diff --git "a/loileng.com.json" "b/loileng.com.json"
new file mode 100644--- /dev/null
+++ "b/loileng.com.json"
@@ -0,0 +1,102 @@
+[
+  {
+    "title": "Home",
+    "content": "ၶၢဝ်ႇလိုၼ်းသုတ်း\n\nၶၢဝ်ႇ\n\nထူပ်းႁၼ်ၵူၼ်းၸပ်းတၢင်းပဵၼ် Covid-19 တီႈပွၵ်ႉ(4)ဝဵင်းလႃႈသဵဝ်ႈ\n\nဝီႇတီႇဢူဝ်ႇ\n\nၶွင်ႇသီႇသိုၵ်းမၢၼ်ႈႄလႈ တပ်ႉသိုၵ်းၵႅတ်ႇႄၶၵူၼ်းမိူင်း PDF MDY ပဵၼ်ပၢင်တိုၵ်းၵၼ်ၼႂ်းဝဵင်းလိူဝ်ႇ\n\nၶၢဝ်ႇ\n\nၼႂ်းလိူၼ်ၼႆႉၵူၺ်းၸိုင်ႈတႆးပွတ်းႁွင်ႇ ထူပ်းၵူၼ်းၸပ်းတၢင်းပဵၼ် Covid-19 သွင်ပၢၵ်ႇပၢႆ\n\nၶၢဝ်ႇ\n\nထူပ်းႁၼ်ၵူၼ်းၸပ်းတၢင်းပၼ် COVID-19 (55)ၵေႃႉ တီႈဝဵင်းၼွင်ၶဵဝ်\n\nၵဵပ်းသိမ်း ၵဵပ်းသိမ်း\n\nSelect Month\nJanuary 2024\nDecember 2023\nNovember 2023\nOctober 2023\nSeptember 2023\nAugust 2023\nJuly 2023\nMarch 2023\nFebruary 2023\nOctober 2022\nSeptember 2022\nAugust 2022\nMarch 2022\nDecember 2021\nNovember 2021\nOctober 2021\nAugust 2021\nJuly 2021\nJune 2021\nJanuary 2020\nJune 2019\nJanuary 2019\nSeptember 2018\n\nၶၢဝ်ႇ\n\nရှမ်းပြည်တောင်ပိုင်းမိုးဗြဲမြို့နယ်တွင် စစ်ကောင်စီတပ်၏ လက်နက်ကြီးပစ်ခတ်မှုများကြောင့် ကလေးငယ် ၃ဦး အ ပါ အဝင် အပြစ်မဲ့ပြည်သူ ၅ဦးသေဆုံးပြီး ၁၄ ဦးဒဏ်ရာရရှိခဲ့\n\nလွႆလဵင်း\n\nOctober 12, 2022\n\nၶၢဝ်ႇ\n\nအပြည်ပြည်ဆိုင်ရာမြစ်ချောင်းများနေ့တွင် သီပေါမြို့ရှိ နမ္မမြစ်အတွက် ကျေးရွာအုပ်စု လေးခုမှ ဒေသခံများစုစည်းကာ ဆုတောင်းပွဲပြုလုပ်ခဲ့\n\nMarch 14, 2023\n\nရှမ်းပြည်မြစ်ချောင်းများကွန်ယက်၏ ထုတ်ပြန်ကြေညာချက် မတ်လ ၁၄ ရက် ၂၀၂၃ အပြည်ပြည်ဆိုင်ရာမြစ်ချောင်းများနေ့တွင် သီပေါမြို့ရှိ နမ္မမြစ်အတွက် ကျေးရွာအုပ်စု\n\nၶၢဝ်ႇ\n\nအထက်ရဲရွာရေအားလျှပ်စစ်စီမံကိန်းကြောင့် ရှမ်းပြည်မြောက်ပိုင်း သီပေါမြို့နယ်မှ ကျေးရွာအုပ်စု (၁၁) ခုရေလွှမ်းမိုးခံရနိုင်\n\nFebruary 23, 2023\n\nအထက်ရဲရွာရေအားလျှပ်စစ်စီမံကိန်းကြောင့် ရှမ်းပြည်မြောက်ပိုင်း သီပေါမြို့နယ်မှ ကျေးရွာအုပ်စု (၁၁) ခုရေလွှမ်းမိုးခံရနိုင် ရှမ်းပြည်မြောက်ပိုင်း ကျောက်မဲမြို့နယ် လွယ်စောင့်ကျေးရွာအုပ်စု တောင်ခြေရွာရှိ နမ္မတူမြစ်(ခေါ်) ဒုဌ၀တီမြစ်ပေါ်၌ တည်ဆောက်လျက်ရှိသော\n\nၶၢဝ်ႇ\n\nတောင်ကြီးမြို့ တက္ကသိုလ်အဆောင်တချို့မှာ စစ်အာဏာရှင်တော်လှန်ရေးကန့်ကွက်စာတွေလိုက်ဝေသူရှိ\n\nOctober 25, 2022\n\nတောင်ကြီးမြို့ တက္ကသိုလ်အဆောင်တချို့မှာ စစ်အာဏာရှင်တော်လှန်ရေးကန့်ကွက်စာတွေလိုက်ဝေသူရှိ နိုင်ငံရေးလှုပ်ရှားမှုတွေအတော်ကြာငြိမ်သက်နေတဲ့တောင်ကြီးမြို့မှာ အောက်တိုဘာလ ၂၃ ရက်နေ့နေ့လည်ပိုင်းလောက်ကကျောင်းပြန်တက်နေကျတဲ့ အဝေးသင်တက္ကသိုလ် ကျောင်းသားတွေရှိတဲ့အဆောင်တွေတချို့ကို ဦးတည်ပြီး လူငယ်တချို့က\n\nဝီႇတီႇဢူဝ်ႇ\n\nဝီႇတီႇဢူဝ်ႇ\n\nDrowning A Thousand Islands English version\n\nဝီႇတီႇဢူဝ်ႇ\n\nสารคดี เมืองพันเกาะ ก่อนจมหายใต้สายน้ำ\n\nဝီႇတီႇဢူဝ်ႇ\n\nတႅပ်းသီႇတႅပ်း\n\nဝီႇတီႇဢူဝ်ႇ\n\nၵုၼ်ႁဵင်ေတလူမ်ႉၸူမ်ႁၢႆ ယွၼ်ႉၽၢႆၼမ်ႉၶူင်း\n\nဝီႇတီႇဢူဝ်ႇ\n\nၶွင်ႇသီႇသိုၵ်းမၢၼ်ႈႄလႈ တပ်ႉသိုၵ်းၵႅတ်ႇႄၶၵူၼ်းမိူင်း PDF MDY ပဵၼ်ပၢင်တိုၵ်းၵၼ်ၼႂ်းဝဵင်းလိူဝ်ႇ\n\nဝီႇတီႇဢူဝ်ႇ\n\nၶွမ်ႇပၼီႇႁူင်ႇပၢၼ်း ၶွင်တပ်ႉသိုၵ်းဝ (UWSA) ယိုတ်းသိမ်းတီႈလိၼ်ၵူၼ်းမိူင်း ဝၢၼ်ႈႁွင်ႇႁွင်ႈလိုၵ်ႉ...\n\nပၢႆးမွၼ်း\n\nသိုၵ်းတႆးၼင်ႇၵၼ်\n\nတိတ်းတၢမ်ႁဝ်းၶႃႈ\n\nFacebook\n\nYoutube\n\nပၢႆးမွၼ်း\n\nပၢႆးမွၼ်း\n\nသိုၵ်းတႆးၼင်ႇၵၼ်\n\nပွင်ႈၵႂၢမ်း\n\nပွင်ႈၵႂၢမ်း\n\nေၼႇဝိၼ်းယိုတ်းဢႃႇၼႃႇၸိုင်ႈမိူင်း ၵဵဝ်ႇၵၢၼ်မိူင်းဝၼ်းမိူဝ်ႈၼႆႉၸိူင်ႉႁိုဝ်? ၵွပ်ႈသင်?\n\nပၢႆးယူႇလီ\n\nပၢႆးယူႇလီ\n\nလၢႆးၵိၼ်ယႃ ၶူမ်သၢမ်လွႆ တႃႇယူတ်းယႃတၢင်းပဵၼ်ၶူဝ်ႊဝိတ်ႊ 19 (COVID-19) – (ဢၼ်ဢမ်ႇပေႃးႁၢဝ်ႈႁႅင်း)\n\nပၢႆးယူႇလီ\n\nသူပ်းမီးဢၢႆမဵၼ်\n\nပၢႆးယူႇလီ\n\nယႃႁေႉၵင်ႈၸိူဝ်ႉမႅင်း ၵူဝ်ႇဝိတ်ႉ Covid-19\n\nပၢႆးယူႇလီ\n\nလွၵ်းလၢႆးယူတ်းယႃၶီႈမုၵ်ႈတၼ်မိူဝ်ႈပဵၼ်ဝတ်း"
+  },
+  {
+    "title": "တႅပ်းသီႇတႅပ်း",
+    "content": ""
+  },
+  {
+    "title": "ၵုၼ်ႁဵင်ေတလူမ်ႉၸူမ်ႁၢႆ ယွၼ်ႉၽၢႆၼမ်ႉၶူင်း",
+    "content": ""
+  },
+  {
+    "title": "တၢင်းယၢမ်ႈဢၼ်ေတႁဵတ်းႁႂ်ႈၼိူဝ်ႉၼင်ၸဵဝ်းႁူႇ",
+    "content": "တၢင်းယၢမ်ႈဢၼ်တေႁဵတ်းႁႂ်ႈၼိူဝ်ႉၼင်ၸဵဝ်းႁူႇ\n\nတၢင်းယၢမ်ႈဢၼ်ေတႁဵတ်းႁႂ်ႈၼိူဝ်ႉၼင်ၸဵဝ်းႁူႇ\nႁၢင်ႈၾၢင်သူၼႆႉ ၸင်ႇမၼ်းၵေႇသေၵဝ်ႇယူႇၶႃႈႁႃႉ။ႁၢင်ႈၾၢင်ၵူၼ်းႁဝ်း ၼႆႉ မၼ်းတေၵေႇၵႂႃႇလွၺ်းလွၺ်း ယွၼ်ႉဢႃႇယုယႂ်ႇၵႂႃႇၼႆသေတႃႉ ၵွပ်ႈပိူဝ်ႈ တၢင်း ယၢမ်ႈမၢင်လွင်ႈသေလႄႈ ၸဵဝ်းၵေႇၸဵဝ်းႁူႇၵႂႃႇဝႆးဝႆးၵေႃႈမီးယူႇယဝ်ႉ။ယွၼ်ႉၼႆ တေမႃးလၢတ်ႈၼႄတၢင်းယၢမ်ႈမၢင်ၸိူဝ်း ဢၼ်တေႁဵတ်းႁႂ်ႈၼႃႈတႃ ႁၢင်ႈၾၢင်ႁဝ်းၸဵဝ်းၵေႇၸဵဝ်းႁူႇၼၼ်ႉဢေႃႈ။\n\nၵိၼ်တၢင်းၵိၼ်ဢၼ်ဢမ်ႇပႃးမၼ်းသင်ဝႃႈၵိၼ်တၢင်းၵိၼ်ဢၼ်ဢမ်ႇပႃးမၼ်းတိၵ်းတိၵ်းၼႆၸိုင် ပႆႇထူၼ်ႈထိုင်ဢႃယု သေၼိူဝ်ႉၼင်တေၸဵဝ်းၵေႇၼႆယဝ်ႉ။ပေႃးၵိိၼ်ပၼ်မၼ်းဢူဝ်ႇမီႇၵႃႇ3လႄႈ fatty acid ၼႆၸိုင် ၼိူဝ်ႉၼင် တေဢူၼ်ႈၼူၼ်းလီ။ၼင်ႇႁိုဝ်ၼိူဝ်ႉၼင်တေဢမ်ႇၸဵဝ်းႁူႇၼၼ်ႉ လူဝ်ႇလႆႈၵိၼ်ပၼ်မၼ်းပႃၶဝ် ၊မၢၵ်ႇပိူၵ်ႇၵႅၼ်ႇၶဝ် လႄႈမဵတ်ႉထူဝ်ႇမဵတ်ႉငႃးၶဝ်ၸိူဝ်းၼႆ့ ၼႆယဝ်ႉ။\nၸႂ်ႉလွတ်ႇသေၸုပ်ႇၵိၼ်ၼမ်ႉၼမ်ႉႁိုဝ် ၼမ်ႉဝၢၼ်ဢမ်ႇဝႃႈ ပေႃးၸႂ်ႉလွတ်ႇသေၸုပ်ႇၵိၼ်ၼႆ ယွၼ်ႉမိူဝ်ႈၸုပ်ႇၼၼ်ႉ သူပ်းၸူၵႂႃႇလႄႈ ၼိူဝ်ႉၼင်ၸွမ်းသူပ်းၼၼ်ႉ တေႁူႇၵႂႃႇၼင်ႇၼၼ် ၵႅမ်ႈၼႆၵေႃႈ တေမီးႁွၺ်းၵႂႃႇယူႇယဝ်ႉ။ပေႃးဝႃႈလုတ်ႇလႅၼ်းယႃႈၼိုင်ႈၶႅၼ်းၼႃႇယဝ်ႉ။ပေႃးၵိၼ်ၼမ်ႉၸိုင် ဢဝ်သႂ်ႇၼႂ်းၵွၵ်းသေၵိၼ်ၼႆႉလီသေပိူၼ်ႈယဝ်ႉ။ယဝ်ႉၵေႃႈ ၽႅတ်ႈလႅၼ်းယႃႈလႄႈ။\n\nၼွၼ်းတၢင်းၶၢင်ႈတင်းၶိုၼ်းတင်းၶိုၼ်း ပေႃးၼွၼ်းၽၢႆႇၶၢင်ႈတၢင်းႁိုင်ၼႆ ၼိူဝ်ႉၼင်တီႈၵႅမ်ႈလႄႈ တီႈၵၢင်းၸိူဝ်းၼၼ်ႉ တေမီးႁွၺ်းမႃးယူႇယဝ်ႉ။ၼွၼ်းတၢၵ်ႇႁၢႆၼႆႉ ပဵၼ်ဢၼ်လီတွၼ်ႈတႃႇၼိူဝ်ႉၼင် ႁဝ်းသေပိူၼ်ႈၼႆယဝ်ႉ။\n\nလွင်ႈဝႆႉပိူင်တူဝ်ၶိင်းဢမ်ႇမၢၼ်ႇမႅၼ်ႈ သင်ဝႃႈႁဝ်းဢမ်ႇမေႃဝႆႉတူဝ်ၶိင်းႁဝ်းႁႂ်ႈမၼ်းၽဵင်ႈၽဵင်ႈၵၼ်ၼႆၸိုင် တေတုမ်ႉတိူဝ်ႉ လွင်ႈၶွတ်ႇၽွတ်ႈတူဝ်ႁဝ်းၼႆယဝ်ႉ။မိူၼ်ၼင်ႇ ဢမ်ႇၸုၵ်းသိုဝ်ႈဢမ်ႇၼင်ႈသိုဝ်ႈ ၵႆႉၵွမ်းၵႆႉငေႃးၼႆၸိုင် တေႁဵတ်းႁႂ်ႈၼိူဝ်ႉၼင်ႁဝ်းၸဵဝ်းႁူႇသေဢမ်ႇၵႃး ပေႃးပဵၼ်တၢင်းယၢမ်ႈၵႂႃႇၸိုင် ၾၢင်ႁၢင်ႈႁဝ်းတေၽိတ်းၽူၼ်ၵႂႃႇ။\n\nတႃၼွၼ်းလူႉ ၵူၼ်းၵေႃႉဢၼ်ဢႃႇယုထူၼ်ႈပၢၼ်ၶဝ်ၼႆႉ တီႈဢေႇသုတ်း လူဝ်ႇလႆႈၼွၼ်းပၼ် တၢင်းႁိုင် 7 ၸူဝ်ႈမူင်း။ပေႃးဝႃႈတႃၼွၼ်းဢမ်ႇဢိမ်ႇ ၸိုင် ႁၢင်ႈၾၢင်ၼႆႉ တေမိူၼ် ၼင်ႇ ႁိုဝ်ႉမွၺ်ႈသေ ဢႃႇယုၵေႃႈတေပွတ်းယူႇယဝ်ႉ။သင်ယိၼ်းႁူႉဝႃႈ ၸဝ်ႈၵဝ်ႇမိူၼ်ဢမ်ႇမီးဢဵၼ်မီးႁႅင်း ဝူၼ်ႉဝႃႈၼမ်ႉၼၵ်းတူဝ်ၶိုၼ်ႈၼႆၸိုင် ထုၵ်ႇလီလႆႈ ၶဝ်ႈၼွၼ်းၸဝ်ႉၸဝ်ႉၼႆယဝ်ႉ။\n\nၵိၼ်ၵိူဝ်ဝၢၼ်ၼမ်ပူၼ်ႉ တၢင်းၵိၼ်ဢၼ်ၸဵမ်းႁႅင်းၼႆႉ ပေႃးဝႃႈၵိၼ်ၼမ်ပူၼ်ႉၼႆ တုမ်ႉတိူဝ်ႉၼိူဝ်ႉၼင်သေဢမ်ႇၵႃး ၶဵဝ်ႈမႅင်းၵေႃႈတေပဵၼ်ယဝ်ႉ။ပေႃးဝႃႈဢမ်ႇမီးၶဵဝ်ႈၼႆ လႆႈဝႃႈပဵၼ်လွင်ႈတၢင်းၼိူဝ်ႉၼင်ႁဝ်းၵေႇမႃးၼႆယဝ်ႉ။\n\nတူၺ်းထီႇဝီႇၼႃႇဢႃးလႃး ၽၢႆႇလဵပ်ႈႁဵၼ်းလႆႈႁူႉႁၼ်ဝႆႉဝႃႈ ပေႃးတူၺ်းထီႇဝီႇႁိုင်ၼိူင်ႈၸူဝ်ႈမူင်းၼႆ ႁဵတ်းႁႂ်ႈဢႃႇယုႁဝ်းယွမ်းၵႂႃႇ 22မိၼိတ်ႉၼႆယဝ်ႉ။သင်ဝႃႈၼင်ႈႁိုင်ၼႃႇၼႆၸိုင် ၼိူင်ႈၶိုင်ႈၸူဝ်ႈမူင်းၼႆႉ ထုၵ်ႇလီၶိုၼ်းလုၵ်ႉပႆတၢင်းပၼ်။\n\nမီးလွင်ႈသုၵ်ႉၸႂ်ၼမ်ႁႅင်းပေႃးဝႃႈမီးလွင်ႈသုၵ်ႉၸႂ်ႁိုင်ၼႃႇၼႆၸိုင် ၵွပ်ႈပိူဝ်ႈမၼ်းလႄႈ သႄလ်းတိူဝ်ႉၶိူၵ်ႈၵႂႃသေ ၼိူဝ်ႉၼင်ၵူၼ်းႁဝ်းၵေႃႈတေၸဵဝ်းႁူႇၸဵဝ်းၵေႇၵႂႃႇဝႆးၼႆယဝ်ႉ။ၵွပ်ႈၼႆသင်ဝႃႈမီးလွင်ႈသုၵ်ႉၸႂ်ၼႆသေလူဝ်ႇလႆႈႁႃတၢင်းၵေႈလိတ်ႈပႅတ်ႈမၼ်းဝႆးဝႆး။\n\nTranslated by Nang Aye Aye(မွၵ်ႇၾႃႉၶၢဝ်) Credit#Healthlife\n\nHealtheducationchannel\n\nJun 11,2021(Fri)"
+  },
+  {
+    "title": "ထူပ်းႁၼ်ၵူၼ်းၸပ်းတၢင်းပဵၼ် Covid-19 တီႈပွၵ်ႉ(4)ဝဵင်းလႃႈသဵဝ်��",
+    "content": "ထူပ်းႁၼ်ၵူၼ်းၸပ်းတၢင်းပဵၼ် Covid-19 တီႈပွၵ်ႉ(4)ဝဵင်းလႃႈသဵဝ်ႈ\n22 လိူၼ်ၵျုၼ်ႇ 2021 လွႆလဵင်း\nမိူဝ်ႈဝၼ်းထိ 21.06.2021 ထူပ်းႁၼ်ၵူၼ်းၸပ်းတၢင်းပဵၼ် Covid-19 ၼႂ်းပွၵ်ႉ-4 ဝဵင်းလႃႈသဵဝ်ႈ(31)ၵေႃႉၼႆယဝ်ႉ။ တႄႇထူပ်းႁၼ်ၵူၼ်းၸပ်းတၢင်းပဵၼ်မိူဝ်ႈၼႂ်းလူိၼ်ၼႆႉ ဝၼ်းထိ 8 ၼၼ်ႉသေ ပူၼ်ႉမႃးသွင်ပၢတ်ႈၵူၺ်း ႁူမ်ႈၵူၼ်းၸပ်းတၢင်းပဵၼ် ၶူဝ်းဝိတ်ႇ 19 မီးမႃး(152)ၵေႃႉယဝ်ႉဝႃႈၼႆ။ မိူဝ်ႈလဵဝ်ပိၵ်ႉဢိုတ်းႁၢမ်ႈၵူၼ်းၶဝ်ႈဢွၵ်ႇ(Lock Down)ဝႆႉၼႆယဝ်ႉ။\nယွၼ်ႉထူပ်းႁၼ်ၵူၼ်းၸပ်းတၢင်းပဵၼ်လႄႈ ပိၵ်ႉဢိုတ်းပႃးၵၢတ်ႇလူင်လႃႈသဵဝ်ႈ တေႃႇထိုင်ဝၼ်းထိ 1 လိူၼ် ၵျုၼ်ႇလၢႆႇ လႄႈ ပိၵ်ႉဢိုတ်းပႃး ၵၢတ်ႇလူင်တႃႈလူတ်ႉၾႆး(ဘူတာစျေးကြီး) တေႃႇထိုင်ဝၼ်းထိ 2 ၵျုၼ်ႇလၢႆႇၼႆယဝ်ႉ။\nCovid-19 Operation Team"
+  },
+  {
+    "title": "ၶွင်ႇသီႇသိုၵ်းမၢၼ်ႈႄလႈ တပ်ႉသိုၵ်းၵႅတ်ႇႄၶၵူၼ်းမိူင်း PDF MDY ပဵၼ်ပၢင်တိုၵ်းၵၼ်ၼႂ်းဝဵင်းလိူဝ်ႇ",
+    "content": "မိူဝ်ႈၼႆႉဝၼ်းတီႈ 22.6.2021 သိုၵ်းမၢၼ်ႈ ၶဝ်ႈယိုဝ်းတီႈယူႇ သိုၵ်းၵႅတ်ႇၶႄၵူၼ်းမိူင်း PDF ၼႂ်းဝဵင်းလူင်တႃႈလိူဝ်ႇၼႆယဝ်ႉ။ ၾၢႆႇသိုၵ်းမၢၼ်ႈ ပိုၼ်ၽၢဝ်ႇတႄႉဝႃႈၸုမ်းသိုၵ်းၵူၼ်းၼုမ်ႇလူႉတၢႆ 8 ၵေႃႉလႄႈ ၺႃးတီႉတူဝ်လိပ်း 8 ၵေႃႉ ဝႃႈၼႆဝႆႉ။ ၶၢဝ်ႇၼႂ်းပို်ၼ်ႉတီႈဢွၵ်ႇၵႂႃႇဝႃႈ ၽၢႆႇတပ်ႉသိုၵ်းမၢၼ်ႈၵေႃႈ မၢတ်ႇၸဵပ်းလူႉတၢႆၼမ်ၼႆယဝ်ႉ။"
+  },
+  {
+    "title": "ၼႂ်းလိူၼ်ၼႆႉၵူၺ်းၸိုင်ႈတႆးပွတ်းႁွင်ႇ ထူပ်းၵူၼ်းၸပ်းတၢင်းပဵၼ် Covid-19 သွင်ပၢၵ်ႇပၢႆ",
+    "content": "ၼႂ်းလိူၼ် ၵျုၼ်ႇၼႆႉၵူၺ်း (12)ၸေႈဝဵင်းၼႂ်းၸိုင်ႈတႆးပွတ်းႁွင်ႇ ထူပ်းၵူၼ်းၸပ်းတၢင်းပဵၼ် Covid-19 (285)ၵေႃႉသေ မီးၵူၼ်းလူႇတၢႆယွၼ်ႉမၼ်း (3)ၵေႃႉယဝ်ႉ။\n\nတႄႇဢဝ်မိူဝ်ႈၽုၵ်ႈ 23/06/2021 ၼႆႉၵႂႃႇ ႁူင်းလိုဝ်ႈသဝ်းတၢင်းသဵင်ႈ ၼႂ်းဝဵင်းလႃႈသဵဝ်ႈ တေပိၼ်ႇ တႃႇသွင်ပၢတ်ႈဝႃႈၼႆ။\n\nမိူဝ်ႈၼႆႉမီးၵူၼ်းယူတ်းယႃႁၢႆၶႅၼ်း လူင်းႁူင်းယႃ (24)ၵေႃႉ။ 12 ၸေႈဝဵင်းဢၼ်ထူပ်းၵူၼ်းၸပ်းတၢင်းပဵၼ်ၼၼ်ႉ ဝဵင်းလႃႈသဵဝ်ႈ၊သီႇပေႃႉ၊ၼမ်ႉတူႈ၊ၵွျၵ်းမႄး၊ၼွင်ၶဵဝ်၊သႅၼ်ဝီ၊ၵူတ်ႉၶၢႆ၊မူႇၸေႈ၊ၼမ်ႉၶမ်း၊လဝ်ႉၵႆႇ၊မိူင်းယႆ၊ ၸိူဝ်းၼႆႉယဝ်ႉ။ ဝဵင်းလဝ်ႉၵႆႇ ထူပ်းၵူၼ်းၸပ်းတၢင်းပဵၼ်ၼမ်သေပိူၼ်ႈဝႃႈၼႆ။"
+  },
+  {
+    "title": "ထူပ်းႁၼ်ၵူၼ်းၸပ်းတၢင်းပၼ် COVID-19 (55)ၵေႃႉ တီႈဝဵင်းၼွင်ၶဵဝ်",
+    "content": "မိူဝ်ႈၼႆႉဝၼ်းထိ 23.06.2021 ထူပ်းႁၼ်ၵူၼ်းၸပ်းတၢင်းပဵၼ် COVID-19 ထႅင်ႈ(55)ၵေႃႉ တီႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇၼႆယဝ်ႉ။\n\nၸိူဝ်းၵူၼ်းၸပ်းတၢင်းပဵၼ်ၼၼ်ႉ ပႃးလုၵ်ႈႁဵၼ်း��ူင်းႁဵၼ်းၸၼ်ႉဢွၼ်ႇလႄႈ လုၵ်ႈႁဵတ်းႁၢင်းႁဵတ်းၸၼ်ႉသုင် ၵမ်ႈၽွင်ႈၼႆယဝ်ႉ။သူင်ႇယူတ်းယႃတူဝ်ဝႆႉယူႇတီႈ ႁူင်းယႃၵူၼ်းမိူင်းတီႈၼွင်ၶဵဝ်။ ၽၢႆႇၸႅတ်ႈထတ်းပၢႆးယူႇလီၶဝ် တေသိုပ်ႇၸႅတ်ႈထတ်းတူၺ်းထႅင်ႈ ၵူၼ်းၼႂ်းႁိူၼ်းၵူၼ်းၸပ်းတၢင်းပဵၼ်ၶဝ်ၼၼ်ႉၵႂႃႇထႅင်ႈယူႇၼႆယဝ်ႉ။\n\nလိူၼ်ၵျႃၼ်ႇၼႆႉၵူၺ်း ထူပ်းၵူၼ်းၸပ်းတၢင်းပဵၼ်ၶူဝ်းဝိတ်ႇသိပ်းၵဝ်ႈ(300)ပၢႆယဝ်ႉ ၼႂ်း(12)ၸေႈဝဵင်း ၸိုင်ႈတႆးပွတ်းႁွင်ႇ။"
+  },
+  {
+    "title": "လွၵ်းလၢႆးယူတ်းယႃၶီႈမုၵ်ႈတၼ်မိူဝ်ႈပဵၼ်ဝတ်း",
+    "content": "လွၵ်းလၢႆးယူတ်းယႃၶီႈမုၵ်ႈတၼ်မိူဝ်ႈပဵၼ်ဝတ်း\n\nမိူဝ်ႈၾိင်ႈၾႃႉလႅၵ်ႈလၢႆႈ တေၶၢႆႉလၢႆႈၶၢဝ်းၵတ်း ၶၢဝ်းမႆႈၶၢဝ်းၽူၼ်ၼၼ်ႉ ၵူၼ်းၵမ်ႈၽွင်ႈၸိူဝ်း ႁႅင်းၶၢမ်ႇတူဝ်ဢမ်ႇပေႃးၶႅမ်ႉၼၼ်ႉ တေၸၢင်ႈၵႆႉ ပဵၼ်ဝတ်းယူႇယဝ်ႉ။ တၢင်းပဵၼ်ဝတ်းၼႆႉ သင်ၶၢမ်ႇလႆႈမၼ်းၸိုင် ဢမ်ႇၵိၼ်ယႃႈယႃသင်ၵေႃႈ မၼ်းၶိုၼ်းႁၢႆၶိုၼ်းႁင်းၵူၺ်းမၼ်းယူႇ။ၵူၺ်းၵႃႈ ပေႃးၶီႈမုၵ်ႈတၼ်ၶီႈမုၵ်ႈယွၺ်ႉၸိုင် ယူႇယၢပ်ႇၼႃႇ။ယွၼ်ႉၼႆ ၸင်ႇတေမႃးလၢတ်ႈၼႄလွၵ်းလၢႆး ႁဵတ်းႁႂ်ႈယူႇသႃႇႁႂ်ႈထူၺ်ႈၸႂ်ငၢႆႈ လူၺ်ႈဢမ်ႇသဵင်ႈၵႃႊသဵင်ၶၼ်သင်ၶႃႈ။\n\n1.ဢၢႆၼမ်ႉဢုၼ်ႇ\nသုတ်ႇပၼ်ဢၢႆၼမ်ႉဢုတ်ႇၵေႃႈ ႁဵတ်းႁႂ်ႈထူၺ်ႈၸႂ်လူမ်ယူႇၶႃႈ။လွၵ်းလၢႆးမၼ်းတႄႉ ဢဝ်ၼမ်ႉမူတ်းသႂ် တူမ်ႈပၼ်ႁႂ်ႈမၼ်းၽူတ်ႉၽူတ်ႉ ပေႃးယဝ်ႉၶိုၼ်းမႃးထွၵ်ႇသႂ်ႇၼႂ်းပုင်း ဢမ်ႇၼၼ် ၼႂ်းၵွၵ်းသေ ဢဝ်ၽႅၼ်ႇမူတ်းသႂ်ႁူမ်ႇပၢၵ်ႇမၼ်းယဝ်ႉသုတ်ႇဢဝ်ဢၢႆၼမ်ႉဢုၼ်ႇ။ တေလႆႈသုတ်ႇပၼ် ၶၢဝ်းတၢင်းႁိုင် 10 မိၼိတ်ႉ။\n\n2.ၼမ်ႉၼဵင်ႈၶူမ်\nမိူဝ်ႈတိုၵ်ႉပဵၼ်ဝတ်း ၽွင်းၶီႈမုၵ်ႈတၼ်ယူႇၼၼ်ႉ ယႃႇပေၵိၼ်ၼမ်ႉၵၢမ်ႈၶႃႈ။သူတ်ႉၵိၼ်ၼမ်ႉၼဵင်ႈ မႆႈမႆႈသေ 2-3ဝၼ်းၼိုင်ႈၼႆ တေသၢၵ်ႈသႃႇၵႂႃႇလွၺ်းလွၺ်းယူႇ။ၼမ်ႉၶိင်ႇမႆႈမႆႈၵေႃႈ ၵိၼ်လႆႈယူႇ ၶႃႈ။\n\n3.ဢၢပ်ႇၼမ်ႉဢုၼ်ႇ\nလွင်ႈဢၢပ်ႇၼမ်ႉဢုၼ်ႇၼႆႉ မၼ်းႁဵတ်းႁႂ်ႈမႆႈၸူမ်သေတႃႉ ဢၢပ်ႇပၼ်မၢင်ႊပွၵ်ႈမၢင်ႊလႂ်တႄႉၵေႃႈ ဢမ်ႇပဵၼ်သင်ၼင်ႇၵဝ်ႇ။ပေႃးဢၢပ်ႇၼမ်ႉဢုၼ်ႇပၼ်မိူဝ်ႈၽွင်းပဵၼ်ဝတ်းၼၼ်ႉၼႆ ထၢတ်ႈမႆႈၼႂ်း တူဝ်တေၶိုၼ်ႈလႄႈ ဝတ်းတေသၢၵ်ႈသႃႇၼႆယဝ်ႉ။ ၵူၺ်းၵႃႈ တေလႆႈဝႄႈဢၢပ်ႇ မိူဝ်ႈႁူဝ်ၶမ်ႈၵၢင်ၶမ်ႈၶႃႈ။\n\n4.ဢဝ်ၼမ်ႉဢုၼ်ႇပူၼ်ႈပၢၵ်ႇ\nဢဝ်ၵိူဝ်သႂ်ႇၼႂ်းၼမ်ႉဢုၼ်ႇဢိတ်းဢိတ်းသေ ပူၼ်ႈပၢၵ်ႇပၼ်။လွင်ႈၶေႃးၸဵပ်း၊ ၶဵဝ်ႈၶိုၼ်ႈ၊ ပဵၼ်ဝတ်း ၸိူဝ်းၼႆႉ တေသၢၵ်ႈသႃႇၵႂႃႇၼႆယဝ်ႉ။ၼိူင်ႈ ဝၼ်းၼႆႉသမ်ႉတေလႆႈႁဵတ်���ပၼ် 2 ပွၵ်ႈ။\n\n5.ၵိၼ်ဢၼ်ၽဵတ်း\nမိူဝ်ႈပဵၼ်ဝတ်း ၶူႈလင်တၼ်ယူႇၼၼ်ႉ သင်ဝႃႈမၼ်းဢမ်ႇပႆႇထႃႉႁႅင်းၼႆ ၵိၼ်ပၼ်ဢၼ်ၽဵတ်းၽဵတ်းၵေႃႈ ၸၢင်ႈၸိုၼ်ႈၶႅၼ်းၵႂႃႇၼႆယဝ်ႉ။သင်ဝႃႈဝတ်းထႃႉႁႅင်းၼႃႇတႄႉ တေယူႇငၢႆႈၵႂႃႇၵမ်း ၼိူင်ႈၵူၺ်းသေ တေၶိုၼ်းတၼ်ၶိုၼ်းၼႆဢေႃႈ။\n\nလႆႈၸႂ်လၢႆးလႂ်ၵေႃႈ ႁဵတ်းၸၢမ်းတူၺ်းလၢႆးၼၼ်ႉ ၶႃႈ သင်ဝႃႈပဵၼ်ဝတ်းၼႆ။\n\nၶွပ်ႈၸႂ်ယႂ်ႇၼမ်တင်းသဵင်ႈၶႃႈ\n\nပိၼ်ႇတႅမ်ႈ-ၼၢင်းဢေးဢေး(မွၵ်ႇၾႃႉၶၢဝ်)\nMay 17.2021(Mon)\nSource:www.blushin.com\n#Health-Education"
+  },
+  {
+    "title": "ၵူၼ်းလႃႈသဵဝ်ႈေၵႃႉၼိုင်ႈၶႃႈတူဝ်တၢႆ ဝၢႆးေသၸႅတ်ႈၺႃးႁူႉဝႃႈတူဝ်ၸဝ်ႈၵဝ်ႇ ၸပ်းတၢင်းပဵၼ် Covid-19",
+    "content": "မိူဝ်ႈၼႆႉ 23.06.2021 တီႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ၵူၼ်းၸၢႆးၵေႃႉၼိုင်ႈ ဢၼ်ၶင်တူဝ်(Home Quarantine) ဝႆႉယူႇတီႈ ပွၵ်ႉ(9) ၼႃႈလိၼ်(10) ဝဵင်းလႃႈသဵဝ်ႈ ဝၢႆးသေၸႅတ်ႈပၢႆးယူႇလီယဝ်ႉ ၶေႃႈတွပ်ႇဢွၵ်ႇမႃးဝႃႈ ၸဝ်ႈၵဝ်ႇၸပ်းတၢင်း Covid-19  မိူဝ်ႈဝႃး ဝၼ်းထိ 22 ၼႆယဝ်ႉၼၼ်ႉ ယွၼ်ႉထၢတ်ႈၸႂ်တူၵ်းသေ ၶႃႈတူဝ်တၢႆၼႆယဝ်ႉ။\n\nၼႂ်းလူိၼ်ၵျုၼ်ႇတႆႉၵူၺ်း ၵူၼ်းၸပ်းတၢင်းပဵၼ်ၶူဝ်းဝိတ်ႇ19 ၼႂ်းၸေႈဝဵင်းလႃႈသဵဝ်ႈ ႁူမ်ႈမီး (209)ၵေႃႉသေ မိူဝ်ႈဝႃးဝၼ်းထိ (22)ၼႆႉဝၼ်းလဵဝ် ထူပ်း(57)ၵေႃႉၼႆယူႇယဝ်ႉ။\n\nLashio Covid-19 Operation Team"
+  },
+  {
+    "title": "ထူပ်းႁၼ်ၵူၼ်းၸပ်းတၢင်းပဵၼ်ၶူဝ်ႊဝိတ်ႇ 19 တီႈဝဵင်းတူၼ်ႈတီး 8 ေၵႃႉ",
+    "content": "ထူပ်းႁၼ်ၽူႈၸပ်းတၢင်းပဵၼ်ၶူဝ်ႊဝိတ်ႇ 19 တီႈဝဵင်းတူၼ်ႈတီး 8 ၵေႃႉ မိူဝ်ႈၼႆႉ 23/06/2021 တီႈလုမ်းၽၢႆႇၶွၼ်ႈၵိုၼ်းသႃႇယႃႇၸေႊဝဵင်းတူၼ်ႈတီး ငဝ်ႈၸိုင်ႈမိူင်းတႆး ႁူပ်ႉႁၼ်ၽူႈၸပ်ႉၸိူဝ်ႉတၢင်းပဵၼ်ၶူဝ်ႊဝိတ်ႇ 19 မီးယူႇ 8 ၵေႃႉ ။ မိူဝ်ႈတႄႇမၼ်း မီးၽူႈႁၢပ်ႇၵၢၼ်ၼႂ်းလုမ်း ၽၢႆႇၶွၼ်ႈၵိုၼ်းသႃႇယႃႇ ဢၼ်မီးၼႂ်းပွၵ်ႇပႃႇမႆႉ( တိတ်ႉတေႃး ) ၼၼ်ႉ ပဵၼ်ဢမ်ႇယူႇလီ ဢမ်ႇလႆႈဢၢႆသႅဝ်သင်လႄႈ ၵႂႃႇႁူင်းယႃ ။ မိူဝ်ႈမေႃယႃၶဝ် ၵူတ်ႇၸႅတ်ႈတူၺ်းၸိုင် လႆႈႁၼ်မၼ်းၸပ်းၶူဝ်ႊဝိတ်ႇ 19 ဝႆႉ ၼႆယဝ်ႈ ။ ဝၢႆးၼၼ်ႉ ၸင်ႇၵူတ်ႇၸႅတ်ႈတူၺ်းထႅင်ႈ ၵူၼ်းၼႂ်းလုမ်းၶဝ် ၊ သမ်ႉလႆႈႁၼ်မီးမႃးထႅင်ႈ ၵူၼ်းၸပ်းၶူဝ်ႊဝိတ်ႇ 19 ထႅင်ႈ 7ၵေႃႉ လႄႈ လႆႈသူင်ႇယူတ်းယႃတူဝ်ဝႆႉတီႈ ႁူင်းယႃလူင်တူၼ်ႈတီး ။ ၵူၼ်းၸိူဝ်းဢၼ် ယူႇၸမ်ၶဝ်ၵေႃႈ လႆႈၶင်တူဝ်ပႂ်ႉတူၺ်းတၢင်းပဵၼ် 14 ဝၼ်း ။ လုမ်ၶွၼ်ႈၵိုၼ်းသႃႇယႃႇ လႄႈ သဵၼ်ႈတၢင်းတီႈယူႇၶဝ်ၵေႃႈ လႆႈႁပ်းဢိုတ်းဝႆႉ ဢမ်ႇပၼ်ၽႂ်ၶဝ်ႈဢွၵ်ႇ ၼႆယဝ်ႈ ။\n\nSource# Tai TV Online"
+  },
+  {
+    "title": "ေၼႇဝိၼ်းယိုတ်းဢႃႇၼႃႇၸိုင်ႈမိူင်း ၵဵဝ်ႇၵၢၼ်မိူင်းဝ���်းမိူဝ်ႈၼႆႉၸိူင်ႉႁိုဝ်? ၵွပ်ႈသင်?",
+    "content": "1962 လိူၼ်မၢတ်ႊၶျ် 2 ဝၼ်း၊ ၵၢင်ၼႂ်မိူင်းၸမ်လႅင်းၼၼ်ႉ ၸဝ်ႈဢႃႇၼႃႇသိုၵ်းလူင် ၸွမ်သိုၵ်းၼေႇဝိၼ်း ဢွၼ်ဢဝ်တပ်ႉသိုၵ်းမၢၼ်ႈႁုပ်ႈယိုတ်းဢႃႇၼႃႇ/ ဢမ်းၼၢၸ်ႈဝၢၼ်ႈမိူင်း မိူင်းႁူမ်ႈတုမ်ပတ်းပိုၼ်ႉ။ တီႉၺွပ်းဢဝ် ၽူႈဢွၼ်ႁူဝ် ဢိၵ်ႇၸဝ်ႈၾႃႉတႆးတင်းၼမ်၊ မိူၼ်ပိူၼ်ႈၵျေႃးႁူၺ်းၵႅတ်ႇႁႅတ်ႉဝႅတ်ႉပၢႆးလိုပ်ႈၶင်ၵႆႇၶင်ၼူၵ်ႉ ၼႂ်းလဝ်ႉၼႂ်းသွင်းသေ တီႉၺွပ်းဢဝ်ဢၢၼ်ႇႁူဝ်သိပ်းမၼ်း။\n\nPhoto by – historyanswers.co.uk/ ၸွမ်သိုၵ်းလူင် ၼေႇဝိၼ်း\n\nပေႃးလၢတ်ႈမႃးလွင်ႈၼႆႉၸိုင် သမ်ႉတေလႆႈတေႃႉတႆႇၶႆႈၼႄ ပိုၼ်းလွင်ႈပဵၼ်မႃးတၢင်းလင် ပိူင်ပဵၼ်ဢၼ် ၵဵဝ်ႇၵပ်းလွင်ႈၼႆႉ။ ဢွၼ်ၼႃႈၼၼ်ႉ 1962 ၼႂ်းၵၢင်လိူၼ်ၾႅပ်ႊၿိဝ်ႊရီႊ မိူဝ်ႈပဵၼ်ပၢင်ၵုမ်သၽႃးပႃႇလီႇမၼ်ႇ မိူင်းႁူမ်ႈတုမ်ၼၼ်ႉ ၾၢႆႇမၢၼ်ႈၶဝ်ဝႃႈႁၢင်ႈႁႅၼ်းဝႆႉ တွၼ်ႈတႃႇဢုပ်ႇၵုမ်တွပ်ႇၵႄႈ တႅပ်းတတ်းလွင်ႈမၢႆမီႈပိူင်ပိုင်း မိူင်းႁူမ်ႈတုမ်ၾႅတ်ႊၻရႄႊၼႆလႄႈ ၽူႈဢွၼ်ႁူဝ် ၽူႈတၢင်တူဝ်ၵူၼ်းမိူင်းတႆး ဢိၵ်ႇၸဝ်ႈၾႃႉမိူင်းတႆးႁဝ်း ဢွၼ်ၵၼ်လူင်းၵႂႃႇတႃႈၵုင်ႈ ၶိုၼ်ႈႁွတ်ႈသၽႃးပႃႇလီႇမၼ်ႇ ၵမ်ႈၼမ်ၼမ်။ ၸင်ႇဝႃႈမႅၼ်ႈတိုဝ်ႉတၢင်း ၼေႇဝိၼ်း ဢွၼ်ႁူဝ်တပ်ႉသိုၵ်းမၢၼ်ႈ ႁုပ်ႈငမ်ၵမ်ၸွၵ်းဢဝ်လႆႈငၢႆႈငၢႆႈ မိူၼ်ပိူၼ်ႈတီႉဢဝ်ၵႆႇၶင်ၼႂ်းလဝ်ႉ ၼူၵ်ႉၶင်ၼႂ်းၶွၵ်ႈၼႂ်းသွင်းၼၼ်ႉယဝ်ႉ။\nလွင်ႈလႆႈႁုပ်ႈယိုတ်းဢႃႇၼႃႇၸိုင်ႈမိူင်းၼႆႉ ပဵၼ်မႃးယွၼ်ႉသင်?၊ ၵူဝ်သင်?၊ လၵ်းလၵ်းမၼ်းပဵၼ်ဝႆႉၸိူင်ႉႁိုဝ်? ပေႃးဝႃႈၼႆၸိုင် တေလႆႈယိုၼ်းၽိုၼ်ႉၶိုၼ်း-ပိုၼ်းမိုၼ်ႉသိုၼ်းၵွၼ်ႇဢွၼ်ၼႃႈၼႆႉ ဢိတ်းၼိုင်ႈ။\nမိူဝ်ႈ 12/2/1947 လုၵ်ႉတီႈၼမ်ႉၸႂ်ပၢင်လူင်ပဵၼ်ပိုၼ်ႉထၢၼ်သေ ယဵၼ်းပဵၼ်မႃး လိၵ်ႈႁူမ်ႈမၢႆလူင်းလၢႆးမိုဝ်း ၶေႃႈလႆႈၸႂ်ပၢင်လူင် ဢၼ်ၸိုင်ႈတႆးတၵ်းလႆႈမီး- (1)လွင်ႈဢုပ်ႉပိူင်ႇၽွင်းငမ်းႁင်းၶေႃတဵမ်ထူၼ်ႈ။ (2)လွင်ႈၸၢမ်ႇပူၺ်ႈၻီႊမူဝ်ႊၶရေႊသီႊ လႄႈ သုၼ်ႇလႆႈၵူၼ်း။ (3)လွင်ႈထၢင်ႇႁၢင်ႈမီးသုၼ်ႇလႆႈ ၵၢၼ်ငိုၼ်းတွင်း ၶွင်တူဝ်ၵဝ်ႇႁင်းၵူၺ်းမိူၼ်ၵဝ်ႇတဵမ်ထူၼ်ႈ ၸိူဝ်းၼႆႉယဝ်ႉ။\nဝၼ်းတီႈ 12 ၾႅပ်ႊၿိဝ်ႊရီႊၼႆႉ ပဵၼ်ပႃးဝၼ်းဢၼ် ၽူႈတၢင်တူဝ်မိူင်းသၼ်လွႆ မိူင်းတႆး၊ ၶၢင်၊ ၶျၢင်း၊ ယၢင်းလႅင် တင်းၽူႈဢွၼ်ႁူဝ်မိူင်းမၢၼ်ႈ ၸွမ်သိုၵ်းဢွင်ႇသၢၼ်း ႁူမ်ႈလူင်းလၢႆးမိုဝ်းလိၵ်ႈႁူမ်ႈမၢႆပၢင်လူင်သေ ပိူဝ်ႈတႃႇ ၵေႃႇတင်ႈပဵၼ်မႃးၸိုင်ႈမိူင်��ႁူမ်ႈတုမ်။\nထိုင်မႃးမိူဝ်ႈ 24/9/1947 ပၢင်ၵုမ်ၸုမ်းပွင်မၢႆမီႈ မၵ်းမၼ်ႈပိူင်ပိုင်းၸိုင်ႈမိူင်း (Constitution) မိူင်းႁူမ်ႈတုမ်သေ ယွမ်းႁပ်ႉတႅပ်းတတ်း ပၼ်သုၼ်ႇလႆႈၽၢတ်ႇဢွၵ်ႇၸိုင်ႈတႆး ၼႂ်းၵၼ် 10 ပိူင်ပိုင်းၸိုင်ႈမိူင်းၼၼ်ႉ။\n4/1/1948 ၸိုင်ႈတႆးႁွမ်းၵၼ်တင်းမိူင်းမၢၼ်ႈ လႆႈၵွၼ်းၶေႃပူၼ်ႉလွတ်ႈဢွၵ်ႇတႂ်ႈဢိင်းၵလဵတ်ႈသေယဝ်ႉ ပူၵ်းတင်ႈပဵၼ်မိူင်းႁူမ်ႈတုမ်မႃး ၸွမ်းၼင်ႇမၢႆမီႈပိူင်ပိုင်း တေႃႇထိုင် 1962 ။\nၼႂ်းၵႄႈၵၢင် 1948-1962 ၼၼ်ႉ 1957 လႆႈၵွၼ်းၶေႃမႃး 9 ပီပၢႆ ယဵပ်ႇၶဝ်ႈ 10 ပီယဝ်ႉလႄႈ ၽူႈဢွၼ်ႁူဝ် မိူင်းတႆး ႁဵတ်းပၢင်ၵုမ်လူင်မိူင်းယႆ တွၼ်ႈတႃႇၶုၵ်းထူပ်းဝူၼ်ႉၶွပ်ႈထတ်းသၢင်ၼိူဝ် ၶေႃႈလႆႈၸႂ်မိူင်းတႆးမိူင်းမၢၼ်ႈ။ မိူဝ်ႈၼၼ်ႉလႆႈထုၵ်ႇ ဢူးၼု လွၵ်ႇငိုတ်ႈပိုၼ်ၽၢဝ်ႇသိုၵ်းတေႃႇမိူင်းတႆး ႁၢမ်ႈတပ်ႉလွင်ႈလၢတ်ႈၶိူဝ်းၽၢတ်ႇဢွၵ်ႇ ၸိုင်ႈမိူင်းႁူမ်ႈတုမ်။\nဝၢႆးၼၼ်ႉထိုင်မႃး 1961 လိူၼ်ၵျႅၼ်ႊၼိဝ်ႊရီႊ 25 ဝၼ်း၊ လူင်ပွင်ၸိုင်ႈတႆး ဢွၼ်ႁူဝ်ၼမ်းၼႃႈႁပ်ႉႁွင်း မၵ်းမၼ်ႈ တၢင်ႇၼႄ တွၼ်ႈတႃႇမူၼ်ႉမႄးၶိုၼ်းမၢႆမီႈပိူင်ပိုင်းမိူင်းႁူမ်ႈတုမ် ႁႂ်ႈပဵၼ်မိူင်းႁူမ်ႈတုမ်ၾႅတ်ႊၻရႄႊ ၸိုၼ်ႈၸၢင်ႇ၊ မိူင်းမၢၼ်ႈၵေႃႈ ႁႂ်ႈလႅၵ်ႈလၢႆႈယွမ်းႁပ်ႉ ပဵၼ်ၸၼ်ႉၸႄႈမိူင်း (ပျီႇၼႄႇ)ၼိုင်ႈလုၵ်ႈ မိူၼ်ၵူႈၸႄႈမိူင်း။\nထိုင်မႃးမိူဝ်ႈ 8-16/6/1961 ၶၢဝ်းတၢင်းပႅတ်ႇဝၼ်းလုမ်းလုမ်း၊ မိူင်းတႆးလႄႈမိူင်းယၢင်းလႅင် ဢွၼ်ႁူဝ်ၼမ်းၼႃႈ ၶိုင်ပွင်ႁွင်ႉႁဵတ်းပၢင်ၵုမ်လူင်ၵူႈၸၢဝ်းၶိူဝ်း ဢမ်ႇပႃးမၢၼ်ႈ (တႆး၊ ယၢင်းလႅင်၊ ၶၢင်၊ ယၢင်းၽိူၵ်ႇ၊ ၶျၢင်း၊ မွၼ်း၊ ရၶႅင်ႇ)။ ၵူႈၸႄႈမိူင်း ဢွၼ်ၵၼ်တူၵ်းလူင်းလႆႈၸႂ်ၵမ်ႉထႅမ်မၵ်းမၼ်ႈ တႃႇလႅၵ်ႈလၢႆႈမူၼ်ႉမႄးၶိုၼ်းႁႂ်ႈပဵၼ်မႃး မၢႆမီႈပိူင်ပိုင်းလၵ်းမိူင်း ၸိုင်ႈမိူင်းႁူမ်ႈတုမ်ၾႅတ်ႊၻရႄႊၸိုၼ်ႈၸၢင်ႇ။\nၵူၺ်းၵႃႈ ၽိူဝ်ႇထိုင်မႃးမိူဝ်ႈၽူႈဢွၼ်ႁူဝ် ၽူႈတၢင်တူဝ်ၵူၼ်းမိူင်းတႆး ဢိၵ်ႇၸဝ်ႈၾႃႉမိူင်းတႆး ဢွၼ်ၵၼ်လူင်းၵႂႃႇ တႃႈၵုင်ႈ ၶိုၼ်ႈႁွတ်ႈသၽႃးပႃႇလီႇမၼ်ႇၼၼ်ႉ လႆႈထုၵ်ႇၸုမ်းသိုၵ်းၼေႇဝိၼ်းဢွၼ်ႁူဝ် ၶူၼ်ႉလူမ်ႉႁၵ်းလင် တီႉၺွပ်းၵုမ်းၶင် ႁုပ်ႈယိုတ်းဢႃႇၼႃႇၸိုင်ႈမိူင်းၵႂႃႇမိူဝ်ႈ 2/3/1962 ။\nဝၢႆးမႃး ၸဝ်ႈၶမ်းသိုၵ်း၊ ၸဝ်ႈၾႃႉလူင် မိူင်းယွင်ႁူၺ်ႈ ဢၼ်ယၢမ်ႈပဵၼ်မႃး ၸွမ်ၸိုင်ႈမိူင်းႁူမ်ႈတုမ်ၵေႃႉႁႅၵ်ႈ သုတ်းၵေႃႈ လႆႈသဵင်ႈမုၼ်ၼွၼ်းၽႄးၵႂႃႇၼႂ်းၶွၵ်ႈ။ ၸဝ်ႈၵျႃႇသႅ���် ၸဝ်ႈၾႃႉလူင်မိူင်းသီႇပေႃႉ ၵေႃႈလႆႈႁၢႆလၢႆၵႂႃႇတေႃႇထိုင်ဝၼ်းမိူဝ်ႈၼႆႉ။\nတင်ႈတႄႇၼၼ်ႉမႃး ၸိုင်ႈတႆးႁဝ်းၵေႃႈ လႆႈတူၵ်းၶမ်ယူႇတႂ်ႈဢူင်ႈမိုဝ်းၸဝ်ႈဢႃႇၼႃႇသိုၵ်းမၢၼ်ႈၶဝ် ႁဵတ်းၶုၼ် ၽွင်းငမ်းမႃးလုမ်းလုမ်း ၵုမ်းၵမ်ပေႉၵိၼ်တဵၵ်းတဵင်လူလၢႆ ဢဝ်တၢႆမႃးပီယၢဝ်းၶၢဝ်းႁိုင်၊ ႁၢၼ်ႉတေႃႇထိုင် ဝၼ်းမိူဝ်ႈၼႆႉ ၼႆၵေႃႈဝႃႈလႆႈ။ ဢၼ်ၸုမ်းသိုၵ်းမၢၼ်ႈပူၼ်ႉပႅၼ်သုၼ်ႇလႆႈၵူၼ်းႁၢဝ်ႈႁႅင်း၊ လိုပ်ႈႁေႃႈၶၢႆႉဝၢၼ်ႈ ႁိူၼ်းယေးတီႈယူႇ၊ လႆႈပၢႆႈလႆႈၼီလႆႈၶီလႆႈငဝ်၊ တဵၵ်းတဵင်ႉပေႉၵိၼ်လူလၢႆၶႃႈႁႅမ်တၢႆ ပဵၼ်ၵေႃႇ ပဵၼ်ၵွင်သေ ထိုင်တီႈၵူၼ်းဝၢၼ်ႈၵူၼ်းမိူင်းတႆးလႆႈထိုင်ၸႂ် ၸဵပ်းၸႂ် ၼႅင်ၸႂ် တိူဝ်ႉၸႂ်၊ ၸႅပ်းၵႅၼ်းထိုင်ဢွၵ်းထိုင်လုပ်ႇ၊ ထိုင်တီႈလႆႈၸိုဝ်ႈဝႃႈပီငရၢႆးလူင်ၼၼ်ႉတႄႉ ပဵၼ်ၽွင်းပီ 1996-1999 ၊ ၵူၼ်းမိူင်းတႆးပွတ်းၵၢင်ထူပ်းၽေးသိုၵ်း လႆႈပၢႆႈလႆႈၼီႁူဝ်ၵူၼ်းသၢမ်သႅၼ်ပၢႆ၊ ဝၢၼ်ႈႁၢမ်းႁဵင်ပၢႆ။\nပေႃးလဵပ်ႈႁဵၼ်းပိုၼ်းပွတ်းဢွၼ်ႇတွၼ်ႈၼိုင်ႈၼႆႉၸိုင် မိူဝ်ႈဝၼ်းထီႉ 2/3/1962 ၼၼ်ႉ ၵွပ်ႈသင်ၼေႇဝိၼ်း ႁုပ်ႈယိုတ်းဢႃႇၼႃႇ လႃႇၼႆ- ဢၼ်ၵူၼ်းတင်းၼမ်လွတ်ႈလၢတ်ႈလွတ်ႈထၢမ်ၵၼ်၊ ဢမ်ႇလၢတ်ႈၵေႃႈတႆးႁူႉယူႇ ၼႆၼၼ်ႉလႄႈသင်၊ ပဵၼ်ၵွပ်ႈပိူဝ်ႈၵူဝ်မိူင်းတႆး ၽၢတ်ႇဢွၵ်ႇမိူင်းႁူမ်ႈတုမ်၊ တိုၼ်းဢမ်ႇၶႂ်ႈပၼ်ၸႂ်ႉတိုဝ်းသုၼ်ႇလႆႈ ၽၢတ်ႇဢွၵ်ႇ လႃးလႃးၼၼ်ႉယဝ်ႉ။\nဢၼ်မိူင်းတႆးတၢင်ႇၼႄ တုၵ်းယွၼ်းၼၼ်ႉ ပဵၼ်တွၼ်ႈတႃႇၶိုၼ်း ထတ်းသၢင်လႅၵ်ႈလၢႆႈမူၼ်ႉမႄး မၢႆမီႈပိူင်ပိုင်း ႁႂ်ႈပဵၼ်မိူင်းႁူမ်ႈတုမ်ၾႅတ်ႊၻရႄႊၸိုၼ်ႈၸၢင်ႇၵူၺ်း၊ တိုၼ်းဢမ်ႇတူၵ်ႇလၢတ်ႈမီးမႃး လွင်ႈၽၢတ်ႇဢွၵ်ႇသေတီႈ သေၶေႃႈသေၵမ်းသေဢိတ်းလႃးလႃး ၼႆသေတႃႉၵေႃႈၵေႃႈ ၸုမ်းသိုၵ်းမၢၼ်ႈၼေႇဝိၼ်း ဢမ်ႇယွမ်းဢမ်ႇၽွမ်ႉ လႃးလႃး။ တွၼ်ႈတႃႇၽၢတ်ႇဢွၵ်ႇပူၵ်းတင်ႈပဵၼ်မိူင်းသဝ်းၶေႃႁင်းၵူၺ်း ဢၼ်ဝႃႈၼၼ်ႉ ၶႅၼ်းဝႆႉၵႆၵႆယဝ်ႉ။ လွၵ်းပိူင်မိူင်းႁူမ်ႈတုမ်ၾႅတ်ႊၻရႄႊၼၼ်ႉ မၢၼ်ႈၶဝ်ပိုၼ်ၽၢဝ်ႇပႅတ်ႉလႅၼ်ၽၢမ်းတႃ ၵူၼ်းမိူင်းမၢၼ်ႈမႃး တႃႇသေႇဝႃႈ ပဵၼ်တွၼ်ႈတႃႇၽၢတ်ႇဢွၵ်ႇတႅၵ်ႇငၢၵ်ႈ မိူင်းႁူမ်ႈတုမ် ၼႆမႃးတႃႇသေႇ။\nလွင်ႈၼေႇဝိၼ်းယိုတ်းဢႃႇၼႃႇၼႆႉ ပေႃးႁူမ်ႈႁုပ်ႈလၢတ်ႈၸိုင် ယွၼ်ႉပိူဝ်ႈဢမ်ႇၶႂ်ႈႁႂ်ႈမိူင်းတႆး မီးလွင်ႈထၢင်ႇႁၢင်ႈ ၶိုတ်းပဵင်းမိူင်းမၢၼ်ႈၶဝ်၊ ၵွပ်ႈပိူဝ်ႈၶႂ်ႈဢဝ်ၸိုဝ်ႈသဵင်ၼႃႈတိူဝ်ႈမၼ်း ႁွင်ႉႁဵၵ်ႈဝႃႈ ပဵၼ်မိူင်းႁူမ်ႈတုမ်လၢႆလၢႆၵူၺ်း သေ ဢဝ်ႁဵတ်းပဵၼ်ၸိုင်ႈမိူင်းလဵဝ်ၶွင်မၢၼ်ႈၶဝ်ၵူၺ်းလႄႈ ၼေႇဝိၼ်း ၸင်ႇယိုတ်းဢႃႇၼႃႇပႅတ်ႈ- ၽူႈလဵပ်ႈႁဵၼ်းၵၢၼ်မိူင်းၵၢၼ်သိုၵ်းၶဝ် ထတ်းသၢင်ႁၼ်ထိုင်ၵၼ်ၼင်ႇၼႆ။\nၵၢၼ်ၵေႃႇသၢင်ႈလွင်ႈငမ်းယဵၼ် ၼႂ်းၸူဝ်ႈပၢၵ်ႇၸဵင်ပီ 21 ဝူင်ႈၵၢင်လူင်ပွင်ၸိုင်ႈ၊ တပ်ႉမတေႃႇသိုၵ်းမၢၼ်ႈ လႄႈၸၢဝ်းၶိူဝ်းတင်းလၢႆ ဢမ်ႇၶိုပ်ႈၼႃႈၶိုၼ်ႉသင်လႄႈသင်၊ မီးလွင်ႈၶွင်ႉၶမ်ၵၼ်ယူႇလႄႈသင်၊ ဢုပ်ႇဢူဝ်းၵၼ် ၵၢၼ်မိူင်းဢမ်ႇပဵၼ်ၵၢၼ်ဝၼ်းမိူဝ်ႈၼႆႉ ယွၼ်ႉပိူဝ်ႈသုၼ်ႇလႆႈၽၢတ်ႇဢွၵ်ႇ။ ၾၢႆႇမၢၼ်ႈဝႃႈယူႇမႅၵ်းမႅၵ်း တၵ်းဢမ်ႇလႆႈၽၢတ်ႇဢွၵ်ႇ၊ ၾၢႆႇၸၢဝ်းၶိူဝ်းသမ်ႉဝႃႈ ႁႂ်ႈမီးသုၼ်ႇလႆႈၽၢတ်ႇဢွၵ်ႇၼၼ်ႉယဝ်ႉ။\nဢိင်ၶေႃႈမုလ်း ၽိုၼ်လိၵ်ႈၵွၼ်းၶေႃ မၢႆ 163 လိူၼ်သီႇ၊ ပီတႆး 2093 ၊ 2 March 1999 ။\nၶေႃႈမုလ်း – ပပ်ႉမႅၵ်ႉၵသိၼ်းၽူႈတွႆႇႁွၵ်ႈမၢႆ 15, March 2019"
+  },
+  {
+    "title": "ၶွမ်ႇပၼီႇႁူင်ႇပၢၼ်း ၶွင်တပ်ႉသိုၵ်းဝ (UWSA) ယိုတ်းသိမ်းတီႈလိၼ်ၵူၼ်းမိူင်း ဝၢၼ်ႈႁွင်ႇႁွင်ႈလိုၵ်ႉ တႃႈၶီႈလဵၵ်း",
+    "content": "ရှမ်းပြည်အရှေ့ပိုင်း တာချီလိတ်မြို့နယ် ေဟာင်လိတ်ေကျးရွာ ပြည်သူပိုင်လယ်ယာမြေများကို (UWSA) ပိုင် ဟုန်ပန်းကုမ္ပဏီက ခြံစည်းရိုးခတ် အဓမ္မသိမ်းယူ\n\nၶွမ်ႇပၼီႇႁူင်ႇပၢၼ်း တပ်ႉသိုၵ်းဝ (UWSA) ယိုတ်းသိမ်းတီႈလိၼ်ၵူၼ်းမိူင်း ဝၢၼ်ႈႁွင်ႇႁွင်ႈလိုၵ်ႉ တႃႈၶီႈလဵၵ်း\n\n25/06/2021\n#ဟုန်ပန်း\n\n#ဟုန်ပန်းကုမ္ပဏီ\n#တာချီလိတ်"
+  },
+  {
+    "title": "မီးၵူၼ်းမႃးပွႆႇမၢၵ်ႇသႂ်ႇ ၵူၼ်းမိူင်းၼမ်ႉၶမ်း ၽွင်းၼႄၵၢင်",
+    "content": "မီးၵူၼ်းမႃးပွႆႇမၢၵ်ႇသႂ်ႇ ၵူၼ်းမိူင်းၼမ်ႉၶမ်း ၽွင်းၼႄၵၢင်\n\nUpdate –\nမိူဝ်ႈၼႆႉ 28.6.2021 ၵူၼ်းမိူင်းၼမ်ႉၶမ်း ႁဵင်ပၢႆ ၼႄၵၢင်ၸႂ်။ မီးၵူၼ်းဢမ်ႇႁူႉၸုမ်းသွင်ၵေႃႉ မႃးပွႆႇမၢၵ်ႇသႂ်ႇၸုမ်းၵူၼ်းၼႄၵၢင်ၸႂ်ၼႆယဝ်ႉ။ ၼႂ်းဢွင်ႈတီႈ မၢၵ်ႇတႅၵ်ႇၼၼ်ႉ ထူပ်းႁၼ်ပႃးၵွင်ႈပွတ်းၼိုင်ႈလဝ်းသေ မီးၵူၼ်းမိူင်းတၢႆလႄႈ မၢတ်ႇၸဵပ်းၼႆယဝ်ႉ။"
+  },
+  {
+    "title": "ပိုၼ်းၵႅပ်ႈ မိူင်းၼၢႆး",
+    "content": "ပိုၼ်းၵႅပ်ႈ မိူင်းၼၢႆး\n\nမိူင်းၼၢႆး မီးယူႇတီႈၼ်ႂးၽႅၼ်ႇလိၼ်ၸႄะမိူင်းတႆး ယူႇႁူမ်ႈၼ်ႂးမိူင်းႁူမ်ႈတုမ်မျႅၼ်ႇမႃႇ ၸႄะတွၼ်ะ လၢင်းၶိူဝ်း ၸႄะဝဵင်း မိူင်းၼၢႆး ၶႃႈ။\n\nမိူင်းၼၢႆး ႁၢင်ႇၵႆသုင်လိူဝ်တင်းၼမ်ႉပၢင်ႇလၢႆ 3179 ထတ်း ရႃႇသီႇဢူႉတု ဢမ်ႇမႆႈ ဢမ်ႇၵတ်း ၶၢဝ်းၵတ်း 4 လိူၼ် ၶၢဝ်းမႆႈ 4 လိူၼ် ၶၢဝ်းၾူၼ် 4 လိူၼ် လႅၵ်ႈလၢႆႈၽဵင်ႇပဵင်းၵၼ်ၶႃႈ။\n\nမိူင်းၼၢႆး ပဵၼ်မိူင်းတီႈဢၼ် ၵိုၵ်းပိုၼ်းၵဝ်ႇၵႄႇ ၼ်ႂးၽႅၼ်ႇလိၼ်မိူင်းတႆးမိူင်းၼိူင်ႈ ယၢမ်ႈလႆႈမီးႁၢင်ႈႁေႃၸဝ်ႈၾႃႉတႆး ဢုပ်ႉပိူင်ႇၽွင်းငမ်းမႃး ပၢၼ်သိုပ်ႇပၢၼ် တၢင်းဢွၵ်ႇတိတ်းၸပ်း ၵဵင်းတုင် တၢင်းတူၵ်းတိတ်းၸပ်း မိူင်းပွၼ် ၺွင်ႇသူၺ်ႇ ယၢၼ်ၵႆမိူင်းလူင်တူၼ်ႈတီး 100 လၵ်းၶႃႈ။\n\nၸၢဝ်းၶိူဝ်းဢၼ်ယူႇႁူမ်ႈၵၼ် ပဵၼ်တႆးၵမ်ႈၼမ် လိူဝ်ၼၼ်ႉ လီသေႃး လႃးႁူႇ မႅဝ်ႉ ၵလႃး/ၵေႃႇလၶႃး ယၢင်း ပဢူဝ်း မၢၼ်ႈ ၵမ်ႈၼမ်တေၼပ်ႉယမ် ပုတ်ႉထသႃႇသၼႃႇမႃးၸဵမ်မိူဝ်ႈၵွၼ်ႇ မိူဝ်ႈပၢၼ်ဢိင်းၵလဵတ်ႈ ဢမေႇရိႉၵၢၼ်ႇ မႃးတေႇဢွၼ်ၼပ်ႉယမ် သႃႇသၼႃႇ ၶရိတ်ႉ မိူဝ်ႈ 130ပီะပၢႆ”ၼႆႉၵူၺ်း လိူဝ်သေၼၼ်ႉ သႃႇသၼႃႇ တၢင်ႇသႃႇသၼႃႇ[ၶရိတ်ႉ ဢီႇသလၢမ်း ႁိၼ်ႇတူႇ ၵိူဝ်းယမ်ၽီ]ၵေႃႈ ၸင်ႇႁႃတင်ႈမႃးၸွမ်းပၢၼ် ဢိင်းၵလဵတ်ႈ ၼႆၶႃႈ။\n\nပၢႆးမၢၵ်ႈမီး မိူင်းၼၢႆး တေႁဵတ်း ၼႃး ႁႆะ သူၼ် လဵင်ႉသတ်း ၵႃႉၶၢႆ တေႃႉသူင်ႇဢွၵ်ႇ မိူင်းတႆးပတ်းပိုၼ်ႉ လႄႈ သူင်ႇဢွၵ်ႇၵႃႉၶၢႆတၢင်ႇမိူင်းၶႃႈ…..\n\nမိူင်းၼၢႆး တင်ႈဝဵင်းဝႆႉတီႈ ပၢင်ႇပဵင်း သၼ်လွႆ လွမ်ႉႁွပ်ႈသီႇၾၢႆႇ မူင်ะတူၺ်းၵႂႃႇတၢင်းလ်ႂၵေႃႈသႃႇယႃႇ မူၼ်ะသိူဝ်း ၵတ်းယဵၼ် မီးသၽႃႇဝ ထိူၼ်ႇမႆႉ ဢုမ်ႇတိုင်းယိုင်း တေမီးတီႈလီ လဵပ်ႈႁဵၼ်းႁူႉႁၼ်ပိုၼ်း ၵွင်းမူးၵဝ်ႇၵႄႇ ၼမ်လၢႆ”တီႈ ၵူၼ်းၼ်ႂးမိူင်းတႆးပတ်းပိုၼ်ႉ လီလႆႈဢႅဝ်ႇ/လႄႇ ၽႅဝ်ထိုင် ႁူႉႁၼ်ၸွမ်းပိုၼ်းဝၼ်းလင် ၸိူဝ်းၵူၼ်းတၢင်ႇၸၢဝ်းၶိူဝ်း ၵေႃႈ ႁွတ်ႈမႃး ဢႅဝ်ႇ/လႄႇ ၽႅဝ်ထိုင် ပဵၼ်တီႈယိူမ်ႈတူၺ်း လဵပ်ႈႁဵၼ်းႁူႉ မီးတင်းၼမ်ၶႃႈ။\n\nเมืองนาย\n\nเมืองนาย อยู่ในรัฐฉาน เป็นเมืองที่เก่าแก่ และ เคยมี หอเจ้าฟ้า ปกครอง ลายๆสมัย เคยรุ่งเรืองมาก่อน ปัจจุบัน อยู่ใต้รัฐบาล Myanmar สมัยก่อน ถึงปัจจุบันนี้ เมืองนายถือเป็น เมืองเก่าแก่ โบราณ สถานที่ท่องเที่ยว ที่เคยรุ่งเรืองมา ตามประวัติศาสตร์ นักท่องเที่ยว หลั่งไหลเข้ามา เยี่ยมชม ศึกษา เรียนรู้ เยอะมากๆค่ะ\n\nမိုးနဲမြို့\n\nသျှမ်းပြည်တောင်ပိုင်း လင်းခေးခရိုင် မိုးနဲမြို့သည် သျှမ်း ဟော်နန်းများ ခေတ်အဆတ်” အုပ်ချုပ်ခဲ့ပြီး ရှေးဟောင်း သမိုင်းဝင် မွေတော် စေတီပုထိုး ပုဂံ နှင့် စိတ်ဝင်စားဖွယ်ရာ သမိုင်းကြောင်းများနဲ့အပြည့်နက်နေတဲ့ သျှမ်းပြည်ရဲ့ ပုဂံ မြို့လေး ဖြစ်ပါတယ်။\n\nမိုးနဲမြို့ဟာ ပထမမိုးနဲ ဒုတိယမိုးနဲ ခေတ်ကာလအလိုက် ပြောင်းလဲ သတ်မှတ်ထားပါတယ်လို့ သိရပါတ���်။ သျှမ်းပြည်တောင်ကြီးကနေ မိုင် (100)ကျော်အဝေးမှာ မိုးနဲမြို့ကို သျှမ်း ပုဂံလို့ ခေါ်ကြပါတယ်။ မိုးနဲမြို့ ပင်လယ်ရေ မျက်နှာပြင် အထက် ပေ(3179)တည်ရှိပြီး ရာသီဥတု မပူ မအေးပါ။\n\nမိုးနဲမြို့သည် တောတောင်တန်းများနှင့်အတူ စိမ်းလန္း စိုပြေ သာယာလှပ ပြည်သူ ပြည်ပ အလည်ရောက်လာသမျှ ရှေးဟောင်း ပုဂံ သို့ သွားရောက်ဖူးမြော် သမိုင်းများလေ့လာကြပါသည်။\n\nလည်စရာနေရာများ –\n\n1.စိန်တောင်စေတီ\n2.ဒေဝီ 12 ပါးဂူ\n3.ဦးသီလကျောင်း\n4.အရိပ်မထွတ် နှစ်ကျိတ်ရှစ်ဆူဘုရား\n5.ဆင်တော်စေတီ\n6.ရန်ပြေဘုရား\n7.မိုးနဲဟော်နန်း\n8.စက်တော်သဘာဝရေထွက် ဘေးမဲ့တော ဒီထက်မက လည်စရာနေရာများတွေ အစား အသောက်ဖွယ်ရာများ နှင့် မိုးနဲသူတို့ ဧည့်ဝတ်ကြေစေသည်။"
+  },
+  {
+    "title": "ဝဵင်းတူၼ်ႈတီး",
+    "content": "လုၵ်ႉတီႈ ဝီႇၶီႇၽီးတီးယႃး ဢၼ်လွတ်ႈလႅဝ်းထၢင်ႇႁၢင်ႈ ၼၼ်ႉမႃး\n\nDCIM100MEDIADJI_0005.JPG\n\nဝဵင်းတူၼ်ႈတီး\n\nဝဵင်းၼႂ်းမိူင်းတႆး\n\nဝဵင်းတူၼ်ႈတီး\n\nဢွင်ႈတီႈ ၼႂ်းမိူင်းမျၢၼ်ႇမႃႇ\n\nၵူဝ်ႇဢေႃးတိၼဵတ်ႉ: 20°46′29″N 97°02′10″Eၵူဝ်ႇဢေႃးတိၼဵတ်ႉ: 20°46′29″N 97°02′10″E\n\nမိူင်း\nမိူင်းမျၢၼ်ႇမႃႇ\n\nၸႄႈမိူင်း\nၸႄႈမိူင်းတႆး\n\nၸႄႈတွၼ်ႈ\nၸႄႈတွၼ်ႈတူၼ်ႈတီး\n\nၸႄႈဝဵင်း\nၸႄႈဝဵင်းတူၼ်ႈတီး\n\nၼႃႈသုင်ပၢင်ႇလၢႆႇ\n4,679 ထတ်း (1,426 မီႇတႃႇ)\n\nႁူဝ်ၼမ်ၵူၼ်း (2014)[1]\n\n• ဝဵင်းၼႂ်းမိူင်းတႆး\n၃၈၁,၆၃၉\n\n• ၼႂ်းဝဵင်း\n၂၆၄,၈၀၄\n\n• ဝၢၼ်ႈၼွၵ်ႈ\n၁၁၆,၈၃၅\n\n• ၽႃႇသႃႇၵိူဝ်းယမ်\nပုတ်ႉထၽႃႇသႃႇ\n\nၶၢဝ်းယၢမ်း ၼႃႈလိၼ်\nMST (UTC+6.30)\n\nမၢႆသူင်ႇလိၵ်ႈ\n06011\n\nဝဵင်းတူၼ်ႈတီး (IPA: [to᷆n tí]), (မၢၼ်ႈ: တောင်ကြီးမြို့), (ဢိင်းၵလဵတ်ႈ: Taunggyi), (သဵင်ဢွၵ်ႇ [Tonti]) ၼႆႉ မီးၼႂ်း ၸေႊဝဵင်းတူၼ်ႈတီး၊ ၸေႊတွၼ်ႈတူၼ်ႈတီး၊ ၸေႊမိူင်းတႆး၊ မိူင်းမျၢၼ်ႇမႃႇသေ ပဵၼ်ဝဵင်းပၵ်းလုမ်း ၸႄႈမိူင်းတႆး ၶႃႈဢေႃႈ။\nဝဵင်းတူၼ်ႈတီးၼႆႉ ပဵၼ်ဝဵင်းငဝ်ႈၸိုင်ႈ မိူင်းတႆးသေ မီးတီႈ မိူင်းတႆးပွတ်းၸၢၼ်း။ မီးၼိူဝ်သဵၼ်ႈတၢင်း တႃႇၸီႇလႄႈ ၵဵင်းတုင်၊ မီးၽၢႆႇႁွင်ႇ ဝဵင်းၺွင်ႇသူၺ်ႇလႄႈ ၼွင်ႁၢႆးယႃး (ၼွင်ဢၢင်းလေး)။ [2] ပီႊ 2014 ႁူဝ်ၵူၼ်း ဝဵင်းတူၼ်ႈတီး မီး380,665 ၵေႃႉ။ [3] ၼွၵ်ႈသေ ဝဵင်းတႃႈၵုင်ႈ၊ ဝဵင်းလိူဝ်ႇ၊ ဝဵင်းမေႃႇလမႅင်ႇၸိူဝ်းၼၼ်ႉ ၼႂ်းမိူင်းမၢၼ်ႊၼႆႉ ပဵၼ်ဢၼ်ယႂ်ႇသေပိူၼ်ႈ ထီႉႁႃႈ။ တူၼ်ႈတီးၼႆႉ မီးတီႈတၢင်ႉသုင် 4712 ထတ်း။ ဝဵင်းတူၼ်ႈတီးၼႆႉ ၸိုဝ်ႈသဵင်ယႂ်ႇလူၺ်ႈ ပွႆးလိူၼ်သိပ်းသွင်မူၼ်း ဢၼ်ပွႆႇႁူင်းၾႆးမိၼ်ၼၼ်ႉယဝ်ႉ။ [4] ႁူမ်ႈဝႃႈ ပဵၼ်ဝဵင်းငဝ်ႈၸိုင်ႈမိူင်းတ���းသေတႃႉ ၵူၼ်းယူႇသဝ်းတီႈတူၼ်ႈတီး ၵမ်ႈၼမ်ၼႆႉ ဢမ်ႇၸႂ်ႈတႆး။ ၼွၵ်ႈသေတႆး မီးထႅင်ႈ မၢၼ်ႊ၊ ဢၢင်းသႃး လႄႈ ပဢူဝ်း ၶဝ်ၵေႃႈ ယူႇသဝ်း ၶူၼ်းၶဝ်းလေႃးလႄးၵၼ်ဝႆႉ။ ၸင်ႇၼႆႉတႄႉ လႆႈႁၼ် ၸၢဝ်းၶိူဝ်းၶႄႇၶဝ်ၵေႃႈ ၶဝ်ႈမႃးယူႇသဝ်းတင်းၼမ်။\n\nၼမ်းၼႂ်း\n\n1သၢႆပိုၼ်း\n2ၶိူဝ်းၵူၼ်းလႄႈ ၽႃႇသႃႇၵိူဝ်းယမ်\n3ယဵၼ်ႇငႄႈၾိင်ႈထုင်း\n\n3.1ပွႆးပီႊမႂ်ႇတႆး တူၼ်ႈတီး\n\n4လၢႆးပၵ်းသဝ်းဢွင်ႈတီႈဝဵင်း\n5ပၢႆးမၢၵ်ႈမီးလႄႈၶူဝ်းၵုၼ်ႇၵႃႉၶၢႆ\n6ၵၼ်တေႃႉသူင်ႇလႄႈပၢႆးၵပ်းသိုပ်ႇ\n7ၸၼ်ႉၸွမ်လႄႈၶေႃးလဵၵ်ႉ\n8ဢွင်ႈလီၶဝ်ႈၸႂ်တီႈၼႂ်းဝဵင်း\n9ဢွင်ႈလီၶဝ်ႈၸႂ်ႁိမ်းႁွမ်းဝဵင်း\n10ၾိင်ႈၾႃႉ\n11ႁွင်ႈၼႄၶႅပ်းႁၢင်ႈ\n12ၽိုၼ်ဢိင်\n\nသၢႆပိုၼ်း[မူၼ်ႉမႄး | မႄးထတ်းငဝ်ႈငႃႇ]\nမိူဝ်ႈဢင်းၵိတ်ႉၶဝ် ပႆႇၶဝ်ႈမိူင်းၼၼ်ႉ တူၼ်ႈတီးၼႆႉ တိုၵ်ႉပဵၼ်ဝၢၼ်ႈဢွၼ်ႇ မီးႁိူၼ်းသုမ်ႉဢွၼ်ႇ လၢႆလင်ၼၼ်ႉၵွၺ်း။ ထိုင်ပၢၼ်ဢင်းၵိတ်ႉ ဢုပ်ႉမိူင်းၼၼ်ႉၸင်ႇ တူၼ်ႈတီးၼႆႉ ပဵၼ်ဝဵင်းပၵ်းလုမ်း လူင်ပွင်ၸိုင်ႈ တႃႇမိူင်းတႆးပွတ်းၸၢၼ်း။ မိူဝ်ႈ ပ.ၶ 1894 ၼၼ်ႉ ၵွပ်ႈပိူဝ်ႈ ၼမ်ႉလိၼ်ႁိၼ်ၽႃလႄႈသင်၊ ပၢႆးယူႇလီလႄႈသင် လူင်ပွင်ၸိုင်ႈဢင်းၵိတ်ႉၶဝ် တႅပ်းတတ်း တႃႇလုမ်းလူင်ပွင်ၸိုင်ႈ ၸိူဝ်းပၵ်းဝႆႉ တီႈမိူင်းသွၵ်ႇ ဢၼ်မီးတီႈၾင်ႇဝၼ်းဢွၵ်ႇ ၼွင်ႁၢႆးယႃႈၼၼ်ႉ ၶၢႆႉၸူး တူၼ်းတီး။ တႄႇပီႊၼၼ်ႉသေ ဝဵင်းတူၼ်ႈတီးၵေႃႈ ၶိုၼ်ႈယႂ်ႇမႂ်ႇသုင်မႃးတိၵ်း⁠တိၵ်းယဝ်ႉ။\nမိူဝ်ႈပီႊမိူင်း 1906 ၼၼ်ႉ မီးလင်ႁိူၼ်းႁဵင်ၼိူင်ႈ။ မိူဝ်ႈပီႊ 1900 ပၢႆးၸဝ်ႉၼၼ်ႉ ၵွပ်ႈပိူဝ်ႈတီႈမိူင်းတႆး ဢမ်ႇပႆႇငမ်းယဵၼ်လႄႈ ဝဵင်းတူၼ်ႈတီးၼႆႉ ပဵၼ်ပၢင်သဝ်း တပ်ႉသိုၵ်းဢင်းၵိတ်ႉၶဝ် ဢၼ်လမ်ႇလွင်ႈတီႈသုတ်း။ ပၢႆပဵၼ် ပၢင်သဝ်း ဢၼ်ၵမ်ႉၸွႆႈ ၶဝ်ႈၼမ်ႉတၢင်းၵိၼ် တႃႇတပ်ႉသိုၵ်းဢင်းၵိတ်ႉ ၼႂ်းမိူင်းတႆး။\nၶိူဝ်းၵူၼ်းလႄႈ ၽႃႇသႃႇၵိူဝ်းယမ်[မူၼ်ႉမႄး | မႄးထတ်းငဝ်ႈငႃႇ]\nယဵၼ်ႇငႄႈၾိင်ႈထုင်း[မူၼ်ႉမႄး | မႄးထတ်းငဝ်ႈငႃႇ]\nၢဝ်းၶိူဝ်းၵူၼ်း ၸိူဝ်းယူႇသဝ်းတီႈတူၼ်ႈတီးၸမ်း ပိူင်ယႂ်ႇမၼ်းပဵၼ် တႆး၊ မၢၼ်ႊ၊ ပဢူဝ်း၊ ဢၢင်းသႃး။ ၼွၵ်ႈသေ ၸၢဝ်းၶိူဝ်းပိုၼ်ႉတီႈ မီး ၶႄႇ လႄႈ ၵႃးလႃးမုသ်ႉလိမ်းၶဝ် ယူႇသဝ်း။ ၵူၼ်းဝဵင်းတူၼ်ႈတီးၶဝ်ၵမ်ႈၼမ်ၵေႃႈ ပဵၼ်ၸၢဝ်းပုတ်ႉ မိူၼ်ၼင်ႇ တၢင်ႇတီႈတၢင်လႅၼ်ႊ ၼႂ်းမိူင်းမၢၼ်ႊ။ မီးဝတ်ႉဝႃးၽႃသိူဝ်ႇ ၸၢဝ်းပုတ်ႉၶဝ် ၸွတ်ႇတူဝ်ႈဝဵင်း။\nတီႈတူၼ်ႈတီးၼႆႉ မီးၸၢဝ်းၶရိတ်ႉၵမ်ႈၽွင်ႈယူႇသဝ်းသေ ပဵၼ��� ၸၢဝ်းရူဝ်ႇမႅၼ်ႇၶႅတ်ႉလိၵ်ႉ လႄႈ ၸၢဝ်းပႅပ်ႉတိသ်ႉၶဝ်။ မီးပလီႇၸၢဝ်းမုသ်ႉၶဝ် သီႇလင်ေသၸၢဝ်းမုသ်ႉလိမ်းၶဝ်ၵမ်ႈၼမ် ၵႂႃႇဝႆႈတီႈ ပလီႇႁူဝ်ဝဵင်း၊ ပလီႇၵၢင်ဝဵင်း လႄႈ ပလီႇတၢင်းၸၢၼ်း။ ၶႄႇပၢၼ်းသေးၶဝ်တႄႉ ၵႂႃႇဝႆႈတီႈပလီႇပၢၼ်းသေးၶဝ်ၵွၺ်း။ ဝတ်ႉၶႄႇ ဢၼ်ၸၢဝ်းၶႄႇၶဝ် ၵႂႃႇဝႆႈၼၼ်ႉၵေႃႈ မီးယူႇၵမ်ႈၽွင်ႈ။\nတူၼ်ႈတီးၼႆႉ ပဵၼ်ဝဵင်းဢၼ် ၵူၼ်းထွင်ႊလႄႇၶဝ် ႁိုၼ်ႇသူင်လႄႇလၢဝ်း။ မီးႁႃႈဝၼ်းၼိူင်ႈၵၢတ်ႇသေ ပေႃးဝၼ်းၵၢတ်ႇမႃး မီးၵူၼ်းဝၢၼ်ႈၼွၵ်ႈၼႃးပၢင်ႇ ႁိမ်းႁွမ်းတူၼ်ႈတီးၶဝ် မႃးၶဝ်ႈၵၢတ်ႇသေ ၵိုၼ်းဢိုၵ်ႉ⁠ဢိုၵ်ႉဝႆႉ။ ၵူၺ်းၵႃႊ ၾၢင်ႁၢင်ႊဝဵင်းလူင် ပီႇလီမႃးယႂ်းယႂ်းလႄႈ ၾိင်ႈဝၼ်းၵၢတ်ႇၵေႃႈ ၶႂ်ႈဝွတ်ႈဝၢႆးႁၢႆမႃးလွႆး⁠လွႆးယဝ်ႉ။ ၵႃႈတီႈဝၢၼ်ႈႁိမ်းႁွမ်းတူၼ်ႈတီးၼၼ်ႉတႄႉ တိုၵ်ႉလႆႈႁၼ် ၾိင်ႈဝၼ်းၵၢတ်ႇယူႇ။\nတီႈထုင်ႉၼွင်ႁၢႆးယႃႈ ဢၼ်မီးၸမ် တူၼ်ႈတီးၼၼ်ႉၵေႃႈ တေလႆႈႁၼ် ၾိင်ႈထုင်းယဵၼ်ႇငႄႈ ဢၢင်းသႃးၶဝ်။ ပွႆးၽြႃးၸၢမ်ၵဝ်ႈတွၼ်ႊ (ၽွင်ႇတေႃႇဢူး) ဢၼ်ၸတ်းႁဵတ်း မိူဝ်ႈလိူၼ်ၵဝ်ႈၵူႊပီႊၼၼ်ႉၵေႃႈ ပဵၼ်ပွႆးလူင်ၶိုၵ်ႉၶၢႆး တႃႇမိူင်းတႆးဢၼ်ၼိူင်ႈယဝ်ႉ။ မူၺ်ႇတေႃႇၵၢတ်ႇၵူႇ ဢၼ်ၸမ်တင်းတူၼ်ႈတီးၼၼ်ႉ ပဵၼ်ၵွင်းမူးသႅမ်း ဢၼ်ၵေႃႇဝႆႉ ၸဵမ်မိူဝ်ႈႁူဝ်ပၢၵ်ႇပီႊသိပ်းႁူၵ်း။ ၼွၵ်ႈသေၼႆႉ မီးထႅင်ႈ ၵွင်းမူးသူၺ်ႇၽုင်းပုၼ်ႉ၊ လွႆမျႃႉၸဵင်း၊ ၽြႃးမုင်ႈမိူင်း၊ ထမ်ႈမုင်ႇတဝႃႉ ၸိူဝ်းၼၼ်ႉၵွၼ်ႇ။\nၵွပ်ႈပိူဝ်ႈ တူၼ်ႈတီးၼႆႉ ပဵၼ်ဝဵင်းငဝ်ႈၸိုင်ႈမိူင်းတႆးလႄႈ မီးလုမ်းလူင်ပွင်ၸိုင်ႈ ၸၼ်ႉၸေႊမိူင်း၊ ငဝ်ႈၸိုင်ႈတိူင်းသိုၵ်းပွတ်းဢွၵ်ႇ၊ ၸၼ်ႉၸွမ်တူၼ်ႈတီး၊ ၵေႃးလဵၵ်ႉပၢႆးႁူႉမေႃ၊ ႁူင်းၼႄယဵၼ်ႇငႄႈမိူင်းတႆး ၸိူဝ်းၼၼ်ႉ။\nပွႆးပီႊမႂ်ႇတႆး တူၼ်ႈတီး[မူၼ်ႉမႄး | မႄးထတ်းငဝ်ႈငႃႇ]\nဝၼ်းထီႈ 21/09/2014 မီးၵၢၼ်ၸတ်းပၢင်ႁပ်ႉတွၼ်ႈ တုင်းၸၢတ်ႈတႆး တီႈႁူင်းႁေႃၵေႃလိၵ်ႈလၢႆးလႄႈ ၾိင်ႈငႄႈတႆး တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း မီးၸုမ်းၼၢင်းယိင်းတႆး၊ ၸုမ်းၵူၼ်းၼုမ်ႇတႆးၸိူဝ်းၼႆႉ ၼုင်ႈသိူဝ်ႈၶူဝ်းတႆး၊ ႁူမ်တင်းႁႆႇၵွင်မွင်း ၼူၵ်ႉတူဝ်းသေ မႃးၶဝ်ႈႁူမ်ႈႁပ်ႉတွၼ်ႈၵိုၼ်းၶွၼ်ႈ ဢမ်ႇယွမ်းမွၵ်ႈ 400-500 ။\nတုင်းၸၢတ်ႈတႆး ဢၼ်ၸတ်းပၢင်ႁပ်ႉတွၼ်ႈ ပွၵ်ႈၵမ်းၼႆႉ ယူႇတီႈပီႈၼွင်ႉတႆးဝဵင်းတူၼ်ႈတီး ၵႂႃႇႁပ်ႉဢဝ်မႃး တီႈဝဵင်း ၵဵင်းတုင် ၸိုင်ႈတႆးပွတ်းဢွၵ်ႇ။ ပဵၼ်တုင်းၸၢတ်ႈတႆး ၽိုၼ်ယႂ်ႇ ဢၼ်ပူၵ်း/တၢင်ႇ တီႈပၢင်ပွႆးပီႊမႂ်ႇတႆး ဝဵင်းၵဵင်းတုင် ဢၼ်ၸတ်းမိူဝ်ႈပီႊတႆး 2107 ပူၼ်ႉမႃး၊ ပဵၼ်ပၢင်ပွႆးပီႊမႂ်ႇတႆး ဢၼ်ၸတ်းယႂ်ႇသုတ်း ၼႂ်းၸိုင်ႈတႆး ပွၵ်ႈၵမ်းတီႈၼိုင်ႈ။ ၵမ်းတီႈသွင် တေၸတ်းတီႈ ဝဵင်းတူၼ်ႈတီး ပွၵ်ႈၵမ်းၼႃႈၼႆႉ။\nပၢင်ပွႆးပီႊမႂ်ႇတႆး ပီႊတႆး 2109 ၼီႈ (ပီႊလပ်းမဵတ်ႉ/လပ်းမူတ်ႉ-ပီႊပႄႉ)ၼႆႉ တေတူၵ်းမႅၼ်ႈဝၼ်းတီႈ 22/11/2014 ။ ပီႊၼႆႉ ငဝ်ႈငုၼ်းၵေႃလိၵ်ႈလၢႆးလႄႈၾိင်ႈငႄႈတႆး ဝဵင်းတူၼ်ႈတီး ဢွၼ်ႁူဝ်သေ ၵေႃလိၵ်ႈလၢႆးလႄႈ ၾိင်ႈငႄႈတႆး ၵူႈၸႄႈဝဵင်း ၼႂ်းၸိုင်ႈတႆးပတ်းပိုၼ်ႉ ႁူမ်ႈၵၼ်ၶိုင်ပွင်ႁဵတ်းသၢင်ႈလႄႈ တေမီးပႃးပၢင်ဢုပ်ႇဢူဝ်း (Seminar) လွင်ႈပိုၼ်းလႄႈ ၽိင်ႈငႄႈလိၵ်ႈလၢႆးၵူၼ်းၶိူဝ်းတႆး မိူၼ်မိူဝ်ႈၸတ်းတီႈၵဵင်းတုင်။\nပၢင်ပွႆးပီႊမႂ်ႇတႆး ဢၼ်ၸတ်းႁဵတ်း တင်ႈတႄႇဝၼ်းထီႈ 18-24/11/2014 ၼၼ်ႉ မိူဝ်ႈၼႆႉဝၼ်းထီႈ 18 ယၢမ်းပွတ်းၼႂ် လႆႈပိုတ်ႇပၢင်ပွႆးတီႈ ဝၢင်းဢဝေႇယႃႇ တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း ယဝ်ႉတူဝ်ႈၵႂႃႇလီငၢမ်း။ တီႈပၢင်ၵႅဝ်ႈ ပိုတ်ႇပၢင်ပွႆးၼႆႉ မီးၸွမ်ၽွင်းလူင်ၸိုင်ႈတႆး ၸဝ်ႈဢွင်ႇမျၢတ်ႈ၊ ႁူဝ်ပဝ်ႈၵေႃႇမတီႇၵေႃပွင်ပဵၼ်ပၢင်ပွႆး ၸၢႆးထုၼ်းမျၢတ်ႈ၊ ႁူဝ်ပဝ်ႈသၽႃးမိူင်းတႆး ၸၢႆးလူင်းသႅင်၊ ၵႅမ်ႁူဝ်ပဝ်ႈ သြႃႇၸၢႆးၶမ်းမၢတ်ႈ၊ ၽွင်းလူင်ၾၢႆႇပႃႇမႆႉလႄႈ ႁိၼ်ႁႄႈ လုင်းၸၢႆးဢၢႆႈပဝ်း၊ သြႃႇၸၢႆးဢွင်ႇထုၼ်း၊ ၶူးၼၢင်းၶိူဝ်းသႅၼ်၊ ၻွၵ်ႇတႂ်ႇၸၢႆးသၢင်ႇၽေႇ ၸိူဝ်းၼႆႉၶိုၼ်ႈႁွတ်ႈၶဝ်ႈႁူမ်ႈ။[5]\nလၢႆးပၵ်းသဝ်းဢွင်ႈတီႈဝဵင်း[မူၼ်ႉမႄး | မႄးထတ်းငဝ်ႈငႃႇ]\nပၢႆးမၢၵ်ႈမီးလႄႈၶူဝ်းၵုၼ်ႇၵႃႉၶၢႆ[မူၼ်ႉမႄး | မႄးထတ်းငဝ်ႈငႃႇ]\nၵၼ်တေႃႉသူင်ႇလႄႈပၢႆးၵပ်းသိုပ်ႇ[မူၼ်ႉမႄး | မႄးထတ်းငဝ်ႈငႃႇ]\nတႃႇတေၵႂႃႇထိုင်လႆႈ တူၼ်ႈတီးၼႆႉ မီးသဵၼ်ႈတၢင်းၵႃးလၢႆ⁠လၢႆၵွၺ်း။ မိူဝ်ႈ 1995 ၼၼ်ႉ သိူဝ်ႇသဵၼ်ႈတၢင်းလႅင်ၾႆး လတ်းၽၢၼ်ႇ တူၼ်ႈတီးၵႂႃႇသေတႃႉ လုၵ်ႉတီႈတူၼ်ႈတီး ဢမ်ႇၸၢင်ႊၶိုၼ်ႈၶီႇလႅင်ၾႆးလႆႈ။ ပေႃးၶႂ်ႈၶီႇလႅင်ၾႆးလႆႈၵႂႃႇၶီႇတီႈ ဝဵင်းသူၺ်ႇၺွင်ႇ ဢၼ်ၵႆတင်းတူၼ်ႈတီး 12 လၵ်းၼၼ်ႉ။ ၶူင်ႇလႅင်ဝိၼ် ဢၼ်ၸမ်သေပိူၼ်ႈၼၼ်ႉ မီးတီႈႁၢႆးဝူဝ်းသေ ၵႆၵၼ် 24 လၵ်း။\nၸၼ်ႉၸွမ်လႄႈၶေႃးလဵၵ်ႉ[မူၼ်ႉမႄး | မႄးထတ်းငဝ်ႈငႃႇ]\nဢွင်ႈလီၶဝ်ႈၸႂ်တီႈၼႂ်းဝဵင်း[မူၼ်ႉမႄး | မႄးထတ်းငဝ်ႈငႃႇ]\nဢွင်ႈလီၶဝ်ႈၸႂ်ႁိမ်းႁွမ်းဝဵင်း[မူၼ်ႉမႄး | မႄးထတ်းငဝ်ႈငႃႇ]\nၾိင်ႈၾႃႉ[မူၼ်ႉမႄး | မႄးထတ်းငဝ်ႈငႃႇ]\n\nတူၼ်ႈတီး\n\nလိူၼ်\nၸၼ်ႇဝႃႇရီႇ\nၾ���ပ်ႇဝႃႇရီႇ\nမၢၶျ်ႉ\nဢေႇပရႄႇ\nမေႇ\nၵျႃၼ်ႇ\nၵျူႇလၢႆႇ\nဢေႃးၵၢသ်ႉ\nသႅပ်ႇထႅမ်ႇပႃႇ\nဢွၵ်ႇထူဝ်ႇပႃႇ\nၼူဝ်ႇဝႅမ်ႇပႃႇ\nတီႇသႅမ်ႇပႃႇ\nပီ\n\nတၢင်ႉမႆႈ ဢၼ်သုင်သုတ်း °C (°F)\n21.9\n(71.4)\n24.1\n(75.4)\n27.2\n(81)\n28.8\n(83.8)\n26.7\n(80.1)\n24.4\n(75.9)\n23.7\n(74.7)\n23.4\n(74.1)\n24.2\n(75.6)\n24.0\n(75.2)\n22.8\n(73)\n20.8\n(69.4)\n24.3\n(76.8)\n\nတၢင်ႉမႆႈ ဢၼ်တႅမ်ႇသုတ်း °C (°F)\n7.4\n(45.3)\n9.1\n(48.4)\n12.6\n(54.7)\n15.8\n(60.4)\n17.1\n(62.8)\n17.3\n(63.1)\n17.0\n(62.6)\n17.1\n(62.8)\n16.7\n(62.1)\n15.9\n(60.6)\n12.2\n(54)\n8.2\n(46.8)\n13.9\n(57.0)\n\nတၢင်ႉၼမ်ႉၽူၼ်ၽတ်ႉၽဵင်ႇ mm (inches)\n5\n(0.2)\n5\n(0.2)\n7\n(0.28)\n51\n(2.01)\n166\n(6.54)\n217\n(8.54)\n230\n(9.06)\n303\n(11.93)\n281\n(11.06)\n200\n(7.87)\n76\n(2.99)\n11\n(0.43)\n1,552\n(61.11)\n\nSource: HKO (1961–1990)[6]\n\nႁွင်ႈၼႄၶႅပ်းႁၢင်ႈ[မူၼ်ႉမႄး | မႄးထတ်းငဝ်ႈငႃႇ]\n\nၽၢင်ယဵမ်ႈ\n\nပွႆးႁူင်းၾႆးမိၼ်\n\nမုင်ႈယဵမ်ႈသႃႇ\n\nပွႆးပွႆႇႁၢင်ႈၵူႈမဵဝ်းမဵဝ်း ၶိုၼ်ႈၾႃႉ\n\nၵွင်းမူးၵၢတ်ႇၵူႇ\n\nၵွင်းမူးသူၺ်ႇၽူင်းပႂိၼ်ႉ\n\nၵျွင်းၽြႃးၶရိတ်ႉယၢၼ်ႇSt. Josephs Cathedral\n\nၵွင်းမူးၸူႇလႃႇမုၼိ ၵၢင်ၶမ်\n\nၽၢင်ယဵမ်ႈ\n\nပွႆးသွၼ်းၼမ်ႉ\n\nၸၼ်ႉၸွမ်ပၢႆးၸၢင်ႈ\n\nၸၼ်ႉၸွမ်ပၢႆးမေႃယႃ\n\nပွႆးႁူင်းၾႆးမိၼ်\n\nပွႆးႁူင်းၾႆးမိၼ်\n\nပွႆးႁူင်းၾႆးမိၼ်\n\nပွႆးႁူင်းၾႆးမိၼ်\n\nတၢင်းလူတ်ႉလဵၼ်းလိုဝ်းလင်\n\nၵျွင်းသဵၵ်ႉ\n\nမုင်ႈယဵမ်ႈသႃႇ\n\nၵျွင်းၽြႃးၶႄ\n\nၵွင်းမူးၸူႇလႃႇမုၼိ\n\nႁူင်းထမ်း\n\nဝေႇလုဝုၼ်ႇ ၵျွင်းတႆး\n\nၸၼ်ႉၸွမ်ပၢႆႈေမႃ"
+  },
+  {
+    "title": "သိုၵ်းတႆးၼင်ႇၵၼ်",
+    "content": "ၸိုဝ်ႈၵႂၢမ်း သိုၵ်းတႆးၼင်ႇၵၼ်\nၽူႈႁွင်ႉၵႂၢမ်း – ယိင်းၼမ်ႉသႅင်လီ\nၽူႈတႅမ်ႈၵႂၢမ်း ၸၢႆးသႅင်ႁၢၼ်(MJ)"
+  },
+  {
+    "title": "လၢဝ်မိူဝ်းယၢဝ်း ၽူႈတႅမ်ႈၵႂၢမ်း ႄလႈ ႁွင်ႉၵႂၢမ်းတႆးပၢၼ်မႂ်ႇ လူႉသဵင်ႈ",
+    "content": "လၢဝ်မိူဝ်းယၢဝ်း ၽူႈတႅမ်ႈၵႂၢမ်း လႄႈ ႁွင်ႉၵႂၢမ်းတႆးပၢၼ်မႂ်ႇ လူႉသဵင်ႈ\n\nမိူဝ်ႈၼႆႉ 18/7/2021 ၼႆႉ ၸၢႆးလၢဝ်မိူင်းယၢဝ်း ၽူႈႁွင်ႉၵႂၢမ်းတႆးပၢၼ်မႂ်လူႉသဵင်ႈၵႂႃႇတီႈဝဵင်းတႃႈၶီႈလဵၵ်း\nမိူင်းတႆးပွတ်းဢွၵ်ႇၶူင်း လႅၼ်လိၼ်တႆးထႆးၼႆယဝ်ႉ။\n\nPhoto – Lao Moung Yao\n\n#ၶၢဝ်ႇၵူႈလွင်ႈၼႂ်းမိူင်းတႆး\n#လၢဝ်မိူင်းယၢဝ်း"
+  },
+  {
+    "title": "ယႃႁေႉၵင်ႈၸိူဝ်ႉမႅင်း ၵူဝ်ႇဝိတ်ႉ Covid-19",
+    "content": "ယႃႁေႉၵင်ႈၸိူဝ်ႉမႅင်း ၵူဝ်ႇဝိတ်ႉ Covid-19\n\nတူမ်ႈၶိုဝ်ႇၵိၼ်ၼမ်ႉမၼ်း\n\nတီႈမႃး – ၶႅၵ်ႇၶူင်းၵၢင် ယွတ်ႈပူႉႁွမ်"
+  },
+  {
+    "title": "မီးၵူၼ်းၸပ်းတၢင်းပဵၼ် COVID-19 (32)ေၵႃႉယဝ်ႉ တီႈဝဵင်းၵေးသီး",
+    "content": "မီးၵူၼ်းၸပ်းတၢင်းပဵၼ် COVID-19 (32)ေၵႃႉယဝ်ႉ တီႈဝဵင်းၵေးသီး\n\nမိူဝ်ႈၼႆႉဝၼ်းထိ 19.07.2021 ထူပ်းၵူၼ်းၸပ်းတၢင်းပဵၼ် COVID-19 (32)ေၵႃႉယဝ်ႉ\nတီႈဝဵင်းၵေးသီး ၸိုင်ႈတႆးပွတ်းၸၢၼ်းၼႆယဝ်ႉ။ ယွၼ်ႉမီးၵူၼ်းၸပ်းတၢင်းပဵၼ်ၼမ်လႄႈ ၸင်ႇလႆႈ ပိၵ်ႉၵၢတ်ႇ��ေ ၼႂ်းဝဵင်းၵေႃႈ\nပေႃးဢမ်ႇမီးလွင်ႈယႂ်ႇၼႆ ႁႂ်ႈသဝ်းယူႇၼႂ်းႁိူၼ်းၽႂ်မၼ်းဝႃႈၼႆ။"
+  },
+  {
+    "title": "မေႃၵႂၢမ်း ၸၢႆးထႅမ်ၶိူဝ်း ၵေးသီး ၸွႆႈထႅမ် ၵူၼ်းတူၵ်းၵိၼ်းၽွင်းတၢင်းပဵၼ် Covid-19 ၽႄႈလၢမ်းၼႂ်းမိူင်းတႆးၼႆယဝ်ႉ",
+    "content": "မေႃၵႂၢမ်း ၸၢႆးထႅမ်ၶိူဝ်း ၵေးသီး ၸွႆႈထႅမ် ၵူၼ်းတူၵ်းၵိၼ်းၽွင်းတၢင်းပဵၼ် Covid-19 ၽႄႈလၢမ်းၼႂ်းမိူင်းတႆးၼႆယဝ်ႉ\n\n19/20.07.2021\n\nမၼ်းၸၢႆးၸုတုမ် –\n1 ၶဝ်ႈတႆး (​​ၵေးသီး )\n2 မၢၵ်ႇၶိူဝ်သူမ်ႈ\n3 ၽၵ်းမီႇ\n4 ယႃႈယႃ\n5 ၼမ်ႉသူမ်ႈ\n6 ၶႆႇၵႆႇ\n7 Mask\n8 ဂိူဝ်\n9 ၽွင်ဝၢၼ်\n10 ၶဝ်ႈမုၼ်းလုၵ်ႈဢွၼ်ႇ ၸၵႂႃႇၸိူဝ်းၼႆႉသေ မႃးတမ်းၸႅၵ်ႇပၼ် ၽူႈတူၵ်းၵိၼ်း\nတီႈၼိူဝ်သဵၼ်ႈတၢင်းမိူင်းၵိုင် ဝဵင်းၵေးသီး ( ဝဵင်းၵႄႇသီႇ ) ၸေႊတွၼ်ႈလွႆလႅမ် မိူင်းတႆးပွတ်းၸၢၼ်း ။\n\nတီႈၼႂ်းၸေႈဝဵင်းၵေးသီးၼႆႉ ယၢမ်းလဵဝ် မီးၵူၼ်းၸပ်းတၢင်းပဵၼ်ၶူဝ်ႊဝိတ်ႇ ( 32 ) ၵေႃႉ ၼႆယဝ်ႉ ။\n\nသင်ဝႃႈ ၽူႈမီးၸႂ်သတ်ႉထႃးၸေႇတၼႃႇ ၶႂ်ႈႁူမ်ႈလူႇၸွမ်းၸႅၵ်ႇၸွမ်းၼႆၸိုင် ၵပ်းသိုပ်ႇမႃးလႆႈတီႈ –\nမေႃၵႂၢမ်း ၸၢႆးထႅမ်ၶိူဝ်း – +95 9 2541 67779 လႆႈယူႇၼႆယဝ်ႈ ။\n\nPhotos – Htam Hkay (Fb)"
+  },
+  {
+    "title": "ငဝ်းလၢႆးတၢင်းပဵၼ် Covid-19 ၸိုင်ႈတႆးပွတ်းၸၢၼ်း ရှမ်းြပည်တောင်ပိုင်း Covid-19 အခြေအနေ",
+    "content": "ငဝ်းလၢႆးတၢင်းပဵၼ် Covid-19 ၸိုင်ႈတႆးပွတ်းၸၢၼ်း ရှမ်းြပည်တောင်ပိုင်း Covid-19 အခြေအနေ\n\n22.7.2021\n\nလၢင်းၶိူဝ်း\nမိူဝ်ႈၼႆႉၸပ်းမႂ်ႇ – 10 ၵေႃႉ\nႁူမ်ႈဢၼ်ၵဝ်ႇ – 50 ၵေႃႉ\n\nမိူင်းၼၢႆး\nဢၼ်ၸႅတ်ႈ RED 62 ၵေႃႉ\nႁူပ်ႉၵူၼ်းၸပ်းတၢင်းပဵၼ် 14 ၵေႃႉ\n\nမွၵ်ႇမႂ်ႇ\nၸႅတ်ႈထတ်း  RDT – 57 ၵေႃႉ\nထူပ်းၵူၼ်းၸပ်းတၢင်းပဵꧣ် – 6 ၵေႃႉ\n\nမိူင်းပၼ်ႇ\nဢမ်ႇထူပ်းၵူၼ်းၸပ်းတၢင်းပဵၼ်မႂ်ႇ\nမီးၵူၼ်းဢၼ်ပဵၼ်သေယူတ်းယႃဝႆႉ – 6 ၵေႃႉ\nယူတ်းယႃႁၢႆ လူင်းႁူင်းယႃ -10 ၵေႃႉ\n\nဒီနေ့ လင်းခေး\n၁၀+ ထွက်\n22.7.2021နေ့ထိလင်းခေး ပိုးတွေ့လူနာ (50)ဦး\n\nမိုးနဲ\n21.7.2021\nRDT စစ် (၆၂)ယောက်\nပိုးတွေ့ (၁၄)ယောက်\n21.7.2021 နေ့ထိ ပိုးတွေ့ လူနာ (၂၆)ဦး\n\nမောက်မယ်\nRDT စစ်ဆေး -(၅၇ ) ဦး\nပိုးတွေ့ ( ၆)ဦး\n22.7.2021 နေ့ထိပိုးတွေ့ လူနာ (၂၃)ဦး\n\nမိုင်းပန်\nဒီနေ့\n7‌ ယောက် စစ် ပိုးတွေ့သူမရှိပါ\nဆေးရုံတွင်ကုသမှုခံယူ (၆)ဦး\nဆေးရုံဆင်းထားတာ (၁၀)ဦး\n22.7.2021 နေ့ထိပိုးတွေ့ လူနာ (၁၆ ) ဦး\n\nCredit – Lko Noon Noon\n\nမိုင်းပန်\n\nလင်းေခး"
+  },
+  {
+    "title": "သူပ်းမီးဢၢႆမဵၼ်",
+    "content": "ငဝ်ႈႁၢၵ်ႈလွင်ႈတၢင်းဢၼ်ႁဵတ်းႁႂ်ႈသူပ်းႁဝ်းၼၼ်ႉမီးဢၢႆမဵၼ်\nငဝ်ႈႁၢၵ်ႈလွင်ႈတၢင်းဢၼ်ႁဵတ်းႁႂ်ႈသူပ်းႁဝ်းမီးဢၢႆမဵၼ်ၼၼ်ႉ ၸၢင်ႈလုၵ်ႉမႃးတီႈၼႂ်းသူပ်းႁဝ်းၵမ��းသိုဝ်ႈ ဢမ်ႇၼၼ် လုၵ်ႉမႃးၸွမ်းတၢင်းပဵၼ်တၢင်ႇဢၼ် မိူၼ်ၼင်ႇ ပႃႈတႂ်ႈၼႆႉ −\nငဝ်ႈႁၢၵ်ႈလွင်ႈတၢင်းဢၼ်ပဵၼ်ဝႆႉၼႂ်းသူပ်းႁဝ်း\n\nၶဵဝ်ႈမႅင်း\nတၢင်းပဵၼ်ႁိူၵ်ႇၵႂ်ႈႁိူၵ်ႇၸဵပ်းလႄႈတၢင်းပဵၼ်ဢၼ်ပဵၼ်ၸွမ်းႁိူၵ်ႇၸွမ်းၶဵဝ်ႈ (Periodontal Disease)\nသူပ်းၸဵပ်း\nၶဵဝ်ႈသွၼ်ႉၵၼ် ဢမ်ႇၼၼ် သႂ်ႇၶိူင်ႈမႄးၶဵဝ်ႈသေဢမ်ႇလႆႈလုမ်းလႃးလွင်ႈမူတ်းသႂ်ၶႅမ်ႉလႅပ်ႈလီ\nသႂ်ႇၶဵဝ်ပွမ်သေဢမ်ႇလႆႈလုမ်းလႃးလွင်ႈမူတ်းသႂ်ၶႅမ်ႉလႅပ်ႈလီ\nဢမ်ႇႁဵတ်းလွင်ႈမူတ်းသႂ်လိၼ်ႉ\nၼမ်ႉလၢႆးၼဝ်ႈမဵၼ် (ပဵၼ်ယွၼ်ႉဢမ်ႇသူႈလၢတ်ႈၵႂၢမ်း၊ ၽွင်းၼွၼ်းယၢမ်းၵၢင်ၶိုၼ်း၊ ဝူၼ်ႉၼမ်၊ ၵိၼ်ၼမ်ႉဢေႇ)\n\nငဝ်ႈႁၢၵ်ႈလွင်ႈတၢင်းဢၼ်ပဵၼ်တၢင်ႇတီႈဢၼ်ဢမ်ႇၸႂ်ႈၼႂ်းသူပ်းႁဝ်း\n\nတၢင်းပဵၼ်ဢၼ်ပဵၼ်ၸွမ်းတၢင်ႇတီႈ မိူၼ်ၼင်ႇ တၢင်းပဵၼ်ၸွမ်းၵူင်လုပ်ႇ − သႆႊၼတ်ႊသ် (Sinus)၊ တၢင်းပဵၼ်ၸွမ်းဢဵၼ်ငဝ်ႈလုပ်ႇၵၢင်း (tonsil)၊ တၢင်းပဵၼ်ယဵဝ်ႈၸဵမ်း၊ တၢင်းပဵၼ်ၸွမ်းပွတ်ႇ၊ တၢင်းပဵၼ်ၶႅၼ်ႊသိူဝ်ႊ (Cancer)၊ လႄႈတၢင်းပဵၼ်ႁူင်းၶဝ်ႈၸဵပ်း ၸႃႉၵႂႃႇၸိူဝ်းၼႆႉယဝ်ႉ။\nၵၢၼ်လုတ်ႇလႅၼ်းယႃႈ\nၵိၼ်ၶဝ်ႈၽၵ်းဢၼ်မီးဢၢႆမဵၼ်ႁႅင်း မိူၼ်ၼင်ႇ ၽၵ်းမီႇႁေႃ၊ ၽၵ်းမီႇလႅင် လႄႈမီႇၵီးဢၼ်မီးသႅဝ်ဢၢႆႁႅင်း ၸႃႉၵႂႃႇၸိူဝ်းၼႆႉ။\n\nလၢႆးႁႄႉၵင်ႈယႃႇႁႂ်ႈပဵၼ်တၢင်းပဵၼ် ဢၢႆသူပ်းမဵၼ်\n\nသီၶဵဝ်ႈႁႂ်ႈမူတ်းသႂ် သင်ဝႃႈသူပ်းမီးဢၢႆမဵၼ်ၼႆ ဝၢႆးၵိၼ်ၶဝ်ႈယဝ်ႉႁႂ်ႈသီၸွမ်းၵူႈပွၵ်ႈ သေႁႂ်ႈၸႂ်ႉမႆတႃႇပွတ်ႈၶဵဝ်ႈၼၼ်ႉၸွမ်း (သင်မီး)။\nယႃႇပေၵိၼ်ၶဝ်ႈၽၵ်းဢၼ်မီးဢၢႆမဵၼ်ႁႅင်း ၵူၺ်းၵႃႈသင်ၵိၼ်ၵႂႃႇယဝ်ႉၸိုင် ႁႂ်ႈၵိၼ်ပၼ်မၢၵ်ႇမႆႉဢၼ်ပွတ်ႈပၼ်ၶဵဝ်ႈႁဝ်းၸွမ်း မိူၼ်ၼင်ႇ မၢၵ်ႇၵႅမ်ႈၶွင်ႇ ဢမ်ႇၼၼ် မၢၵ်ႇၵႃႇ\nသင်ဝႃႈသႂ်ႇၶဵဝ်ႈဢၼ်ပွမ်ဝႆႉၼႆ ဝၢႆးသေၵိၼ်ၶဝ်ႈယဝ်ႉၼႆ ႁႂ်ႈႁဵတ်းလွင်ႈမူတ်းသႂ်ႁႂ်ႈၶႅမ်ႉလႅပ်ႈၸွမ်းၵူႈပွၵ်ႈ လႄႈသင်ဝႃႈထိုင်ၶၢဝ်းၼွၼ်းယဝ်ႉၼႆ ႁႂ်ႈထွတ်ႇၶဵဝ်ႈပွမ်ၼၼ်ႉဢွၵ်ႇဝႆႉ။\nၵိၼ်ၼမ်ႉပၼ် ၼိုင်ႈဝၼ်းလႂ် 8 ၵွၵ်း။\nႁႂ်ႈႁဵတ်းပၼ်လွင်ႈမူတ်းသႂ်လိၼ်ႉၸဝ်ႈၵဝ်ႇ လူၺ်ႈၵၢၼ်မႅပ်ႈလိၼ်ႉဢွၵ်ႇမႃးသေဢဝ်မႆႉသီၶဵဝ်ႈၼၼ်ႉပွတ်ႈပၼ်လွႆးလွႆး ၽွင်းသီလိၼ်ႉၼၼ်ႉယႃႇပေၵၼ်ႈဝႆႉ ၵွပ်ႈမၼ်းၸၢင်ႈႁဵတ်းႁႂ်ႈဢေႃႉႁၢၵ်ႈဢွၵ်ႇမႃး။\n\nလၢႆးယူတ်းယႃ\n\nၵႂႃႇၸူးမေႃယႃသေမေႃယႃၶဝ်တေထၢမ်လွင်ႈပိုၼ်းတၢင်းပဵၼ်ၸဝ်ႈၵဝ်ႇ (မီးတၢင်းပဵၼ်ၵိုၵ်းတူဝ်သင်လၢႆလၢႆ/လၢႆးလုမ်းလႃးသူပ်းလႄႈၶဵဝ်ႈႁဝ်း)\nၸၢမ်းၵူတ်ႇထတ်းတူၺ်းတၢင်းပဵၼ်ၼႂ်းသူပ်းႁဝ်း\nဝၢႆးသေၵူတ်ႇထတ်းယဝ်ႉ မေႃယႃၶဝ်တေယူတ်းယႃပၼ်ၸွမ်းၼင်ႇငဝ်ႈႁၢၵ်ႈတၢင်းပဵၼ်ၼၼ်ႉ။\n\nပိၼ်ႇမႃးတီႈ − https://www.rama.mahidol.ac.th/\nၵေႃႉပိၼ်ႇ − သၢဝ်ၵုၼ်ႁဵင် (23၊07၊2021)\nသွၵ်ႈႁႃၶေႃႈမုၼ်းမိူဝ်ႈ 23 လိူၼ် July ပီ 2021"
+  },
+  {
+    "title": "လၢႆးၵိၼ်ယႃ ၶူမ်သၢမ်လွႆ တႃႇယူတ်းယႃတၢင်းပဵၼ်ၶူဝ်ႊဝိတ်ႊ 19 (COVID-19) – (ဢၼ်ဢမ်ႇပေႃးႁၢဝ်ႈႁႅင်း)",
+    "content": "ယႃ ၶူမ်သၢမ်လွႆၼႆႉ မီးသၢၼ် ဢႅၼ်ႊတရူဝ်ႊၵရႃႊၾူဝ်ႊလႆႊ(တ်) (Andrographolide) ဢၼ်ၸၢင်ႈၸွႆႈၵိုတ်းယင်ႉၵၢၼ်ၽႄႈၸိူဝ်ႉမူင်ႈမႅင်းတၢင်းပဵၼ်ၶူဝ်ႊဝိတ်ႊ 19 ဢၼ်မီးၼႂ်းတူဝ်ၵူၼ်းပဵၼ် (ၸိူဝ်းဢၼ်ဢမ်ႇပဵၼ်ႁၢဝ်ႈႁႅင်း)၊ ၵွပ်ႈၼၼ်လႄႈ ႁဝ်းၸၢင်ႈၸႂ်ႉယႃ ၶူမ်သၢမ်လွႆၼႆႉ ယူတ်းယႃ မိူဝ်ႈတိုၵ်ႉတႄႇပဵၼ်တၢင်းပဵၼ်ၶူဝ်ႊဝိတ်ႊ 19 သေပႆႇပဵၼ်ႁၢဝ်ႈႁႅင်းၵႃႈႁိုဝ်လႆႈ။ ယႃ ၶူမ်သၢမ်လွႆၼႆႉ ဢမ်ႇၸႂ်ႈယႃႁႄႉၵင်ႈတၢင်းပဵၼ်ၶူဝ်ႊဝိတ်ႊလႆႈၶႃႈ၊ လႄႈတႃႇတေၵိၼ်ယႃၶူမ်သၢမ်လွႆတႃႇယူတ်းယႃတၢင်းပဵၼ်ၶူဝ်ႊဝိတ်ႊၼၼ်ႉၵေႃႈမီးလွၵ်းလၢႆးၵိၼ်မၼ်းထႅင်ႈလူးၵွၼ်ႇ ဢမ်ႇၸႂ်ႈဝႃႈ ၶႂ်ႈၵိၼ်ၸိူင်ႉႁိုဝ်ၵေႃႈၵိၼ်လႆႈၶႃႈ။\n\nၶူမ်သၢမ်လွႆ ၼႆႉ ဢမ်ႇၸႂ်ႈတႃႇႁႄႉၵင်ႈတၢင်းပဵၼ်ၶူဝ်ႊဝိတ်ႊ − 19 ၵူၺ်းၵႃႈၸႂ်ႉတႃႇယူတ်းယႃလႆႈၽွင်းပဵၼ်ဝႆႉသေပႆႇႁၢဝ်ႈႁႅင်းၼၼ်ႉ\nယႃၶူမ်သၢမ်လွႆ (ၾႃႉထလၢႆႊၸူၼ်ႊ − ၵႂၢမ်းထႆး) ၼႆႉ ဢမ်ႇၸၢင်ႈၸႂ်ႉၵိၼ်တႃႇႁႄႉၵင်ႈၸိူဝ်ႉမႅင်းတၢင်းပဵၼ်ၶူဝ်ႊဝိတ်ႊ19 လႆႈသေၸိူဝ်ႉသေပိူင်၊ ၵူၺ်းၵႃႈ ႁဝ်းၵိၼ်တႃႇယူတ်းယႃလႆႈ သင်ဝႃႇပဵၼ်တၢင်းပဵၼ်ၶူဝ်ႊဝိတ်ႊ19 သေပႆႇပေႃးႁၢဝ်ႈႁႅင်းၵႃႈႁိုဝ်ၼၼ်ႉ။ မေႃယႃၶဝ်ၸၢင်ႈၸႂ်ႉ ၶူမ်သၢမ်လွႆ ဢၼ်ပဵၼ်ယႃ လွတ်ႇမဵတ်ႉ (capsule) ႁူမ်ႈၵၼ်တင်းၵၢၼ်ယူတ်းယႃဢၼ်ၶိုတ်းၵၢပ်ႈယၢမ်းလဵဝ်လႆႈယူႇၶႃႈ။ ၵၢၼ်ႁႄႉၵင်ႈဢၼ်လီလႄႈၶႅမ်ႉသေပိူၼ်ႈသုတ်းတႄႉ လူဝ်ႇလုမ်းလႃးတူဝ်ႁဝ်းသေ ယူႇႁၢင်ႇၵႆၵၼ်တင်းၵူၼ်းတၢင်ႇၵေႃႉတီႈဢႄႇသုတ်း 6 ထတ်း၊ ဢမ်ႇၸႂ်ႉၶူဝ်းၶွင်ႁူမ်ႈၵၼ်၊ ၵႆႉၵႆႉလၢင်ႉမိုဝ်းလူၺ်ႈၼမ်ႉသပ်ႉပျႃႇ၊ လႄႈလမ်ႇလွင်ႈလိူဝ်ပိူၼ်ႈသုတ်းၼၼ်ႉ ႁႂ်ႈသႂ်ႇဢၼ်တူမ်းသူပ်း ႁူမ်ႈပႃးထႅင်ႈ ၵၢၼ်သမ်းယႃႈယႃႁႄႉၵင်ႈၸိူဝ်ႉမႅင်းဢၼ်ၶႅမ်ႉ (vaccine) ၸႃႉၵႂႃႇၸိူဝ်းၼႆႉယဝ်ႉ။\n\nယွၼ်ႉသင်လႄႈ ၶူမ်သၢမ်လွႆ ၸၢင်ႈၸွႆႈယူတ်းယႃတၢင်းပဵၼ်ၶူဝ်ႊဝိတ်ႊ−19?\nမီးလွင်ႈလဵပ်ႈႁဵၼ်းၶူၼ်ႉႁၼ်ဝႃႈ ၼႂ်းၶူမ်သၢမ်လွႆၼၼ်ႉမၼ်းမီးသၢၼ်ဢၼ်ၼိုင်ႈ ဢၼ်ႁွင်ႉဝႃႈ “ဢႅၼ်ႊတရူဝ်ႊၵရႃႊၾူဝ်ႊလၢႆႊတ် (Andrographolide)” ၼႆၼၼ်ႉယဝ်ႉ။ သၢၼ် “ဢႅၼ်ႊတရူဝ်ႊၵ��ႃႊၾူဝ်ႊလၢႆႊတ် (Andrographolide)” ၼႆႉ ၸၢင်ႈၸွႆႈၵိုတ်းယင်ႉပႅတ်ႈ ၵၢၼ်ၽႄႈတိူၼ်းၸိူဝ်ႉမႅင်းတၢင်းပဵၼ်ၶူဝ်ႊဝိတ်ႊ−19 လႆႈသေ ႁဵတ်းႁႂ်ႈၵူၼ်းပဵၼ်တၢင်းပဵၼ် ၶူဝ်ႊဝိတ်ႊ19 ဢၼ်ဢမ်ႇပေႃးပဵၼ်ႁၢဝ်ႈႁႅင်းၼၼ်ႉၶႅၼ်းမႃး လႄႈႁႄႉၵင်ႈလႆႈတၢင်းပဵၼ်ပွတ်ႇမႅင်း (ၸဵပ်းယဵၼ်း) ။ သၢၼ်ဢၼ်မီးၼႂ်းၶူမ်သၢမ်လွႆၼႆႉ လႃႈလီၵိၼ်ဢမ်ႇလႆႈ၊ လူဝ်ႇလႆႈၵိၼ်ႁႂ်ႈထုၵ်ႇမႅၼ်ႈၸွမ်းၼင်ႇမေႃယႃၶဝ်လၢတ်ႈၼႄတႃႇဝၼ်းလႂ်ဝၼ်းၼၼ်ႉၵူၺ်း တႃႇႁႂ်ႈတၢင်းပဵၼ်ႁဝ်းၼၼ်ႉၸဵဝ်းၶႅၼ်း၊ ၵွပ်ႈဝႃႈ တူဝ်ၶိင်းႁဝ်းႁပ်ႉလႆႈသၢၼ်ဢၼ်မီးၼႂ်း ၶူမ်သၢမ်လွႆ ၼၼ်ႉၵမ်ႈၽွင်ႈၵူၺ်း၊ သင်ဝႃႈၵိၼ်ၼမ်လူၼ်ႉလိူဝ်ၼႆ တေႁဵတ်းႁႂ်ႈမီးလွင်ႈတုမ်ႉတိူဝ်ႉ ပၢႆးယူႇလီႁဝ်းယူႇယဝ်ႉ။\n\nလွၵ်းလၢႆးၵိၼ်ယႃၶူမ်သၢမ်လွႆ\nယႃၶူမ်သၢမ်လွႆၼႆႉ မီးဝႆႉလၢႆမဵဝ်း ပဵၼ်မဵတ်ႉၵေႃႈမီး၊ ပဵၼ်လွတ်ႇပွတ်းဢွၼ်ႇ (ၶႅပ်ႊသုၼ်ႊ−capsule) ၼႆၵေႃႈမီးယူႇယဝ်ႉ။ ႁႂ်ႈၵိၼ်ဝၼ်းလႂ် 180 mg၊ ၼိုင်ႈဝၼ်းႁႂ်ႈၵိၼ်ပၼ် 3−4 ပွၵ်ႈ၊ ၵူၺ်းၵႃႈ ၼႂ်းၼိုင်ႈပၢတ်ႈ (7 ဝၼ်း) ဢမ်ႇလီၵိၼ်ထပ်းၵၼ်ပူၼ်ႉ 5 ဝၼ်း၊ လႄႈ ဢမ်ႇထုၵ်ႇလီၵိၼ်ထပ်းၵၼ်ပူၼ်ႉလိူဝ် 3 လိူၼ်။ တွၼ်ႈတႃႇၵူၼ်းပဵၼ်ဢၼ်ၸႂ်ႉယႃ ၶူမ်သၢမ်လွႆၼၼ်ႉ ႁႂ်ႈႁဵတ်းၸွမ်းၶေႃႈၸီႉၼမ်းၶွင်မေႃယႃၶဝ်လီလီ၊ ဢမ်ႇထုၵ်ႇႁႃသိုဝ်ႉၸွမ်းၼိူဝ်လႅင်း (online) မႃးၵိၼ်ႁင်းၵူၺ်း။ ယွၼ်ႉဝႃႈလၢၼ်ႉၼိူဝ်လႅင်းၵမ်ႈၽွင်ႈၼႆႉဢမ်ႇယုမ်ႇလႆႈ။ လိူဝ်သေၼႆႉ တႃႇၸႂ်ႉယႃႈယႃ ၶူမ်သၢမ်လွႆ ယူတ်းယႃၵူၼ်းပဵၼ်တၢင်းပဵၼ်ၶူဝ်ႊဝိတ်ႊ−19 ၼၼ်ႉ လူဝ်ႇလႆႈဝႆႉသတိၸွမ်းၼင်ႇပႃႈတႂ်ႈၼႆႉ −\n\nယႃၶူမ်သၢမ်လွႆၼႆႉ ဢမ်ႇထုၵ်ႇလီပၼ်ၼၢင်းယိင်းဢၼ်ပႃးတွင်ႉ ဢမ်ႇၼၼ် တိုၵ်ႉလဵင်ႉၼူမ်းလုၵ်ႈလၢင်းယူႇၼၼ်ႉၵိၼ်။\n\nသင်ဝႃႈမီးတၢင်းပဵၼ်ၸိူဝ်ႉမႅင်း ပႅၵ်ႊထီႊရီႊယႃႊ (bacteria) ဢၼ်ႁဵတ်းႁႂ်ႈဢႆ၊ ၶေႃးၸဵပ်း၊ မီးလူမ်းၼၢဝ်၊ ၵတ်းသၼ်ႇ ဢမ်ႇၼၼ် မီးတုမ်ႇၼွင် ၼႆ ဢမ်ႇထုၵ်ႇလီၵိၼ်ယႃ ၶူမ်သၢမ်လွႆ။\nဢမ်ႇထုၵ်ႇလီၵိၼ်ႁူမ်ႈၵၼ်တင်းယႃႈယႃယႃႇႁႂ်ႈလိူတ်ႈတုင်၊ ယႃႁူဝ်ၶႆႈ ဢႅတ်ႊသ်ၽႆႊရိၼ်ႊ (aspirin – acetylsalicylic acid)၊ ယႃလိူတ်ႈသုင်၊ ၶူဝ်ႊၽိတူဝ်ႊၵရဵဝ်ႊလ် (clopidogrel) ၊ လႄႈ ဝႃႊၾႃႊရိၼ်ႊ (warfarin) ၸိူဝ်းၼႆႉ။\nဢမ်ႇထုၵ်ႇလီၵိၼ်ၶၢဝ်းႁိုင်၊ ႁႂ်ႈၵိၼ်ၸွမ်းၼင်ႇၶၢဝ်းယၢမ်းဢၼ်မေႃယႃၶဝ် မၵ်းမၼ်ႈပၼ်ၵူၺ်း၊ ၵွပ်ႈဝႃႈမၼ်းတေႁဵတ်းႁႂ်ႈမိုဝ်းလႄႈၶႃႁဝ်းဢူၼ်ႈသေဢမ်ႇမီးႁႅင်း။\nသင်ဝႃႈၵိၼ်ယဝ်ႉႁဵတ်းႁႂ်ႈမီးလိုၼ်လႄႈၶူမ်းၸွမ်းတူဝ်၊ ထူၺ်ႈၸႂ်ယၢပ်ႇ၊ ၼႃႈလႄႈသူပ်းၵႂ်ႈ ၼႆ ႁႂ်ႈၵိုတ်းပႅတ်ႈၵမ်းလဵဝ် ဢမ်ႇထုၵ်ႇလီသိုပ်ႇၵိၼ်ယႃ ၶူမ်သၢမ်လွႆၵႂႃႇထႅင်ႈ။\nသင်ဝႃႈၵိၼ်မႅၼ်ႈၶၢဝ်းတၢင်း 3 ဝၼ်းယဝ်ႉသေ ပၢႆးယူႇလီဢမ်ႇပႆႇၶႅၼ်းမႃးၼႆ ထုၵ်ႇလီၵႂႃႇၸူးမေႃယႃၶဝ်ၵမ်းလဵဝ်။\n\n“ယွၼ်ႉပိူဝ်ႈဝႃႈ ယႃၶူမ်သၢမ်လွႆၼႆႉ ဢမ်ႇၸၢင်ႈႁႄႉၵင်ႈတၢင်းပဵၼ်ၶူဝ်ႊဝိတ်ႊ−19လလႆႈလႄႈ တႃႇႁႂ်ႈၸဝ်ႈၵဝ်ႇလွတ်ႈၽေးၶဵၼ်တၢင်းပဵၼ်ၶူဝ်ႊဝိတ်ႊ−19 ၼႆႉတႄႉ လူဝ်ႇလႆႈလုမ်းလႃးပၢႆးယူႇလီၸဝ်ႈၵဝ်ႇႁႂ်ႈၶႅမ်ႉလႅပ်ႈသေ သမ်းယႃႈယႃႁႄႉၵင်ႈတၢင်းပဵၼ်ႁႂ်ႈၵုမ်ႇထူၼ်ႈ ၸွမ်းၼင်ႇမေႃယႃၶဝ်မၵ်းမၼ်ႈဝႆႉပၼ်ယူႇယဝ်ႉ။”\n\nပိၼ်ႇတႅမ်ႈ − သၢဝ်ၵုၼ်ႁဵင်\nတီႈမႃး − https://www.petcharavejhospital.com\nမိူဝ်ႈဝၼ်းထီႉ 4/8/2021"
+  },
+  {
+    "title": "ၸဝ်ႈၼႃႈတီႈထႆး တီႉၺွပ်းလႆႈၵူၼ်းလၵ်ႉၶဝ်ႈမိူင်းထႆးၽိတ်းမၢႆမီႈ",
+    "content": "ၸဝ်ႈၼႃႈတီႈထႆး တီႉၺွပ်းလႆႈၵူၼ်းလၵ်ႉၶဝ်ႈမိူင်းထႆးၽိတ်းမၢႆမီႈ\n\nမိူဝ်ႈၼႆႉဝၼ်းထိ 04/10/2021 ၸဝ်ႈၼႃႈတီႈထႆးတိၺွပ်းလႆႈ ၵူၼ်းလၵ်ႉမိူင်းတႆး 15 ၵေႃႉ တီႈမိူင်းၾၢင် ၸႄႈတွၼ်ႈၵဵင်းမႆႇ ၸိုင်ႈထႆး\nၶၢဝ်ႇၵဵင်းမႆႇၼိဝ်း ဢွၵ်ႇၵႂႃႇမိူဝ်ႈၼႆႉၼင်ႇၼႆ။"
+  }
+]
\ No newline at end of file