတီႈ တေ ၵႂႃႇငၢႆႈမႃးငၢႆႈ ၼႆသေ မိူဝ်ႈဝၼ်းထီႉ 30/01/2024 ၼၼ်ႉ ၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ SSPP/SSA ၼႂ်းၼႃႈတီႈၸေႈဝဵင်းမၢႆ(17) ထုင်ႉမိူင်းယဵၼ် ဝဵင်းၼမ်ႉတူႈ ၸေႈတွၼ်ႈမၢႆ(8) ၼၼ်ႉ ဢွၼ်ႁူဝ်ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇ ႁႅင်းၵူၼ်းသိုၵ်း (4) ၵေႃႉ၊ၵႃးထုၺ်ႈလိၼ် (1) လမ်း ၵႂႃႇၸွႆႈထုၺ်ႁဵတ်းတၢင်း/ မႄးႁဵတ်းၶူဝ်ပၼ် ပေႃႈမႄႈၵူၼ်းမိူင်း ဢၼ်ပဵၼ်သဵၼ်ႈတၢင်းတေႇဢဝ် ဝၢၼ်ႈသႃႇဢွၼ်ႇ တေႃႇထိုင် ဝၢၼ်ႈၼႃးပဵင်း ၼႂ်းဢိူင်ႇဝၢၼ်ႈသႃႇလူင် ထုင်ႉမိူင်းယဵၼ် ၸေႈဝဵင်းၼမ်ႉတူႈ ၸိုင်ႈတႆးပွတ်းႁွင်ႇၼၼ်ႉယူႇယဝ်ႉ။

['ၵၢၼ်ၵေႃႇသၢင်ႈတွၼ်ႈလိၼ်ၶိုၼ်ႈယႂ်']

2024-01-30T11:02:40

https://ssppssa.org/2024/01/%e1%81%b5%e1%80%b1%e1%82%83%e1%82%89%e1%80%9e%e1%80%ad%e1%80%af%e1%81%b5%e1%80%ba%e1%80%b8%e1%81%b5%e1%80%b1%e1%82%83%e1%82%89%e1%82%81%e1%81%a2%e1%81%bc%e1%80%ba-sspp-ssa-%e1%81%b8%e1%80%bd-100/

ၵေႃႉသိုၵ်းၵေႃႉႁၢၼ် SSPP/SSA ၸွႆႈထႅမ်ထုၺ်တၢင်း/ၶႂၢၵ်ႈတၢင်း/မႄးတၢင်းပၼ် ပေႃႈမႄႈ ၵူၼ်းမိူင်း

ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP /SSA ၸိူဝ်း ဢၼ်ပၵ်းသဝ်းတူင်ႉၼိုင်ဝႆႉ ၼႂ်းၼႃႈတီႈဢုပ်ႉပိူင်ႇ ၸေႈဝဵင်းၼွင်ၶဵဝ် ၸွႆႈထုၺ်ၶႂၢၵ်ႈတင်း/ မႄးတၢင်းပၼ်ပေႃႈမႄႈ ၵူၼ်းမိူင်းၼႂ်းပိုၼ်ႉတီႈ။ ယိူင်းဢၢၼ်း တႃႇပေႃႈမႄႈၵူၼ်းမိူင်း တေၵႂႃႇမႃးငၢႆႈ ၼႂ်းဝၢၼ်ႈ ၼႆသေ မိူဝ်ႈဝၼ်းထီႉ 26-01-2023 ၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ SSPP/SSA ဢၼ်ပၵ်း သဝ်းတူင်ႉၼိုင် ၼႂ်းပိုၼ်ႉတီႈ ၸေႈဝဵင်းၼွင်ၶဵဝ် လႆႈဢွၼ်ႁူဝ် ၵေႃႉသိုၵ်း ၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇ တင်းၵႃးထုၺ်ႈလိၼ် (2) လမ်း ၵႂႃႇၸွႆႈထုၺ်တၢင်း/ ၶႂၢၵ်ႈတင်း/ မႄးတင်းပၼ် ပေႃႈမႄႈၵူၼ်းမိူင်း ၼႂ်းၵေႈဝၢၼ်ႈလွၵ်းၽၢၼ်း လႄႈ ၶၢႆးမွၼ် ဢိူင်ႇလူင်ယူမ်း ၸေႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ ယူႇယဝ်ႉ။ လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၵၢၼ်တွၼ်ႈလိၼ်ၶိုၼ်ႈယႂ်ႇၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈသေ ၵႃႈၼင်ႇ ၸွႆႈလႆႈ ပွင်ပဵၼ်လႆႈ ၼၼ်ႉ ယူႇတီႈၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၵေႃႈ တေသိုပ်ႇၶတ်းၸႂ် ၸွႆႈထႅမ်ၵႂႃႇယူႇယဝ်ႉ။

['ၵၢၼ်ၸွႆႈထႅမ်ပေႃႈမႄႈၵူၼ်းမိူင်း']

2024-01-30T10:59:46

https://ssppssa.org/2024/01/%e1%81%b6%e1%80%bd%e1%80%84%e1%80%ba%e1%82%87%e1%80%9e%e1%80%ae%e1%82%87%e1%80%9e%e1%80%ad%e1%80%af%e1%81%b5%e1%80%ba%e1%80%b8%e1%80%99%e1%81%a2%e1%81%bc%e1%80%ba%e1%82%88%e1%80%9e%e1%80%b0%e1%80%84/

ၶွင်ႇသီႇသိုၵ်းမၢၼ်ႈသူင်ႇတူဝ်တႅၼ်း ၶဝ်ႈႁူမ်ႈပၢင်ၵုမ် ဢႃႇသီႇယၼ်ႇ

ပၢင်ၵုမ်လူင် ၾၢႆႇၽွင်းလူင်ၼွၵ်ႈမိူင်း မိူင်းဢႃႇသီႇယၼ်ႇ ဢၼ်ၸတ်းႁဵတ်းၵႂႃႇ တီႈၸေႈဝဵင်း လုၼ်ႇပရႃႇပၼ်ႇ ၼႂ်း ၸိုင်ႈမိူင်းလၢဝ်း(လႃႇဢူဝ်ႇ) မိူဝ်ႈဝၼ်းထီႉ 28-29/01/2024 ၶၢဝ်းတၢင်း (2) ဝၼ်း ၼၼ်ႉ ၾၢႆႇႁွင်ႈ ၵၢၼ် ၽွင်းလူင်ၼွၵ်ႈ မိူင်းၶွင်ႇသီႇသိုၵ်းမၢၼ်ႈ သူင်ႇတူဝ်တႅၼ်း ဢၼ်ပဵၼ်ၽွင်းလူင် တေႃႇမႃႇလႃႇတၢၼ်း ၵႂႃႇ ၶိုၼ်ႈႁွတ်ႈ ၶဝ်ႈႁူမ်ႈၸွမ်း ၼႆ ယူႇယဝ်ႉ။ ၵဵဝ်ႇလူၺ်ႈလွင်ႈဢၼ် ၾၢႆႇၶွင်ႇသီႇသိုၵ်းမၢၼ်ႈ လႆႈသူင်ႇတူဝ်တႅၼ်း ၶိုၼ်ႈႁွတ်ႈၼႂ်းပၢင်ၵုမ် ဢႃႇသီႇယၼ်ႇပွၵ်ႈၵမ်း ၼႆႉသေ ၽူႈလဵပ်ႈႁဵၼ်းၵၢၼ်မိူင်းၵမ်ႈၽွင်ႈၼပ်ႉသၢင်ႈဝႃႈ ၾၢႆႇၶွင်ႇသီႇသိုၵ်းမၢၼ်ႈ ဢမ်ႇၶိုၼ်ႈႁွတ်ႈ ပၢင်ၵုမ်ဢႃႇသီႇ ယၼ်ႇၼႆႉ မီးၶၢဝ်းတၢင်း(2) ပီႊပၢႆယဝ်ႉ ၊ ယွၼ်ႉၾၢႆႇသိုၵ်းမၢၼ်ႈ ထုၵ်ႇၺႃးၸုမ်းလုၵ်ႉၽိုၼ်ႉၶဝ် ၶဝ်ႈတိုၵ်း ၵူႈၾၢႆႇ ၾၢႆႇ ထိုင်တီႈမီးလွင်ႈတူၵ်းသုမ်းၼမ် ယွၼ်ႉၼၼ် ၾၢႆႇၶွင်ႇသီႇသိုၵ်းမၢၼ်ႈၶဝ် ၶႆႈႁႃတၢင်းဢွၵ်ႇ လူၺ်ႈတၢင်းၵၢၼ်မိူင်းၵေႃႈ ၸၢင်ႈပဵၼ်လႆႈယူႇ ၊ လိူဝ်သေၼၼ်ႉၵေႃႈ မိူင်းလၢဝ်း ဢၼ်လႆႈႁပ်ႉပုၼ်ႈၽွၼ်းပဵၼ်ႁူဝ်ပဝ်ႈ မိူင်းဢႃႇသီႇယၼ်ႇ ၼႂ်းပီႊ 2024 ၼႆႉ ယၢမ်ႈလၢတ်ႈဝႆႉဝႃႈ ၵဵဝ်ႇလူၺ်ႈလွင်ႈမိူင်းႁူမ်ႈတုမ်မိူင်းမၢၼ်ႈသေ ထုၵ်ႇလီဝႆႉၼမ်ႉ ၼၵ်း တိတ်းတေႃႇၵပ်းသိုပ်ႇၸွမ်းၾၢႆႇၶွင်ႇသီႇသိုၵ်းမၢၼ်ႈ ၼႆလႄႈ ၸၢင်ႈၶဝ်ႈလွၵ်း တႃႇၶွင်ႇသီႇသိုၵ်းမၢၼ်ႈ တေလဵၼ်ႈၵၢၼ်မိူင်း သေ ၵႄႈ လိတ်ႈပၼ်ႁႃမၼ်းၵႂႃႇယူႇ ဝႃႈ ၼႆ။ ဝၢႆးၶွင်ႇသီႇသိုၵ်းမၢၼ်ႈ ယိုတ်းသိမ်းဢႃႇၼႃႇၸိုင်ႈမိူင်းမႃးၼၼ်ႉ ယူႇတီႈမိူင်းဢႃႇသီႇယၼ်ႇ ဢမ်ႇႁၼ်လီၸွမ်း လၢႆး ႁဵတ်းသၢင်ႈၶွင်ႇသီႇသိုၵ်းမၢၼ်ႈသေ မိူဝ်ႈၼႂ်းလိူၼ် ဢွၵ်ႇတူဝ်ႇပိူဝ်ႊ 2021 ၼၼ်ႉ ယူႇတီႈဢႃႇသီႇယၼ်ႇ လႆႈပိၵ်ႉႁၢမ်ႈဝႆႉ ဢမ်ႇပၼ်ၽူႈမီးၸၼ်ႉ ၼႂ်းၶွင်ႇသီႇသိုၵ်းမၢၼ်ႈၶဝ်ၶိုၼ်ႈႁွတ်ႈၸွမ်း ၼႂ်းပၢင်ၵုမ်ဢႃႇသီႇယၼ်ႇၼႆ လႄႈ ၾၢႆႇၶွင်ႇသီႇ သိုၵ်းမၢၼ်ႈ မီးလွင်ႈဢမ်ႇႁၢၼ်ႉၸႂ် တိုၼ်းဢမ်ႇသူင်ႇတူဝ်တႅၼ်း ၶဝ်ႈႁူမ်ႈၸွမ်း ၼႂ်းပၢင်ၵုမ်ဢႃႇသီႇယၼ်ႇ ၼႆႉ မီးမႃး ၶၢဝ်းတၢင်း (2) ပီႊပၢႆယူႇ ယဝ်ႉ။ Photo- Credit

['ၵၢၼ်မိူင်း', 'ၶၢဝ်ႇ', 'ၶၢဝ်ႇၼွၵ်ႈမိူင်း']

2024-01-29T08:45:51

https://ssppssa.org/2024/01/%e1%81%b5%e1%80%b0%e1%81%bc%e1%80%ba%e1%80%b8%e1%80%99%e1%80%ad%e1%80%b0%e1%80%84%e1%80%ba%e1%80%b8%e1%81%b5%e1%82%82%e1%82%83%e1%82%87%e1%80%99%e1%82%83%e1%80%b8-%e1%80%9a%e1%81%a2%e1%80%95%e1%80%ba/

ၵူၼ်းမိူင်းၵႂႃႇမႃး ယၢပ်ႇၵိၼ်းႁႅင်း ယွၼ်ႉၶူဝ်တၢင်းလူႉၵွႆ ၽွင်းပၢင်တိုၵ်းပွတ်းႁွင်ႇ

ဢိင်ၼိူဝ်ပၢင်တိုၵ်း ၼႂ်းမိူင်းတႆးပွတ်းႁွင်ႇ​​ၶၢဝ်းတၢင်း လၢႆလိူၼ်​​သေ သဵၼ်ႈတႃႈသၢႆတၢင်း ၶူဝ်ၶၢတ်ႇၵွႆ လႄႈ ၵူၼ်းမိူင်း ၵႂႃႇမႃးယၢပ်ႇၵိၼ်းႁႅင်း ၼိူဝ်သဵၼ်ႈတၢင်းၵႂႃႇ ဝဵင်းလိူဝ်ႇ -လႃႈသဵဝ်ႈ- မူႇၸေႈ ၸိုင်ႈတႆးပွတ်းႁွင်ႇၼႆယူႇယဝ်ႉ။ ပၢင်တိုၵ်း 1027 လႄႈ ၶွင်ႇသီႇသိုၵ်းမၢၼ်ႈ မႃးၼႆႉ သဵၼ်ႈတၢင်းၵႃး၊ ၶူဝ်ၶၢတ်ႇလူႉၵွႆ မိူၼ်ၼင်ႇ ၶူဝ်ၼမ်ႉသိမ်ႇ ဢၼ်မီးၼႂ်းဝူင်ႈၵၢင် ၵျွၵ်ႉမႄး – သီႇပေႃႉ ၊ ၶူဝ်တႃႈတႄႈ သဵၼ်ႈတၢင်း သီႇပေႃႉ – ၼမ်ႉတူႈ၊ ၶူဝ်ၼမ်ႉမ ၸေႈဢႅၼ်ႇ ၼႃးလၢင်း ဝူင်ႈၵၢင် သီႇပေႃႉ – လႃႈသဵဝ်ႈ၊ ၶူဝ်ၼမ်ႉတူႈ – လႃႇသဵဝ်ႈ ၸိူဝ်းၼႆႉ သဵၼ်ႈတၢင်းၵႂႃႇမႃး ၶၢတ်ႇဝႆႉ​​သေ ၵူၼ်းမိူင်းၸိူဝ်းလူဝ်ႇၵႂႃႇ လူဝ်ႇပႆ လႆႈၸႂ်ႉတၢင်းထိူၼ်ႇ တၢင်းၵျၢမ်း လႄႈ မီးလွင်ႈယၢပ်ႇၽိုတ်ႇႁႅင်း ။ ၸဝ်ႈလႅင်းၵႃး ၵေႃႉၼိုင်ႈလၢတ်ႈၼႄဝႃႈ “ ယၢမ်းလဵဝ် ႁဝ်းၶႃႈလႅၼ်ႈလႅင်းၵႃး လႃႈသဵဝ်ႈ၊ မူႇ​​ၸေႈ၊ ဝဵင်းလိူဝ်ႇ ၸိူဝ်းၼႆႉ လႆႈ​​ႁေႃႈတၢင်းၵျၢမ်းတၢင်းၵႆ ၸွမ်းႁူၺ်ႈလွႆ ၶၢဝ်းတၢင်း (4) ဝၼ်းတေႃႇ (5) ဝၼ်းဢေႃႈ၊ ပေႃးၸွမ်းတၢင်း ဢမ်ႇပဵၼ်သင်လႄႈ ဢမ်ႇမီးၵႃးၶမ် တႄႉ မွၵ်ႈ (3) တေႃႇ (4) ဝၼ်း၊ ​​ပေႃးၵႃးၶမ် လႆႈၸၢင်ႈပိူၼ်ႈတိုတ်ႉၸၼ် 30,000 မိုၼ်ႇထိုင် 50,000 မိုၼ်ႇ ၊ ၵႃးလူႉၵွႆၼမ် ၸိူဝ်းၼႆၶႃႈ​​ဢေႃႈ ဝႃႈၼႆ ။

['ၶၢဝ်ႇ', 'ၶၢဝ်ႇၵူႈလွင်ႈလွင်ႈ', 'ၵၢၼ်သိုၵ်း', 'သုၼ်ႇလၢႆႈၵူၼ်း']

2024-01-29T08:41:09

https://ssppssa.org/2024/01/%e1%80%99%e1%80%af%e1%81%b5%e1%80%ba%e1%82%89%e1%81%b8%e1%80%af%e1%80%99%e1%80%ba%e1%80%b8%e1%81%bc%e1%81%a2%e1%80%84%e1%80%ba%e1%80%b8%e1%80%9a%e1%80%ad%e1%80%84%e1%80%ba%e1%80%b8-%e1%80%84-4/

မုၵ်ႉၸုမ်းၼၢင်းယိင်း ငဝ်ႈငုၼ်း SSPP/SSA လူင်းႁူပ်ႉထူပ်းပေႃႈမႄႈၵူၼ်းမိူင်း ၼႂ်းပိုၼ်ႉတီႈ ဝဵင်းမႂ်ႇဝၢၼ်ႈႁႆး

မုၵ်ႉၸုမ်းၼၢင်းယိင်း ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA လူင်းႁူပ်ႉထူပ်းပေႃႈမႄႈ ၵူၼ်းမိူင်း ၼႂ်းဢိူင်ႇၵဵင်းလိူၼ် ၸေႈဝဵင်းဝၢၼ်ႈႁႆး ၸိုင်ႈတႆးပွတ်းၸၢၼ်း ၼႆယူႇယဝ်ႉ။ မိူဝ်ႈဝၼ်းထီႉ 26/01/2024 ၼၼ်ႉ ယူႇတီႈမုၵ်ႉၸုမ်းၼၢင်းယိင်း ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA လႆႈလူင်းပိုၼ်ႉတီႈ ႁူပ်ႉထူပ်းပေႃႈမႄႈ ၵူၼ်းမိူင်း ၼႂ်းဢိူင်ႇၵဵင်းလိူၼ် ၸေႈဝဵင်းဝၢၼ်ႈႁႆး ၊ ၼႂ်း ၼၼ်ႉ မီးမုၵ်ႉၸုမ်းၼၢင်းယိင်း ၶိုၼ်ႈႁွတ်ႈ (52) ၵေႃႉ ၊ ၽူႈယႂ်ႇၵူၼ်းလူင် လႄႈ ပေႃႈမႄႈၵူၼ်းမိူင်း ၼႂ်းဢိူင်ႇၵဵင်းလိူၼ် ၸၢႆး(52) ၵေႃႉ ၊ ယိင်း (256) ၵေႃႉ ၊ႁူမ်ႈသဵင်ႈၽူႈ ၶိုၼ်ႈႁွတ်ႈမီး(360) ၵေႃႉ ၼႆယူႇယဝ်ႉ။ တီႈပၢင်ႁူပ်ႉထူပ်းၼၼ်ႉ ယူႇတီႈမုၵ်ႉၸုမ်းၼၢင်းယိင်း လႆႈသိုပ်ႇတူၺ်းထိုင်ပၼ်ပၢႆးယူႇလီပေႃႈမႄႈၵူၼ်းမိူင်း လႆႈၸွႆႈယူတ်းယႃပၼ်တၢင်းပဵၼ် သႅၼ်းလုၵ်ႈ (74) ၵေႃႉ ၊ သႅၼ်း ၵူၼ်းလူင်(219) ၵေႃႉ လိူဝ်သေၼၼ်ႉ လႆႈၸွႆႈပၼ် ပႃး ၶိူင်ႈၶူဝ်းတႃႇလဵင်ႉလုၵ်ႈဢွၼ်ႇ တီႈမႄႈပႃးတွင်ႉ ၸဵမ် ၸိူဝ်းၼႆႉယူႇယဝ်ႉ။ တွၼ်ႈတႃႇပေႃႈမႄႈၵူၼ်းမိူင်း ၸိူဝ်းပဵၼ်ၼၢင်းယိင်းၼႂ်း ပိုၼ်ႉတီႈ ပေႃးတေမီးပၢႆးႁူႉပၢႆးႁၼ် ၵဵဝ်ႇလူၺ်ႈလွင်ႈသုၼ်ႇလႆႈသုၼ်ႇပဵၼ်ၼၢင်းယိင်းလႄႈသင် တႃႇပၢႆးယူႇလီလႄႈသင် ယူႇတီႈမုၵ်ႉၸုမ်းၼၢင်းယိင်း SSPP သေ တေသိုပ်ႇၶတ်းၸႂ် လူင်းပိုၼ်ႉတီႈ ႁူပ်ႉထူပ်းပေႃႈမႄႈ ၵူၼ်းမိူင်း လႄႈ ပိၼ်ႇပၢႆႇ တၢင်းႁူႉၵၼ်ၵႂႃႇယူႇယဝ်ႉ။

['ၸုမ်းၼၢင်းယိင်း']

2024-01-26T09:50:53

https://ssppssa.org/2024/01/%e1%80%90%e1%80%95%e1%80%ba%e1%82%89%e1%80%9e%e1%80%ad%e1%80%af%e1%81%b5%e1%80%ba%e1%80%b8%e1%80%95%e1%80%a2%e1%80%b0%e1%80%9d%e1%80%ba%e1%82%89pnlo-pnla-%e1%80%9c%e1%82%84%e1%82%88-%e1%80%90%e1%80%95/

တပ်ႉသိုၵ်းပဢူဝ်ႉPNLO/PNLA လႄႈ တပ်ႉသိုၵ်း KNDF တင်းၶွင်ႇသီႇသိုၵ်းမၢၼ်ႈ တိုၵ်ႉသိုပ်ႇပဵၼ်ပၢင်တိုၵ်းၵၼ် ၼႂ်းဝဵင်းသီႇသႅင်ႇ

တပ်ႉသိုၵ်းၸိူဝ်ႉၸၢတ်ႈပဢူဝ်ႉ PNLO/PNLA လႄႈ တပ်ႉသိုၵ်းၵူၼ်းမိူင်း KNDF ႁူမ်‌ႈၵၼ်သေ ၶိုၼ်ႈသိမ်းတပ်ႉ သိုၵ်းမၢၼ်ႈ တီႈဝဵင်းသီႇသႅင်ႇ ၸိုင်ႈတႆးပွတ်းၸၢၼ်း ၼႆႉယူႇယဝ်ႉ။ တႄႇဢဝ်ဝၼ်းထီႉ 24-01-2024 မႃးၼႆႉ ယူႇတီႈၶွင်ႇသီႇသိုၵ်းမၢၼ်ႈ ဢဝ်ႁိူၼ်းမိၼ်ပွႆႈမၢၵ်ႇသႂ်ႇ တီႈဝၢၼ်ႈပုင်ႇလွင်း ဢၼ်မီးၽၢႆႇတၢင်းၸၢၼ်း ဝဵင်းသီႇသႅင်ႇသေ တပ်ႉသိုၵ်းၸိူဝ်ႈၸၢတ်ႈပဢူဝ်ႉPNLA /KNDF လႆႈပဵၼ်ပၢင်တိုၵ်းၵၼ်သေ ၽၢႆႇသိုၵ်း PNLA/ KNDF ၶိုၼ်ႈပိုတ်းယိုဝ်း ယိုတ်းသိမ်းတပ်ႉသိုၵ်းမၢၼ်ႈ ၶမရ ၄၂၃ ၊ ၄၁၄ တီႈဝဵင်းသီႇသႅင်ႇ သၢႆးၶၢဝ်ၸိူဝ်းၼႆႉ ပူၵ်းၸွမ်ပိဝ်ဝႆႉၸိူဝ်ႉၸၢတ်ႈပဢူဝ်းဝႆႉ ၼႆယူႇယဝ်ႉ။ ၵူၼ်းမိူင်းၵေႃႉၼိုင်ႈလၢတ်ႈဝႃႈ- “ လႆႈႁၼ်ၶဝ်ႈမႃးၵမ်ႉဢွၼ်ႇသေ ၶဝ်ႈတိုၵ်းဢဝ် ယဝ်ႉဢေႃႈ၊ ဝၢႆးသေ တပ်ႉသိုၵ်း PNLA သိမ်းလႆႈယဝ်ႉၵေႃႈ ၶွင်ႇသီႇသိုၵ်းမၢၼ်ႈ ၶိုၼ်းဢဝ်ႁိူဝ်းမိၼ်မႃး ပွႆႇမၢၵ်ႇသႂ်ႇၸွမ်းႁိမ်းႁွမ်းဝၢၼ်ႈၵူၼ်းဢေႃႈ။ ယွၼ်ႉသိုၵ်းမၢၼ်ႈဢဝ် ႁိူဝ်းမိၼ်မႃးၸွႆႈ လႄႈ လႆႈတူၵ်းတိူဝ်ႉၺႃး ၵူၼ်းဝၢၼ်ႈမျႃႇၵၢၼ်ႇတႃႇ ၊ တိူဝ်ႉၺႃးႁိူၼ်းၵူၼ်းမိူင်း ၾႆးမႆႈၵႂႃႇဢေႃႈ ၊ ၵွပ်ႈပၢင်တိုၵ်း တိုၵ်ႉသိုပ်ႇလၢမ်းယူႇ လႄႈ ၽၢႆႇသိုၵ်းမၢၼ်ႈၵေႃႈ ဢဝ်ႁိူဝ်းမိၼ်မႃးပွႆႇမၢၵ်ႇသႂ်ႇ ၼႂ်းဝၢၼ်ႈထႅင်ႈ မွၵ်ႈ(12)လုၵ်ႈဢေႃႈ ” ၼႆႉယူႇယဝ်ႉ။ ဢွင်ႈတီႈ မၢင်ၸိူဝ်းၵေႃႈ သွင်ၽၢႆႇတိုၵ်ႉၶႅင်ႇၶႅၼ် မၢင်တီႈ တိုၵ်ႉသိုပ်ႇပဵၼ်ပၢင်တိုၵ်းၵၼ်လႄႈ ၽၢႆႇသိုၵ်းမၢၼ်ႈ ဢဝ်ႁိူဝ်းမိၼ်တိုၵ်ႉမႃးတိုၵ်ႉၸွႆႈ တိူဝ်ႉၺႃးႁိူၼ်းၵူၼ်းမိူင်းလူႉၵွႆၸွမ်းတင်းၼမ်ယူႇယဝ်ႉ။ယၢမ်းလဵဝ်ၵူၼ်းမိူင်း ပိုၼ်ႉတီႈ သီႇသႅင်ႇ သၢႆးၶၢဝ် ၸိူဝ်းဢၼ်ၸမ်ဢွင်ႈတီႈ ပၢင်တိုၵ်းၸိူဝ်းၼႆႉ ဢွၼ်ၵၼ်ပၢႆႈၶဝ်ႈၼႂ်းဝဵင်းလူင်တူၼ်ႈတီးသေတႃႉ ထုၵ်ႇသိုၵ်းမၢၼ်ႈႁေႉႁၢမ်ႈၸႅတ်ႈထၢမ်ႁၢဝ်ႈႁႅင်း ၵူၺ်းဢမ်ႇၵႃး လွင်ႈယူႇသဝ်းတီႈပၢႆႈၽေးသိုၵ်းၵေႃႈ မီးလွင်ႈယၢပ်ႇၽိုတ်ႇ ယူႇယဝ်ႉ။ Photo -Credit

['ၵၢၼ်သိုၵ်း']

2024-01-25T09:26:01

https://ssppssa.org/2024/01/%e1%80%9e%e1%80%ad%e1%80%af%e1%81%b5%e1%80%ba%e1%80%b8%e1%80%9a%e1%81%a2%e1%80%84%e1%80%ba%e1%80%b8-bgf-%e1%80%90%e1%80%b1%e1%81%bd%e1%81%a2%e1%80%90%e1%80%ba%e1%82%87%e1%80%a2%e1%80%bd%e1%81%b5/

သိုၵ်းယၢင်း (BGF) တေၽၢတ်ႇဢွၵ်ႇတႂ်ႈၶွင်ႇသီႇသိုၵ်းမၢၼ်ႈသေ တေဢၢၼ်းၸုၵ်းမၼ်ႈႁင်းၵူၺ်း

တပ်ႉသိုၵ်းယၢင်း ဢၼ်ပဵၼ်တပ်ႉပႂ်ႉလႅၼ်လိၼ်(BGF) ဢၼ်ႁူမ်ႈႁွမ်းၸွမ်းၶွင်ႇသီႇသိုၵ်းမၢၼ်ႈၼၼ်ႉ တႅပ်းတတ်းဝႃႈ တေဢမ်ႇသိုပ်ႇဢဝ် လွင်ႈၵမ်ႉၸွႆႈတီႈၶွင်ႇသီႇသိုၵ်းမၢၼ်ႈထႅင်ႈသေ တေၸုၵ်းမၼ်ႈၵႂႃႇႁင်းၵူၺ်း ၼႆယူႇယဝ်ႉ။ တပ်ႉသိုၵ်းယၢင်း ဢၼ်ပဵၼ်တပ်ႉပႂ်ႉလႅၼ်လိၼ်(BGF) ဢၼ်ၸွမ်သိုၵ်း သေႃးၶျိတ်ႉတူႇဢွၼ်ႁူဝ် ၊ ဢၼ်ႁပ်ႉ ဢဝ်ငိုၼ်းလိူၼ်/လွင်ႈၸွႆႈထႅမ်တီႈၶွင်ႇသီႇသိုၵ်းမၢၼ်ႈသေ တူင်ႉၼိုင်ယူႇတႂ်ႈဢၢမ်းၼၢတ်ႈၶွင်ႇသီႇသိုၵ်းမၢၼ်ႈမႃး ၼၼ်ႉ ဢိင်ၼိူဝ် ၶေႃႈတုၵ်းယွၼ်း လုၵ်ႈတပ်ႉ ၾၢႆႇတႂ်ႈတုၵ်းယွၼ်းဝႃႈ ၼင်ႇႁိုဝ် ယၢင်းတေႃႇယၢင်း တေဢမ်ႇလႆႈသိုပ်ႇပိုတ်းယိုဝ်းၶႃႈႁႅမ်ၵၼ်ထႅင်ႈၼၼ်ႉ မီးၵၢင်ၸႂ် ၶႆႈၽၢတ်ႇဢွၵ်ႇ တႂ်ႈဢၢမ်းၼၢတ်ႈၶွင်ႇသီႇသိုၵ်းမၢၼ်ႈ ၊ ဢမ်ႇၶႆႈႁပ်ႉဢဝ်လွင်ႈၵမ်ႉၸွႆႈတီႈၶွင်ႇသီႇသိုၵ်းမၢၼ်ႈ ယဝ်ႉ ၼႆလႄႈ ယူႇတီႈ ၽူႈဢွၼ်ႁူဝ် သိုၵ်းယၢင်း တပ်ႉပႂ်ႉလႅၼ်လိၼ်(BGF)ၶဝ် ၸင်ႇလႆႈတႅပ်းတတ်းတူၵ်းလူင်း တႃႇတေ ၽၢတ်ႇဢွၵ်ႇ ၶွင်ႇသီႇသိုၵ်းမၢၼ်ႈ ၼႆယူႇယဝ်ႉ။ ဢိင်ၼိူဝ်ၶေႃႈတူၵ်းလူင်း ၼၼ်ႉသေ တေႇဢဝ်ၼႂ်းဝၼ်း ထီႉ 21/01/2024 ၼၼ်ႉ တပ်ႉသိုၵ်းယၢင်း တပ်ႉပႂ်ႉလႅၼ်လိၼ်(BGF) ဢၼ်လႆႈၵႂႃႇတူင်ႉၼိုင်ၸွမ်းၶွင်ႇသီႇသိုၵ်း မၢၼ်ႈ ၸွမ်းပိုၼ်ႉတီႈ ၼႂ်းၼႃႈသိုၵ်းၵူႈတီႈတီႈၼၼ်ႉ လႆႈ ဢွၼ်ၵၼ်ထွႆထွၼ်ပွၵ်ႈၶိုၼ်း တီႈငဝ်ႈငုၼ်း သိုၵ်းယၢင်း (BGF) တီႈဝဵင်းလူင်မျႃႉဝတီႇၼၼ်ႉ ၼႆယူႇယဝ်ႉ။ ၵဵဝ်ႇလူၺ်ႈလွင်ႈ သိုၵ်းယၢင်း တပ်ႉပႂ်ႉလႅၼ်လိၼ်(BGF) တူၵ်းလူင်းတႃႇတေၽၢတ်ႇဢွၵ်ႇ တီႈၶွင်ႇသီႇသိုၵ်းမၢၼ်ႈ ၼႆႉသေ မိူဝ်ႈဝၼ်းထီႉ 23/01/2024 ၼၼ်ႉ ၵႅမ်ၸွမ်ၸိၵ်း သိုၵ်းမၢၼ်ႈမိၼ်းဢွင်ႇလႅင်ႇ ဢၼ်ပဵၼ် ၸွမ်သိုၵ်းလူင် သူဝ်းဝိၼ်း လႆႈဢွၵ်ႇၶၢဝ်းတၢင်း မိူဝ်းႁူပ်ႉထူပ်း သူၼ်းတုမ် ၶိုၼ်း ၽူႈဢွၼ်ႁူဝ် သိုၵ်းယၢင်း(BGF) တပ်ႉပႂ်ႉလႅၼ်လိၼ် တီႈဝဵင်းၽႃဢၼ်ႈ မိူင်းယၢင်းၼၼ်ႉၵေႃႈ ဢမ်ႇမီးလွင်ႈဢွင်ႇမၢၼ် ၊ ယူႇတီႈသိုၵ်းယၢင်း တပ်ႉပႂ်ႉလႅၼ်လိၼ် (BGF) တေႉ တိုၵ်ႉသိုပ်ႇတုၵ်းယွၼ်းဝႆႉ တႃႇတေလႆႈၶႂၢင်ႉ ၽၢတ်ႇဢွၵ်ႇၸွမ်း ၶွင်ႇသီႇသိုၵ်းမၢၼ်ႈ ၼၼ်ႉ ၼႆယူႇယဝ်ႉ။

['ေၶႃႈပိုၼ်ၽၢဝ်ႇ', 'ၵၢၼ်မိူင်း', 'ၶၢဝ်ႇ']

2024-01-24T07:58:11

https://ssppssa.org/2024/01/%e1%81%b5%e1%80%b0%e1%81%bc%e1%80%ba%e1%80%b8%e1%80%99%e1%80%ad%e1%80%b0%e1%80%84%e1%80%ba%e1%80%b8%e1%80%9d%e1%81%a2%e1%81%bc%e1%80%ba%e1%82%88%e1%80%90%e1%81%a2%e1%81%bc%e1%80%ba%e1%82%87%e1%80%9c/

ၵူၼ်းမိူင်းဝၢၼ်ႈတၢၼ်ႇလုၼ်ႇ ၸေႈဝဵင်းလႃႈသဵဝ်ႈ ၵူဝ်ပဵၼ်ပၢင်တိုၵ်းလႄႈ ဢွၼ်ၵၼ်ငိူင်ႉပၢႆႈထႃႈ

ယွၼ်ႉသၢႆသိုၵ်းၵဝ်ႈၵၢင်ႉ MNDAA ၶဝ်ႈဢဝ်တီႈယူႇ ထိုင် ၼႂ်းဝၢၼ်ႈ တၢၼ်ႇလုၼ်ႇ ထုင်ႉၼမ်ႉပွင်ႈ ၸေႈဝဵင်းလႃႈ သဵဝ်ႈလႄႈ ၵူၼ်းဝၢၼ်ႈၵူဝ်ပဵၼ်ပၢင်တိုၵ်း ၵူဝ်ႁိူဝ်းမိၼ်ၵႂႃႇ ပွႆႇမၢၵ်ႇသေ လႆႈဢွၼ်ၵၼ် ပွႆႇပႅတ်ႈႁိူၼ်းယေး တိူၵ်ႇႁႆႈလွၵ်း ၼႃး ငိူင်ႉပၢႆႈထႃႈ ၵမ်ႈၽွင်ႈၼႆယူႇယဝ်ႉ။ မိူဝ်ႈဝၼ်းထီႉ 22/01/2024 မိူဝ်ႈၶၢဝ်းယၢမ်း ၵၢင်ၼႂ် 8:00 မူင်းၼၼ်ႉ သၢႆသိုၵ်း ၵဝ်ႈၵၢင်ႉ MNDAA ႁႅင်းသိုၵ်း မွၵ်ႈ (100) ၵေႃႉႁိမ်းႁွမ်း တူင်ႉၼိုင် ၶဝ်ႈၽႅဝ်ထိုင် ၼႂ်းဝၢၼ်ႈ တၢၼ်ႇလုၼ်ႇ ဢိူင်ႇတၢၼ်ႇလုၼ်ႇ ထုင်ႉၼမ်ႉပွင်ႈ ၸေႈဝဵင်းလႃႈသဵဝ်ႈလႄႈ ၵူၼ်းဝၢၼ်ႈဢွၼ်ၵၼ်မႆႈၸႂ် ၵူဝ်ပဵၼ်ပၢင် တိုၵ်းၼႂ်းဝၢၼ်ႈ ၵူဝ်ၾၢႆႇသိုၵ်းမၢၼ်ႈ ၸႂ်ႉၵွင်ႈလူင် ၊ ၸႂ်ႉ ႁိူဝ်းမိၼ်သေ တိုၵ်းယိုဝ်း ယွၼ်ႉၼၼ် ၵူၼ်းဝၢၼ်ႈ ၸၢႆး (19) ၵေႃႉ ၊ ယိင်း(21) ၵေႃႉ ႁူမ်ႈသဵင်ႈ (40) ၵေႃႉ ဢွၼ် ၵၼ်ပၢႆႈၵႂႃႇ သွၼ်ႈသဝ်းဝႆႉတီႈ ဝတ်ႉၵျွင်းမုၼ်ၸဝ်ႈ ၵျွင်းသၢင်ႇၶမ်း ဝၢၼ်ႈၵုင်းပဝ်း ဢိူင်ႇၼႃးၼိဝ်ႉ ၸေႈဝဵင်းလႃႈသဵဝ်ႈ ၼၼ်ႉယူႇယဝ်ႉ။

['ၵၢၼ်သိုၵ်း', 'သုၼ်ႇလၢႆႈၵူၼ်း', 'ၶၢဝ်ႇၵူႈလွင်ႈလွင်ႈ', 'ၶၢဝ်ႇ']

2024-01-23T07:57:10

https://ssppssa.org/2024/01/%e1%80%9c%e1%80%b0%e1%80%90%e1%80%ba%e1%82%89%e1%81%b5%e1%82%83%e1%80%b8%e1%81%b5%e1%80%b0%e1%81%bc%e1%80%ba%e1%80%b8%e1%80%99%e1%80%ad%e1%80%b0%e1%80%84%e1%80%ba%e1%80%b8%e1%80%9a%e1%80%b5%e1%80%95/

လူတ်ႉၵႃးၵူၼ်းမိူင်းယဵပ်ႇၺႃးမၢၵ်ႇ ႁိမ်းၶူဝ်တႃႈတေႈ ၸေႈဝဵင်းသီႇပေႃႉထႅင်ႈ

လူတ်ႉၵႃးၵူၼ်းမိူင်း လမ်းၼိုင်ႈ ၽွင်းတိုၵ်ႉလုၵ်ႉၾၢႆႇၸေႈဝဵင်းသီႇပေႃႉ တေဢၢၼ်းတႆႇၶူဝ်တႃႈတေႈ သေ ဢၢၼ်းမိူဝ်း ၾၢႆႇၸေႈဝဵင်းၼမ်ႉတူႈၼၼ်ႉ မၢၵ်ႇလူတ်ႉၾၢႆႇၼႃႈယဵပ်ႇၺႃးမၢၵ်ႇ လႄႈ မၢၵ်ႇတႅၵ်ႇတိူဝ်ႉၺႃးလူတ်ႉၵႃးလူႉၵွႆ ၊ ၵူၼ်းႁေႃႈၵႃးလႆႈတၢင်းမၢတ်ႇၸဵပ်းၸွမ်း ၼႆယူႇယဝ်ႉ။ မိူဝ်ႈဝႃးဝၼ်းထီႉ 22/01/2024 ၶၢဝ်းယၢမ်း 11:35 မူင်း ၼၼ်ႉ လူတ်ႉၵႃး ၵူၼ်းမိူင်း တၢင်ႇၶူဝ်းၵုၼ်ႇ လမ်းၼိုင်ႈ လုၵ်ႉတၢင်းၾၢႆႇဝဵင်းသီႇပေႃႉ ဢၢၼ်းၶၢမ်ႈ ၶူဝ်တႃႈတေႈ ဢၼ်မီးႁိမ်းဝၢၼ်ႈတႃႈတေႈ ဢိူင်ႇတႃႈတေႈ ၸေႈဝဵင်းသီပေႃႉ တီႈၼႃႈလိၼ်ၶႅၼ်ႈသီႇပေႃႉ-ၼမ်ႉတူႈ ၼၼ်ႉလႄႈ တေဢၢၼ်းမိူဝ်းၾၢႆႇ ၸေႈဝဵင်းၼမ်ႉတူႈ မိူဝ်ႈၽွင်းၸမ်ၽႅဝ်ၼိူဝ်ၶူဝ်တႃႈတေႈၼၼ်ႉ မၢၵ်ႇလူတ်ႉတၢင်းၼႃႈ ယဵပ်ႇ ၺႃးမၢၵ်ႇမႅင်းၾၢင်လိၼ်လုၵ်ႈၼိုင်ႈ တႅၵ်ႇတိူဝ်ႉၺႃးႁူဝ် ၵႃးလူႉၵွႆတၢင်းၼမ် ၽူႈၸၢႆးသႅၼ်းဢႃႇယုႉ (30) ပၢႆ ဢၼ်ပဵၼ် ၵူၼ်းႁေႃႈၵႃးလႆႈတၢင်းမၢတ်ႇၸဵပ်း ၸွမ်းမိုဝ်းၾၢႆႇ ၶႂႃ ၊ ၸွမ်းတူဝ်ၵမ်ႈၽွင်ႈ သေ ၸုမ်းၾၢႆႇၸွႆႈထႅမ် (ၼႄႇသီးမၶျႃး) လႆႈၸွႆႈဢဝ်တူဝ်ၵူၼ်းပဵၼ်သူင်ႇပၼ်တီႈႁူင်းယႃလူင် ဝဵင်းသီႇပေႃႉၼႆယူႇယဝ်ႉ။ ယွၼ်ႉႁွႆးမၢတ်ႇၸဵပ်း ဢၼ်ၸၢၵ်ႇမၢၵ်ႇတိူဝ်ႉၺႃးၼၼ်ႉ ႁၢဝ်ႈႁႅင်းဝႆႉ လႄႈ လုၵ်ႉတီႈႁူင်းယႃလူင်ဝဵင်းသီႇပေႃႉသေ ယူႇတီႈၸုမ်း ၾၢႆႇၸွႆႈထႅမ် (မျၢတ်ႉမုၼ်ႇၸေႇတၼႃႇ) လႆႈ ၶိုၼ်းဢဝ်တူဝ်ၵူၼ်းပဵၼ် သိုပ်ႇသူင်ႇ ယူတ်းယႃတူဝ်ဝႆႉ တီႈႁူင်းယႃလူင်ဝဵင်းလိူဝ်ႇ ၼႆယူႇယဝ်ႉ။ မိူဝ်ႈပူၼ်ႉမႃးဝၼ်းထီႉ 19/01/2024 ၼၼ်ႉၵေႃႈ ထေႃႈ ၵူၼ်းမိူင်း ဝၢၼ်ႈၼႃးၶူဝ်လႅင် ဢိူင်ႇပၢင်လူင် ၸေႈဝဵင်းၼမ်ႉတူႈ လုၵ်ႉတီႈဝၢၼ်ႈၵုၼ်ၸၢင်ႈလဵၵ်း ဢိူင်ႇတႃႈတေႈ ၸေႈဝဵင်းသီႇပေႃႉ သေ တၢင်ႇၶဝ်ႈသၢၼ် ဢၢၼ်းမိူဝ်း ၶိုၼ်းတီႈႁိူၼ်း မိူဝ်ႈၽွင်းႁွတ်ႈၽႅဝ်ၼိူဝ်ၶူဝ်တႃႈတေႈ ၼၼ်ႉ လႆႈယဵပ်ႇၺႃးမၢၵ်ႇမႅင်းၾၢင်လိၼ်လုၵ်ႈၼိုင်ႈ တႅၵ်ႇတိူဝ်ႉ ၺႃးမၢၵ်ႇထေႃႈၾၢႆႇလင် လႆႈလူႉၵွႆၵႂႃႇ ၼႆယူႇယဝ်ႉ။ Photo- ၸုမ်းၸွႆႈထႅမ် (ၼႄႇသီးမၶျႃး)(နယ်စည်းမခြား)

['ၵၢၼ်သိုၵ်း', 'ၶၢဝ်ႇၵူႈလွင်ႈလွင်ႈ']

2024-01-23T07:53:43

https://ssppssa.org/2024/01/%e1%80%9e%e1%80%ad%e1%80%af%e1%81%b5%e1%80%ba%e1%80%b8%e1%80%99%e1%81%a2%e1%81%bc%e1%80%ba%e1%82%88-%e1%81%b8%e1%82%82%e1%80%ba%e1%82%89%e1%82%81%e1%80%ad%e1%80%b0%e1%80%9d%e1%80%ba%e1%80%b8%e1%80%99/

သိုၵ်းမၢၼ်ႈ ၸႂ်ႉႁိူဝ်းမိၼ်ပွႆႇမၢၵ်ႇ တိူဝ်ႉၺႃးႁိူၼ်းၵူၼ်း မိူင်း လႄႈ ၵူၼ်းမိူင်းလႆႈတၢင်းမၢတ်ႇၸဵပ်းၸွမ်းသွင်ၵေႃႉ ၼႂ်းၸေႈဝဵင်းၼမ်ႉၶမ်း

မိူဝ်ႈၽွင်းသိုၵ်းၶၢင် KIA တင်း ၶွင်ႇသီႇသိုၵ်းမၢၼ်ႈ ပဵၼ်ပၢင်တိုၵ်းၵၼ် ႁိမ်းဝၢၼ်ႈၵွင်းၶၢင် ထုင်ႉလွႆႁူဝ်သိူဝ် ၸေႈဝဵင်းၼမ်ႉၶမ်း ၼၼ်ႉ ၾၢႆႇၶွင်ႇသီႇသိုၵ်းမၢၼ်ႈ လႆႈၸႂ်ႉႁိူဝ်းမိၼ် ပွႆႇမၢၵ်ႇ တိုၵ်းယိုဝ်းၸွႆႈလႄႈ မၢၵ်ႇဢၼ်သိုၵ်းမၢၼ်ႈပွႆႇၼၼ်ႉ တိူဝ်ႉၺႃးႁိူၼ်းၵူၼ်းမိူင်း လႆႈလူႉၵွႆ (1) လင် ၵူၼ်းမိူင်းလႆႈၺႃးမၢတ်ႇၸဵပ်းၸွမ်းထႅင်ႈ (2) ၵေႃႉ ၼႆယူႇယဝ်ႉ။ မိူဝ်ႈဝၼ်းထီႉ 19/01/2024 ၼၼ်ႉ သိုၵ်းၶၢင် KIA ႁႅင်းသိုၵ်း(200) ပၢႆ ၶိုၼ်ႈဝႅတ်ႉလွမ်ႉ တပ်ႉပၢင်သဝ်း ၶွင်ႇသီႇသိုၵ်းမၢၼ်ႈ တီႈတပ်ႉႁိမ်းဝၢၼ်ႈၵွင်းၶၢင် ဢၼ်မီးၸမ် ႁိမ်း ႁူဝ်ႉမိူင်းၶႄႇ ၼႂ်းၸေႈဝဵင်းၼမ်ႉၶမ်း ၼၼ်ႉသေ တုၵ်းယွၼ်းႁႂ်ႈၶွင်ႇသီႇသိုၵ်းမၢၼ်ႈ ဝၢင်းၶိူင်ႈပၼ် ၊ ၾၢႆႇ ၶွင်ႇသီႇသိုၵ်းမၢၼ်ႈ ဢမ်ႇယွမ်း ဝၢင်းၶိူင်ႇ လႄႈ သွင်ၾၢႆႇ လႆႈပဵၼ်ပၢင်တိုၵ်းၵၼ် ၶၢဝ်းတၢင်းႁိုင်(3)ဝၼ်း တေႃႇထိုင်ဝၼ်းထီႉ 21/01/2024 ယူႇယဝ်ႉ။ ၼႂ်းဝၼ်းပၢင်တိုၵ်း ဝၼ်းထီႉ 21/01/2024 ၼၼ်ႉ ၾၢႆႇ ၶွင်ႇသီႇသိုၵ်းမၢၼ်ႈ ၸႂ်ႉႁိူဝ်းမိၼ်တိုၵ်း(1) လမ်း တိုၵ်းယိုဝ်း ပွႆႇမၢၵ်ႇသႂ်ႇ ႁိမ်းဝၢၼ်ႈ ဝဵင်းလူင် (1) လုၵ်ႈ ၊ တီႈတပ်ႉၵဝ်ႇသိုၵ်းမၢၼ်ႈ ႁိမ်းဝၢၼ်ႈၵွင်းၶၢင်(1) လုၵ်ႈ ၊ တီႈဝၢၼ်ႈ ၼွင်မႃႉလူင်(1) လုၵ်ႈ တိူဝ်ႉၸပ်းႁိူၼ်းၵူၼ်းမိူင်း တီႈဝၢၼ်ႈၼွင်မႃႉလူင် ထုင်ႉလွႆႁူဝ်သိူဝ် ၸေႈဝဵင်းၼမ်ႉၶမ်း လႆႈလူႉၵွႆ (1) လင် ၸဝ်ႈႁိူၼ်း သႅၼ်းဢႃႇယု (60) ပၢႆ သွင်ၽူဝ်မေး လႆႈမၢတ်ႇၸဵပ်းၸွမ်းႁၢဝ်ႈႁႅင်း ၼႆယူႇယဝ်ႉ။ၵူၼ်းမိူင်းဢၼ်မၢတ်ႇၸဵပ်းၸွမ်း (2) ၵေႃႉၼၼ်ႉ လႆႈသူင်ႇ ယူတ်းယႃတူဝ်ဝႆႉ တီႈႁူင်းယႃလူင် ဝဵင်းမူႇၸေႈ ၼႆယဝ်ႉ။

['ၶၢဝ်ႇ', 'ၵၢၼ်သိုၵ်း', 'ၶၢဝ်ႇၵူႈလွင်ႈလွင်ႈ']

2024-01-19T12:59:07

https://ssppssa.org/2024/01/%e1%80%91%e1%80%b1%e1%82%83%e1%82%88%e1%81%b5%e1%80%b0%e1%81%bc%e1%80%ba%e1%80%b8%e1%80%99%e1%80%ad%e1%80%b0%e1%80%84%e1%80%ba%e1%80%b8%e1%80%9a%e1%80%b5%e1%80%95%e1%80%ba%e1%82%87%e1%81%ba%e1%82%83/

ထေႃႈၵူၼ်းမိူင်းယဵပ်ႇၺႃးမၢၵ်ႇ ဢၼ်သိုၵ်းမၢၼ်ႈႁၢင်ႈၵၢင်ဝႆႉ ၼႂ်းၸေႈဝဵင်းသီႇပေႃႉ

ထေႃႈၵူၼ်းမိူင်းတၢင်ႇၶဝ်ႈသၢၼ် မိူဝ်ႈၽွင်းႁေႃႈၶၢမ်ႈ ၶူဝ်တႃႈတေႈ ၸေႈဝဵင်းသီႇပေႃႉၼၼ်ႉ မၢၵ်ႇထေႃႈယဵပ်ႇၺႃး မၢၵ်ႇဢၼ်သိုၵ်းမၢၼ်ႈႁၢင်ႈၵၢင်ဝႆႉ ၼိူဝ်ၶူဝ်ၼၼ်ႉသေ မၢၵ်ႇတႅၵ်ႇတိူဝ်ႉၺႃးထေႃႈ လႆႈလူႉၵွႆၵႂႃႇၵမ်ႈၽွင်ႈ ၼႆယူႇယဝ်ႉ။ မိူဝ်ႈဝၼ်းထီႉ 19/01/2024 ၶၢဝ်းယၢမ်း 13:32 မူင်း ၼၼ်ႉ လုင်းၶမ်း သႅၼ်းဢႃႇယု (40) ပၢႆ ၵူၼ်းဝၢၼ်ႈၼႃး ၶူဝ်လႅင် ဢိူင်ႇပၢင်လူင် ၸေႈဝဵင်းၼမ်ႉတူႈ ႁေႃႈထေႃႈ တၢင်ႇၶဝ်ႈသၢၼ် လုၵ်ႉတီႈဝၢၼ်ႈၵုၼ်ၸၢင်ႈလဵၵ်း ဢိူင်ႇတႃႈတေႈ ၸေႈဝဵင်းသီႇပေႃႉသေမိူဝ်ႈၽွင်းဢၢၼ်းမိူဝ်းၶိုၼ်း တီႈဝၢၼ်ႈၼႃးၶူဝ်လႅင် မိူဝ်ႈတိုၵ်ႉၽႅဝ်ၼိူဝ်ၶူဝ် တႃႈတေႈ ဢၼ် ပဵၼ်ၶူဝ်တိတ်းၸပ်း ဝဵင်းၼမ်ႉတူႈ-သီႇပေႃႉၼၼ်ႉ မၢၵ်ႇထေႃႈၾၢႆႇလင် ယဵပ်ႇၺႃးမၢၵ်ႇ ဢၼ်သိုၵ်းမၢၼ်ႈ ႁၢင်ႈၵၢင်ဝႆႉႁိမ်းၸဵင်ႇၶူဝ်ၼၼ်ႉလႄႈ မၢၵ်ႇတႅၵ်ႇ တိူဝ်ႉၺႃးထေႃႈ လႆႈလူႉ ၵွႆၵမ်ႈၽွင်ႈ ၵူၼ်းႁေႃႈထေႃႈတေႉလွတ်ႈ ၽေး ၼႆယူႇယဝ်ႉ။ ၵဵဝ်ႇလူၺ်ႈလွင်ႈၼႆႉသေ ၵူၼ်းမိူင်းပိုၼ်ႉတီႈၵေႃႉၼိုင်ႈ လၢတ်ႈၼႄဝႃႈ-“ၸႂ်ႈၶႃႈဢေႃႈ ထေႃႈလုင်းၶမ်းယဵပ်ႇၺႃးမၢၵ်ႇ ၶႃႈဢေႃႈ လႅပ်ႈပဵၼ်မၢၵ်ႇသႅၼ်းလဵၵ်ႉဢေႃႈ မၢၵ်ႇထေႃႈတေႉၵွႆၵႂႃႇ ၵူၼ်းႁေႃႈထေႃႈ လႄႈ ၶဝ်ႈသၢၼ်တေႉ ဢမ်ႇလႆႈသုမ်းၼင်ႇၵဝ်ႇၶႃႈ။ ၸဵမ်မိူဝ်ႈၸမ်သုၵ်ႉသၵ်ႉ မိူဝ်ႈလိူၼ်ပူၼ်ႉၼၼ်ႉ လုင်းၶမ်းၼႆႉ တၢင်ႇၶဝ်ႈပိူၵ်ႇမၼ်း ၵႂႃႇဝႆႉတီႈဝၢၼ်ႈၵုၼ်ၸၢင်ႈလဵၵ်းၶႃႈဢေႃႈ။ ၵမ်းၼႆႉ ၶိုၼ်း ဢိတ်ႇပဵၼ်ၶဝ်ႈသၢၼ်သေ ဢၢၼ်းတၢင်ႇမိူဝ်းဝႆႉၶိုၼ်း တီႈ ႁိူၼ်းၶႃႈဢေႃႈ” ဝႃႈၼႆ။မိူဝ်ႈပူၼ်ႉမႃး ဝၼ်းထီႉ 28/12/ 2023 ၽွင်းၶွင်ႇသီႇသိုၵ်းမၢၼ်ႈ တင်းသိုၵ်းလွႆ TNLA ၵႆႉပဵၼ်ပၢင်တိုၵ်းၵၼ်လႄႈ ၶဵင်ႈၶႅင်ၼႃႈသိုၵ်းတေႃႇၵၼ်ဝႆႉ တီႈၶူဝ်တႃႈတေႈ ၼၼ်ႉ ၾၢႆႇၶွင်ႇသီႇသိုၵ်းမၢၼ်ႈ ပွႆႇမၢၵ်ႇယႃႉၶူဝ် ဝႆႉၵမ်ႈၽွင်ႈသေ ႁၢင်ႈၵၢင်မၢၵ်ႇဝႆႉ ၸွမ်းႁိမ်းၶူဝ်ထႅင်ႈတၢင်းၼမ်ၼႆယူႇယဝ်ႉ။ ဝၢႆးသေ လႆႈႁူႉဝႃႈ ၾၢႆႇၶွင်ႇသီႇသိုၵ်းမၢၼ်ႈ ႁၢင်ႈၵၢင်မၢၵ်ႇမႅင်းဝႆႉ တီႈႁိမ်းႁွမ်းၶူဝ်ၼၼ်ႉတၢင်းၼမ်ယဝ်ႉ ယူႇတီႈ ၽူႈမီး ပုၼ်ႈၽွၼ်း ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ဢၼ်ပၵ်းသဝ်းတူင်ႉၼိုင် ယူႇၼႂ်းပိုၼ်ႉတီႈၵေႃႈ ၵႃႈၼင်ႇတီႈဢၼ်ၵူတ်ႇထတ်းႁၼ်ၼၼ်ႉ လႆႈၵူတ်ႇမူၺ်ႉၽဵဝ်ႈသိမ်းပႅတ်ႈၵမ်ႈၽွင်ႈယဝ်ႉသေ လႆႈပွင်ႇလႅင်း ပၼ်ၾၢင်ႉထိုင်တီႈၵူၼ်းမိူင်းၸိူဝ်းၵႂႃႇမႃး ၼႂ်းပိုၼ်ႉတီႈဝႆႉယူႇသေတႃႉ ယွၼ်ႉၵူၼ်းမိူင်းမီးလွင်ႈယၢပ်ႇၽိုတ်ႇ တႃႇၼႃႈၵၢၼ် ႁႃၵိၼ်လဵင်ႉတွင်ႉလႄႈ ပေႃႈမႄႈၵူၼ်းမိူင်းၵမ်ႈၽွင်ႈ လႆႈၸုၼ့်သေ ၵႂႃႇမႃးၼိူဝ်ၶူဝ်ၼၼ်ႉလၢႆပွၵ်ႈလၢႆၵမ်း ယူႇယဝ်ႉ။

['ၶၢဝ်ႇ', 'ေၶႃႈပိုၼ်ၽၢဝ်ႇ']

2024-01-18T16:31:53

https://ssppssa.org/2024/01/%e1%80%9e%e1%80%ad%e1%80%af%e1%81%b5%e1%80%ba%e1%80%b8%e1%81%b6%e1%81%a2%e1%80%84%e1%80%ba-kia-%e1%80%90%e1%80%84%e1%80%ba%e1%80%b8%e1%81%b6%e1%80%bd%e1%80%84%e1%80%ba%e1%82%87%e1%80%9e%e1%80%ae/

သိုၵ်းၶၢင် KIA တင်းၶွင်ႇသီႇသိုၵ်းမၢၼ်ႈပဵၼ်ပၢင်တိုၵ်း ၵၼ်ႁၢဝ်ႈႁႅင်း ၼႂ်းၸေႈဝဵင်းမိူင်းမိတ်ႈ

သိုၵ်းၶၢင် KIA တင်းၶွင်ႇသီႇသိုၵ်းမၢၼ်ႈပဵၼ်ပၢင်တိုၵ်း ၵၼ်ႁၢဝ်ႈႁႅင်း ၼႂ်းၸေႈဝဵင်း မိူင်းမိတ်ႈ ၸိုင်ႈတႆးပွတ်းႁွင်ႇ ၾၢႆႇၶွင်ႇသီႇသိုၵ်းမၢၼ်ႈ လႆႈၸႂ်ႉ ႁိူဝ်းမိၼ်တိုၵ်းယိုဝ်းၸွႆႈ တီႈပဵၼ်ပၢင်တိုၵ်းၼၼ်ႉ ၼႆယူႇယဝ်ႉ။ မိူဝ်ႈၼႆႉ ဝၼ်းထီႉ 18/01/2024 ၶၢဝ်းယၢမ်း ၵၢင်ၼႂ် 4:27 မူင်း ၼၼ်ႉ သိုၵ်းၶၢင် KIA ႁႅင်းၵူၼ်း 100 ၵေႃႉပၢႆ တင်းၶွင်ႇသီႇသိုၵ်းမၢၼ်ႈ လႆႈပဵၼ်ပၢင်တိုၵ်းၵၼ်ႁၢဝ်ႈႁႅင်း ႁိမ်းဝၢၼ်ႈသူၺ်ႇသႃႇလီႇ ၊ ဝၢၼ်ႈဢုင်းၵျေႃး တီႈဢၼ် ၸမ်ဝဵင်းမိူင်းမိတ်ႈ ၼႂ်းၸေႈဝဵင်းမိူင်းမိတ်ႈ ၸိုင်ႈတႆးပွတ်းႁွင်ႇ ၾၢႆႇၶွင်ႇသီႇသိုၵ်းမၢၼ်ႈ ၸႂ်ႉႁိူဝ်းမိၼ် တိုၵ်း (1) လမ်း ပွႆႇမၢၵ်ႇ တိုၵ်းယိုဝ်းၸွႆႈ တီႈၼႂ်းပၢင်တိုၵ်းၼၼ်ႉသေ တေႃႇထိုင် ၶၢဝ်းဝၢႆးဝၼ်း 14:00 မူင်းပၢႆ သဵင်ၵွင်ႈသဵင်မၢၵ်ႇၸင်ႇယဵၼ် ၼႆယူႇယဝ်ႉ။ မိူဝ်ႈဝၼ်းထီႉ 16/01/2024 ၼၼ်ႉၵေႃႈ သိုၵ်းၶၢင် KIA ၶိုၼ်ႈလေႃႇတိုၵ်း တပ်ႉသိုၵ်းၶွင်ႇသီႇသိုၵ်းမၢၼ်ႈ တီႈဢိူင်ႇ ၼမ်ႉၽၵ်းၵႃ ၸေႈဝဵင်းၵူတ်ႉၶၢႆသေ တီႈၼႂ်းပၢင်တိုၵ်း ၼၼ်ႉ ၾၢႆႇသိုၵ်းၶၢင် KIA ယိုဝ်းတူၵ်း ႁိူဝ်းမိၼ်တိုၵ်း ၶွင်ႇသီႇသိုၵ်းမၢၼ်ႈ သႅၼ်း (Jet Fighter) ၼိုင်ႈလမ်းၼႆ ၾၢႆႇသိုၵ်းၶၢင် KIA ဢွၵ်ႇၶၢဝ်ႇ ဝႆႉၼင်ႇၼႆ။

['ၵၢၼ်သိုၵ်း', 'ၶၢဝ်ႇၵူႈလွင်ႈလွင်ႈ']

2024-01-17T01:00:36

https://ssppssa.org/2024/01/%e1%81%b5%e1%80%b0%e1%81%bc%e1%80%ba%e1%80%b8%e1%80%99%e1%80%ad%e1%80%b0%e1%80%84%e1%80%ba%e1%80%b8%e1%81%b8%e1%80%b1%e1%82%88%e1%80%9d%e1%80%b5%e1%80%84%e1%80%ba%e1%80%b8%e1%80%99%e1%80%b0%e1%82%87/

ၵူၼ်းမိူင်းၸေႈဝဵင်းမူႇၸေႈ ၺႃးမၢၵ်ႇတႅၵ်ႇသႂ်ႇ ၽွင်းၵႂႃႇႁဵတ်းသူၼ်

ၼၢင်းယိင်း သႅၼ်းဢႃႇယု (50) ပၢႆ ၵူၼ်းမိူင်းၸေႈဝဵင်းမူႇၸေႈ ၵေႃႉၼိုင်ႈ ၽွင်းၵႂႃႇၸွၼ်ႉသူၼ်ၼၼ်ႉ ၸွၼ်ႉ ၺႃးမၢၵ်ႇမႅင်းဢၼ်ႁၢင်ႈၵၢင်ဝႆႉၼႂ်းလိၼ် လႄႈ မၢၵ်ႇတႅၵ်ႇတိူဝ်ႉၺႃး လႆႈတၢင်းမၢတ်ႇၸဵပ်းႁၢဝ်ႈႁႅင်း သေ လႆႈ သူင်ႇယူတ်းယႃတူဝ်ဝႆႉ တီႈႁူင်းယႃလူင် ဝဵင်းမူႇၸေႈၼႆယူႇယဝ်ႉ။ မိူဝ်ႈၼႆႉ ဝၼ်းထီႉ 16/01/2024 ၶၢဝ်းယၢမ်းၵၢင်ၼႂ် 09:00 မူင်းၼၼ်ႉ ပႃႈသူၺ်ႇတိင်း သႅၼ်းဢႃႇယု (50) ပၢႆ ၵူၼ်းဝၢၼ်ႈဝဵင်းၼၢင်း ဢိူင်ႇပၢင်ႇၶမ်း ၸေႈဝဵင်းမူႇၸေႈ ၸေႈတွၼ်ႈမူႇၸေႈ ၸိုင်ႈတႆးပွတ်းႁွင်ႇ ၽွင်းၵႂႃႇ ၸွၼ်ႉသူၼ် ၸွၼ်ႉၺႃးမၢၵ်ႇမႅင်းၾၢင်လိၼ်လုၵ်ႈၼိုင်ႈ ၵိုင်ႉၵၢင်ႉတႅၵ်ႇသေ ၸၢၵ်ႇမၢၵ်ႇသဵၼ်တိူဝ်ႉၺႃး လႆႈ တၢင်းမၢတ်ႇၸဵပ်းၸွမ်းတူဝ် ၊ ၸွမ်းၼႃႈၵမ်ႈၽွင်ႈ လႄႈ လႆႈဢဝ်သူင်ႇယူတ်းယႃတူဝ်ဝႆႉ တီႈႁူင်းယႃလူင် ဝဵင်းမူႇ ၸေႈ ၼႆယူႇယဝ်ႉ။ ၵူၼ်းမိူင်းပိုၼ်ႉတီႈ ၸေႈဝဵင်းမူႇၸေႈၵေႃႉၼိုင်ႈလၢတ်ႈ ၼႄဝႃႈ- “ၸႂ်ႈၶႃႈဢေႃႈ ပႃႈသူၺ်ႇတိင်း ၵႂႃႇၸွၼ်ႉသူၼ် ဢၼ်ပဵၼ်သူၼ်မၢၵ်ႇမႆႉၶဝ်ၶႃႈဢေႃႈ ၸွၼ်ႉၺႃးမၢၵ်ႇ ဢၼ်ႁၢင်ႈဝႆႉၼႂ်းလိၼ်သေ တႅၵ်ႇၺႃးမၼ်းၶႃႈဢေႃႈ။ ႁွႆး ၸဵပ်းတေႉ ၺႃးႁႅင်းဝႆႉၶႃႈဢေႃႈ။ မိူဝ်ႈၽွင်း သိုၵ်းမၢၼ်ႈတင်း သိုၵ်းလွႆၶဝ်ပဵၼ်ပၢင်တိုၵ်းၵၼ်မိူဝ်ႈပူၼ်ႉမႃး ၼၼ်ႉ တီႈၼႂ်းသူၼ်မၢၵ်ႇမႆႉ ပႃႈသူၺ်ႇတိင်းၼႆႉ သိုၵ်းမၢၼ်ႈၶဝ် မႃးယူႇၶႃႈဢေႃႈ” ဝႃႈၼႆ။ ပႃႈသူၺ်ႇတိင်း ဢၼ်လႆႈသူင်ႇယူတ်းယႃတူဝ်ဝႆႉ တီႈႁူင်းယႃလူင်ဝဵင်းမူႇၸေႈၼၼ်ႉ ယူႇတီႈ ၽူႈမီးပုၼ်ႈ ၽွၼ်း ၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ၼႂ်းၼႃႈတီႈဢုပ်ႉပိူင်ႇ ၸေႈဝဵင်း မၢႆ(14) ၸေႈဝဵင်းမူႇၸေႈ လႆႈၵႂႃႇသူႇၸႂ်းပၼ်ႁႅင်းၸႂ်သေ တႃႇတေယူတ်းယႃၸိုၼ်ႈၶႅၼ်းၶိုၼ်းၼၼ်ႉၵေႃႈ ယူႇ တီႈ ၽူႈမီးပုၼ်ႈၽွၼ်း ၾၢႆႇဢုပ်ႇပိူင်ႇ SSPP/SSA ၼႂ်းၸေႈဝဵင်းမူႇ ၸေႈ ၸေႈတွၼ်ႈထုင်ႉမဝ်း တေသိုပ်ႇ တူၺ်းထိုင်ၸွႆႈထႅမ် ၵႂႃႇ ၵႃႈၼင်ႇပွင်ပဵၼ်လႆႈယူႇယဝ်ႉ။ ၼႂ်းၸိုင်ႈတႆးပွၼ်းႁွင်ႇ တီႈဢၼ်ၶွင်ႇသီႇသိုၵ်းမၢၼ်ႈ တင်း တပ်ႉသိုၵ်းတဢၢင်း TNLA ၵႆႉပဵၼ်ပၢင်တိုၵ်းၵၼ် ၼၼ်ႉ ယၢမ်းလဵဝ်မၢင်တီႈပၢင်တိုၵ်းၼိမ်ယဵၼ်ယဝ်ႉသေတႃႉ ယွၼ်ႉၵႆႉထူပ်းႁၼ် မၢၵ်ႇဢၼ်ပႆႇတႅၵ်ႇလႄႈ ၵႆႉထူပ်းၺႃး ၽေး မၢၵ်ႇမႅင်း တႅၵ်ႇတိူဝ်ႉၺႃးၸဵမ်ၸိူဝ်းၼႆႉသေ ၵူၼ်းမိူင်းပိုၼ်ႉတီႈ ဢမ်ႇမီးလွင်ႈႁူမ်ႇလူမ်ႈ တႃႇၵႂႃႇမႃးႁဵတ်း ၵၢၼ်ႁႃၵိၼ် လဵင်ႉတွင်ႉ ၼႂ်းႁႆႊၼႂ်းသူၼ် ၼႆယူႇယဝ်ႉ။

['ၵၢၼ်သိုၵ်း', 'ၶၢဝ်ႇ']

2024-01-11T00:56:13

https://ssppssa.org/2024/01/%e1%81%b6%e1%80%bd%e1%80%84%e1%80%ba%e1%82%87%e1%80%9e%e1%80%ae%e1%82%87%e1%80%9e%e1%80%ad%e1%80%af%e1%81%b5%e1%80%ba%e1%80%b8%e1%80%99%e1%81%a2%e1%81%bc%e1%80%ba%e1%82%88-%e1%80%90%e1%80%84-10/

ၶွင်ႇသီႇသိုၵ်းမၢၼ်ႈ တင်းတပ်ႉသိုၵ်းတဢၢင်း TNLA ပဵၼ်ပၢင်တိုၵ်းၵၼ် ၼႂ်းၸေႈဝဵင်းသီႇပေႃႉ

တပ်ႉသိုၵ်းတဢၢင်း TNLA တင်းၶွင်ႇသီႇသိုၵ်းမၢၼ်ႈ တပ်ႉ ၶမယ (503/504) ဢၼ်ပၵ်းသဝ်းဝႆႉ ၼႂ်း ၸေႈဝဵင်းသီႇပေႃႉၼၼ်ႉ လႆႈပဵၼ်ပၢင်တိုၵ်းၵၼ်ႁၢဝ်ႈႁႅင်း ၾၢႆႇၶွင်ႇသီႇသိုၵ်းမၢၼ်ႈ လႆႈၸႂ်ႉႁိူဝ်းမိၼ်တိုၵ်းယိုဝ်းၸွႆႈ ၼႆယူႇယဝ်ႉ။

['ၵၢၼ်သိုၵ်း']

2024-01-09T16:18:56

https://ssppssa.org/2024/01/%e1%81%b6%e1%80%bd%e1%80%84%e1%80%ba%e1%82%87%e1%80%9e%e1%80%ae%e1%82%87%e1%80%9e%e1%80%ad%e1%80%af%e1%81%b5%e1%80%ba%e1%80%b8%e1%80%99%e1%81%a2%e1%81%bc%e1%80%ba%e1%82%88-%e1%80%95%e1%80%af%e1%80%90/

ၶွင်ႇသီႇသိုၵ်းမၢၼ်ႈ ပုတ်ႈလႅၵ်ႈ ၽူႈၵိူဝ်းၵုမ် ၾၢႆႇႁူမ်ႇလူမ်ႈၸိူဝ်ႉၸၢတ်ႈ

ၾၢႆႇၶွင်ႇသီႇဢုပ်ႉပိူင်ႇၸိုင်ႈမိူင်း မိူင်းမၢၼ်ႈ ဢွၵ်ႇလိၵ်ႈ ၸိသင်ႇ ပုတ်ႈလႅၵ်ႈ ၽူႈၵိူဝ်းၵုမ် ၾၢႆႇႁူမ်ႇလူမ်ႈၸိူဝ်ႉၸၢတ်ႈ ၼႆ သိုဝ်ႇၶၢဝ်ႇ မျႃႉဝတီႇ ဢၼ်ယူႇၾၢႆႇတႂ်ႈ ၶွင်ႇသီႇသိုၵ်းမၢၼ်ႈၵုမ်းၵမ်ၼၼ်ႉ ဢွၵ်ႇၶၢဝ်ႇဝႆႉ ၼင်ႇၼႆ။ ၵႅမ်ၸွမ်ၸိၵ်းသိုၵ်းမၢၼ်ႈ သူဝ်းဝိၼ်း လၢတ်ႈၵႂႃႇတီႈၼႂ်း ပၢင်ၵုမ်တႃႇဢုပ်ႇဢူဝ်း လွင်ႈတေ ၶိုင်ပွင်ပၢင်ပွႆး ဝၼ်းၶွပ်ႈၶူပ်ႇ (77) ပီႊ ဝၼ်းမိူင်းႁူမ်ႈတုမ် ဢၼ်ၸတ်းႁဵတ်း တီႈလုမ်း ၾၢႆႇၶွင်ႇသီႇဢုပ်ႉပိူင်ႇၸိုင်ႈမိူင်း တီႈၼေႇပျီႇတေႃႇ မိူဝ်ႈဝၼ်းထီႉ 08/01/2024 ၼၼ်ႉဝႃႈ- ၼႃႈၵၢၼ်ပုၼ်ႈၽွၼ်း ၽူႈၵိူဝ်းၵုမ် ၾၢႆႇႁူမ်ႇလူမ်ႈၸိူဝ်ႉၸၢတ်ႈၸိုင်ႈမိူင်း ဢၼ် ၸွမ်သိုၵ်း ယႃႇပျေႃႉ ဢဝ်ပုၼ်ႈၽွၼ်းဝႆႉမိူဝ်ႈပူၼ်ႉမႃး ၼၼ်ႉ ၾၢႆႇၶွင်ႇသီႇဢုပ်ႉပိူင်ႇၸိုင်ႈမိူင်း ဢွၵ်ႇလိၵ်ႈၸိသင်ႇ တေၶိုၼ်းပုတ်ႈလႅၵ်ႈပၼ် ႁႂ်ႈပဵၼ် ၸွမ်ၽွင်းလူင်ၾၢႆႇမိူင်း ႁူမ်ႈတုမ် ၸွမ်သိုၵ်း မူဝ်းဢွင်ႇ သိုပ်ႇပုတ်ႈႁပ်ႉပဵၼ် ၽူႈၵိူဝ်းၵုမ် ၾၢႆႇႁူမ်ႇလူမ်ႈၸိူဝ်ႉၸၢတ်ႈၸိုင်မိူင်း ၵႂႃႇၼႆယူႇယဝ်ႉ။ ၸွမ်သိုၵ်းမူဝ်းဢွင်ႇ ဢၼ်လႆႈႁပ်ႉပုၼ်ႈၽွၼ်းပဵၼ် ၽူႈၵိူဝ်းၵုမ် ၾၢႆႇႁူမ်ႇလူမ်ႈၸိူဝ်ႉၸၢတ်ႈၼႆႉ မိူဝ်ႈပူၼ်ႉမႃး ယၢမ်ႈပဵၼ် ၽူႈၵွၼ်းၾၢႆႇႁူမ်ႇလူမ်ႈတပ်ႉၼမ်ႉ သေ ယူႇတီႈ ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလႅင်ႇ လႆႈၸိသင်ႇပူတ်းလိုဝ်ႈပႅတ်ႈၼႃႈၵၢၼ်ပုၼ်ႈၽွၼ်းၸွမ်သိုၵ်းမူဝ်းဢွင်ႇ လႄႈ ဢွင်ႈတီႈၽူႈၵွၼ်းၾၢႆႇ ႁူမ်ႇလူမ်ႈတပ်ႉၼမ်ႉၼၼ်ႉ ၶိုၼ်းဢဝ် ၸွမ်သိုၵ်း သွႆးဝုၼ်းမိၼ်ႉ ႁပ်ႉဢဝ်ပုၼ်ႈၽွၼ်းဝႆႉ ၼႆယူႇယဝ်ႉ။ ၸူဝ်ႈၶၢဝ်းၶွင်ႇသီႇသိုၵ်းမၢၼ်ႈ သုမ်းၵၢၼ်ႉပၢင်တိုၵ်း ၼမ်မႃး ၼႂ်းၸိုင်ႈတႆးပွတ်းႁွင်ႇၼႆႉ လႆႈႁၼ်ၾၢႆႇၶွင်ႇသီႇသိုၵ်းမၢၼ်ႈ ၵႆႉ မီးလွင်ႈပုတ်ႈလႅၵ်ႈ ၼႃႈၵၢၼ်ႈပုၼ်ႈၽွၼ်း ၼႂ်း ၽူႈမီးၸၼ်ႉသုင် လၢႆလၢႆၵေႃႉ ယူႇယဝ်ႉ။ Photo – Credit မြဝတီသတင်းစာ

['ၵၢၼ်မိူင်း', 'ၶၢဝ်ႇ']

2024-01-09T03:08:03

https://ssppssa.org/2024/01/%e1%80%84%e1%80%9d%e1%80%ba%e1%82%88%e1%80%84%e1%80%af%e1%81%bc%e1%80%ba%e1%80%b8-sspp-ssa-%e1%81%b8%e1%80%90%e1%80%ba%e1%80%b8%e1%82%81%e1%80%b5%e1%80%90%e1%80%ba%e1%80%b8%e1%80%95%e1%81%a2-6/

ငဝ်ႈငုၼ်း SSPP/SSA ၸတ်းႁဵတ်းပၢင်ၵႅဝ်ႈ ပိုတ်ႇၽုၺ်ႇပၢင်သွၼ် ႁူင်းႁဵၼ်းၽူႈမီးၸၼ်ႉ ၸုပ်ႈထီႉ (5) လႄႈ တွၼ်ႈ သူးလုၵ်ႈႁဵၼ်း ၸုပ်ႈထီႉ(4)

ႁူင်းႁဵၼ်းၽူႈမီးၸၼ်ႉ ငဝ်ႈငုၼ်း SSPP/SSA လႆႈၸတ်းႁဵတ်းပၢင်ၵႅဝ်ႈ ပိုတ်ႇၽုၺ်ႇ ပၢင်သွၼ်ၽူႈမီးၸၼ်ႉဢွၼ်ႇ ၸုပ်ႈထီႉ(5) လႄႈ တွၼ်ႈသူးလုၵ်ႈႁဵၼ်း ၸုပ်ႈထီႉ(4) ၼႆယူႇယဝ်ႉ။ မိူဝ်ႈၼႆႉ ဝၼ်းထီႉ 08/01/2024 ၶၢဝ်းယၢမ်း 8 မူင်း ၼၼ်ႉ ယူႇတီႈႁူင်းႁဵၼ်း ၽူႈမီးၸၼ်ႉ ငဝ်ႈငုၼ်း SSPP/SSA ၸတ်းႁဵတ်း ပၢင်ပိုတ်ႇၽုၺ်ႇ ပၢင်သွၼ် ၽူႈမီးၸၼ်ႉဢွၼ်ႇ ၸုပ်ႈထီႉ(5) လႄႈ တွၼ်ႈသူးလုၵ်ႈႁဵၼ်းၵတ်ႉၶႅၼ်ႇ ၸုပ်ႈထီႉ(4) ဢွင်ႈတီႈႁူင်းႁဵၼ်းၽူႈမီးၸၼ်ႉ ငဝ်ႈငုၼ်းဝၢၼ်ႈႁႆးသေ ၽူႈယႂ်ႇၵူၼ်းလူင်ငဝ်ႈငုၼ်း လႄႈ ၵေႃႇမတီႇႁူင်းႁဵၼ်း လႄႈ လုၵ်ႈႁဵၼ်း ၊ ၽူႈႁၢပ်ႇၵၢၼ် ၶိုၼ်ႈႁွတ်ႈ မီး (130) ၵေႃႉယူႇယဝ်ႉ။ ၼႂ်းပၢင်ပိုတ်ႇၽုၺ်ႇပၢင်သွၼ်ၼၼ်ႉ ၵႅမ်ၽူႈဢွၼ်ႁူဝ်ထီႉ (2) ၼႂ်းၸုမ်းပူင်သွၼ် ၸဝ်ႈသိုၵ်းသႅင်ႁၢၼ် မွၵ်ႈလၢတ်ႈၶေႃႈၵႂၢမ်းပိုတ်ႇပၢင်ၵႅဝ်ႈသပ်းလႅင်းၼႄ ယိူင်းဢၢၼ်းပၢင်သွၼ်ၽူႈမီးၸၼ်ႉဢွၼ်ႇၼႆႉ ၵူၼ်းၼိုင်ႈ​​ၵေႃႉၼႆႉ သင်ဝႃႈလူင်းၵၢၼ်ႁဵၼ်းၵႂႃႇယဝ်ႉၸိုင် ႁႂ်ႈ​​ပေႃးပဵၼ်မႃးလႆႈ ၽူႈၵတ်ႉၶႅၼ်ႇ မီးၼမ်ႉၵတ်ႉ ဢၼ်ႁၢပ်ႇလႆႈ ၵၢၼ်ဢုပ်ႉပိူင်ႇ ၊ ၵၢၼ်လုမ်း ၊ၵၢၼ်သိုၵ်း ၊ ၵၢၼ်ပူၵ်းပွင်ၸွႆႈထႅမ်ၵူၼ်းမိူင်း ၸိူဝ်းၼႆႉ ႁႂ်ႈ​​ပေႃးလူင်ႉလႅၼ်ႇ​​ပေႉတူဝ် ၵုမ်းၵမ်ၸတ်းၵၢၼ် ဢွၼ်ႁူဝ်လႆႈၵမ်းသိုဝ်ႈ ၸိူဝ်းၼႆႉယူႇယဝ်ႉ၊ လိူဝ်ၼၼ်ႉ ၽူႈၵွၼ်းႁူင်းႁဵၼ်းၽူႈမီးၸၼ်ႉ ၸဝ်ႈႁၢၼ်ၾူၼ်ၸဵင် လူဢၢၼ်ႇၼႄပၵ်းပိူင်လၵ်းမၢႆပၢင်သွၼ် / ၶၵ်ႉတွၼ်ႈၵၢၼ်ႁဵၼ်းသွၼ် ၸဵမ် ၸိူဝ်းၼႆႉ ယူႇယဝ်ႉ။ ဝၢႆးသေသပ်းလႅင်းယိူင်းဢၢၼ်းပၢင်သွၼ် လႄႈ လၵ်းမၢႆပၢင်သွၼ်ၵႂႃႇယဝ်ႉ သိုပ်ႇတွၼ်ႈသူးပၼ် ၽူႈမီးၸၼ်ႉဢွၼ်ႇ ၸုပ်ႈထီႉ(4) ၸိူဝ်းဢၼ်တူင်ႉတူင်ႉတိုၼ်ႇတိုၼ်ႇ မီးတၢင်းၶတ်းၸႂ်ၼႃႈၵၢၼ်လႄႈ ႁဵတ်းၸွမ်းပၵ်းပိူင်လၵ်းမၢႆ တဵမ်တဵမ်ထူၼ်ႈထူၼ်ႈ ၼႂ်းၶၢဝ်းတၢင်း ပၢင်သွၼ်ၸုပ်ႈထီႉ(4) မိူဝ်ႈပီႊ 2023 ၼႆယူႇယဝ်ႉ။

['ေၶႃႈပိုၼ်ၽၢဝ်ႇ', 'ၶၢဝ်ႇတူင်ႉၼိုင်ၸုမ်းဢွၼ်ႁူဝ်ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး']

2024-01-08T13:00:59

https://ssppssa.org/2024/01/sspp-ssa-%e1%80%95%e1%80%bd%e1%82%86%e1%82%87%e1%80%95%e1%81%bc%e1%80%ba%e1%81%b6%e1%80%ad%e1%80%af%e1%81%bc%e1%80%ba%e1%80%b8-%e1%81%bd%e1%80%b0%e1%82%88%e1%80%99%e1%80%ae%e1%80%b8%e1%80%90%e1%81%a2/

SSPP/SSA ပွႆႇပၼ်ၶိုၼ်း ၽူႈမီးတၢင်းၽိတ်း ဢၼ်ပူၼ်ႉပႅၼ်ပၵ်းပိူင်လၵ်းမၢႆ ၼႂ်းၸေႈဝဵင်းၼမ်ႉလၼ်ႈ

ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ပွႆႇပၼ်ၶိုၼ်း ၽူႈမီးတၢင်းၽိတ်း ဢၼ်ပူၼ်ႉပႅၼ်ပၵ်းပိူင် လၵ်းမၢႆ လႄႈ ဢၼ်လႆႈတိၺွပ်းၵုမ်းၶင်ဝႆႉၸူဝ်ႈၶၢဝ်း ၼႂ်း ၸေႈဝဵင်းၼမ်ႉလၼ်ႈၼၼ်ႉ ၼႆယူႇယဝ်ႉ ။ မိူဝ်ႈဝၼ်းထီႉ 07/01/2024 ၼၼ်ႉ ယူႇတီႈ ၽူႈမီးပုၼ်ႈ ၽွၼ်း ၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်း ၸိုင်ႈတႆးၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ(26) ဝဵင်းၼမ်ႉလၼ်ႈ ၵိင်ႇၽႄၸေႈဝဵင်းသီႇပေႃႉ လႆႈပွႆႇတူဝ်ပၼ်ၶိုၼ်း ၽူႈမီးတၢင်းၽိတ်း ဢၼ်ပူၼ်ႉပႅၼ်ပၵ်းပိူင်လၵ်းမၢႆ လၵ်ႉယႃႉၶဝ်ႈႁိူၼ်း ဢၼ်ထုၵ်ႇႁေႉႁၢမ်ႈဝႆႉ တီႈၼႂ်းပွၵ်ႉ ၸၢၼ်း ၸေႈဝဵင်းၼမ်ႉလၼ်ႈ ၵိင်ႇၽႄၸေႈဝဵင်းသီႇပေႃႉ ၼၼ်ႉ ၼႆယူႇယဝ်ႉ။ ၽူႈမီးတၢင်းၽိတ်းဢၼ်ပွႆႇပၼ်တူဝ်ၶိုၼ်းၼႆႉ ၸိုဝ်ႈႁွင်ႉ ၸၢႆးၸွမ်ၽူင်း ဢႃႇယု (20) ပီႊ ပဵၼ်လုၵ်ႈၸၢႆး လုင်းသၢင်ႇ ၶွင်ႇ+ပႃႈၶမ်ႈဢွင်ႇ ယူႇပွၵ်ႉၸၢၼ်း ဝဵင်းၼမ်ႉလၼ်ႈ ၵိင်ႇ ၽႄၸေႈဝဵင်းသီႇပေႃႉၼႆယူႇယဝ်ႉ။ ၸၢႆးၸွမ်ၽူင်း ၼႆႉ ယွၼ်ႉဝႃႈ ဢမ်ႇလႆႈၶႂၢင်ႉၽူႈမီးပုၼ်ႈ ၽွၼ်း သေ မိူဝ်ႈဝၼ်းထီႉ 03/01/2024 ၼၼ်ႉ မၼ်းၸၢႆး လႆႈယႃႉလႅဝ်သေႃးႁိူၼ်း လၵ်ႉၶဝ်ယူႇၼႂ်းႁိူၼ်း ဢၼ်ထုၵ်ႇႁေႉႁၢမ်ႈဝႆႉ ၼႂ်းပွၵ်ႈၸၢၼ်းဝဵင်းၼမ်ႉလၼ်ႈ ၼၼ်ႉလႄႈ ယူႇတီႈၽူႈမီး ပုၼ်ႈၽွၼ်း ၸင်ႇလႆႈတိၺွပ်းၵုမ်းၶင်တူဝ်ဝႆႉၸူဝ်ႈၶၢဝ်း ၼႆယူႇယဝ်ႉ။ ဝၢႆးၼၼ်ႉ ယူႇတီႈၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ၸင်ႇလႆႈႁွင်ႉထူပ်း ဢူႈမႄႈပီႈၼွင်ႉ ၸၢႆးၸွမ်ၽူင်း သေ သပ်းလႅင်းၼႄ လွင်ႈပိူင်ပဵၼ်လီငၢမ်းယဝ်ႉ ပေႃႈမႄႈပီႈၼွင်ႉ ၸၢႆးၸွမ်ၽူင်း ၸင်ႇလႆႈ လူင်းလၢႆးမိုဝ်း ႁပ်ႉႁွင်းဝႆႉဝႃႈ ၵဵဝ်ႇလူၺ်ႈၵၢၼ်ပူၼ်ႉပႅၼ်ပၵ်းပိူင်လၵ်းမၢႆၼၼ်ႉ တေဢမ်ႇပၼ်ပဵၼ် ဢမ်ႇပၼ်မီးထႅင်ႈၼႆလႄႈ ယူႇတီႈၽူႈမီးပုၼ်ႈ ၽွၼ်း ၾၢႆႇဢုပ်ႉပိူင်ႇ SSPP/SSA ၵေႃႈ ‌လႆႈဢဝ်တူဝ် ၸၢႆး ၸွမ်ၽူင်း ဢၢပ်ႈပၼ်ၶိုၼ်း တီႈဢူႈမႄႈပီႈၼွင်ႉၵႂႃႇ လီငၢမ်းယူႇယဝ်ႉ။ #shanstateprogressparty #shanstatearmy #SSPPInfo #ၽူႈမီးတၢင်းၽိတ်း

['ေၶႃႈပိုၼ်ၽၢဝ်ႇ']

2024-01-08T12:53:22

https://ssppssa.org/2024/01/6336/

မုၵ်ႉၸုမ်းၼၢင်းယိင်းငဝ်ႈငုၼ်း SSPP ဢွၼ်ႁူဝ်ၸတ်းႁဵတ်းပၢင်ၶႄ့ၶဵင်ႇ လဵၼ်ႈမၢၵ်ႇၼင် လုၵ်ႈႁဵၼ်း ဢႃႇယူႉ (15) ၶူပ်ႇ

ယိူင်းဢၢၼ်း ပူၵ်းပွင်ပၼ် ႁႂ်ႈလုၵ်ႈဢွၼ်ႇသႅၼ်းႁုၼ်ႈမႂ်ႇ ပေႃးတေမီးၼမ်ႉၵတ်ႉ ပဵၼ်ၼေႃႇတႅၼ်းၶိူဝ်း ၵူၼ်းလူင်မိူဝ်းၼႃႈ၊ ၸဵမ်ၼမ်ႉၵတ်ႉၵူႈပၢႆးပၢႆး ၊ပိူဝ်ႈတႃႇပၢႆးတူဝ် ၊ ပၢႆးၸႂ် ၊ပၢႆးယူႇလီ ၊ႁႂ်ႈသႅၼ်းႁုၼ်ႈမႂ်ႇႁဝ်း မေႃႁူမ်ႈၶွတ်ႇလိူတ်ႈၽွမ်ႉသဵင်ပဵင်းပၢၵ်ႇၵၼ် ၼႆသေ ယူႇတီႈမုၵ်ႉၸုမ်း ၼၢင်းယိင်း ဢွၼ်ႁူဝ် ႁူမ်ႈတင်းၸုမ်းၾၢႆႇပၢႆးပိင်ႇ ၺႃႇ ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး ၸတ်းႁဵတ်း ပၢင်လဵၼ်ႈႁႅင်းၶႄႉၶဵင်ႇ မၢၵ်ႇၼင်လွမ်ႈ ဢွင်ႈတီႈ ဝၢင်းပိတ်ႉမၢၵ်ႇၼင် ဝဵင်းမႂ်ႇဝၢၼ်ႈႁႆး ၸိုင်ႈတႆးပွတ်း ၸၢၼ်း ၼႆယူႇယဝ်ႉ။ ပၢင်ၶႄႉၶဵင်ႇလဵၼ်ႈႁႅင်း ပိတ်ႉမၢၵ်ႇၼင်ႁိမ်ဢုပ်းၵႅဝ်ႈၶမ်း ဢႃႇယူႉ (15) ၶူပ်ႇ ပွၵ်ႈၵမ်း (1) ၼႆႉ တေႇမိူဝ်ႈဝၼ်းထီႉ 28-12-2023 ၼၼ်ႉ သေ ဢွင်ႇမၢၼ်ယဝ်ႉတူဝ်ႈၵႂႃႇ ၼႂ်းဝၼ်းထီႉ 05 -01-2024 လႄႈ ၼႂ်းၼၼ်ႉ မီးလုၵ်ႈႁဵၼ်း ဢွၼ်ႇဢႃႇယုႉ (15) ၶူပ်ႇလူင်းၽၢႆႇတႂ်ႈ မီး(7) ၸုမ်း ၶဝ်ႈ ႁူမ်ႈလဵၼ်ႈႁႅင်း ၶႄႉၶဵင်ႇပိတ်ႉမၢၵ်ႇၼင်လွမ်ႈ ၸွမ်းယူႇယဝ်ႉ။ၸုမ်း ၶဝ်ႈႁူမ်ႈၶႄႉၶဵင်ႇ (7)ၸုမ်းၼၼ်ႉ ပဵၼ်လုၵ်ႈဢွၼ်ႇ ႁဵၼ်း ႁူင်းႁဵၼ်းသႅင်ၵိုင်ႇမိူင်း(ၵ) ၊ လုၵ်ႈႁဵၼ်းႁူင်းႁဵၼ်းသႅင်ၵိုင်ႇမိူင်း (ၶ )၊လုၵ်ႈႁဵၼ်းႁူင်းႁဵၼ်းပၢင်ႇလေႃႉ ၊ လုၵ်ႈႁဵၼ်းႁူင်းႁဵၼ်းဝၢၼ်ႈႁႆး ၊ လုၵ်ႈႁဵၼ်းႁူင်းႁဵၼ်း ၼေႃႇတႅၼ်းၶိူဝ်း (ၵ) ၊ လုၵ်ႈႁဵၼ်းႁူင်းႁဵၼ်းၼေႃႇတႅၼ်း ၶိူဝ်း (ၶ) လႄႈ လုၵ်ႈႁဵၼ်းႁူင်းႁဵၼ်းတပ်ႉၼုမ်ႇႁၢၼ် ၸဵမ် ၸိူဝ်း ၼႆႉယူႇယဝ်ႉ။ ၼႂ်းပၢင်ၶႄႉၶဵင်ႇလဵၼ်ႈႁႅင်းပိတ်ႉမၢၵ်ႇၼင်လွမ်ႈ ၼၼ်ႉ လုၵ်ႈႁဵၼ်းဢွၼ်ႇသႅင်ၵိုင်ႇမိူင်း(ၵ) လႆႈသူးထီႉ(1) ၊ လုၵ်ႈ ႁဵၼ်းဢွၼ်ႇဝၢၼ်ႈႁႆး လႆႈသူးထီႉ (2) ၊ လုၵ်ႈႁဵၼ်းၼေႃႇတႅၼ်းၶိူဝ်း (ၵ) လႆႈသူးထီႉ (3) သေ ယူႇတီႈငဝ်ႈငုၼ်း SSPP/SSA လႆႈယိုၼ်ႈမွပ်ႈပၼ် သူးထီႉ(1) ဢုပ်းၵႅဝ်ႈၶမ်း သူးငိုၼ်း (500,000)ႁႃႈသႅၼ်ၵျၢပ်ႈ ၊ သူးထီႉ(2) (300,000) သၢမ်သႅၼ်ၵျၢပ်ႈ ၊ သူးထီႉ(3) (200,000) သွင်သႅၼ်ၵျၢပ်ႈ လႄႈ ယူႇတီႈႁူဝ်ပဝ်ႈလူင် ၸွမ်သိုၵ်းလူင် ပၢင်ၾႃႉ တွၼ်ႈသူးၼမ်ႉၸႂ် လႄႈသူးလဝ်ႇၸႂ် ပၼ်လုၵ်ႈ ႁဵၼ်းဢွၼ်ႇ ၼိုင်ႈၸုမ်းလႂ် (100,000) သႅၼ်ၵျၢပ်ႈ ၸဵမ်ၸိူဝ်းၼႆႉ ယူႇယဝ်ႉ။ ယိူင်းဢၢၼ်း ပိူဝ်ႈတႃႇလုၵ်ႈဢွၼ်ႇ သႅၼ်းႁုၼ်ႈမႂ်ႇ ပေႃးတေမီးလွင်ႈၸမ်ၸႂ်မိုတ်ႈၵိုဝ်းၵၼ် ၊ ႁႂ်ႈမေႃ ၶွတ်ႇလိူတ်ႈၽွမ်ႉသဵင်ပဵင်းပၢၵ်ႇၵၼ် ၸဵမ်ၸိူဝ်းၼႆႉ ယူႇယဝ်ႉ။

['ၸုမ်းၼၢင်းယိင်း', 'ပၢႆးပိင်ႇၺႃႇ', 'ၵၢၼ်ပူၵ်းပွင်', 'ပၢႆးယူႇလီ']

2024-01-07T12:22:20

https://ssppssa.org/2024/01/%e1%81%b5%e1%82%85%e1%80%99%e1%80%ba%e1%81%bd%e1%80%bd%e1%80%84%e1%80%ba%e1%80%b8%e1%80%9c%e1%80%b0%e1%80%84%e1%80%ba%e1%81%be%e1%81%a2%e1%82%86%e1%82%87%e1%81%bc%e1%80%bd%e1%81%b5%e1%80%ba%e1%82%88/

ၵႅမ်ၽွင်းလူင်ၾၢႆႇၼွၵ်ႈမိူင်း မိူင်းၶႄႇ ႁူပ်ႉထူပ်းၽူႈဢွၼ် ႁူဝ်ၶွင်ႇသီႇသိုၵ်းမၢၼ်ႈ တီႈၼေႇပျီႇတေႃႇ

ၵႅမ်ၽွင်းလူင်ၾၢႆႇၼွၵ်ႈမိူင်း မိူင်းၶႄႇ မိတ်ႉသတိူဝ်ႇ သုၼ်းဝေႇတူင်ႇ ႁွတ်ႈၽႅဝ် မိူင်းႁူမ်ႈတုမ်သေ ႁူပ်ႉထူပ်းၸွမ်း ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလႅင်ႇ တီႈဝဵင်းလူင် ၼေႇပျီႇတေႃႇၼႆယူႇယဝ်ႉ။ မိူဝ်ႈဝၼ်းထီႉ 05/01/2024 ၼၼ်ႉ ၵႅမ်ၽွင်းလူင်ၾၢႆႇ ၼွၵ်ႈ မိူင်း မိူင်းၶႄႇ မိတ်ႉသတိူဝ်ႇ သုၼ်းဝေႇတူင်ႇ လုၵ်ႉတီႈမိူင်း ၶႄႇ ႁွတ်ႈၽႅဝ်တီႈ ဝဵင်းလူင်ၼေႇပျီႇတေႃႇလႄႈ ႁူပ်ႉထူပ်းၵၼ် တင်း ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလႅင်ႇ သေ ဢုပ်ႇဢူဝ်းၵၼ် ၵဵဝ်ႇလူၺ်ႈ လွင်ႈၼိမ်သဝ်း ၸွမ်းလႅၼ်လိၼ် မိူင်းႁူမ်ႈတုမ်မၢၼ်ႈ-ၶႄႇ ၸဵမ်ၸိူဝ်းၼႆႉ ၼႆယူႇယဝ်ႉ။ လိူဝ်သေၼၼ်ႉ ၵႅမ်ၽွင်းလူင်ၾၢႆႇၼွၵ်ႈမိူင်း မိူင်းၶႄႇ မိတ်ႉသတိူဝ်ႇ သုၼ်းဝေႇတူင်ႇ တင်း ၵႅမ်ၽွင်းလူင် ၾၢႆႇ ၼွၵ်ႈမိူင်း မိူင်းမၢၼ်ႈ ဢူးလုၼ်ႇဢူး လႆႈၸတ်းႁဵတ်း ပၢင် ႁူပ်ႉထူပ်း ဢုပ်ႇဢူဝ်းၵၼ်ၵႂႃႇထႅင်ႈ ၼႆယူႇယဝ်ႉ။ ၾၢႆႇၶွင်ႇသီႇသိုၵ်းမၢၼ်ႈၶဝ်ပိုၼ်ၽၢဝ်ႇဝႆႉဝႃႈ – တီႈၼႂ်းပၢင် ႁူပ်ႉထူပ်း ဢုပ်ႇဢူဝ်းၵၼ်ၼၼ်ႉ လႆႈဢုပ်ႇဢူဝ်းလွင်ႈ ၵၢၼ်ပၢႆးမၢၵ်ႈမီး သွင်ၸိုင်ႈမိူင်း ၊ လွင်ႈတႃႇတေ ယုၵ်ႉမုၼ်းၶိုၼ်ႈ ၽႅၼ်ၵၢၼ်လူင် သဵၼ်ႈတၢင်းလူတ်ႉၾႆး ၊ လွင်ႈ တႃႇတေႁူမ်ႈမိုဝ်းၵၼ် ႁဵတ်းသၢင်ႈ လွင်ႈၼိမ်သဝ်းၵတ်း ယဵၼ်ၸွမ်းလႅၼ်လိၼ်သွင်ၸိုင်ႈမိူင်း လႄႈ တႃႇသွင်ၾၢႆႇ တေလႆႈမၵ်းမၼ်ႈႁၼ်လီၵၼ် ၼႂ်းၵႄႈ ၼွၵ်ႈမိူင်း ဢိၵ်ႇၼႂ်း မိူင်း ၸဵမ်ၸိူဝ်းၼႆႉ ၼႆယူႇယဝ်ႉ။ ပေႃးထိုင်မႃး ၼႂ်းဝၼ်းထီႉ 07/01/2024 ၼၼ်ႉ ယူႇတီႈလူင်ပွင်ၸိုင်ႈမိူင်းၶႄႇ ယူႇၼႂ်းၵႄႈၵၢင် ၸွႆႈထႅမ်ပၼ်သေ ၸုမ်းဢူၺ်းလီ (3) ၸုမ်း ဢၼ်ပဵၼ် ၸုမ်းတပ်ႉသိုၵ်းတ ဢၢင်း TNLA ၊ တပ်ႉသိုၵ်းၵဝ်ႈၵၢင်ႉ MNDAA ၊ တပ်ႉသိုၵ်းရၶႅင်ႇ (AA) တင်း ၾၢႆႇၶွင်ႇသီႇသိုၵ်းမၢၼ်ႈၶဝ် တေတေႇ ႁူပ်ႉထူပ်း ဢုပ်ႇဢူဝ်းၵၼ်ၵႂႃႇထႅင်ႈ တီႈဝဵင်းၵူႇမိၼ်း ၸေႈမိူင်းယူႇၼၼ်ႇ ၼႂ်းၸိုင်ႈမိူင်းၶႄႇ ၼႆယူႇယဝ်ႉ။ Popular Myanmar

['ၶၢဝ်ႇၼွၵ်ႈမိူင်း']

2024-01-07T12:17:58

https://ssppssa.org/2024/01/%e1%80%99%e1%80%af%e1%81%b5%e1%80%ba%e1%82%89%e1%81%b8%e1%80%af%e1%80%99%e1%80%ba%e1%80%b8%e1%81%bc%e1%81%a2%e1%80%84%e1%80%ba%e1%80%b8%e1%80%9a%e1%80%ad%e1%80%84%e1%80%ba%e1%80%b8-%e1%80%84-3/

မုၵ်ႉၸုမ်းၼၢင်းယိင်း ငဝ်ႈငုၼ်း SSPP/SSA ၸၢတ်းႁဵတ်းပၢင်သွၼ် ၵၢၼ်သိုၵ်း ၶၢဝ်းပွတ်း

မုၵ်ႉၸုမ်းၼၢင်းယိင်း ငဝ်ႈငုၼ်း SSPP/SSA ဢွၼ်ႁူဝ် လဵပ်ႈႁဵၼ်းသၽေႃးတြႃး ၵၢၼ်သိုၵ်း ၊ လၢႆးယိုဝ်းၵွင်ႈ လၢႆးၸႂ်ႉတိုဝ်းၵွင်ႈၵၢင်ႇလၢႆသႅၼ်း တႃႇႁႂ်ႈပဵၼ်ဢၼ်ၵမ်ႉယွင် တၢင်းႁူႉပိင်ႇၺႃႇၵၢၼ်သိုၵ်း ပၢင်လဵပ်ႈႁဵၼ်းၶၢဝ်းပွတ်း ပွၵ်ႈၵမ်း (1) ဢွင်ႈတီႈလုမ်း မုၵ်ႉၸုမ်းၼၢင်းယိင်း မီးႁႅင်းၵူၼ်းၶိုၼ်ႈႁွတ်ႈ လဵပ်ႈႁဵၼ်း (60) ပၢႆၼႆယူယဝ်ႉ ။ မိူဝ်ႈဝၼ်းထီႉ 03 -01- 2024 တေႃႇထိုင် 05-01-2024 ၶၢဝ်းတၢင်း (3) ဝၼ်း ယူႇတီႈမုၵ်ႉၸုမ်းၼၢင်းယိင်း SSPP/SSA ဢွၼ်ႁူဝ် ၼၢင်းယိင်း ၸိူဝ်းဢမ်ႇပႆႇယၢမ်ႈလဵပ်ႈႁဵၼ်းႁူႉ ၵၢၼ်သိုၵ်း ၊ ၵၢၼ်ယိုဝ်းၵွင်ႈ ၸိူဝ်းၼၼ်ႉ လႄႈ ၼၢင်းႁၢၼ်ၵမ်ႈၽွင်ႈ ၶဝ်ႈႁူမ်ႈ လဵပ်ႈႁဵၼ်း သၽေႃးတြႃးၵၢၼ်သိုၵ်း ၊ လၢႆးၸႂ်ႉတိုဝ်းၵွင်ႈၵၢင်ႇလၢႆသႅၼ်း ၊ လၢႆးယိုဝ်းၵွင်ႈ ၊ ၽိုၵ်းၵၢၼ်သိုၵ်း ႁႂ်ႈမီးလွင်ႈၵႅၼ်ႇၶႅင် ၸိူဝ်းၼႆႉယူႇယဝ်ႉ။ “ယိူင်းဢၢၼ်းလူင်တႄႉ ဢိင်ၼိူဝ်ငဝ်းလၢႆးဝၢၼ်ႈမိူင်းဢမ်ႇမီးလွင်ႈၼိမ်သဝ်း လႄႈ ငဝ်းလၢႆးၵၢၼ်သိုၵ်းသုၵ်ႉယုင်ႈၸိူင်ႉၼႆ ၼၢင်းယိင်းႁဝ်းၶႃႈၵေႃႈ ထုၵ်ႇလီလဵပ်ႈႁဵၼ်းႁူႉ ၵဵဝ်ႇၵပ်းလူၺ်ႈၵၢၼ်သိုၵ်း လၢႆးယိပ်းၵွင်ႈ ၊ လၢႆးယိုဝ်းၵွင်ႈ ၵူႈသႅၼ်း ၊ တၢင်းႁူႉၵႅမ်တူဝ်ၵၢၼ်သိုၵ်း တႃႇၵႅတ်ႇၶႄတူဝ် မိူဝ်ႈငဝ်းလၢႆးၶိုၵ်ႉၶၵ်ႉ မီးယိူင်းဢၢၼ်းၸိူင်ႉၼႆ​​သေ ၸင်ႇလႆႈၽိုၵ်းၽွၼ်ႉပၼ် ၼၢင်းယိင်း ၼင်ႁိူဝ်ပေႃးတေပဵၼ်ၽွၼ်းလီတူဝ်ၵဝ်ႇၵႂႃႇ” ၼႆယူႇယဝ်ႉ။

['ၸုမ်းၼၢင်းယိင်း']

2024-01-05T15:05:49

https://ssppssa.org/2024/01/%e1%81%b8%e1%80%af%e1%80%99%e1%80%ba%e1%80%b8%e1%81%b5%e1%80%b0%e1%81%bc%e1%80%ba%e1%80%b8%e1%81%bc%e1%80%af%e1%80%99%e1%80%ba%e1%82%87%e1%80%84%e1%80%9d%e1%80%ba%e1%82%88%e1%80%84%e1%80%af%e1%81%bc/

ၸုမ်းၵူၼ်းၼုမ်ႇငဝ်ႈငုၼ်း SSPP/SSA ဢွၼ်ႁူဝ် ၸတ်းႁဵတ်းပၢင်ၶႄ့ၶဵင်ႇ လဵၼ်ႈႁႅင်း ပိတ်ႉမၢၵ်ႇၼင်လွမ်ႈ ပွၵ်ႈၵမ်း (5) ဢွင်ႇမၢၼ်ယဝ်ႉတူဝ်ႈ

ယိူင်းဢၢၼ်း ပိူဝ်ႈတႃႇ ပၢႆးတူဝ် ၊ ပၢႆးၸႂ် လႄႈ ပိူဝ်ႈတႃႇပၢႆးယူႇလီ ၊ တႃႇၵၢင်းယၢၼ် ၽေးယႃႈမဝ်းၵမ် ၊ တႃႇမေႃၽွမ်ႉသဵင်ပဵင်းပၢၵ်ႇၵၼ်ၼႆသေ ယူႇတီႈႁွင်ႈၵၢၼ်ၵူၼ်းၼုမ်ႇ ငဝ်ႈငုၼ်း ဢွၼ်ႁူဝ်သေ ႁူမ်ႈတင်းၸုမ်းၾၢႆႇပၢႆးပိင်ႇ ၺႃႇ ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA လႆႈၸတ်းႁဵတ်း ပၢင်လဵၼ်ႈႁႅင်းၶႄႉၶဵင်ႇပိတ်ႉ မၢၵ်ႇၼင်လွမ်ႈ ဢွင်ႈတီႈ ဝၢင်းပိတ်ႉမၢၵ်ႇၼင်လွမ်ႈ ဝဝၢၼ်ႈပဵင်း ဢိူင်ႇၶုမ်ႇပၢင်ႇ ၸေႈဝဵင်းဝၢၼ်ႈႁႆး ၸိုင်ႈတႆးပွတ်းၸၢၼ်း ၼႆယူႇယဝ်ႉ။ ပၢင်ၶႄႉၶဵင်ႇလဵၼ်ႈႁႅင်း ပိတ်ႉမၢၵ်ႇၼင်ႁိမ်ဢုပ်းၵႅဝ်ႈၶမ်း ပွၵ်ႈၵမ်း (5) ၼႆႉ တေႇမိူဝ်ႈဝၼ်းထီႉ15-12-2023 ၼၼ်ႉ သေ ဢွင်ႇမၢၼ်ယဝ်ႉတူဝ်ႇၵႂႃႇၼႂ်း ဝၼ်းထီႉ 04 -01-2024 ၼၼ်ႉလႄႈ ၼႂ်းၼၼ်ႉ မီးၸုမ်း ၵူၼ်းၼုမ်ႇ ပိတ်ႉမၢၵ်ႇၼင်လွမ်ႈ (20) ၸုမ်း ၶဝ်ႈႁူမ်ႈလဵၼ်ႈႁႅင်း ၶႄႉၶဵင်ႇပိတ်ႉမၢၵ်ႇၼင်လွမ်ႈ ၸွမ်းယူႇယဝ်ႉ။ ၸုမ်း ၶဝ်ႈႁူမ်ႈၶႄႇၶဵင်ႇ (20)ၸုမ်းၼၼ်ႉ ၸုမ်းၵူၼ်းၼုမ်ႇ ဝၢၼ်ႈၶုမ်ႇပၢင်(ၵ) (FC )၊ၸုမ်းၵူၼ်းၼုမ်ႇ ဝၢၼ်ႈဝ (FC) ၊ၸုမ်းဝၢၼ်ႈၵိဝ်ႇ (FC)၊ ၸုမ်းပၢင်ႇလေႃႉ (FC) ၊ႁူင်းႁဵၼ်း ၽူႈမီးၸၼ်ႉ (FC)၊ၸုမ်းမိူင်းသူႈ (FC) ၊ ၸုမ်းဝဵင်း ၵဝ်ႇ (FC )၊ ၸုမ်းပၢင်ၶၢၼ် (FC)၊ ၸုမ်းဝၢၼ်ႈႁႆး (ၶ) (FC) ၊ ၵွင်းမူးၶမ်း (FC)၊ ၸုမ်းဝၢၼ်ႈႁႆး (ၵ) FC ၊ ၸုမ်းၵေးသီး (FC)၊ ၸုမ်းၵုၼ်ႁုင်း (FC )၊ ၸုမ်းၽၵ်းၼၢမ် (FC) ၊ၸုမ်း ၶုမ်ႇပၢင် (ၶ) (FC) ၊ ၸုမ်းတၢင်းၽႄ (FC) ၊ ၸုမ်းၼေႃႇတႅၼ်းၶိူဝ်း (FC) ၊ ၸုမ်းၼမ်ႉတႅၵ်ႉ (FC) ၊ ႁူင်းယႃလူင် ငဝ်ႈငုၼ်း (FC ) လႄႈ ၸုမ်းဝၢၼ်ႈလူၺ် (FC) ၸဵမ်ၸိူဝ်း ၼႆႉယူႇယဝ်ႉ။ ၼႂ်းပၢင်ၶႄႉၶဵင်ႇလဵၼ်ႈႁႅင်းပိတ်ႉမၢၵ်ႇၼင်လွမ်ႈ ၼၼ်ႉ ၸုမ်းဝၢၼ်ႈႁႆး (ၶ)(FC) လႆႈသူးထီႉ (1) ၊ ၸုမ်းဝၢၼ်ႈႁႆး(ၵ) (FC) လႆႈသူးထီႉ(2) ၊ ၸုမ်းၵူၼ်း ၼုမ်ႇတၢင်းၽႄ လႆႈသူးထီႉ (3) သေ ယူႇတီႈငဝ်ႈငုၼ်း SSPP/SSA လႆႈယိုၼ်ႈမွပ်ႈပၼ် သူးထီႉ(1) ဢုပ်းၵႅဝ်ႈၶမ်း သူးငိုၼ်း (1,500,000) သိပ်းႁႃႈသႅၼ်ၵျၢပ်ႈ ၊ သူးထီႉ(2) (1,200,000) သိပ်းသွင်သႅၼ်ၵျၢပ်ႈ ၊ သူးထီႉ(3) (1,000,000) သိပ်းသႅၼ်ၵျၢပ်ႈ ၊ သူးၶတ်းၸႂ် ဢၼ်ၵတ်ႉၶႅၼ်ႇ ၶႅမ်ႉသုတ်း ၵူၼ်းပႂ်ႉၵူဝ်း (5) ၵေႃႉ ၼိုင်ႈၵေႃႉလႂ် (100,000) ၼိုင်ႈသႅၼ်ၵျၢပ်ႈ လႄႈ သူးလဝ်ႇၸႂ် ၼိုင်ႈၸုမ်း (500,000) ႁႃႈသႅၼ်ၵျၢပ်ႈ ၸဵမ်ၸိူဝ်းၼႆႉ ယူႇယဝ်ႉ။ ယိူင်းဢၢၼ်း ပိူဝ်ႈတႃႇၵူၼ်းၼုမ်ႇတႆး/ၼႂ်းမိူင်းတႆးႁဝ်း ပေႃးတေမီးလွင်ႈၸမ်ၸႂ်မိုတ်ႈၵိုဝ်းၵၼ် ၊ ႁႂ်ႈမေႃ ၽွမ်ႉသဵင်ပဵင်းပၢၵ်ႇၵၼ် ၊ ႁႂ်ႈၵၢင်းယၢၼ်ၽေးယႃႈမဝ်းၵမ် ၸဵမ်ၸိူဝ်းၼႆႉသေ ယူႇတီႈငဝ်ႈငုၼ်းပႃႇတီႇမႂ်ႇသုင် ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA ၵေႃႈ လႆႈၸတ်းႁဵတ်းပၢင်ၶႄႉ ၶဵင်ႇ လဵၼ်ႈႁႅင်း ပိတ်ႉမၢၵ်ႇၼင်လွမ်ႈမႃး ၵူႈပီႊပီႊ ယူႇယဝ်ႉ။ ၼင်ႇႁိုဝ်ၼႂ်းပိုၼ်ႉတီႈ ၼႃႈတီႈဢုပ်ႉပိူင်ႇ SSPP/SSA တီႈလႂ် တီႈၼၼ်ႈ ပေႃးတေမီးမႃး ပၢင်ၶႄႉၶဵင်ႇလဵၼ်ႈႁႅင်းပိတ်ႉမၢၵ်ႇၼင်လွမ်ႈၼၼ်ႉ ဢိင်ၼိူဝ်ငဝ်းလၢႆးလွင်ႈၼိမ် သဝ်းၼႂ်းပိုၼ်ႉတီႈပၼ်လႄႈ ယူႇတီႈပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၵေႃႈ ၵႃႈၼင်ႇပွင်ပဵၼ်လႆႈ တေႁူမ်ႈမိုဝ်းၸွမ်း ၸုမ်းၵူၼ်းၼုမ်ႇ ၼႂ်းပိုၼ်ႉတီႈသေ ၶတ်းၸႂ် ၸွႆႈၵၼ် ၶိုင်ပွင် ႁဵတ်းသၢင်ႈၵႂႃႇၸွမ်းငဝ်းလၢႆး ယူႇယဝ်ႉ။

['ၵၢၼ်ပူၵ်းပွင်', 'ပၢႆးယူႇလီ', 'ၵူၼ်းၼုမ်ႇ']

2024-01-03T11:53:29

https://ssppssa.org/2024/01/%e1%80%99%e1%80%ae%e1%80%b8%e1%81%b5%e1%80%b0%e1%81%bc%e1%80%ba%e1%80%b8%e1%80%a2%e1%80%99%e1%80%ba%e1%82%87%e1%82%81%e1%80%b0%e1%82%89%e1%81%be%e1%81%a2%e1%82%86%e1%82%87-%e1%81%b6%e1%80%9d%e1%80%ba/

မီးၵူၼ်းဢမ်ႇႁူႉၾၢႆႇ ၶဝ်ႈၸူၼ်လၢၼ်ႉၶၢႆၶမ်း ၼႂ်းၵၢတ်ႇလူင်ဝဵင်းလၢႆးၶႃႈ

မီးၽူႈၸၢႆးၵေႃႉၼိုင်ႈ ၶီႇလူတ်ႉၶိူင်ႈ ပႃးၵွင်ႈပွတ်းသေ ၶဝ်ႈၸူၼ် လၢၼ်ႉၶၢႆၶမ်း တီႈၼိုင်ႈ ဢၼ်မီးၼႂ်းၵၢတ်ႇလူင် ဝဵင်းလၢႆးၶႃႈ ၸေႈဝဵင်းလၢႆးၶႃႈ ၸိုင်ႈတႆးပွတ်းၸၢၼ်း ၼၼ်ႉယူႇယဝ်ႉ။ မိူဝ်ႈဝၼ်းထီႉ 03/01/2024 မိူဝ်ႈၶၢဝ်းယၢမ်း 14:05 မူင်း ၼၼ်ႉ မီးၽူႈၸၢႆး ဢမ်ႇႁူႉၸိုဝ်ႈ/ဢမ်ႇႁူႉၾၢႆႇ ၵေႃႉၼိုင်ႈ သႅၼ်းဢႃႇယုမွၵ်ႈ (30) ပီႊ ၼုင်ႈသိူဝ်ႈသွၼ်ႉၸိၼ်း ၊ ၵူၼ်သီငိုၼ်း ၊ တိုဝ်းမၢၵ်ႇႁူဝ်လူတ်ႉၶိူင်ႈသေ ၶဝ်ႈၵႂႃႇတီႈလၢၼ်ႉ ၶၢႆၶမ်း “ၶမ်းလီ” ဢၼ်မီးၼႂ်းၵၢတ်ႇလူင်ဝဵင်းလၢႆး ၶႃႈၼၼ်ႉလႄႈ ထူၵ်းၵွင်ႈပွတ်း ၸမ်ႈငႃၸဝ်ႈလၢၼ်ႉၶမ်း ၸူၼ်ႁိမ်ဢဝ်ၵႂႃႇ သၢႆၶေႃးၶမ်း ၼိုင်ႈသဵၼ်ႈ ဢၼ်ၼမ်ႉ ၼၵ်းမီး (3) ၵျၢပ်ႈ ၊ ၸွပ်ႇမိုဝ်း(3) ဢၼ် ၊ ၼိုင်ႈဢၼ်ၼမ်ႉ ၼၵ်းမီး (4) မူး ၼႆယူႇယဝ်ႉ။ ဝၢႆးသေ ၸူၼ်ဢဝ်လႆႈ သၢႆၶေႃးၶမ်း လႄႈ ၸွပ်ႇမိုဝ်းယဝ်ႉ ၽူႈၸၢႆးၵေႃႉဢၼ်ၸူၼ်ၼၼ်ႉ ၶိုၼ်းၶီႇလူတ်ႉၶိူင်ႈသေ ဢွၵ်ႇပၢႆႈၵႂႃႇၼႆယူႇယဝ်ႉ။လၢၼ်ႉၶၢႆၶမ်း “ၶမ်းလီ” ဢၼ်ထုၵ်ႇၺႃး ၽူႈၸၢႆးဢမ်ႇႁူႉ ၾၢႆႇ ၶဝ်ႈၸူၼ်ၼၼ်ႉ ပဵၼ်လၢၼ်ႉၶမ်း လုင်းၸၢႆးဢွင်ႇထူး + ပႃႈၵဵင်ၶမ်း ယူႇပွၵ်ႉမၢႆ(1) ၸေႈဝဵင်းလၢႆးၶႃႈ ၼႆယူႇယဝ်ႉ ။

['ၶၢဝ်ႇၵူႈလွင်ႈလွင်ႈ', 'ၶၢဝ်ႇ']

2024-01-03T01:58:27

https://ssppssa.org/2024/01/%e1%81%b6%e1%80%bd%e1%80%84%e1%80%ba%e1%82%87%e1%80%9e%e1%80%ae%e1%82%87%e1%80%9e%e1%80%ad%e1%80%af%e1%81%b5%e1%80%ba%e1%80%b8%e1%80%99%e1%81%a2%e1%81%bc%e1%80%ba%e1%82%88-%e1%81%b8%e1%82%82-6/

ၶွင်ႇသီႇသိုၵ်းမၢၼ်ႈ ၸႂ်ႉႁိူဝ်းမိၼ် ပွႆႇမၢၵ်ႇသႂ်ႇ တပ်ႉသိုၵ်း တဢၢင်း TNLA ၼႂ်းၸေႈဝဵင်းၼမ်ႉတူႈ

ၶွင်ႇသီႇသိုၵ်းမၢၼ်ႈၸႂ်ႉႁိူဝ်းမိၼ်တိုၵ်းသႅၼ်း(jet fighter) ၼိုင်ႈလမ်း ၶဝ်ႈယိုဝ်းၵွင်ႈၸၢၵ်ႈ ပွႆႇမၢၵ်ႇသႂ်ႇ ၼႂ်းဝဵင်းၼမ်ႉတူႈ တီႈဢၼ် တပ်ႉသိုၵ်းတဢၢင်း TNLA ဢဝ်တီႈယူႇဝႆႉ ၼၼ်ႉ ၼႆယူႇယဝ်ႉ။ မိူဝ်ႈၼႆႉ ဝၼ်းထီႉ 02/01/2024 ၶၢဝ်းယၢမ်း 20:15 မူင်း ၼၼ်ႉ ၶွင်ႇသီႇသိုၵ်းမၢၼ်ႈ ၸႂ်ႉႁိူဝ်းမိၼ်တိုၵ်း သႅၼ်း (jet fighter) ၼိုင်ႈလမ်း ယိုဝ်းၵွင်ႈၸၢၵ်ႈသႂ်ႇၼႂ်းဝဵင်းၼမ်ႉတူႈ မွၵ်ႈ (10) ၵမ်းသေ မိူဝ်ႈၶၢဝ်းယၢမ်း 20:45 မူင်း ၼၼ်ႉ ၶဝ်ႈပွႆႇမၢၵ်ႇသႂ်ႇ ၼႂ်းဝဵင်းၼမ်ႉတူႈထႅင်ႈ မွၵ်ႈ (6) ၵမ်း ၵူၼ်း မိူင်းပိုၼ်ႉတီႈ ဢွၼ်ၵၼ်တူၵ်းၸႂ် ၵမ်ႈၽွင်ႈၵေႃႈ ဢမ်ႇႁတ်းယူႇ ဢမ်ႇႁတ်းၼွၼ်းၼႂ်းႁိူၼ်း ဢွၼ်ၵၼ် ၶဝ်ႈယူႇ ၶဝ်ႈပႅပ်ႉၼႂ်းလုၵ်းဝႆႉ ၼႆယူႇယဝ်ႉ။ ၼႂ်းဝဵင်းၼမ်ႉတူႈၼႆႉ ဝၢႆးသေ တပ်ႉသိုၵ်းတဢၢင်း TNLA တိုၵ်းသိမ်းလႆႈ တပ်ႉၶွင်ႇသီႇသိုၵ်းမၢၼ်ႈယဝ်ႉ တပ်ႉသိုၵ်း TNLA ၶဝ်ႈဢဝ်တီႈယူႇထိုင်ၼႂ်းဝဵင်းၼမ်ႉတူႈ သေ ၾၢႆႇၶွင်ႇသီႇသိုၵ်းမၢၼ်ႈၵေႃႈ ၵႆႉၵႆႉ ၸႂ်ႉႁိူဝ်းမိၼ် ၶဝ်ႈပွႆႇမၢၵ်ႇ တိုၵ်းယိုဝ်းၼႂ်းဝဵင်းၼမ်ႉတူႈ လႄႈ ၵူၼ်းမိူင်းဝဵင်းၼမ်ႉတူႈ ဢမ်ႇမီးလွင်ႈႁူမ်ႇလူမ်ႈ ၵူၼ်းပၢႆႈၽေးပၢင်တိုၵ်းၸိူဝ်းၶႆႈပွၵ်ႈၶိုၼ်း ႁိူၼ်းၵေႃႈ ဢမ်ႇႁတ်းပွၵ်ႈၶိုၼ်းႁိူၼ်း ၼႆယူႇယဝ်ႉ။ Photo- Credit

['ၵၢၼ်သိုၵ်း']

2024-01-01T12:33:12

https://ssppssa.org/2024/01/%e1%81%b6%e1%80%b0%e1%80%9d%e1%80%ba%e1%80%9d%e1%81%a2%e1%81%bc%e1%80%ba%e1%82%88%e1%80%a2%e1%80%ae%e1%82%87%e1%81%bc%e1%81%a2%e1%82%86%e1%80%b8-%e1%81%bc%e1%82%82%e1%80%ba%e1%80%b8%e1%81%b8%e1%80%b1/

ၶူဝ်ဝၢၼ်ႈဢီႇၼၢႆး ၼႂ်းၸေႈဝဵင်းလႃႈသဵဝ်ႈ လူႉၵွႆ ၊ ၵူၼ်းဝဵင်းၼမ်ႉတူႈ ၸိူဝ်းပၢႆႈၽေးပၢင်တိုၵ်း မီးလွင်ႈယၢပ်ႇၸႂ် ဢမ်ႇၸၢင်ႈပွၵ်ႈၶိုၼ်းႁိူၼ်း

ၶွင်ႇသီႇသိုၵ်းမၢၼ်ႈ တင်း တပ်ႉသိုၵ်းတဢၢင်း TNLA ၸႂ်ႉၵွင်ႈလူင် ပိုတ်းယိုဝ်းၸူးၵၼ် ၼႂ်းဝၢၼ်ႈဢီႇၼၢႆး ဢိူင်ႇဢီႇၼၢႆး ၸေႈဝဵင်းလႃႈသဵဝ်ႈလႄႈ ႁဵတ်းႁႂ်ႈၶူဝ်လူင် ဝၢၼ်ႈဢီႇၼၢႆးလူႉလႅဝ် ၵူၼ်းမိူင်း ဝဵင်းၼမ်ႉတူႈ ၸိူဝ်းပၢႆႈၽေးပၢင်တိုၵ်း မီးလွင်ႈယၢပ်ႇၸႂ် ဢမ်ႇၸၢင်ႈပွၵ်ႈ ၶိုၼ်းႁိူၼ်း ၼႆယူႇယဝ်ႉ။ မိူဝ်ႈဝၼ်းထီႉ 31/12/2023 ၶၢဝ်းယၢမ်းၵၢင် ၶိုၼ်း 24:00 မူင်းၼၼ်ႉ ယွၼ်ႉၶွင်ႇသီႇသိုၵ်းမၢၼ်ႈ တင်းတပ်ႉသိုၵ်း တ ဢၢင်း TNLA ၸႂ်ႉၵွင်ႈလူင် ပိုတ်းယိုဝ်းတေႃႇၵၼ် ၼႂ်းဝၢၼ်ႈဢီႇၼၢႆး ဢိူင်ႇဢီႇၼၢႆး ၸေႈဝဵင်းလႃႈသဵဝ်ႈ လႄႈ မိူဝ်ႈဝၼ်းထီႉ 01/01/2024 ဝၼ်းပီႊမႂ်ႇလုမ်ႈၾႃႉ မိူဝ်ႈၶၢဝ်းယၢမ်း ၵၢင်ၼႂ်ၸဝ်ႉ 3:10 မူင်းၼၼ်ႉ ႁဵတ်းႁႂ်ႈၶူဝ်လူင် ဝၢၼ်ႈဢီႇၼၢႆး ဢၼ်ၵႆၢႇၶၢမ်ႈႁွင်ႈၼမ်ႉယၢဝ် ၼိူဝ်သဵၼ်ႈ တၢင်းလူင် လႃႈသဵဝ်ႈ-ၼမ်ႉတူႈၼၼ်ႉ လႆႈလူႉၵွႆ သေ ၵူၼ်း မိူင်းၼႂ်းၸေႈဝဵင်းၼမ်ႉတူႈ ဢၼ်ပၢႆႈၽေးပၢင်တိုၵ်း ၵႂႃႇသွၼ်ႈသဝ်းဝႆႉ ၼႂ်းၸေႈဝဵင်းလႃႈသဵဝ်ႈ (70) ၵေႃႉပၢႆ ၼၼ်ႉ မီးလွင်ႈယၢပ်ႇၸႂ် ဢမ်ႇၸၢင်ႈပွၵ်ႈၶိုၼ်းႁိူၼ်းၼႆယူႇယဝ်ႉ။ ၵူၼ်းမိူင်းၼႂ်းၸေႈဝဵင်းၼမ်ႉတူႈ ဢၼ်ပၢႆႈၽေးပၢင်တိုၵ်း မႃးသွၼ်ႈသဝ်းဝႆႉ ၸွမ်းဝတ်ႉၵျွင်း ၼႂ်းၸေႈဝဵင်းလႃႈ သဵဝ်ႈၼႆႉ မီး(70) ၵေႃႉပၢႆ ၊ ဝၢႆးသေပၢင်တိုၵ်းၼႂ်းၸေႈဝဵင်းၼမ်ႉတူႈယဵၼ်ၵႂႃႇယဝ်ႉၼၼ်ႉ ၵမ်ႈၽွင်ႈၵေႃႈၶႆႈဢွၼ်ၵၼ်ပွၵ်ႈၶိုၼ်းႁိူၼ်း ယွၼ်ႉဝႃႈ ၼိူဝ်သဵၼ်ႈတၢင်းလူင် လႃႈသဵဝ်ႈ-ၼမ်ႉတူႈ တီႈၼႂ်းဢိူင်ႇဢီႇၼၢႆး ၸေႈဝဵင်းလႃႈသဵဝ်ႈ ၼၼ်ႉ ၶွင်ႇသီႇသိုၵ်းမၢၼ်ႈတင်းတပ်ႉသိုၵ်းတဢၢင်း TNLA ၸႂ်ႉၵွင်ႈလူင် ပိုတ်းယိုဝ်းတေႃႇၵၼ် ႁဵတ်းႁႂ်ႈမၢၵ်ႇတူၵ်းတႅၵ်ႇတိူဝ်ႉၺႃး ၶူဝ်လူင်ဝၢၼ်ႈဢီႇၼၢႆး ဢၼ်ၵၢႆႇၶၢမ်ႈ ၼမ်ႉယၢဝ် လူႉလႅဝ် လႄႈ လူတ်ႉၵႃး ဢမ်ႇၸၢင်ႈၵႂႃႇမႃး ၼိူဝ်သဵၼ်ႈတၢင်းလူင် လႃႈသဵဝ်ႈ- ၼမ်ႉတူႈ သေ ၵူၼ်းမိူင်း ပၢႆႈၽေးပၢင်တိုၵ်း ၸိူဝ်းဢၼ်လူဝ်ႇလုၵ်ႉၼႂ်းဝဵင်းလႃႈသဵဝ်ႈ ပွၵ်ႈၶိုၼ်းၾၢႆႇဝဵင်းၼမ်ႉတူႈ ဢမ်ႇၸၢင်ႈပွၵ်ႈ ၶိုၼ်း ႁိူၼ်း ၊ တေသိုပ်ႇယူႇ ၼႂ်းဝဵင်းလႃႈသဵဝ်ႈၵေႃႈ မႆႈၸႂ် ၵူဝ်ပၢင်တိုၵ်းၵိူတ်ႇၶိုၼ်ႈၼႂ်းဝဵင်းလႃႈသဵဝ်ႈ ၼႆယူႇယဝ်ႉ။ “ၸႂ်ႈၶႃႈဢေႃႈ ၶူဝ်လူင်ဝၢၼ်ႈဢီႇၼၢႆး ႁၢၵ်းၵႂႃႇယဝ်ႉၶႃႈ လူတ်ႉၵႃးဢမ်ႇၸၢင်ႈၵႂႃႇမႃးယဝ်ႉ တႃႇတေၵႂႃႇမႃး ၾၢႆႇပုၼ်ႉ ၼမ်ႉ ၾၢႆႇၼႆႉၼမ်ႉတေႉ ယၢပ်ႇယဝ်ႉၶႃႈ ၾၢႆႇသဵၼ်ႈ တၢင်းသီႇပေႃႉၵေႃႈ သိုၵ်းမၢၼ်ႈၶဝ်ပိၵ်ႉဝႆႉ ဢမ်ႇပၼ်ၶဝ်ႈ ၶႃႈ မိူဝ်ႈၼႆႉ ယၢမ်းဝၢႆးဝၼ်း ၵေႃႈ သိုၵ်းမၢၼ်ႈတိုၵ်ႉယူႇ ၼႂ်းဝဵင်း လႃႈသဵဝ်ႈသေ ယိုဝ်းၵွင်ႈလူင်ၵႂႃႇ ၾၢႆႇႁွင်ႇဝၢၼ်ႈဢီႇ ၼၢႆးယူႇၶႃႈ။ မိူဝ်ႈလဵဝ်ၼႆႉ တေမိူဝ်းၵေႃႈဢမ်ႇ ၸၢင်ႈ တေယူႇတီႈဢွင်ႈပၢႆႈၽေးၼႂ်းဝဵင်းလႃႈသဵဝ်ႈ ၼႆႉ ၵေႃႈ ႁဝ်းၶႃႈ မႆႈၸႂ် ၵူဝ်ပၢင်တိုၵ်းၵိူတ်ႇၶိုၼ်ႈ ၼႂ်းလႃႈသဵဝ်ႈၼႆႉၶႃႈဢေႃႈ” ၵူၼ်းမိူင်း ပိုၼ်ႉတီႈ ဢၼ်ပၢႆႈၽေးပၢင်တိုၵ်း ၵေႃႉၼိုင်ႈလၢတ်ႈၼႄ ၼင်ႇၼႆ။ ယွၼ်ႉၶွင်ႇသီႇသိုၵ်းမၢၼ်ႈ တင်းတပ်ႉသိုၵ်း တဢၢင်း TNLA ၶဵင်ႈၶႅင်ၼႃႈသိုၵ်းတေႃႇၵၼ်ဝႆႉ ၼႂ်းဢိူင်ႇဢီႇၼၢႆးသေ ၵႆႉၸႂ်ႉၵွင်ႈလူင်ပိုတ်းယိုဝ်းတေႃႇၵၼ် ၼႂ်းၼိူင်ႇဢီႇ ၼၢႆးလႄႈ ၵူၼ်းမိူင်းပိုၼ်ႉတီႈ ၼႂ်းဢိူင်ႇဢီႇၼၢႆး ၼပ်ႉႁူဝ် ပၢၵ်ႇ လႆႈဢွၼ်ႇၵၼ်ပၢႆႈၽေး ၵႂႃႇသွၼ်ႈသဝ်းဝႆႉ ၼႂ်းထုင်ႉမိူင်းယဵၼ် ၸေႈဝဵင်းၼမ်ႉတူႈ လႄႈ ၵမ်ႈၽွင်ႈၵေႃႈ ဢွၼ် ၵၼ်ပၢႆႈၵႂႃႇ ၼႂ်းၸေႈဝဵင်းလႃႈသဵဝ်ႈ ၸဵမ်ၸိူဝ်းၼႆႉယူႇယဝ်ႉ။

['ၵၢၼ်သိုၵ်း']

2023-12-31T05:56:57

https://ssppssa.org/2023/12/%e1%81%b6%e1%80%bd%e1%80%84%e1%80%ba%e1%82%87%e1%80%9e%e1%80%ae%e1%82%87%e1%80%9e%e1%80%ad%e1%80%af%e1%81%b5%e1%80%ba%e1%80%b8%e1%80%99%e1%81%a2%e1%81%bc%e1%80%ba%e1%82%88-%e1%80%90%e1%80%ad%e1%80%af/

ၶွင်ႇသီႇသိုၵ်းမၢၼ်ႈ တိုၵ်ႉၸႂ်ႉႁိူဝ်းမိၼ် တိုၵ်းယိုဝ်း TNLA ၼႂ်းၸေႈဝဵင်းၼမ်ႉတူႈ လႄႈ ၵူၼ်းပၢႆႈၽေးပၢင်တိုၵ်း ပႆႇႁတ်းပွၵ်ႈၶိုၼ်းႁိူၼ်း

ဝၢႆးတပ်ႉသိုၵ်းတဢၢင်း TNLA ပိုၼ်ၽၢဝ်ႇတိုၵ်းသိမ်းလႆႈ တပ်ႉသိုၵ်းၶွင်ႇသီႇသိုၵ်းမၢၼ်ႈ ၼႂ်းၸေႈဝဵင်းၼမ်ႉတူႈယဝ်ႉ ၾၢႆႇၶွင်ႇသီႇသိုၵ်းမၢၼ်ႈ တိုၵ်ႉၸႂ်ႉႁိူဝ်းမိၼ်တိုၵ်း ပွႆႇမၢၵ်ႇတိုၵ်းယိုဝ်းတေႃႇ တပ်ႉသိုၵ်းတဢၢင်း TNLA လႄႈ ၵူၼ်းမိူင်း ဝဵင်းၼမ်ႉတူႈ ၸိူဝ်းပၢႆႈၽေးပၢင်တိုၵ်း ပႆႇႁတ်းပွၵ်ႈၶိုၼ်းႁိူၼ်း ၼႆယူႇယဝ်ႉ။ မိူဝ်ႈဝၼ်းထီႉ 28-29/12/2023 ၼႂ်းၶၢဝ်းတၢင်း (2) ဝၼ်း ၼၼ်ႉ ၾၢႆႇၶွင်ႇသီႇသိုၵ်းမၢၼ်ႈ တိုၵ်ႉၸႂ်ႉႁိူဝ်းမိၼ်တိုၵ်း ပွႆႇမၢၵ်ႇ တိုၵ်းယိုဝ်းတေႃႇ ‌တပ်ႉသိုၵ်းတဢၢင်း TNLA ၼႂ်း ၸေႈဝဵင်းၼမ်ႉတူႈ လႄႈ ၵူၼ်းမိူင်းပိုၼ်ႉတီႈ ၼႂ်းၸေႈဝဵင် ၼမ်ႉတူႈ ၸိူဝ်းပၢႆႈၽေး ပၢင်တိုၵ်း ပႆႇႁတ်းပွၵ်ႈၶိုၼ်း ႁိူၼ်း ၼႆယူႇယဝ်ႉ။ ၵဵဝ်ႇလူၺ်ႈလွင်ႈၼႆႉသေ ၵူၼ်းမိူင်းပိုၼ်ႉတီႈ ၸေႈဝဵင်းၼမ်ႉတူႈ ဢၼ်ပၢႆႈၽေး ပၢင်တိုၵ်း ၵေႃႉၼိုင်ႈလၢတ်ႈၼႄဝႃႈ- “ၸႂ်ႈၶႃႈဢေႃႈ မိူဝ်ႈဝၼ်းထီႉ 27/12/2023 ၼၼ်ႉ သိုၵ်းလွႆ ၶဝ်တိုၵ်းသိမ်းလႆႈတပ်ႉသိုၵ်းမၢၼ်ႈ တီႈၸေႈဝဵင်းၼမ်ႉတူႈယဝ်ႉၶႃႈဢေႃႈ။ ဝၢႆးၼၼ်ႉ ၵႂႃႇၵေႃႈ ႁဝ်းၶႃႈထၢင်ႇဝႃႈ တေယဵၼ်ယဝ်ႉႁိုဝ်ၼႆ သမ်ႉဢမ်ႇယဵၼ် မိူဝ်ႈဝႃးလႄႈမိူဝ်ႈ ၼႆႉ သိုၵ်းမၢၼ်ႈသမ်ႉဢဝ်ႁိူဝ်းမိၼ် ၶိုၼ်းမႃးပွႆႇမၢၵ်ႇသႂ်ႇ သိုၵ်းလွႆ ၵူႈဝၼ်းၸိူင်ႉၼႆဢေႃႈ။ ၵမ်ႉမႃးပေႃးႁဝ်းမိူဝ်း သင်ၸိူဝ်ႉသိုၵ်းလွႆမႃးယူႇၼႂ်းပွၵ်ႉႁဝ်း ႁဝ်းၶႃႈသမ်ႉၵူဝ် ႁိူဝ်း မိၼ်မႃးပွႆႇမၢၵ်ႇသႂ်ႇၸိူင်ႉၼႆ ၶႃႈ ဢေႃႈ။ မိူဝ်းတေႉၶႆႈမိူဝ်း ၼႃႇယဝ်ႉၶႃႈ တီႈလႂ်ၵေႃႈဢမ်ႇမိူၼ်ႁိူၼ်းႁဝ်း ၶႃႈလႄႇ ၼေႃႈ ” ဝႃႈၼႆ။ ဢွင်ႈတီႈဢၼ်သိုၵ်းမၢၼ်ႈ ၸႂ်ႉႁိူဝ်းမိၼ်တိုၵ်းပွႆႇမၢၵ်ႇသႂ်ႇ တပ်ႉသိုၵ်း တဢၢင်း TNLA ၼၼ်ႉ ၸွမ်းသၼ်လွႆၼၢင်း ဢၼ်မီး ၸဵင်ႇႁွင်ႇဝၼ်းဢွၵ်ႇဝဵင်းၼမ်ႉတူႈ ၊ တီႈႁိမ်းတပ်ႉ ၶမယ 324 ဢၼ်တပ်ႉသိုၵ်းတဢၢင်း TNLA တိုၵ်းသိမ်းလႆႈ လႄႈ တီႈႁိမ်းၵိၵ်ႉလၼ်ႇ TNLA တၢင်းၶဝ်ႈဝၢၼ်ႈလီႈ ၊ ၼႂ်းဝၢၼ်ႈလီႈ ဢိူင်ႇဝၢၼ်ႈလီႈၸေႈဝဵင်းၼမ်ႉတူႈသေ မၢၵ်ႇ ဢၼ်ႁိူဝ်းမိၼ်သိုၵ်းမၢၼ်ႈပွႆႇၼၼ်ႉ တူၵ်းတႅၵ်ႇတိူဝ်ႉၺႃး ဝတ်ႉ ၵျွင်းဝၢၼ်ႈလီႈ လႆႈလူႉၵွႆ ၊ ၸၢၵ်ႇမၢၵ်ႇသဵၼ်တိူဝ်ႉ ၺႃး မေႃသွၼ်ယိင်း ၸၢဝ်းလွႆၵေႃႉၼိုင်ႈ လႆႈလူႉသဵင်ႈသၢႆၸႂ်ၵႂႃႇ ၼႆယူႇယဝ်ႉ။

['ၵၢၼ်သိုၵ်း']

2023-12-29T11:14:21

https://ssppssa.org/2023/12/sspp-ssa-%e1%81%b8%e1%80%bd%e1%82%86%e1%82%88%e1%82%81%e1%80%b5%e1%80%90%e1%80%ba%e1%80%b8%e1%81%bc%e1%80%99%e1%80%ba%e1%82%89-%e1%80%99%e1%82%84%e1%80%b8%e1%80%9e%e1%80%ad%e1%80%b0%e1%80%9d%e1%80%ba/

SSPP/SSA ၸွႆႈႁဵတ်းၼမ်ႉ မႄးသိူဝ်ႇတၢင်းပၼ် ပေႃႈမႄႈ ၵူၼ်းမိူင်းၼႂ်းပိုၼ်ႉတီႈ ၸေႈဝဵင်းၵျွၵ်ႉမႄး

ယိူင်းဢၢၼ်း တႃႇပေႃႈမႄႈၵူၼ်းမိူင်း တေၵႂႃႇမႃးငၢႆႈ ၊ တႃႇမီးၼမ်ႉၸႂ်ႉတိုဝ်းထိုင်ၼႂ်းဝၢၼ်ႈ ၼႆသေ ၽူႈမီးပုၼ်ႈ ၽွၼ်း ၾၢႆႇတပ်ႉ ၾၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP /SSA ဢၼ်ပၵ်းသဝ်းတူင်ႉၼိုင်ဝႆႉ ၼႂ်းၼႃႈတီႈဢုပ်ႉပိူင်ႇ ၸေႈဝဵင်း ၵျွၵ်ႉမႄး ၼၼ်ႉ ၸွႆႈ ဢဝ်ၼမ်ႉမႃး ၼႂ်းဝၢၼ်ႈ ၊ ၸွႆႈသိူဝ်ႇတၢင်း ၊ မႄးတၢင်းပၼ် ပေႃႈမႄႈ ၵူၼ်းမိူင်းၼႂ်းပိုၼ်ႉတီႈ။ မိူဝ်ႈဝၼ်းထီႉ 26-28/12/2023 ၶၢဝ်းတၢင်း ( 3) ဝၼ်း ၼၼ်ႉ ယူႇတီႈ ၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ SSPP/SSA ဢၼ်ပၵ်းသဝ်းတူင်ႉၼိုင် ၼႂ်းပိုၼ်ႉတီႈ ၸေႈဝဵင်း ၵျွၵ်ႉမႄး လႆႈဢွၼ်ႁူဝ် ၵေႃႉသိုၵ်း ၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇ လႄႈ ‌ပေႃႈမႄႈၵူၼ်းမိူင်း ႁူမ်ႈႁႅင်းၵူၼ်း (249) ၵေႃႉ ဢွၼ်ၵၼ် မႄးၶုတ်းၼမ်ႉမေႃႇ ဢဝ်ၼမ်ႉသႂ်ႇလွတ်ႇ မႃးၸူးၼႂ်းဝၢၼ်ႈ သေ ၸွႆႈသိူဝ်ႇသၢႆးပၼ် ပေႃႈမႄႈ ၵူၼ်းမိူင်း တီႈဝၢၼ်ႈၶၢႆးတူၼ်ႈၵႅင်း ပွၵ်ႉ( 3) ဢိူင်ႇၼွင်ပိင် ၸေႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ၼၼ်ႉယူႇယဝ်ႉ။ၶူဝ်းၸႂ်ႉတိုဝ်း ဢၼ်လႆႈၸွႆႈထႅမ်ၵႂႃႇၼၼ်ႉ သၢႆးတႃႇသိူဝ်ႇတၢင်း (17) လမ်း၊ လွတ်ႇၼမ်ႉ သႅၼ်း 2 ပႅၵ်ႉ(6) လႅမ်ႈ ၊ လွတ်ႇၼမ်ႉသႅၼ်း ၼိုင်ႈၶိုင်ႈပႅၵ်ႉ (42) လႅမ်ႈ ၼႆယူႇယဝ်ႉ။

['ၵၢၼ်ၵေႃႇသၢင်ႈတွၼ်ႈလိၼ်ၶိုၼ်ႈယႂ်']

2023-12-28T11:45:00

https://ssppssa.org/2023/12/%e1%80%99%e1%80%af%e1%81%b5%e1%80%ba%e1%82%89%e1%81%b8%e1%80%af%e1%80%99%e1%80%ba%e1%80%b8%e1%81%bc%e1%81%a2%e1%80%84%e1%80%ba%e1%80%b8%e1%80%9a%e1%80%ad%e1%80%84%e1%80%ba%e1%80%b8-%e1%80%84-2/

မုၵ်ႉၸုမ်းၼၢင်းယိင်း ငဝ်ႈငုၼ်း SSPP/SSA ႁူပ်ႉထူပ်းပၼ်ႁႅင်းၸႂ် ၸွႆႈထႅမ်ငိုၼ်း တီႈၵူၼ်းပၢႆႈၽေး ပၢင်တိုၵ်း ၼႂ်းပိုၼ်ႉတီႈ ၸေႈဝဵင်းၼမ်ႉၶမ်း

မုၵ်ႉၸုမ်းၼၢင်းယိင်း ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA လူင်းပိုၼ်ႉတီႈ ႁူပ်ႉထူပ်း ပေႃႈမႄႈၵူၼ်းမိူင်း လႄႈ ၸွႆႈထႅမ် ငိုၼ်း တႃႇၵူၼ်း ပၢႆႈ ၽေးပၢင်တိုၵ်း ၼႂ်းၸေႈဝဵင်းၼမ်ႉၶမ်း ၸိုင်ႈတႆးပွတ်းႁွင်ႇ ၼႆယူႇယဝ်ႉ ။မိူဝ်ႈဝၼ်းထီႉ 27/12/2023 ၼၼ်ႉ ယူႇတီႈမုၵ်ႉၸုမ်းၼၢင်းယိင်း တီႈငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်း ၸိုင်ႈတႆး SSPP/SSA လႆႈလူင်းႁူပ်ႉထူပ်း ပၼ်ႁႅင်းၸႂ် ပေႃႈမႄႈၵူၼ်းမိူင်း ၸိူဝ်းဢၼ်ပၢႆႈၽေးပၢင်တိုၵ်း ၼႂ်း ၸေႈဝဵင်းၼမ်ႉၶမ်း သေ လႆႈၸွႆႈထႅမ်ငိုၼ်း (50) သႅၼ် (ႁႃႈသိပ်းသႅၼ်) ၵျၢပ်ႈ ၼႆႉယူႇယဝ်ႉ။

['ၵၢၼ်ၸွႆႈထႅမ်ပေႃႈမႄႈၵူၼ်းမိူင်း']

2023-12-28T09:16:33

https://ssppssa.org/2023/12/%e1%81%be%e1%81%a2%e1%82%86%e1%82%87%e1%80%a2%e1%80%af%e1%80%95%e1%80%ba%e1%82%89%e1%80%95%e1%80%ad%e1%80%b0%e1%80%84%e1%80%ba%e1%82%87-sspp-%e1%81%b8%e1%80%bd%e1%82%86%e1%82%88%e1%80%91%e1%82%85-2/

ၾၢႆႇဢုပ်ႉပိူင်ႇ SSPP ၸွႆႈထႅမ်ၶဝ်ႈသၢၼ် လႄႈလွင်ႈၵိၼ်ယမ်ႉ တီႈၵူၼ်းပၢႆႈၽေးပၢင်တိုၵ်း ၼႂ်းထုင်ႉမိူင်းယဵၼ် ၸေႈဝဵင်းၼမ်ႉတူႈ

ၽူႈမီးပုၼ်ႈၽွၼ်းၾၢႆႇဢုပ်ႉပိူင်ႇ SSPP ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ(17) ထုင်ႉမိူင်းယဵၼ် ၸေႈဝဵင်းၼမ်ႉတူႈ ၸေႈတွၼ်ႈမၢႆ(8) ၼၼ်ႉ လူင်းႁူပ်ႉထူပ်း ၵူၼ်းမိူင်းၸိူဝ်းပၢႆႈၽေးပၢင်တိုၵ်း လႄႈ ၸွႆႈထႅမ်ပၼ် ၶဝ်ႈသၢၼ် ၊ ၶိူင်ႈ ၵိၼ်ယမ်ႉ ၸဵမ်ၸိူဝ်းၼႆႉယူႇယဝ်။ မိူဝ်ႈဝၼ်းထီႉ 27/12/2023 ၶၢဝ်းယၢမ်း ၵၢင်ၼႂ် 10 မူင်း ၼၼ်ႉ ယူႇတီႈၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ SSPP ၼႂ်းၼႃႈတီႈဢုပ်ႉပိူင်ႇ ၸေႈတွၼ်ႈမၢႆ(8) ၸေႈဝဵင်းမၢႆ(17) ထုင်ႉမိူင်းယဵၼ် ၸေႈဝဵင်းၼမ်ႉတူႈ လႆႈလူင်းႁူပ်ႉထူပ်း ပေႃႈမႄႈၵူၼ်းမိူင်း ၸိူဝ်းလုၵ်ႉတီႈ ဝၢၼ်ႈၼႃးလိၼ်း ၊ ဝၢၼ်ႈႁေႃၼႃး ဢိူင်ႇဝၢၼ်ႈသႃႇလူင် ၸေႈဝဵင်းၼမ်ႉတူႈ သေ ပၢႆႈၽေးပၢင်တိုၵ်း မႃးသွၼ်ႈသဝ်းဝႆႉ တီႈဝတ်ႉၵျွင်း မုၼ်ၸဝ်ႈ ဝၢၼ်ႈပၢင်ႇ ၊ ဝၢၼ်ႈၶူဝ်မႃႉ ဢိူင်ႇမိူင်းယဵၼ် လႄႈ လႆႈၸွႆႈထႅမ်ပၼ် တႃႇၵူၼ်းပၢႆႈၽေး တီႈဝတ်ႉၵျွင်းဝၢၼ်ႈၶူဝ်မ ၶဝ်ႈသၢၼ်(3)ထူင်၊ ၼမ်ႉမၼ်းၵိၼ်(2) တဝ်ႈ ၊ ၽၵ်းၵၢတ်ႇ (1)ထူင် ၊ တႃႇၵူၼ်းပၢႆႈၽေးတီႈဝတ်ႉၵျွင်းဝၢၼ်ႈပၢင်ႇ လႆႈၸွႆႈထႅမ် ၶဝ်ႈသၢၼ် (2) တၢင်ပၢႆ ၼိုင်ႈၶိုင်ႈထူင် ၊ ၼမ်ႉမၼ်း(2) တဝ်ႈ ၊ ၽၵ်းၵၢတ်ႇ (1) ထူင် ၸဵမ် ၸိူဝ်းၼႆႉယူႇယဝ်ႉ။ ၵူၼ်းပၢႆႈၽေးပၢင်တိုၵ်း ဢၼ်မႃးသွၼ်ႈသဝ်းဝႆႉ တီႈဝတ်ႉ ၵျွင်း ဝၢၼ်ႈပၢင်ႇ ၊ ဝတ်ႉၵျွင်းဝၢၼ်ႈၶူဝ်မႃႉၼႆႉ ႁူမ်ႈသဵင်ႈမီး (160) ၵေႃႉ လႄႈ ယွၼ်ႉၶွင်ႇသီႇသိုၵ်းမၢၼ်ႈ ၵႆႉယူႇတီႈ တပ်ႉ ၶမယ 324 ဝဵင်းၼမ်ႉတူႈ သေ ၸႂ်ႉၵွင်ႈလူင် 120 MM ယိုဝ်းၶဝ်ႈ ၼႂ်းဝၢၼ်ႈလႄႈ ၸင်ႇလႆႈဢွၼ်ၵၼ် ပၢႆႈႁႃတီႈလွတ်ႈၽေး ၼႆယူႇယဝ်ႉ။

['ၵၢၼ်သိုၵ်း']

2023-12-27T05:32:28

https://ssppssa.org/2023/12/%e1%81%b6%e1%80%bd%e1%80%84%e1%80%ba%e1%82%87%e1%80%9e%e1%80%ae%e1%82%87%e1%80%9e%e1%80%ad%e1%80%af%e1%81%b5%e1%80%ba%e1%80%b8%e1%80%99%e1%81%a2%e1%81%bc%e1%80%ba%e1%82%88-%e1%80%90%e1%80%84-9/

ၶွင်ႇသီႇသိုၵ်းမၢၼ်ႈ တင်းတပ်ႉသိုၵ်းတဢၢင်း TNLA သိုပ်ႇ ပဵၼ်ပၢင်တိုၵ်းၵၼ်ထႅင်ႈ ၼႂ်းၸေႈဝဵင်းၼမ်ႉတူႈ

ၶွင်ႇသီႇသိုၵ်းမၢၼ်ႈ တင်း တပ်ႉသိုၵ်းတဢၢင်း TNLA ပဵၼ်ပၢင်တိုၵ်းၵၼ်ထႅင်ႈ ႁၢဝ်ႈႁႅင်း ၼႂ်းၸေႈဝဵင်းၼမ်ႉတူႈ ၸိုင်ႈ တႆးပွတ်းႁွင်ႇ။ မိူဝ်ႈၼႆႉ ဝၼ်းထီႉ 27/12/2023 ၶၢဝ်းယၢမ်းၵၢင်ၼႂ် 3:25 မူင်း ၼၼ်ႉ ၶွင်ႇသီႇသိုၵ်းမၢၼ်ႈ ၸႂ်ႉႁိူဝ်းမိၼ်တိုၵ်း (3) လမ်း တိုၵ်းယိုဝ်း ပွႆႇမၢၵ်ႇသႂ်ႇ တပ်ႉသိုၵ်းတဢၢင်း TNLA တီႈႁိမ်း ဝၢၼ်ႈၶူဝ်ၽိူၵ်ႇ ဢၼ်မီးၾၢႆႇၸၢၼ်းတပ်ႉ ၶမယ (324) လႄႈ ၾၢႆႇဢွၵ်ႇ တပ်ႉၶမယ(324) မွၵ်ႈ (10) လုၵ်ႈပၢႆ ပွၵ်ႈၼိုင်ႈ ၊ မိူဝ်ႈၶၢဝ်းယၢမ်း ၵၢင်ၼႂ် 6:15 မူင်းၼၼ်ႉ ႁိူဝ်းမိၼ်တိုၵ်း (3) လမ်း ပွႆႇမၢၵ်ႇတိုၵ်းယိုဝ်းထႅင်ႈပွၵ်ႈၼိုင်ႈ သေ ဝၢႆးႁိူဝ်းမိၼ် ပွႆႇမၢၵ်ႇ တိုၵ်းယိုဝ်းယဝ်ႉ မိူဝ်ႈၶၢဝ်းယၢမ်းၵၢင်ၼႂ် 8:40 မူင်း သွင်ၾၢႆႇၶိုၼ်းတေႇပဵၼ်ပၢင်တိုၵ်း ၵၼ် တီႈတပ်ႉ ၶမယ(324) ဝဵင်းၼမ်ႉတူႈထႅင်ႈႁၢဝ်ႈႁၢဝ်ႈႁႅင်းႁႅင်း တေႃႇထိုင် ၶၢဝ်းယၢမ်းၵၢင်ၼႂ် 10:30 မူင်းၼႆႉ သဵင် ၵွင်ႈ သဵင်မၢၵ်ႇ တိုၵ်ႉမေႃးဝႆႉယူႇ ၼႆယဝ်ႉ။ မိူဝ်ႈဝၼ်းထီႉ 26/12/2023 ၼၼ်ႉ‌ၵေႃႈ တပ်ႉသိုၵ်းတ ဢၢင်း TNLA တင်းၶွင်ႇသီႇသိုၵ်းမၢၼ်ႈ ပဵၼ်ပၢင်တိုၵ်း ၵၼ်ႁၢဝ်ႈႁႅင်း တီႈႁိမ်းတပ်ႉ ၶမယ (324) ဝဵင်းၼမ်ႉတူႈ ၼၼ်ႉသေ ယွၼ်ႉသွင်ၾၢႆႇပိုတ်းယိုဝ်းၵၼ်လႄႈ မၢၵ်ႇလူင်တူၵ်း တိူဝ်ႉၺႃး ႁိူၼ်းၵူၼ်းမိူင်း တီႈတၢင်းၶဝ်ႈဝဵင်းၼမ်ႉတူႈ ႁိမ်းဝတ်ႉၵျွင်းမုၼ်ၸဝ်ႈ မျုဝ်ႉဢူး ၼၼ်ႉၼိုင်ႈလင် ၊ တူၵ်း တိူဝ်ႉၺႃး ႁူင်းႁဵၼ်းထိင်းလုၵ်ႈဢွၼ်ႇ(မူကြိုကျောင်း) ဢၼ်မီးၼႂ်းဝၢင်းႁူင်းႁဵၼ်းၸၼ်ႉသုင် ဢထၵ (1) ၼၼ်ႉ ၼိုင်ႈလင်သေ ၾႆးမႆႈလူႉၵွႆၵႂႃႇၼႆ ယူႇယဝ်ႉ။ ယွၼ်ႉပၢင်တိုၵ်းသေ ၵူၼ်းမိူင်းၼႂ်းၸေႈဝဵင်းၼမ်ႉတူႈ မွၵ်ႈ ႁူဝ်ပၢၵ်ႇ 90% ဢွၼ်ၵၼ်ငိူင်ႉပၢႆႈ ၵႂႃႇသွၼ်ႈသဝ်းဝႆႉတၢင်းဢိူင်ႇဝၢၼ်ႈၸၢမ် ၊ ဢိူင်ႇမိူင်းယဵၼ် ၸေႈဝဵင်းၼမ်ႉတူႈ ၼၼ်ႉလႄႈ ၵမ်ႈၽွင်ႈပၢႆႈၵႂႃႇသွၼ်ႈသဝ်းထိုင် ၼႂ်းၸေႈဝဵင်းလႃႈသဵဝ်ႈ သေ ၵူၼ်းၸိူဝ်းဢၼ်တိုၵ်ႉၵိုတ်းဝႆႉ ၼႂ်းဝဵင်း ၼမ်ႉတူႈၼၼ်ႉၵေႃႈ ယူႇတီႈၸုမ်းၾၢႆႇၸွႆႈထႅမ်ၶဝ် တိုၵ့် ၶတ်းၸႂ်ႁႃင်ႈႁႅၼ်း ႁႃသဵၼ်ႈတၢင်း ၸွႆႈဢဝ်ဢွၵ်ႇပူၼ်ႉ ၼႂ်းဝဵင်းၼၼ်ႉယူႇ ၼႆယဝ်ႉ။

['ၵၢၼ်သိုၵ်း']

2023-12-26T02:19:19

https://ssppssa.org/2023/12/%e1%80%90%e1%80%95%e1%80%ba%e1%82%89%e1%80%9e%e1%80%ad%e1%80%af%e1%81%b5%e1%80%ba%e1%80%b8%e1%80%90%e1%80%a2%e1%81%a2%e1%80%84%e1%80%ba%e1%80%b8-tnla-%e1%81%b6%e1%80%ad%e1%80%af%e1%81%bc%e1%80%ba/

တပ်ႉသိုၵ်းတဢၢင်း TNLA ၶိုၼ်ႈလေႃႇတိုၵ်းတပ်ႉသိုၵ်းမၢၼ်ႈ ၼႂ်းၸေႈဝဵင်းၼမ်ႉတူႈ

တပ်ႉသိုၵ်းတဢၢင်း TNLA ၶွၼ်ႈႁႅင်း ၶိုၼ်ႈလေႃႇတိုၵ်း တပ်ႉသိုၵ်း ၶွင်ႇသီႇသိုၵ်းမၢၼ်ႈ တပ်ႉၶမယ(324) ၼႂ်းၸေႈဝဵင်းၼမ်ႉတူႈလႄႈ သွင်ၾၢႆႇလႆႈပဵၼ်ပၢင်တိုၵ်းၵၼ်ဝႆႉ ၼႆယူႇယဝ်ႉ။ မိူဝ်ႈၼႆႉဝၼ်းထီႉ 26/12/2023 ၶၢဝ်းယၢမ်း ၵၢင်ၼႂ် 7:29 ၼၼ်ႉ တပ်ႉသိုၵ်းတဢၢင်း TNLA ၶွၼ်ႈႁႅင်းသိုၵ်း မွၵ်ႈ 200 ၵေႃႉ ၶိုၼ်ႈလေႃႇတိုၵ်းတပ်ႉသိုၵ်းမၢၼ်ႈ ၶမယ(324) ဝဵင်းၼမ်ႉတူႈသေ တေႃႇထိုင်ၶၢဝ်းယၢမ်း 8:30 မူင်း ၼႆႉ သွင်ၾၢႆႇတိုၵ်ႉပဵၼ်ပၢင်တိုၵ်းၵၼ်ဝႆႉ ၼႆယူႇယဝ်ႉ။ ယွၼ်ႉတပ်ႉသိုၵ်းတဢၢင်း TNLA တင်းၶွင်ႇသီႇသိုၵ်းမၢၼ်ႈ ၶဵင်ႈၶႅင်ၼႃႈသိုၵ်းတေႃႇၵၼ် ၊ ၵႆႉၸႂ်ႉၵွင်ႈ လူင် ၊ ႁိူဝ်းမိၼ်တိုၵ်း လၢမ်းယိုဝ်း ၼႂ်းၸေႈဝဵင်းၼမ်ႉတူႈသေ ႁဵတ်း ႁႂ်ႈမၢၵ်ႇလူင် တူၵ်းတိူဝ်ႉၺႃးႁိူၼ်းယေး ပေႃႈမႄႈၵူၼ်း မိူင်းလႆႈလူႉၵွႆ ၊ တိူဝ်ႉၺႃးၵူၼ်းမိူင်း လႆႈလူႉသဵင်ႈသၢႆၸႂ် လႄႈ ၵူၼ်းမိူင်းပိုၼ်ႉတီႈ ၼႂ်းၸေႈဝဵင်းၼမ်ႉတူႈ (2000) ၵေႃႉပၢႆ လႆႈဢွၼ်ၵၼ်ပၢႆႈ ၵႂႃႇႁႃသွၼ်ႈသဝ်းဝႆႉတီႈလွတ်ႈ ၽေး ၼႆယူႇယဝ်ႉ။

['ၵၢၼ်သိုၵ်း']